<p><p>20 წლის ანა ტატიშვილი (149) ვერც კი წარმოიდგენთ, ისე ახლოს იყო ამერიკის ღია პირველობის ძირითად ბადეში გასვლასთან, მაგრამ მან ენით აუწერელი რამ ჩაიდინა...</p> <br> <p>20 წლის ანა ტატიშვილი (149) ვერც კი წარმოიდგენთ, ისე ახლოს იყო ამერიკის ღია პირველობის ძირითად ბადეში გასვლასთან, მაგრამ მან ენით აუწერელი რამ ჩაიდინა... თუმცა ფინალურ საკვალიფიკაციო წრეში ქართველისა და მე-13 ნომრად განთესილი ჟუჟანა ონდრაშკოვას (121) მატჩის საკვანძო პერიპეტიებს ჩამოგიწერთ და დასკვნა თავად გამოიტანეთ:</p><p>1. პირველ სეტში ანამ მეტოქეს ზედიზედ ორი მოწოდება აუღო, 3:0 დაწინაურდა და... ეს სეტი 5:7 წააგო.</p><p>2. მეორე სეტში ჩვენებური უკვე 4:0-ს იგებდა, როცა კვლავ დათმო საკუთარი მოწოდება, კიდევ კარგი, ამჯერად ანამ საქმე ბოლომდე მიიყვანა, სეტი 6:2 მოიგო.</p><p>3. გადამწყვეტ სეტში ანა 4:3-ს იგებდა, როცა თავისი მოწოდება ნულზე წააგო!</p><p>4. ისევ ამ სეტში: ანგარიში 6:5-ია ანას სასარგებლოდ, მას მხოლოდ საკუთარი მოწოდების მოგება სჭირდება და ძირითად ბადეშია - ანა ისევ ნულზე აგებს საკუთარ მოწოდებას!</p><p>5. მიმდინარეობს ტაი-ბრეიკი, ანგარიში ისეთია, ქართველს ორი ჩაგდებაღა აშორებს მიზანთან, 5:1-ს იგებს და... გადამწყვეტ მომენტში ანა ზედიზედ 6 გათამაშებას და მასთან ერთად მატჩსაც აგებს. ამას ხომ მოხერხება უნდა!</p><p>არ არსებობს სხვა მიზეზი, ვერანაირი გადაღლით ან სხვა ფაქტორით ასეთ მარცხს ვერ ავხსნით, მით უმეტეს, რომ ადრეც მოქცეულა ჩვენი საუკეთესო ჩოგბურთელი მსგავსად - პრობლემა სპორტსმენის ფსიქოლოგიაშია და ამას დროულად უნდა მიეხედოს. ჩოგბურთელი ყველანაირად მზადაა უფრო მაღალ დონეზე სათამაშოდ, გარდა ფსიქოლოგიური განწყობისა. კარგი იქნება, თუკი ანა ამ ნაკლს სპეციალისტთა დახმარებით დროულად აღმოფხვრის. პოტენციალსაც გამოყენება უნდა, თორემ დრო არ იცდის - ახალგაზრდულ ასპარეზზე მისი ხშირი მეწყვილე, დანიელი ვოზნიაცკი აგერ, მსოფლიოს კორტებს აზანზარებს...</p><p>ერთიცაა, ამერიკის ღია პირველობის ფინალურ საკვალიფიკაციო წრეში ფორტუნა მართლაც უმოწყალოდ მოექცა ჩვენებურს და, ვშიშობთ, ამან დაღი არ დაასვას მის თამაშს. შორს წასვლა არ გვჭირდება, გავიხსენებთ სოფიო შაფათავას ავსტრალიურ ფიასკოს (როცა ჩოგბურთელი გაემგზავრა მწვანე კონტინენტზე, მაგრამ ბადეში ვერ მოხვდა), შაფათავას მთელი სეზონი დასჭირდა ამ სტრესისგან თავის დასაღწევად და კარიერის საუკეთესო ნიშნულს ჯერაც ვერ დაუბრუნდა.</p><p>ონდრაშკოვა-ტატიშვილის მატჩს დავუბრუნდეთ: I სეტი 58 წუთს გაგრძელდა, II - 36 წუთს, ბოლო კი საათსა და 5 წუთს. ტატიშვილმა დაუშვა 9 ორმაგი შეცდომა (4-ის წინააღმდეგ), დანარჩენი ყველა სტატისტიკური მაჩვენებელი ჩვენებურს უკეთესი ჰქონდა, მაგრამ ძირითად ბადეში ჩეხი ითამაშებს...</p> <p><em>ლელო</em></p><p></p></p>
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?
ხვიჩა შეცვლაზე და პსჟ-ს საბრძოლო ფრე "სტრასბურგთან"
"შავი ლომი" | არის რევანში - "ჩიტასი" დამარცხებულია
კანტე ევროპაში ბრუნდება? - ფრანგს სერიოზული მსურველი ჰყავს