<p>საფრანგეთი. ლიგა 1. XXI ტურის წინ: პსჟ-ს “სტად ფრანსის ლე ბლეზე” ბოლო ექვსი შეხვედრიდან არც ერთი არ მოუგია <br> იანვარში “პარი სენ-ჟერმენის” მთავარ მწვრთნელად კარლო ანჩელოტის დანიშვნის შემდეგ პარიზული გუნდი მხოლოდ იგებს. საფრანგეთის თასის ორი ეტაპის გავლის გარდა მისმა შეგირდებმა მე-20 ტურის შეხვედრაშიც იმარჯვეს, თანაც ლიგა 1-ში არცთუ ყველაზე სუსტ “ტულუზთან”.</p><p>ამჯერად დედაქალაქელებს “ბრესტთან” სტუმრად თამაში უწევთ, გუნდთან, რომელიც წელს უფრო მეტად ფრეებით გამოირჩევა, მაგრამ ისიც სათქმელია, რომ ჯერ შინ თამაში არ წაუგია. მის ანგარიშზეა 10 თამაში, 4 მოგება და 6 ფრე. საშინაო შეხვედრებში დაუმარცხებელი გუნდი ლიგას კიდევ ერთი ჰყავს - “რენი”.</p><p>პსჟ-ს “სტად ფრანსის ლე ბლეზე” ბოლო ექვსი შეხვედრიდან არც ერთი არ მოუგია, რაც არ შეიძლება გუნდს ფსიქოლოგიურ ტვირთად არ აწვეს. თუმცა ჩემპიონატის ლიდერებს წარუმატებელი სერიების შეწყვეტა წელს არ ესწავლებათ. მათ მიმდინარე სეზონამდე კორსიკაზე “აიაჩოსთან” ისტორიაში არ ჰქონდათ მოგებული, მაგრამ კევინ გამეიროს ჰეთთრიკის წყალობით 3:1 გაიმარჯვეს.</p><p>ერთი სიტყვით, ამ გუნდისთვის შიდა ასპარეზზე წელს შეუსრულებელი მისია არ არსებობს.</p><p>“მიმდინარე სეზონში მათ სახლში თამაში არ წაუგიათ, ასე რომ, გვესმის, რას უნდა ველოდოთ მათგან. ჩვენ ისეთ გუნდთან გვიწევს შეხვედრა, რომლის გატეხა ძალიან ძნელია, რომელიც შეეცდება აქეთ გამოგვიჭიროს. აუცილებელია, რომ ბურთს სათანადოდ გავუფრთხილდეთ, დავიცვათ ბალანსი და ჩვენი შანსები მაქსიმალურად გამოვიყენოთ,” - აცხადებს 24 წლის ნახევარმცველი კლემან შანტომი.</p><p>მიმდინარე სეზონში პარიზელებმა გასვლაზე ერთადერთი მატჩი წააგეს, ისიც ყველაზე პრინციპულ მეტოქე “მარსელთან” (3:0). ამ შედეგით ისინი საუკეთესოები არიან მთელ ლიგაში. მათსავით 18 ქულა სტუმრად მხოლოდ “რენს” აქვს მოპოვებული. “ველოდრომის” კატასტროფის შემდეგ პსჟ-მა ევროპის ლიგაშიც დათმო “ზალცბურგთან” (2:0) და მას მერე 8-მატჩიანი წაუგებელი სერია აქვს, აქედან 5 გუნდმა ჩემპიონატში გამართა.</p><p>კარლეტოს შეგირდებისთვის ყველაფერი რიგზე იქნებოდა რომ არა ხავიერ პასტორეს დასანანი ტრავმა. კუნთის გაწყვეტის შემდეგ მას სამი კვირით მოუწევს დასვენება.</p><p><span style="color: #000000;"><strong>საფრანგეთი. ლიგა 1. XXI ტური</strong></span></p><p><em>დღეს: </em></p><p>ოსერი-ნანსი 22:00</p><p>ბრესტი-პსჟ 22:00</p><p>ლორიანი-სოშო 22:00</p><p>ლიონი-დიჟონი 22:00</p><p>ნიცა-მონპელიე 22:00</p><p>ტულუზი-კანი 22:00</p><p>ლილი-სტ. ეტიენი 00:00</p><p><em>ხვალ: </em></p><p>ევიანი-ბორდო 20:00</p><p>ვალანსიენი-აიაჩო 20:00</p><p>რენი-მარსელი 00:00</p><p><span style="color: #000000;"><strong>სატურნირო ცხრილი</strong></span></p><p>1. პსჟ 20 13 4 3 34-18 43</p><p>2. მონპელიე 20 12 4 4 40-23 40</p><p>3. ლილი 20 9 9 2 33-21 36</p><p>4. ლიონი 20 11 2 7 31-22 35</p><p>5. რენი 20 10 5 5 31-23 35</p><p>6. მარსელი 20 9 7 4 29-18 34</p><p>7. სტ. ეტიენი 20 9 6 5 24-21 33</p><p>8. ტულუზი 20 8 7 5 21-20 31</p><p>9. ბორდო 20 6 8 6 22-23 26</p><p>10. ლორიანი 20 6 7 7 20-23 25</p><p>11. ბრესტი 20 4 12 4 20-19 24</p><p>12. ევიანი 20 5 7 8 28-32 22</p><p>13. დიჟონი 20 6 4 10 23-36 22</p><p>14. ვალანსიენი 20 5 5 10 19-23 20</p><p>15. კანი 20 5 5 10 24-31 20</p><p>16. ოსერი 20 4 7 9 27-32 19</p><p>17. ნანსი 20 4 7 9 19-28 19</p><p>18. ნიცა 20 4 6 10 21-24 18</p><p>19. სოშო 20 4 6 10 21-35 18</p><p>20. აიაჩო 20 4 6 10 22-37 18</p><p><strong>ბომბარდირები</strong></p><p>14 - ოლივიე ჟირუ (მონპელიე), 9-9 - ლოიკ რემი (მარსელი), კევინ გამეირო (პარი სენ-ჟერმენი)</p><p><strong>ყოველდღიური სპორტული გაზეთი "ლელო"</strong></p>
პსჟ-ს მეკარე: ძნელია მოტივაციის შენარჩუნება
პსჟ-ს ტრავმის გამო კიდევ ერთი ფეხბურთელი გამოაკლდა
"სიტი" პსჟ-ს კიდევ ერთი ვარსკვლავის გადაბირებას ცდილობს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ