- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რუსთავის "მეტალურგმა" მეზობლურ პაექრობაში ბოლნისის "სიონს" მოუგო
<p>ორი ქვემოქართლური გუნდის სპარინგ-შეხვედრა რუსთავში მასპინძელთა გამარჯვებით 2:1 დასრულდა <br> ვითომც, არაფერიო და ორი ქვემოქართლური გუნდის გუშინდელ სპარინგ-შეხვედრას ასამდე გულშემატკივარი მაინც ესწრებოდა. თანაც, "მეტალურგი" თუ პირველ საკონტროლო მატჩს ატარებდა, "სიონისთვის" გუშინდელი შეხვედრა მეორე იყო.</p><p>თუმცა, ბოლნისური გუნდი ამით არ კმაყოფილდება: როგორც კლუბის გენერალურმა დირექტორმა <strong>ნუგზარ ლომთაძემ</strong> გვითხრა, 27 იანვრამდე "სიონი" კიდევ სამ საკონტროლო მატჩს ჩაატარებს, შემდეგ კი შეკრებაზე ურეკში გაემგზავრება.</p><p>მოკლედ, ყველა წინაპირობაა შექმნილი იმისთვის, რომ ჩემპიონატის მეორე ეტაპს "სიონი" აშკარად გაძლიერებული (როგორც სპორტული, ასევე - ფინანსური თვალსაზრისით) შეხვდეს. თანაც, ნუ დაგვავიწყდება მნიშვნელოვანი ფაქტორიც: სწორედ "სიონი" უნდა იყოს ის ერთადერთი გუნდი, პირველი ეტაპის დასკვნით ოთხ ტურში არანაირი მოტივაცია რომ არ ექნება.</p><p>სამაგიეროდ, ბოლნისური კლუბი ერთობ მომძლავრებული შეხვდება უმაღლეს ლიგაში დასარჩენ პლეი-ოფს და ამის დასტურად "სიონის" ბოლოდროინდელი ტრანსფერებიც გამოდგება: 31 წლის <strong>დავით ბოლქვაძის</strong>, 32 წლის <strong>რევაზ ქემოკლიძის</strong>, 31 წლის <strong>ოლეგ გველესიანის</strong>, 36 წლის <strong>როინ ონიანისა</strong> და 28 წლის <strong>მინდია ბობღიაშვილის</strong> გამოცდილება ქვემოქართლელებს უთუოდ გამოადგებათ. "მეტალურგის" წინააღმდეგ იასპარეზა კიდევ ერთმა პოტენციურმა ახალწვეულმა: 26 წლის თავდამსხმელმა <strong>ზვიად მეტრეველმა</strong>. აღარაფერს ვამბობთ "სიონის" ძველ-ახალ მწვრთნელზე: <strong>ხვიჩა ქასრაშვილი</strong> ამ სეზონში უკვე მეორედ (საერთოდ კი - მეხუთედ) დაინიშნა ბოლნისური გუნდის თავკაცად.</p><p>მეტოქისგან ბევრად განსხვავებული მიზნები აქვს "მეტალურგს" - <strong>კობა ჟორჟიკაშვილის</strong> გუნდი თასის ნახევარფინალშიც არის გასული და ჩემპიონატის ერთ-ერთ ფავორიტადაც უნდა მივიჩნიოთ. ისიც ფაქტია, რომ რუსთაველების ძირითადი ბირთვი, ფაქტობრივად, არც შეცვლილა და შუახაზში მართლაც ნიჭიერი გამთამაშებლის, 21 წლის <strong>გიორგი თექთურმანიძის</strong> დამატებით გუნდის შეტევითი პოტენციალი საგრძნობლად გაიზრდება. ნურც <strong>სევასტი თოდუას</strong> დავივიწყებთ - 35 წლის გამოცდილ ფეხბურთელს დაცვაში ნებისმიერ პოზიციაზე შეუძლია თამაში.</p><p>თანაც, ნუ გამოვრიცხავთ, რომ "მეტალურგში" კვლავაც გამოჩნდნენ ახალწვეულები, მანამდე კი გუშინდელ სპარინგ-მატჩზეც, იანვრის "კვალობაზე", ერთობ საინტერესოდ რომ წარიმართა. შეხვედრა, რომელსაც <strong>მალხაზ ბეუქლიშვილი</strong> სჯიდა, გუნდებმა ასეთი შემადგენლობით დაიწყეს:</p><p><strong>"მეტალურგი":</strong> ბედიაშვილი - დობროვოლსკი, მახვილაძე, კვარაცხელია, ჯაფარიძე - რაზმაძე, ქავთარაძე - ჭედია, ი. მაისურაძე, გეწაძე - ტატანაშვილი.</p><p><strong>"სიონი":</strong> ბობღიაშვილი - რ. ონიანი, სვანიძე, ქემოკლიძე, ო. გველესიანი - გ. მ. ხიდეშელი, გაბრიჭიძე, კაციტაძე, ლ. ჩხეტიანი - ხურციძე, მეტრეველი.</p><p>მასპინძლები პირველ ტაიმში მეტოქესთან შედარებით ბევრად უფრო შეთამაშებული გუნდის შთაბეჭდილებას ტოვებდნენ და რამდენიმე ხიფათიც შექმნეს "სიონის" კართან. პირველი ეპიზოდი <strong>ლუკა რაზმაძისა</strong> და <strong>გიორგი ჭედიას</strong> ეფექტური კომბინაციის შემდეგ შეიქმნა, მაგრამ "სიონში" მობრუნებულმა <strong>მინდია ბობღიაშვილმა</strong> ჩინებული რეაქციით საკუთარი გუნდი გადაარჩინა.</p><p>ამის შემდეგ <strong>გიორგი ქავთარაძეს</strong> შეეძლო გოლის გატანა, მაგრამ მცირეოდენ არაზუსტად დაარტყა. თუმცა, პირველ ტაიმში გოლი მაინც ვიხილეთ: <strong>რევაზ გეწაძის </strong>"საფირმო" ფლანგურ რეიდს <strong>დიმიტრი ტატანაშვილის</strong> არანაკლებ ჩინებული პასი (ქუსლით) მოჰყვა, რის შემდეგაც გეწაძე "სიონის" მეკარესთან პირისპირ აღმოჩნდა; ბობღიაშვილმა ამ "დუელშიც" გაიმარჯვა, მაგრამ ტატანაშვილი იქვე აღმოჩნდა და საქართველოს ჩემპიონატის ერთ-ერთ საუკეთესო ბომბარდირსაც ახლო მანძილიდან ბურთის ზუსტად დარტყმა არ გასჭირვებია.</p><p>შესვენების შემდეგ ორივე გუნდში არაერთი ცვლილება მოხდა: "მეტალურგის" შემადგენლობაში გამოვიდნენ <strong>ზურაბ ბათიაშვილი, სევასტი თოდუა, გიორგი გავაშელიშვილი, გიორგი თექთურმანიძე, გიორგი ოთარიშვილი, გიორგი სიხარულიძე</strong> (<strong>გიორგი სეთურიძე, გიორგი მიქაბერიძე, ირაკლი მოდებაძე</strong> სხვადასხვა სახის ტრავმის გამო ტოვებდნენ შეხვედრას), ხოლო "სიონში" - <strong>ვლადიმერ ზუხბაია, გიორგი ოქროპირიძე, გიორგი თარგამაძე, არჩილ ალავიძე, ჯაბა უგულავა, საბა ლომია</strong>.</p><p>მასპინძლები მეორე ტაიმშიც ფლობდნენ უპირატესობას, მაგრამ ხან დამაგვირგვინებელ ფაზაში სცოდავდნენ, ხან კიდევ <strong>ვლადიმერ ზუხბაია</strong> თამაშობდა უშეცდომოდ.</p><p>"სიონის" მეკარემ ჯერ <strong>გიორგი თექთურმანიძის</strong> ეფექტური დარტყმა მოიგერია, შემდეგ კი <strong>გიორგი ოთარიშვილს</strong> არ დაანება გოლის გატანა.</p><p>სამაგიეროდ, გოლი საპირისპირო მხარეს გავიდა: <strong>ოლეგ გველესიანისა</strong> და <strong>ჯაბა უგულავას</strong> ეფექტური კომბინაცია მასპინძელთა კარში დანიშნული პენალტით დამთავრდა, რომელიც ზუსტად შეასრულა <strong>ლევან ჩხეტიანმა</strong>.</p><p>თუმცა, მასპინძლებმა მაინც შეძლეს ამ სპარინგ-მატჩის მოგება: შეხვედრის დამთავრებამდე ორიოდე წუთი ეკლდა, "სიონის" მეკარემ და მცველებმა მიუტევებელი შეცდომა რომ დაუშვეს და <strong>ლაშა ჯაფარიძის</strong> აქტიურობის შედეგად <strong>ირაკლი სიხარულიძემ</strong> ბურთი ცარიელ კარში შეაგორა.</p><p>მომდევნო საკონტროლო მატჩში "მეტალურგი" 20 იანვარს გორის "დილას" უმასპინძლებს...</p><p><strong>ყოველდღიური სპორტული გაზეთი "ლელო"</strong></p>
"სჯობდა საერთოდ არაფერი ეთქვა" - კომპანიმ მოურინიო გააკრიტიკა
უარი კერიკს - "რაშფორდს" "მანჩესტერ იუნაიტედში" დაბრუნება არ სურს
"თუ თქვა, ესე იგი ასე იყო, ვინისიუსს ვენდობი" - არბელოამ ბრაზილიელი დაიცვა
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა