<p>ხვალ ანა ტატიშვილი ავსტრალიის ღია პირველობის მეორე წრეში დანიელ კაროლინ ვოზნიაცკის დაუპირისპირდება <br> შარშანდელი უიმბლდონის შემდეგ მეორედ <strong>ანა ტატიშვილმა</strong> (83) "დიდი სლემის" ტურნირის ერთი წრე გაიარა. გუშინ მელბურნში ჩვენმა თანამემამულემ პირველ წრეში "უაილდ ქარდით" მიწვეული მასპინძელი <strong>ეშლი ბარტი</strong> (670) დაამარცხა ორ სეტში და ავსტრალიის ღია პირველობის მე-2 წრეში გავიდა.</p><p>თამაში ნომერ 2 კორტზე შედგა, თავიდან უფრო გამოცდილი ქართველის (ანა 21 წლისაა) უპირატესობა აშკარა იყო, მეორე სეტში კი ნორჩმა ავსტრალიელმა (ეშლი 15 წლისაა) გაიბრძოლა - 6:2, 7:6 (4). პირველ სეტს ნახევარი საათიც არ დასჭირვებია, მეორეს კი - თითქმის საათი.</p><p>გაგიკვირდებათ და, ავსტრალიელს 7 ეისი დაუგროვდა, მაშინ, როცა ქართველს ერთიც არ ჩაუგდია. ბარტის ღონიერ მოწოდებებს, ტატიშვილმა ჭკვიანური თამაში დაუპირისპირა და 4-დან 4-ივე ბრეიქ-პოინტი გამოიყენა (5-დან 2 ავსტრალიელმა).</p><p>ანას მეტოქე მსოფლიოს პირველი ჩოგანი დანიელი <strong>კაროლინ ვოზნიაცკია</strong>, რომელიც, ბუნებრივია, ავსტრალიაშიც პირველ ნომრად არის განთესილი. მან ავსტრალიელ <strong>ანასტასია როდიონოვას</strong> (103) მოუგო - 6:2. 6:1.</p><p>ანამ ამ ერთი მოგებით 100 სარეიტინგო ქულა და, შესაბამისად, რეიტინგში შემდგომი წინსვლა დაიბევა და 33 ათასი დოლარი გაინაღდა.</p><p><strong>* * *</p><p></strong>გუშინ გამოქვეყნდა WTA-ის და ATP-ის ახალი რეიტინგ-ლისტები - ანა ტატიშვილი მიუახლოვდა კარიერის საუკეთესო ნიშნულს - 744 ქულით მსოფლიოს 83-ე ჩოგანია (ივლისში 82-ე იყო) და გუშინდელი წარმატების შემდეგ მეტი წინსვლა გარანტირებული აქვს.</p><p>სხვები: 179 (+1) მაკა ჩახნაშვილი - 359 ქულა; 268 (-1) სოფიო შაფათავა - 208; 326 (-1) ოქსანა კალაშნიკოვა - 150; 388 (+1) ეკა გორგოძე - 109; 430 (+1) სოფიო ქვაცაბაია - 89; 468 (-) თათია მიქაძე - 78; 817 (-) ნათია გეგია - 20; 1005 (+1) ანი გოგვაძე - 10; 1206 (+3) მაგდა ოქრუაშვილი - 3. ვაჟები: 1 246 (-) გიორგი ცივაძე - 3 ქულა; 1 340 (-1) ლადო ჩიხლაძე - 2; 1 459 (-1) ალექსანდრე მეტრეველი - 2.</p><p><strong>* * *</p><p></strong>წვრილ-წვრილ ტურნირებზეც ვთქვათ: 21 წლის <strong>თემურ ძაგნიძე</strong>, რომელიც მოჭადრაკე <strong>ნანა ძაგნიძის</strong> ძმაა, ბელეკის (თურქეთი) საერთაშორისო ტურნირის (10 ათასი დოლარი) საკვალიფიკაციო ბადეში გამოდიოდა. მან პირველივე წრეში ბოსნიელ <strong>ისმარ გორჩიჩთან</strong> წააგო - 3:6, 1:6. იქვე, ქალთა შორის კვლავ განთესილი იქნება <strong>სოფიო ქვაცაბაია</strong>, რომელმაც წინა კვირის ტურნირი მოიგო.</p><p><strong>ყოველდღიური სპორტული გაზეთი "ლელო"</strong></p>
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
[VIDEO] მაგიური დუელი ტურინში - სინერმა ალკარასი დაამარცხა
"რაც არ უნდა მოხდეს ტურინში, მე ამ მომენტით უკვე სასწაულად ბედნიერი ვარ" - იანიკ სინერმა წელს მე-8 ტიტული მოიგო
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა
დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს