<p>ქართველი ცენტრის "ატლანტამ" "ფილადელფიასთან" მარცხის შემდეგ რეაბილიტაცია "კლივლენდთან" მოახდინა <br> "ატლანტა ჰოქსისა" და "კლივლენდ კავალიერსის" მატჩის მიმოხილვაში ხაზგასმით ეწერა: ზაზა ფაჩულიამ სეზონის ორი პირადი რეკორდი დაამყარა - 13 ქულა და 4 პასი შეასრულაო. იგი გაცილებით უკეთეს სტატისტიკას ჩაიწერდა, მეოთხე პერიოდში მწვრთნელს მეტი დრო რომ მიეცა. თუმცა მთავარია, რომ ქართველის დახმარებით "ატლანტამ" მორიგი ეფექტური გამარჯვება მიითვალა - სტუმრები 121:94 დაამარცხა.</p><p>წინა დღეს ჯორჯიელები "ფილადელფიას" გასვლაზე ეთამაშნენ. რამდენადაც კარგად გაისარჯა გუნდი (და ფაჩულია) "კლივლენდთან", იმდენად ცუდად გამოიყურებოდა "ფილადელფიასთან" - 76:90.</p><p><strong>* * *</p><p></strong>"ატლანტას" გასვლითი მატჩის ჩატარება ზედიზედ ოთხი საშინაო შეხვედრის (ოთხივე მოიგო) შემდეგ მოუწია. მეტოქედ თანაბარი ძალის "ფილადელფია" ჰყავდა.</p><p>პირველი ტაიმის 47:39 მოგების შემდეგ "ჰოქსის" შეტევა მოიშალა, არც დაცვაში გამოვიდა რამე და მესამე პერიოდი "ფილადელფიამ" 25:10 მოიგო.</p><p>15-18 ქულიანი ჩამორჩენის აღმოფხვრას კი "ატლანტა" ყოველთვის ვერ შეძლებს. ასე რომ, "ქორები" ფილადელფიიდან წაგებულები დაბრუნდნენ.</p><p>საყურადღებოა, რომ მასპინძლებმა მოხსნებში 51:32 იმარჯვეს.</p><p><em><strong>ფილადელფია-ატლანტა 90:76</p><p></strong></em>ზაზა ფაჩულია: 20 წუთი, 5 ქულა (3-დან 2 ორქულიანი), 3 მოხსნა, 2 პასი, 4 ფოლი, 2 შეცდომა.</p><p><strong></p><p>* * *</strong></p><p>სტუმრად წაგების შემდეგ ჯორჯიელებს საკუთარი გულშემატკივრის წინაშე რეაბილიტაციის კარგი შანსი მიეცათ - მათი მეტოქე "კლივლენდი" (6 მოგება 9 მარცხი) იყო.</p><p>- პირველიდან ბოლო წუთამდე შეტევაში ყველაფერი ისე გამოგვივიდა, როგორც გვსურდა. მნიშვნელოვანი იყო მესამე პერიოდის კარგად დაწყება. ესეც შევძელით და საფინალო ანგარიში სრულად ასახავს ძალთა თანაფარდობას, - აღნიშნა ნამატჩევს "ატლანტას" თავკაცმა <strong>ლარი დრიუმ</strong>.</p><p>ახლა ზაზა ფაჩულიაზე. მან მატჩი სასტარტო ხუთეულში დაიწყო და თავიდანვე აქტიურად ამოქმედდა. ანდერსონ ვარეჟაომ ვერაფრით შეძლო სამწამიანი ზონიდან ფაჩულიას განდევნა. 27 წლის ქართველი კი არც პასებს აგვიანებდა და შესაფერის დროს მეტოქის კალათსაც შედეგიანად უტევდა.</p><p>იგი მოედანზე მეორე პერიოდის მესამე წუთზე დაბრუნდა და მესამე მეოთხედის მერვე წუთამდე ითამაშა. სწორედ ამ მონაკვეთში გაზარდა "ატლანტამ" სხვაობა 7-დან 24 ქულამდე (83:59).</p><p>აშკარაა, რომ ზაზა კარგ ფორმაშია, მოედანზე წონის კვალობაზე (125 კგ) მსუბუქად მოძრაობდა. ერთ ეპიზოდში ელვის სისწრაფით გადაკვეთა მეტოქის ნახევარი და ეფექტურადაც ჩატენა. ამ მომენტის შემდეგ ტელეარხ "ფოქსსპორტის" კომენტატორებმა ფაჩულიას მისამართით კომპლიმენტები არ დაიშურეს: სეზონში მესამედ სასტარტო ხუთეულში გამოსვლამ ზაზაზე კარგად იმოქმედა, თამაშში ენერგიულად ჩაერთო და გარდა იმისა, რომ ფარქვეშ დომინირებს, სწრაფი შეტევისასაც გამთამაშებლის სისწრაფით მოქმედებსო. მოკლედ, ვინც ზაზას თამაშის სანახავად ჩემსავით ღამე გატეხა, ნამდვილად არ ინანებდა.</p><p>მატჩის მსვლელობისას ორი კალათბურთელის თამაშის მომენტები არაერთხელ დაატრიალეს. ერთი ფაჩულია იყო, მეორე ჯო ჯონსონი, რომელიც თითქოს სანადიროდ ყოფილიყო, ტყვიას ტყვიაში არტყამდა. მის ანგარიშზე 25 ქულაა. მატჩის ოქმში ცალკე გრაფაში იწერება ამა თუ იმ კალათბურთელის მოედანზე ყოფნის დროს მისმა გუნდმა რა სხვაობით მოიგო (ან წააგო). სწორედ ზაზასა და ჯოს ჰქონდათ ყველაზე მაღალი მაჩვენებელი +27.</p><p><em><strong>ატლანტა-კლივლენდი 121:94</p><p></strong></em>ზაზა ფაჩულია: 29 წუთი, 13 ქულა (7-დან 6 ორქულიანი, 2-დან 1 საჯარიმო), 6 მოხსნა, 4 პასი, 2 ჩაჭრა, 2 ფოლი, 2 შეცდომა.</p>
gacaocaria
ზაზას ნებისმიერი წარმატება სულითა და გულით გამიხარდება. მე უბრალოდ მინდა გკითხოთ 121-13 რამდენი იქნება?
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
მამუკელაშვილმა "ტორონტო რეპტორზთან" ორწლიანი კონტრაქტი გააფორმა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ