<p>ესპანეთი. ლა ლიგა. XVIII ტურის წინ: ბენზემა იძახის, რომ "ტიტულს", რომლისთვისაც გუნდი გააფთრებული იბრძვის, უდიდესი მნიშვნელობა აქვს <br> დღეს "სამეფო კლუბი" ლიდერის პოზიციის გასამყარებლად ხმელთაშუა ზღვაში "შეცურავს" და ბალეარებს მიადგება - ჟოზე მოურინიოს "რეალი" "მალიორკას" სტუმრობს.</p><p>კაცი, რომელიც ძალიან მაგარ ფორმაშია, იძახის, რომ "ტიტულს", რომლისთვისაც გუნდი გააფთრებული იბრძვის, უდიდესი მნიშვნელობა აქვს. ლაპარაკი ქარიმ ბენზემაზეა, ფრანგი უგოლოდ აღარ ტოვებს მოედანს.</p><p>"ძალიან კარგად ვთამაშობთ, მაგრამ ამის გათვალისწინებითაც კი, "მალიორკასთან" დაძაბული დაპირისპირება გველის. ძალიან უნდა მოვინდომოთ, რომ კუნძულელები დავამარცხოთ. ლიდერები ვართ და თავს შევაკლავთ ყველას, რომ ბოლომდე პირველებად დავრჩეთ. ეს ტიტული ძალზე მნიშვნელოვანია "რეალისთვის".</p><p>მიხარია, რომ კლუბის ისტორიაში ყველაზე მეტი გოლის გამტანი ფრანგი გავხდი, მე ხომ თვით ზინედინ ზიდანს გავასწარი, რომელსაც ძალიან ვაფასებ და ცოცხალ ლეგენდად მიმაჩნია".</p><p>"რეალი" ამ სეზონში ბრწყინვალედ თამაშობს სტუმრად. უკეთ, ვიდრე ნებისმიერი გუნდი ხუთი მოწინავე ჩემპიონატიდან ევროპაში (ესპანეთი, ინგლისი, გერმანია, იტალია, საფრანგეთი). "რეალს" სტუმრად უფრო მეტი ქულა აქვს მოპოვებული, ვიდრე "სანტიაგო ბერნაბეუზე". მართალია, სხვაობა მინიმალურია - 22 21-ის წინააღმდეგ. "რეალმა" სტუმრად 27 გოლი გაიტანა და მხოლოდ 5 გაუშვა. მოკლედ, "ონო-ესტადიზე" ჩემპიონატის ლიდერი აშკარა ფავორიტია.</p><p>მასპინძელთა შემადგენლობაში დაშავებულები არ არიან, თუმცა ხოაკინ კაპაროსს სხვა პრობლემა აქვს - მან შემადგენლობა თასისთვის "გადაათამაშა" და იმ გუნდმა 6:1 მოიგო. ასე რომ, ძნელი სათქმელია დასვამს თუ არა სკამზე ანდალუსიელი სპეციალისტი დებიუტანტ ბელგიელ მარვინ ოგუნჯიმის, ან ებრაელ ტომერ ჰემედს. არადა, ამ უკანასკნელმა თასზე "რეალ სოსიედადის" კარში დუბლი შეასრულა. თუ მაინც ასე მოხდა, სასტარტოს ემილიო ნსუე და ვიქტორ კასადესუსი დაუბრუნდებიან.</p><p>ჟოზე მოურინიოს არ ეყოლება კარგა ხნის წინ დამტვრეული რიკარდო კარვალიო და თასზე დაზარალებული სამი ხედირა, რომელსაც ერთ-თვიანი უქმობა გამოუწერეს. ანხელ დი მარიამ ვარჯიში კი განაახლა, მაგრამ, საეჭვოა, არგენტინელი სასტარტო შემადგენლობაში ვიხილოთ. სხვათა შორის, მცირე ტრავმა ბენზემასაც აქვს, ამიტომ ფრანგი მსუბუქად ვარჯიშობდა.</p><p>ახლა ჩემპიონზეც ვთქვათ - "ბარსელონა" ტურს ასრულებს, კვირას, გვიან საღამოს "კამპ ნოუზე" ხოსეპ გვარდიოლას გუნდი "ბეტისს" მასპინძლობს. შესანიშნავი სარეპეტიციოა სათასო "ელ კლასიკო(ები)ს" წინ! რეპეტიცია რეპეტიციად და, "ბარსას" წაფორხილების უფლება, მგონი, აღარ აქვს. სხვაობა 5 ქულაა და კიდევ უფრო გაზრდა კატალონიელებს ძალიან გაურთულებს ტიტულის დაცვის გეგმებს.</p><p>ეს თამაში განსაკუთრებული იქნება ჩავისთვის, 2011 წლის მსოფლიოს მესამე ფეხბურთელი მეოთხასედ მოირგებს ესპანეთის ჩემპიონატში "ბლაუგრანას". საიუბილეო თარიღი აბსოლუტური რეკორდიცაა. ჩავი შესანიშნავი მაგალითია, კანტერაში გაზრდილი ერთგული ფეხბურთელისა - ჩავიმ გუნდთან ერთად ჯამში 19 ტიტული მოიპოვა.</p><p>ყველაზე ცუდი, რაც მოხდა "ოსასუნასთან" სათასო მატჩში, ახალგაზრდა ანდრეუ ფონტასის ტრავმაა - მან მუხლის მყესები დაიზიანა. უახლოეს დღეებში მას ოპერაციას გაუკეთებენ.</p><p>ჩემპიონს ფაქტობრივად არ დაუსვენია, პამპლონიდან დაბრუნებული გუნდი ეგრევე "სიუტატ ესპორტივაზე" გაემგზავრა სავარჯიშოდ. "ბარსელონას" კარგა ხნით დააკლდა სეიდუ კეიტა, მაგრამ ტრავმა არაფერ შუაშია - ნახევარმცველი აფრიკის ერთა თასზე საასპარეზოდ გაემგზავრა.</p><p>სხვა საინტერესო წყვილებია: "სევილია"-"ესპანიოლი" "სანჩეს პისხუანზე", წაგება მასპინძელთა მწვრთნელ მარსელინოს, შესაძლოა, თანამდებობის დაკარგვად დაუჯდეს. "მესტალია" "ვალენსიასა" და "რეალ სოსიედადს" მასპინძლობს, არც სტუმართა მწვრთნელ ფილიპ მონტანიეს აქვს კარგად საქმეები, მით უფრო, სათასო 1:6-ის შემდეგ.</p><p>დიეგო სიმეონე პირველად გამოიყვანს "ატლეტიკოს" "ვისენტე კალდერონზე" და, ბუნებრივია, გულშემატკივრები "ვილიარეალთან" დაპირისპირებას დიდი ინტერესით ელიან. არც "სან მამესზე" გაიმართება უინტერესო შეხვედრა - "ბილბაო" მეოთხეადგილოსან "ლევანტეს" მასპინძლობს.</p><p><span style="color: #ff0000;"><strong>ესპანეთი. ლა ლიგა. XVIII ტურის</strong></span></p><p><em>დღეს</em></p><p><em><strong>გრანადა-რაიო ვალეკანო 21:00</strong></em></p><p>ტრავმა: პაჩეკო, ბოტელიო (ვალ)</p><p>დისკვალიფიკაცია: ხარა (გრან)</p><p><em><strong>სევილია-ესპანიოლი 21:00</strong></em></p><p>ტრავმა: ნავასი, არმენტეროსი - ალბინი, მარკესი, პანდიანი, მატიონი, კამენი</p><p>დისკვალიფიკაცია: დელ მორალი (სევ)</p><p><em><strong>სარაგოსა-ხეტაფე 21:00</strong></em></p><p>ტრავმა: სილვა, მატეოსი - უსტარი, პედრო ლეონი</p><p>დისკვალიფიკაცია: ლანსარო - ლოპო</p><p><em><strong>მალიორკა-რეალი 23:00</strong></em></p><p>ტრავმა: ლაკრუსი - დი მარია (?), ბენზემა (?), რიკარდო კარვალიო, ხედირა</p><p>დისკვალიფიკაცია: კასერესი (მალ)</p><p><em><strong>ვალენსია-რეალ სოსიედადი 01:00</strong></em></p><p>ტრავმა: მადურო, კანალესი - ბერგარა, ილარამენდი</p><p>დისკვალიფიკაცია: ალბელდა - მარტინესი</p><p><em>ხვალ</em></p><p><em><strong>ატლეტიკო-ვილიარეალი 15:00</strong></em></p><p>ტრავმა: სილვიო, კოშტა - კატალა, მუსაჩიო, მარჩენა, როსი, ვაკასო</p><p>დისკვალიფიკაცია: ასუნსაო (ატლ)</p><p><em><strong>ოსასუნა-რასინგი 19:00</strong></em></p><p>ტრავმა: გარსია, მასუდი, რუბენი, როვერსიო, სოლა, ეჩაიდე - სერანო, ფრანსისი</p><p><em><strong>ბილბაო-ლევანტე 21:00</strong></em></p><p>ტრავმა: ოსიო, კასტილიო, გურპეგი, გაბილონდო, მარტინესი - ხუანლუ, ვალდო (?), დელ ორნო</p><p>დისკვალიფიკაცია: ნანო, ვენტა (ლევ)</p><p><em><strong>სპორტინგი-მალაგა 22:45</strong></em></p><p>ტრავმა: ლეონი, სანგოი - ბაპტიშტა, როსარიო, სტადსგაარდი, ხოაკინი</p><p><em><strong>ბარსელონა-ბეტისი 00:30</strong></em></p><p>ტრავმა: აფელაი, ვილა, ფონტასი - ვადილიო, ამაია</p><p>დისკვალიფიკაცია: პონსიო (ბეტ)</p><p><span style="color: #ff0000;"><strong>სატურნირო ცხრილი</strong></span></p><p>თ მ ფ წ ბ ქ</p><p>1. რეალი 17 14 1 2 61-16 43</p><p>2. ბარსელონა 17 11 5 1 51-9 38</p><p>3. ვალენსია 17 10 4 3 28-18 34</p><p>4. ლევანტე 17 9 3 5 25-19 30</p><p>5. ოსასუნა 17 6 8 3 21-28 26</p><p>6. მალაგა 17 7 4 6 20-22 25</p><p>7. სევილია 17 6 6 5 19-19 24</p><p>8. ესპანიოლი 17 7 3 7 18-21 24</p><p>9. ბილბაო 17 5 8 4 23-19 23</p><p>10. ბეტისი 17 7 1 9 19-22 22</p><p>11. ატლეტიკო 17 5 5 7 23-27 20</p><p>12. ხეტაფე 17 5 5 7 17-23 20</p><p>13. ვალეკანო 17 5 4 8 19-26 19</p><p>14. მალიორკა 17 4 7 6 15-22 19</p><p>15. გრანადა 17 5 4 8 11-21 19</p><p>16. სოსიედადი 17 4 6 7 16-23 18</p><p>17. რასინგი 17 3 8 6 12-21 17</p><p>18. ვილიარეალი 17 3 7 7 15-25 16</p><p>19. სპორტინგი 17 4 3 10 16-29 15</p><p>20. სარაგოსა 17 2 4 11 13-32 10</p><p><span style="color: #ff0000;"><strong>ბომბარდირები</strong></span></p><p>21 - კრიშტიანო რონალდო (რეალი); 17 - ლიონელ მესი (ბარსელონა); 13 - გონსალო იგუაინი (რეალი); 11 - რობერტო სოლდადო (ვალენსია); 10 - ქარიმ ბენზემა (რეალი); 9 - სესკ ფაბრეგასი (ბარსელონა), რადამელ ფალკაო (ატლეტიკო); 7 - დავიდ ბარალი (სპორტინგი), მიჩუ (რაიო ვალეკანო); 6 - არუნა კონე (ლევანტე).</p><p><strong>ყოველდღიური სპორტული გაზეთი "ლელო"</strong></p>
[PHOTO] სიყვარულს რას გაუგებ - ნიკოლმა იამალს "რეალის" ახალწვეულთან უღალატა
ალექსის სანჩესი კარიერას ლა ლიგაში გააგრძელებს
მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია