- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თრილერი, სკანდალი და ფავორიტების გასეირნება
<p>ჩოგბურთი. ავსტრალიის ღია პირველობა <br> ავსტრალიის ღია პირველობაზე მერვედფინალური ეტაპი დაიწყო, სადაც რიგით მატჩებს იშვიათად ვხედავთ, მაგრამ ამ ეტაპზეც გაგრძელდა ტურნირის პირველი კვირის ტენდენცია - ფავორიტებს კვლავ იოლი გასეირნება გამოუვიდათ.</p><p>ქალების ბადეში ერთადერთი მატჩი, სადაც ნამდვილად დრამატული ბრძოლა გაჩაღდა, შარშანდელი ფინალისტების - ბელგიელი კიმ კლაისტერსისა და ჩინელი ნა ლის დაპირისპირება იყო. მოქმედმა ჩემპიონმა კლაისტერსმა რამდენიმე რთული მომენტი გადაიტანა და პრაქტიკულად წაგებული მატჩი გადაარჩინა.</p><p>პირველი კრიტიკული მომენტი ბელგიელს პირველ სეტში ჰქონდა, როცა ერთ-ერთ ეპიზოდში ფეხი გადაიბრუნა და ექიმის გამოძახება მოუწია. ამ ტრავმამდე თანაბარი თამაში მიდიოდა, შემდეგ კი ჩინელის უპირატესობა გამოიკვეთა და ლიმ სეტი 6:4 მოიგო.</p><p>მუდმივად ერთი ნაბიჯით იყო წინ ნა ლი მეორე სეტში, მაგრამ კლაისტერსმა მოახერხა პარტიის ტაი-ბრეიკზე გადაყვანა, სადაც ნამდვილი სასწაული მოახდინა, როცა ოთხი მატჩბოლი მოიგერია და შემოკლებული გეიმში გამარჯვება გამოსტაცა მეტოქეს - 8:6.</p><p>მესამე პარტიაში კლაისტერსმა თავიდანვე მოიპოვა ბრეიკი და 2:0 დაწინაურდა. მესამე გეიმში კიდევ ერთმა ბრეიკმა პრაქტიკულად გადაწყვიტა მატჩის ბედი. მართალია, 1:5-დან ლიმ მინიმუმამდე დაიყვანა ჩამორჩენა, მაგრამ მეორე ბრეიკის დაბრუნება ვერ შეძლო და 4:6 დამარცხდა.</p><p>შეხვედრა 2 საათსა და 23 წუთს გაგრძელდა. ორივე ჩოგბურთელმა ხუთ-ხუთი ბრეიკი, ოთხ-ოთხი ეისი და ექვს-ექვსი ორმაგი შეცდომა დააგროვა. "ვინერსების" რაოდენობით კი დიდი უპირატესობა ჩინელს ჰქონდა - 39:20.</p><p>დანარჩენ სამ მატჩში ბრძოლა არ ყოფილა. ვიქტორია აზარენკამ საათსა და 17 წუთში თითო სეტში ორი ბრეიკი გააკეთა ჩეხ ივეტა ბენეშოვას წინააღმდეგ და 6:2, 6:2 გაიმარჯვა. ბელარუსის მეტოქე კიდევ უფრო ხანმოკლე შეხვედრაში გაირკვა. 54 წუთი დასჭირდა პოლონელ აგნიეშკა რადვანსკას გერმანელი იულია გორგესის დასამარცხებლად. პოლონელმა ექვსი ბრეიკი გააკეთა, თავად ერთხელ წააგო საკუთარი მოწოდება და 6:1, 6:1 მოიგო.</p><p>დღის ბოლოს ირკვეოდა მეოთხედფინალში კიმ კლაისტერსის მეტოქე. კაროლინ ვოზნიაცკისა და ელენა იანკოვიჩის შეხვედრა დაახლოებით ჰგავდა მატჩს, რომელიც დანიელმა ჩოგბურთელმა მეორე წრეში ჩაატარა ქართველი ანა ტატიშვილის წინააღმდეგ. პირველი სეტი ვოზნიაცკიმ 6:0 მოიგო და მეორეში კი მაყურებელმა დაძაბული ბრძოლა იხილა. თუმცა აქაც შეეძლო დანიელს იოლი გამარჯვება, მაგრამ მეტოქეს 1:4-დან ანგარიშის გათანაბრების საშუალება მისცა. ანგარიში 5:5 გახდა, თუმცა მანამდე სერბს ერთი მატჩბოლის მოგერიება მოუწია. ნერვული დასასრული უკეთ ვოზნიაცკის გამოუვიდა, რომელმაც ზედიზედ ორი გეიმი მოიგო და მეორე სეტში 7:5 გაიმარჯვა.</p><p><strong>* * *</p><p></strong>პრაქტიკულად ანალოგიური სიტუაცია იყო მამაკაცების მერვედფინალებში. სამზე მეტი სეტი ჩეხი ტომაშ ბერდიხისა და ესპანელი ნიკოლას ალმაგროს შეხვედრაში გათამაშდა. პირველ სეტში ალმაგრომ ერთი ბრეიკის წყალობით გაიმარჯვა - 6:4. შემდეგ სამ სეტში კი სამი ტაი-ბრეიკი გათამაშდა და სამივეში პირველობა ბერდიხს დარჩა. ამასთან, ყოველ შემოკლებულ გეიმში ესპანელი თამაშს უკლებდა - მეორეში 5 ქულა აიღო, მესამეში - სამი და მეოთხეში ორი.</p><p>თამაში 3 საათი და 54 წუთი გაგრძელდა და ამ დროის განმავლობაში ჩეხმა 28 ეისი ჩააწოდა. მატჩი სკანდალით დასრულდა. თამაშის დასრულების შემდეგ ბერდიხმა ხელი არ ჩამოართვა მეტოქეს და ეს იმით ახსნა, რომ ერთ-ერთი გათამაშების დროს ალმაგრომ სპეციალურად გაარტყა ბურთი, არადა, კორტი პრაქტიკულად ცარიელი იყო.</p><p>"ვფიქრობ, ვისაც ჩოგბურთი უთამაშია, შესანიშნავად იცის, რომ კორტი საკმარისად დიდია და ყოველთვის მოიძებნება თავისუფალი ადგილი, სადაც შეიძლება ბურთი გაგზავნო. მან კი სამი-ოთხი მეტრიდან პირდაპირ სახეში დამიმიზნა. გამიმართლა, რომ აცილება შევძელი, თუმცა ბურთი ხელში მაინც მომხვდა. ეს ჩოგბურთი არ არის", - განაცხადა ბერდიხმა, რომელიც მაყურებელმა სტვენით გააცილა კორტიდან.</p><p>ბერდიხის მეტოქე რაფაელ ნადალისა და ფელისიანო ლოპესის შეხვედრაში ირკვეოდა. ტრადიციული მოწინააღმდეგეების მორიგი შეხვედრა ტრადიციული შედეგით დასრულდა - ნადალმა 2 საათსა და 25 წუთში გაიმარჯვა - 6:4, 6:4, 6:2. ლოპესმა მხოლოდ მეორე სეტში შეძლო ერთადერთი ბრეიკის აღება, მაგრამ თავად ორჯერ დათმო საკუთარი მოწოდება. დანარჩენ ორ სეტში რაფამ კიდევ სამჯერ აიღო მეტოქის მოწოდება და იოლად გავიდა მეოთხედფინალში.</p><p>გუშინვე დაკომპლექტდა სუპერწყვილი. სავარაუდოდ, მეოთხედფინალში როჯერ ფედერერისა და ხუან მარტინ დელ პოტროს დაპირისპირება ცენტრალური იქნება. მერვედფინალში შვეიცარიელმა და არგენტინელმა თითქმის ერთნაირი ანგარიშით მოიგეს საკუთარი მატჩები. ავსტრალიური პუბლიკისთვის სამწუხაროდ, 19 წლის ბერნარდ ტომიჩს ჯერ ბევრი უკლია როჯერის დონემდე. ფედერერმა ნამდვილი საჩოგბურთო გაკვეთილი ჩაუტარა ავსტრალიელ ვუნდერკინდს და პრაქტიკულად ყველა სათამაშო კომპონენტში დაჯაბნა მეტოქე. ტომიჩს არ წაუვიდა მოწოდება - არც ერთი ეისი არ ჩაუწოდებია (ფედერერს 12 ეისი ჰქონდა) და ექვსჯერ წააგო საკუთარი გეიმი - 4:6, 2:6, 2:6. როჯერმა საათსა და 44 წუთში მოამთავრა საქმე.</p><p>რაც შეეხება დელ პოტროს, მან ერთი გეიმით ნაკლები, მაგრამ 22 წუთით მეტი მოანდომა გერმანელი ფილიპ კოლშრაიბერის დამარცხებას - 6:4, 6:2, 6:1. ეს ჩოგბურთელები მეექვსედ ხვდებოდნენ ერთმანეთს და არგენტინელმა მეხუთედ დაამარცხა გერმანელი.</p><p><span style="color: #ff0000;"><strong>კაცები</p><p></strong></span><strong>1/16 ფინალი</p><p></strong>ნოვაკ ჯოკოვიჩი (სერ, 1)-ნიკოლა მაუ (საფ) 6:0, 6:1, 6:1; ლეიტონ ჰიუიტი (ავსტრა)-მილოშ რაონიჩი (კან, 23) 4:6, 6:3, 7:6(5), 6:3; რიშარ გასკე (საფ, 17)-იანკო ტიპსარევიჩი (სერ, 9) 6:3, 6:3, 6:1; დავიდ ფერერი (ესპ, 5)-ხუან-იგნასიო ჩელა (არგ, 27) 7:5, 6:2, 6:1; ენდი მიურეი (ბრიტ, 4)-მიკაელ ლოდრა (საფ) 6:4, 6:2, 6:0; მიხაილ კუკუშკინი (ყაზ)-გაელ მონფილსი (საფ, 14) 6:2, 7:5, 5:7, 1:6, 6:4; კეი ნიშიკორი (იაპ, 24)-ჟულიან ბენეტო (საფ) 4:6, 7:6(3), 7:6(4), 6:3; ჟო-ვილფრიდ ცონგა (საფ, 6)-ფრედერიკო ჟილი (პორ) 6:2, 6:2, 6:2.</p><p><strong>1/8 ფინალი</p><p></strong>ხუან მარტინ დელ პოტრო (არგ, 11)-ფილიპ კოლშრაიბერი (გერ) 6:4, 6:2, 6:1; როჯერ ფედერერი (შვეიც, 3)-ბერნარდ ტომიჩი (ავსტრა) 6:4, 6:2, 6:2; ტომაშ ბერდიხი (ჩეხ, 7)-ნიკოლას ალმაგრო (ესპ, 10) 4:6, 7:6(5), 7:6(3), 7:6(2); რაფაელ ნადალი (ესპ, 2)-ფელისიანო ლოპესი (ესპ, 18) 6:4, 6:4, 6:2.</p><p><strong></p><p></strong><span style="color: #ff0000;"><strong>ქალები</strong></p><p></span><strong>1/16 ფინალი</p><p></strong>ეკატერინა მაკაროვა (რუს)-ვერა ზვონარევა (რუს, 7) 7:6(7), 6:1; სერენა უილიამსი (აშშ, 12)-გრეტა არნი (უნგ) 6:1, 6:1; საბინ ლისიცკი (გერ, 14)-სვეტლანა კუზნეცოვა (რუს, 18) 2:6, 6:4, 6:2; მარია შარაპოვა (რუს, 4)-ანჟელიკ კერბერი (გერ, 30) 6:1, 6:2; სარა ერანი (იტა)-სორანა კირსტეა (რუმ) 6:7(6), 6:0, 6:2; ჟიე ჟენგი (ჩინ)-მარიონ ბარტოლი (საფ, 9) 6:3, 6:3; ანა ივანოვიჩი (სერ, 21)-ვანია კინგი (აშშ) 6:3, 6:4; პეტრა კვიტოვა (ჩეხ, 2)-მარია კირილენკო (რუს, 27) 6:0, 1:0.</p><p><strong>1/8 ფინალი</p><p></strong>კაროლინ ვოზნიაცკი (დან, 1)-ელენა იანკოვიჩი (სერ, 13) 6:0. 7:5; კიმ კლაისტერსი (ბელ, 11)-ნა ლი (ჩინ, 5) 4:6, 7:6(6), 6:4; ვიქტორა აზარენკა (ბლრ, 3)-ივეტა ბენეშოვა (ჩეხ) 6:2, 6:2; აგნიეშკა რადვანსკა (პოლ, 8)-ჯულია გორგესი (გერ, 22) 6:1, 6:1.</p><p><strong>ყოველდღიური სპორტული გაზეთი "ლელო"</strong></p>
"შავი ლომი" ირლანდიაში 0:52 დამარცხდა
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
[VIDEO] მაგიური დუელი ტურინში - სინერმა ალკარასი დაამარცხა
ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა
იმედები ვერ გაამართლა - "ატლეტიკო" სორლოტის გაყიდვას ეცდება
დეკემბერში პსჟ-ს საუკეთესო ფეხბურთელად საფონოვი დაასახელეს
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
ფუტსალი | საქართველოს ნაკრები სომხეთთან დამარცხდა
"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია
"ბარსელონა" ბოლო წამებზე დამარცხდა - თორნიკეს ისევ არ უთამაშია
"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
ხელფასის შემცირებაზე თანახმაა - ლევანდოვსკის მომდევნო სეზონშიც "ბარსელონაში" თამაში სურს
კარგი ამბავი - ბათუმის "დინამოს" ახალი მფლობელი ჰყავს
უარი "ჩელსის, "ლივერპულსა" და "მანჩესტერ იუნაიტედს" - სემენიომ არჩევანი სხვა ინგლისურ გრანდზე შეაჩერა
[VIDEO] ახალწვეული კუპერ ფლეგისა და ენტონი დევისის ბრწყინვალე მატჩი - "დალასმა" ნიკოლა იოკიჩის "დენვერი" დაამარცხა
[VIDEO] მამუკელაშვილის 4 სამქულიანი და კარგი მატჩი - სანდრომ "ტორონტოს" ძირითად შემადგენლობაში ითამაშა
საზონოვს მალე, ალბათ, "ტორინოს" დატოვება მოუწევს
დასაევი: საფონოვი რა, ასეთი დიადია?
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
სპორტის სამინისტრომ 2025 წლის საუკეთესო სპორტსმენები დაასახელა
პსჟ-ს ტრავმის გამო შემტევი გამოაკლდა