- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გერმანიის წლის კაცი ლიოვია!
<p>ნომერ პირველი გერმანული სპორტული ჟურნალი "კიკერი" წლის ადამიანს 1990 წლიდან ასახელებს <br> <strong></strong>ნომერ პირველი გერმანული სპორტული ჟურნალი "კიკერი" წლის ადამიანს 1990 წლიდან ასახელებს და წლევანდელი შედეგიდან გამომდინარე, ისე გამოვიდა, რომ ბოლო ოთხი წელია, მწვრთნელები და ფეხბურთელები ამ უაღრესად საპატიო წოდებას მონაცვლეობით იღებენ.</p><p>2011 წლის ადამიანად "კიკერმა" გერმანიის ნაკრების მთავარი მწვრთნელი იოახიმ ლიოვი დაასახელა - "იოგიმ" ბასტიან შვაინშტაიგერი შეცვალა, რომელიც 2010 წლის ადამიანი გახლდათ. მართალია, წელს სანაკრებო დონეზე დიდი ტურნირი არ გამართულა, მაგრამ ბუნდესგუნდმა ევროპის 2012 წლის შესარჩევი ციკლი უდანაკარგოდ ჩაატარა, თუმცა არც ეს ყოფილა მთლად გადამწყვეტი ფაქტორი - მთავარი გერმანიის ნაკრების თამაშის შესანიშნავი და უკვე ყველგან დაფასებული სტილია.</p><p>გერმანიაში ფიქრობდნენ, რომ 2011 წლის ადამიანად აღიარების კარგი შანსი ჰქონდა ქვეყნის მოქმედი ჩემპიონის, დორტმუნდის "ბორუსიას" თავკაც იურგენ კლოპსაც, რომელსაც BVB-ს გაჩემპიონებაში უდიდესი წვლილი მიუძღვის. ექსპერტების აზრით, კლოპმა ამ წოდების მიღება პირველ რიგში იმის გამო ვერ შეძლო, რომ დორტმუნდელებმა ჩემპიონთა ლიგაში ძალიან ცუდად, მეტიც, სამარცხვინოდ იასპარეზეს (ბოლო ადგილი ჯგუფში).</p><p>2011 წელს ლიოვის მთავარი დამსახურება არაერთი ტალანტის აღმოჩენა და გერმანიის ნაკრებში მათი უმტკივნეულო ინტეგრაციაა.</p><p>დღესდღეობით ბუნდესგუნდში უდიდესი კონკურენციაა და რაც მთავარია, იოგის გუნდი უაღრესად მიმზიდველ, შემტევ ფეხბურთს თამაშობს. გერმანიის ნაკრებს დღეს უკვე ყველა აღიარებს, როგორც მსოფლიოში ერთ-ერთ საუკეთესო გუნდს, ევროპის მომავალ ჩემპიონატზე კი ბუნდესნაკრები ესპანეთთან ერთად მთავარ ფავორიტადაა შერაცხული.</p><p>წელს გერმანიის ეროვნულმა გუნდმა ხმაურიანი გამარჯვებები მოიპოვა ბრაზილიისა (3:2) და ჰოლანდიის ნაკრებ გუნდებთან (3:0) - ფაქტია, რომ ეს თამაშები ბუნდესგუნდის ქომაგებს ძალიან დიდხანს ემახსოვრებათ. ჰამბურგში განადგურების შემდეგ, ჰოლანდიელთა მთავარმა მწვრთნელმა ბერტ ვან მარვიიკმა თქვა, კაცი დავბერდი და არ მახსოვს, გერმანიის ნაკრებს ასეთი თვალსასეირო ფეხბურთი ეთამაშოსო.</p><p>ბუნდესგუნდს და მის თავკაცს აქებს ესპანეთის ნაკრების დამრიგებელი ვისენტე დელ ბოსკეც: "იოახიმ ლიოვი არის მწვრთნელი, რომელსაც ჩემი კოლეგებიდან ყველაზე მეტად ვაფასებ. იოგი არა მარტო შესანიშნავი მწვრთნელი, არამედ ბრწყინვალე ადამიანიცაა. გერმანიის ნაკრები კი არის გუნდი, რომლის დამარცხება უფრო და უფრო რთული ხდება."</p><p>სწორედ ამიტომ გაუჩნდა მთელ საფეხბურთო გერმანიას იმის იმედი, რომ ზაფხულში ბუნდესნაკრები 1996 წლის შემდეგ პირველად მოიგებს დიდ ტიტულს და ევროპის ჩემპიონი გახდება. სხვათა შორის, 1995 წელს "კიკერმა" წლის ადამიანად ასევე გერმანიის ნაკრების თავკაცი ბერტი ფოგთსი დაასახელა და 1996 წელს ბუნდესნაკრები სწორედ მისი ხელმძღვანელობით გახდა ევროპის ჩემპიონი. განმეორდება ისტორია? ამას ზაფხულში გავიგებთ...</p><p><strong>ისტორია</p><p></strong>ყველა გამარჯვებული</p><p>კიკერი წლის ადამიანს 1990 წლიდან ასახელებს</p><p>ამ ჯილდოს პირველი მფლობელი ფრანც ბეკენბაუერი გახლდათ, რომლის ხელში გერმანიის ნაკრები იმ წელს იტალიაში მსოფლიოს ჩემპიონი გახდა. სხვათა შორის, "კაიზერ-ფრანცმა" ეს წოდება 2006 წელსაც დაიმსახურა - გერმანიაში გამართული მუნდიალის საორგანიზაციო კომიტეტის თავმჯდომარის რანგში.</p><p>მსოფლიოს ის ჩემპიონატი, რომელიც იტალიელების გამარჯვებით დასრულდა, ორგანიზების თვალსაზრისით მართლაც ერთ-ერთი საუკეთესო იყო ფეხბურთის ისტორიაში. ბეკენბაუერთან ერთად, "წლის ადამიანის" წოდება ორჯერ აქვთ მოპოვებული ფელიქს მაგათს და ოტო რეჰაგელსაც.</p><p><strong></p><p>წელი წლის ადამიანი სტატუსი</strong></p><p>2011 იოახიმ ლიოვი გერმანიის ნაკრების მწვრთნელი</p><p>2010 ბასტიან შვაინშტაიგერი ბაიერნი</p><p>2009 ფელიქს მაგათი მწვრთნელი (ვოლფსბურგი/შალკე)</p><p>2008 ფრანკ რიბერი ბაიერნი</p><p>2007 ივან კლასნიჩი ვერდერი</p><p>2006 ფრანც ბეკენბაუერი მუნდიალის მთავარი ორგანიზატორი</p><p>2005 თომას დოლი ჰამბურგის მწვრთნელი</p><p>2004 თომას შააფი ვერდერის მწვრთნელი</p><p>2003 ფელიქს მაგათი შტუტგარტის მწვრთნელი</p><p>2002 მიხაელ ბალაკი ბაიერნი</p><p>2001 ოლივერ კანი ბაიერნი</p><p>2000 რუდი ფიოლერი მწვრთნელი (ლევერკუზენი, გერმანია)</p><p>1999 ლოთარ მათეუსი ბაიერნი</p><p>1998 ოტო რეჰაგელი კაიზერსლაუტერნის მწვრთნელი</p><p>1997 ოტო რეჰაგელი კაიზერსლაუტერნის მწვრთნელი</p><p>1996 თომას ჰელმერი ბაიერნი</p><p>1995 ბერტი ფოგთსი გერმანიის ნაკრების მწვრთნელი</p><p>1994 ფოლკერ ფინკე ფრაიბურგის მწვრთნელი</p><p>1993 ვინფრიდ შეფერი კარლსრუეს მწვრთნელი</p><p>1992 ერიხ რიბეკი ბაიერნის მწვრთნელი</p><p>1991 კარლ-ჰაინც ფელდკამპი კაიზერსლაუტერნის მწვრთნელი</p><p>1990 ფრანც ბეკენბაუერი გერმანიის ნაკრების მწვრთნელი</p><p><strong>ლიოვის სტატისტიკა</p><p></strong>გერმანიის ნაკრების ყველა მატჩი 2011 წელს</p><p>წელს გერმანიის ნაკრებმა სულ 13 მატჩი ჩაატარა (9 მოგება, 3 ფრე, 1 წაგება). ბუნდესგუნდმა ის ერთადერთი მარცხი ავსტრალიასთან ამხანაგურ შეხვედრაში იწვნია და ფრეებიც ტესტ-მატჩებში ითამაშა (იტალიასთან, პოლონეთთან და უკრაინასთან). ევროპის ჩემპიონატის შესარჩევი ციკლის მატჩებიდან კი ლიოვის ბიჭებმა ყველა მოიგეს.</p><p>9 თებერვალი (ამხანაგური)</p><p><em><strong>გერმანია-იტალია 1:1</strong></em></p><p>გოლები: 1:0 კლოზე (16), 1:1 როსი (81)</p><p>26 მარტი (ევრო 2012, შესარჩევი)</p><p><em><strong>გერმანია-ყაზახეთი 4:0</strong></em></p><p>გოლები: 1:0 კლოზე (3), 2:0 თ. მიულერი (25), 3:0 თ. მიულერი (43), 4:0 კლოზე (88)</p><p>29 მარტი (ამხანაგური)</p><p><em><strong>გერმანია-ავსტრალია 1:2</strong></em></p><p>გოლები: 1:0 გომესი (26), 1:1 კარნი (61), 1:2 უილკშირი (64-პენ)</p><p>29 მაისი (ამხანაგური)</p><p><em><strong>გერმანია-ურუგვაი 2:1</strong></em></p><p>გოლები: 1:0 გომესი (22), 2:0 შიურლე (35), 2:1 გარგანო (48)</p><p>3 ივნისი (ევრო 2012, შესარჩევი)</p><p><em><strong>ავსტრია-გერმანია 1:2</strong></em></p><p>გოლები: 0:1 გომესი (44), 1:1 ა. ფრიდრიხი (50-საკ. კარში), 1:2 გომესი (90)</p><p>7 ივნისი (ევრო 2012, შესარჩევი)</p><p><em><strong>აზერბაიჯანი-გერმანია 1:3</p><p></strong></em>გოლები: 0:1 იოზილი (30), 0:2 გომესი (41), 1:2 ჰუსეინოვი (89), 1:3 შიურლე (93)</p><p>10 აგვისტო (ამხანაგური)</p><p><em><strong>გერმანია-ბრაზილია 3:2</p><p></strong></em>გოლები: 1:0 შვაინშტაიგერი (61-პენ), 2:0 გიოტცე (67), 2:1 რობინიო (71-პენ), 3:1 შიურლე (80), 3:2 ნეიმარი (92)</p><p>2 სექტემბერი (ევრო 2012, შესარჩევი)</p><p><em><strong>გერმანია-ავსტრია 6:2</p><p></strong></em>გოლები:L1:0 კლოზე (8), 2:0 იოზილი (23), 3:0 პოდოლსკი (28), 3:1 არნაუტოვიჩი (42), 4:1 იოზილი (47), 4:2 ჰარნიკი (51), 5:2 შიურლე (84), 6:2 გიოტცე (89)</p><p>6 სექტემბერი (ამხანაგური)</p><p><em><strong>პოლონეთი-გერმანია 2:2</p><p></strong></em>გოლები: 1:0 ლევანდოვსკი (55), 1:1 კროოსი (68-პენ), 2:1 ბლაშჩიკოვსკი (91-პენ), 2:2 კაკაუ (94)</p><p>7 ოქტომბერი (ევრო 2012, შესარჩევი)</p><p><em><strong>თურქეთი-გერმანია 1:3</p><p></strong></em>გოლები: 0:1 გომესი (35), 0:2 თ. მიულერი (66), 1:2 ჰაქან ბალთა (79), 1:3 შვაინშტაიგერი (86-პენ)</p><p>11 ოქტომბერი (ევრო 2012, შესარჩევი)</p><p><em><strong>გერმანია-ბელგია 3:1</p><p></strong></em>გოლები: 1:0 იოზილი (30), 2:0 შიურლე (33), 3:0 გომესი (48), 3:1 ფელაინი (86)</p><p>11 ნოემბერი (ამხანაგური)</p><p><em><strong>უკრაინა-გერმანია 3:3</p><p></strong></em>გოლები: 1:0 იარმოლენკო (28), 2:0 კონოპლიანკა (36), 2:1 კროოსი (38), 3:1 ნაზარენკო (45), 3:2 როლფესი (65), 3:3 თ. მიულერი (77)</p><p>15 ნოემბერი (ამხანაგური)</p><p><em><strong>გერმანია-ჰოლანდია 3:0</p><p></strong></em>გოლები: 1:0 თ. მიულერი (15), 2:0 კლოზე (26), 3:0 იოზილი (66)</p><p><strong>ყოველდღიური სპორტული გაზეთი "ლელო"</strong></p>
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
[VIDEO] კიტეიშვილი დაბრუნდა და "რეინჯერსს" გაუტანა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
[VIDEO] მიქაუტაძემ "იუვენტუსს" გაუტანა - "ვილიარეალმა" და "იუვემ" ქულები გაიყვეს
[VIDEO] თბილისის "დინამოს" ახალგაზრდული გუნდი ჩემპიონთა ლიგის მეორე ეტაპზე გავიდა
[VIDEO] სადებიუტო გოლი ჩემპიონთა ლიგაზე - მიქაუტაძემ "იუვენტუსს" გაუტანა!
ეს მოხდა ბაქოში - "ყარაბაღმა" ისევ გაიმარჯვა და ჩემპიონთა ლიგის ლიდერებშია
ჩემპიონთა ლიგა: მიქაუტაძე სასტარტოშია - ქოჩორაშვილი სათადარიგოა
This Is Anfield: საბედნიეროდ "ლივერპულს" მამარდაშვილის სახით ალისონის მემკვიდრე ჰყავს - რამდენ ხანს იუქმებს ბრაზილიელი?
"რეალთან" 0:5-ის შემდეგ "კაირატის" მეკარე ავტომობილით დააჯილდოეს
ბაჩუკი ჭუმბაძე - ინგლისური გამოცდილებით ნოემბრის ტესტებისთვის
ოსიმენი: "გალათასარაი" მსოფლიოს საუკეთესო გუნდია
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
"იამალთან დაკავშირებით ეს არ მომწონს" - ფლიკი მედიაში გავრცელებულ სტატიებზე
"მილანი" რობერტ ლევანდოვსკის დამატების ვარიანტს განიხილავს
[VIDEO] "ალონსოს ყაზახეთში მოულოდნელი საჩუქარი გაუკეთეს" - რა მოხდა "კაირატთან" მატჩის შემდეგ პრესკონფერენციაზე
"გარიცხეთ რუსეთის ფედერაცია UEFA-დან" - ესტონელებმა მოთხოვნა წამოაყენეს
უზბეკეთის ნაკრებში კაპაძის ნაცვლად "ოქროს ბურთის" მფლობელ მწვრთნელს ნიშნავენ
"მადლობა ჩვენი გუნდის პრეზიდენტს, მის ამ ჟესტს არასდროს დავივიწყებ" - "ბარსელონასთან" მატჩის წინ, ენრიკემ ნასერ ალ-ხელაიფის მიმართ მადლიერება გამოხატა
დღეს - ენრიკე ხვიჩას გარეშე, მიქაუტაძე "იუვენტუსის" წინააღმდეგ