სნეიდერი ჯანზეა და დერბისთვის ემზადება

ვესლი სნეიდერმა საბოლოოდ მოიშუშა ტრავმა და გუშინ პირველი სრულფასოვანი ვარჯიში ჩაატარა იტალიური საფეხბურთო სამყარო მილანური დერბის მოლოდინშია და ეს არც არის გასაკვირი, რადგან ამ მართლაც გამორჩეულ დაპირისპირებამდე დღეებია დარჩენილი.ორივე გუნდში დიდი სამზადისია, თუმცა პრესასთან უფრო აქტიურად "ინტერის" წარმომადგენლები ურთიერთობენ. ჯერ გუნდის მთავარ მწვრთნელ კლაუდიო რანიერის გადავცემთ სიტყვას, შემდეგ კი ერთი კარგი ამბავი გვაქვს "ნერაძურის" გულშემატკივრებისთვის:"ბოლო დღებია ქალაქში საოცარი ატმოსფეროა, თითქოს რაღაც შეიცვალა და ზუსტად ვერც ვხვდები რა. ყველა ფეხბურთით ცოცხლობს და ეს განსაკუთრებულ აურას ქმნის. გულშემატკივართა მხარდაჭერას ფეხის ყოველ ნაბიჯზე ვგრძნობთ და დარწმუნებული ვარ, ასეა მეტოქის ბანაკშიც. ერთი სიტყვით, წინ დიდი მატჩი გველის, რომელიც იმედია ჩვენი გამარჯვებით დასრულდება.ფსიქოლოგიური თვალსაზრისით ჩვენ უკეთეს მდგომარეობაში ვართ, რადგან დასაკარგი ბევრი არაფერი გვაქვს - აი "მილანი" კი სასკუდეტო მარათონშია ჩართული, რაც დამატებითი პასუხისმგებლობა და წნეხია. შემადგენლობასა და სტრატეგიაზე დღეს ვერაფერს გეტყვით, თუმცა ის ძალიან მახარებს, რომ ტრავმირებული ფეხბურთელები გვიბრუნდებიან".რანიერი ნაწილობრივ შეეხო იმას, რაზეც ზემოთ დაგპირდით და პრინციპში, სათაურშიც გვაქვს გამოტანილი - საქმე იმაშია, რომ ვესლი სნეიდერმა საბოლოოდ მოიშუშა ტრავმა და გუშინ პირველი სრულფასოვანი ვარჯიში ჩაატარა. ჰოლანდიელი ნახევარმცველი ემოციებს ვერ მალავდა და შთაბეჭდილებები ჟურნალისტებს გაუზიარა:"საკმაო ხანია სრულყოფილად არ მივარჯიშია და თავს უბედნიერესად ვგრძნობ. რაც მთავარია, ტკივილს არ შევუწუხებივარ, რაც იმის მანიშნებელია, რომ ტრავმა ბოლომდე მოშუშებულია. ვითამაშებ თუ არა დერბიში? - ეს მთავარი მწვრთნელის გადასაწყვეტია და ვნახოთ, რას მოიფიქრებს კლაუდიო რანიერი. მე მზად ვარ და თუ ძირითადში დამაყენა, ვეცდები შესაძლებლობები სრულად გამოვავლინო. ტრავმის შიში ნამდვილად არ მაქვს და თუ პირველი ვარჯიშით ვიმსჯელებთ, საკმაოდ კარგ ფორმაში ვარ".მიკრო-ტრავმა ჰქონდა კიდევ ერთ ნახევარმცველ ტიაგო მოტას და "ინტერის" გულშემატკივართა გასახარად, ისიც სრულად განკურნებულია. ანუ, კლაუდიო რანიერის ამ დროისთვის მხოლოდ ორი ფეხბურთელი ჰყავს ლაზარეთში: სალი მუნტარი და ჯონათანი. ერთი სიტყვით, "ნერაძური" ოპტიმალური შემადგენლობით ხვდება მილანურ დერბის, რაც კლუბის პრეზიდენტ მასიმო მორატის ძალიან ახარებს - მისი თქმით, ფავორიტი სწორედ "ინტერია" და ეს კვირის შეხვედრაში დამტკიცდება.ყოველდღიური სპორტული გაზეთი "ლელო"

[VIDEO] კონტე გააძევეს - "ნაპოლი" "ინტერთან" მარცხისგან მაკტომინეიმ დუბლით იხსნა

ზლატან იბრაჰიმოვიჩის შვილი ნიდერლანდების ჩემპიონატში გადადის

[VIDEO] "ნაპოლი" "ვერონასთან" ფრეს დასჯერდა

ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს

ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

ევროპის ჩემპიონატი. საქართველოს ნაკრები ხორვატიასთან დამარცხდა

"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ

[VIDEO] გობერის უხეში ფოლი ვემბანიამაზე — დისკვალიფიკაცია და 200 ათას დოლარზე მეტი ჯარიმა!

[VIDEO] დონჩიჩის სუპერმატჩი საკმარისი არ აღმოჩნდა - "საკრამენტომ" "ლეიკერსი" დაამარცხა

"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა

"ამას გრანდებთან ხომ არ იზამდა?" - "ბარნსლის" მწვრთნელი სობოსლაის საჩუქრით უკმაყოფილო დარჩა

ვერნერი კარიერას ქართველებისთვის კარგად ნაცნობ გუნდში გააგრძელებს

[VIDEO] მამუკელაშვილის 21 წუთი - "ტორონტომ" "ფილადელფია" ზედიზედ მეორედ ვერ დაამარცხა

[VIDEO] ხვიჩას შეცვლა რომ საქმეს შველოდეს - პსჟ თასიდან "პარიზმა" გამოაგდო

[VIDEO] სობოსლაიმ მამარდაშვილს გოლი მოუგონა - "ლივერპულმა" გაიმარჯვა

ლუის ენრიკემ "პარიზთან" მატჩში შემადგენლობა დაასახელა

მამარდაშვილი "ბარნსლისთან" მატჩის სასტარტოშია

"რეალმა" ჩაბი ალონსო გადააყენა და მის ნაცვლად არბელოა დანიშნა

"შავი ლომი" | ფინალი "ძებრესთან" ჯგუფიდან გასასვლელად - შაბათს "მიხეილ მესხზე"

"შავი ლომი" | "მონტობანთან" ისტორიული გამარჯვების შეფასება - ილია მაისურაძე და მიხეილ ბაბუნაშვილი

"დინამო თბილისი" 8 ფეხბურთელს დაემშვიდობა

"არსენალს" რეკორდსმენი აუტების მწვრთნელი ეყოლება