- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ზურაბ ზვიადაური თბილისის მსოფლიოს თასზე ბრუნდება
<p>თბილისის სპორტის სასახლეში ვაჟ ძიუდოისტთა მსოფლიოს თასი დაიწყო, რომელიც სალიცენზიო სტატუსისაა <br> დღეს თბილისის სპორტის სასახლეში ვაჟ ძიუდოისტთა მსოფლიოს თასი იწყება, რომელიც სალიცენზიო სტატუსისაა.</p><p>წლევანდელი ტურნირი რეკორდულად წარმომადგენლობითია - რეგისტრაცია 42 ქვეყნის 222-მა ათლეტმა გაიარა. ამასთან, აქ ლაპარაკია მხოლოდ იმ გუნდებზე, რომლებიც იჭიდავებენ, თორემ რამდენიმე ქვეყანა მხოლოდ მსაჯთა დონეზეა წარმოდგენილი.</p><p>მონაწილეთა შორის არიან ისეთი შორეული ქვეყნები, როგორიცაა ახალი ზელანდია, ვენესუელა, ეკვადორი, პუერტო რიკო, მაროკო. სამაგიეროდ, არ არიან ისეთი აღიარებული გუნდები, როგორიცაა იაპონია, კორეა, ბრაზილია, კუბა. განაცხადის გამოგზავნის მიუხედავად, არც ეგვიპტე ჩამოვიდა. არადა, სიაში მსოფლიოს პრიზიორ <strong>რამადან დარვიშით</strong> დაწყებული, ყველა ლიდერი ჰყავდათ.</p><p>მონაწილეთა ასეთი რაოდენობა პირდაპირ უკავშირდება შეჯიბრების სალიცენზიო სტატუსს - ყველა ჩამოვიდა, ვისაც კი საგზურის მოპოვების პრობლემა აქვს. შეგახსენებთ, რომ მსოფლიოს თასის ჩემპიონობა 100 ქულას იძლევა, რაც მნიშვნელოვნად ჩამორჩება უფრო მაღალი რანგის ტურნირების ანალოგიურ შეფასებას, მაგრამ ახლა, როცა მხოლოდ 6 სალიცენზიო შეჯიბრება დარჩა, ყველა ქულას ოქროს ფასი ედება.</p><p>ამიტომაც ჩამოდის ყველა, ვინც ჯერ კიდევ იბრძვის მზის ქვეშ ადგილის მოსაპოვებლად. ასე მაგალითად, სალიცენზიო თვალსაზრისით ჩვენთვის უაღრესად საინტერესო 66 კილოგრამში ჩამოვიდა <strong>შალვა ქარდავას</strong> სამივე კონკურენტი ევროპული კვოტისთვის ბრძოლაში - ებრაელი <strong>გოლან პოლაცკი</strong>, ლატვიელი <strong>დენის კოზლოვსი</strong> და ჰოლანდიელი <strong>იესპერ დე იონგი</strong>.</p><p>თუმცა ოლიმპიურმა წელიწადმა ტურნირს თავისი დაღი იმ მხრივ ნამდვილად დაასვა, რომ რეიტინგის მოწინავეთაგან თითქმის არავინ ჩამოსულა ანუ პირველხარისხოვანი ვარსკვლავები დაგვაკლო. ესეც გასაგებია - ათეულში მყოფებს საგზურები განაღდებული აქვთ და ახლა მშვიდად, ინდივიდუალური გრაფიკით ემზადებიან ოლიმპიადისთვის. რომც ჩამოვიდნენ და მოიგონ, მათთვის აქ მოპოვებული 100 ქულა ბევრს არაფერს ნიშნავს და რაღაზე ჩამოვლენ. მით უფრო, მალე ევროპაში მიყოლებით ტარდება პარიზული ”დიდი მუზარადი” და ”დიდი პრიზის” შეჯიბრება დიუსელდორფში, სადაც ქულაც მეტი გაიცემა, ერთობლივი ვარჯიშებიც ტარდება და მშვენიერი სპარინგიც გამოუვათ.</p><p>ერთი სიტყვით, მაყურებელი სპორტის სასახლეში მსოფლიოსა და ოლიმპიურ ჩემპიონებს ვერ იხილავს, თუმცა არც უვარსკვლავებო შეჯიბრება გვექნება - ესტონელ ევროპის ჩემპიონ <strong>მარტინ პადარის</strong>, ახალგაზრდებში ევროპის იტალიელ ჩემპიონ <strong>ანდრეა დე გუიდას</strong> დარ ძიუდოისტებს კი ვნახავთ. საკმაოდ ძლიერი გუნდებით ჩამოვიდნენ საფრანგეთი, ჰოლანდია, გერმანია...</p><p>ტურნირისთვის ჩვენი გუნდი ჯერ ავსტრიაში, მერე კი დიღომში მდებარე ძიუდოს აკადემიის შენობაში ემზადებოდა. გუშინ ნაკრები სპორტისა და ახალგაზრდობის საქმეთა მინისტრმა <strong>ვლადიმერ ვარძელაშვილმაც</strong> მოინახულა და შეჯიბრების წინ გაამხნევა სპორტსმენები. ტურნირს ჩვენი გუნდი ერთი ისეთი ცვლილებით ხვდება, რაც უთუოდ გაახარებს ქომაგს - მწვრთნელთა გადაწყვეტილებით, 90 კილოგრამში ბეთქილ ნავერიანის ნაცვლად <strong>ვალერი ლიპარტელიანი</strong> იჭიდავებს. შეგახსენებთ, რომ წინა დღეებში ასევე მწვრთნელთა განზრახვით <strong>ამირან პაპინაშვილი</strong> (60) <strong>ვაჟა მარგველაშვილმა</strong> შეცვალა, ხოლო <strong>პაატა ღვინიაშვილი</strong> (81) - <strong>ბექა ღვინიაშვილმა</strong>.</p><p>გუშინ წილისყრაც გაიმართა, რომელმაც ჩვენებს საკმაოდ მძიმე წილი არგუნა. თუმცა ქართველი ქომაგისთვის მთავარი ინტრიგა ისაა, რომ ლიპარტელიანი და ერთწლიანი განშორების შემდეგ სპორტში მობრუნებული დამოუკიდებელი საქართველოს პირველი ოლიმპიური ჩემპიონი <strong>ზურაბ ზვიადაური</strong> ბადის ერთ მხარეს მოხვდნენ. თუმცა ერთმანეთთან შეხვედრამდე ორივეს რთული გზა ელოდება. ზვიადაურის მხარესაა უკრაინელი ოლიმპიური ვერცხლ-ბრინჯაოს მფლობელი <strong>რომან გონტიუკიც</strong>. არც სპორტში ხანგრძლივი შესვენების შემდეგ დაბრუნებულ <strong>ლაშა გუჯეჯიანს</strong> გაუმართლა - პირველივე წრეში ზემოაღნიშნულ პადარს ხვდება.</p><p>ახლა ცოტა უფრო დაწვრილებით იმ სამ უმჩატეს წონით კატეგორიაზე, რომლებიც დღეს იჭიდავებენ. 60-ში <strong>სოსო ნიჟარაძე</strong> ყაზახ <strong>აშხატ ტელმანკოვს</strong> ეჭიდავება, <strong>პაატა მერებაშვილს</strong> კი საკმაოდ არასასიამოვნო მეტოქე - ჩინელი <strong>ა ლამუსი</strong> ერგო. ევროპის ვიცე-ჩემპიონი <strong>ბეთქილ შუკვანი</strong> აზერბაიჯანელ <strong>ვუგარ შირინლის</strong> ხვდება, ხოლო მას თუ მოუგო, კიდევ ერთ აზერბაიჯანელს, ოღონდ ესტონეთის სახელით მოასპარეზე ახალგაზრდებში ევროპის ჩემპიონ <strong>ელნურ ალიევს</strong> დაეჭიდება. შუკვანს ყველაზე ძნელი ჯგუფი ერგო - ჩეხი <strong>პაველ პეტრიკოვიც</strong> მასთანაა. მარგველაშვილს პირველ წრეში სომეხი <strong>არმენ ვარდანიანი</strong> ერგო, ხოლო თუ მას მოუგებს, ჩვენი ტურნირის შარშანდელი ლატვიელი მესამე პრიზიორი <strong>ანდრეას მაჯერსი</strong> ელოდება.</p><p>66-ში ჩვენი უმთავრესი იმედი ქარდავა მეორე წრეშია გასული და ყაზახ <strong>აზამატ მუკანოვსა</strong> და ბელარუს <strong>ვადიმ შოკას</strong> შორის მოგებულის გარკვევას ელოდება. ამავე ბადეშია ებრაელი <strong>პოლაცკიც</strong>... <strong>სანდრო იაკობაშვილი</strong> უნგრელ <strong>ბენცე ზამბორს</strong> ეჭიდავება, <strong>დავით ასუმბანი</strong> - ამერიკელ <strong>ბრედფორდ ბოლენს</strong>, ახალგაზრდებში ევროპის ჩემპიონი და მსოფლიოს მესამე პრიზიორი <strong>ლაშა შავდათუაშვილი</strong> კი - აზერბაიჯანელ <strong>სამირ ხანკშიევს</strong>. ამ ჯგუფში არიან <strong>კოზლოვსი</strong> და <strong>დე იონგიც</strong> - შავდათუაშვილი მათ თუ დაამარცხებს, არა მარტო ქარდავას, საკუთარ თავსაც დიდ სამსახურს გაუწევს, რადგან ლიცენზიისკენ თავად გადადგამს გვარიან ნაბიჯს.</p><p>73-ში ჩვენი ლიდერი <strong>ნუგზარ ტატალაშვილი</strong> მეორე წრეში რუს <strong>ჩინგისხან ტერკაკიევს</strong> ეჭიდავება. ტატალაშვილიც ლიცენზიისთვის იბრძვის და თან ესეც ევროპული კვოტით, ოღონდ ქარდავასგან განსხვავებით, ეს ევროპულ სიაში პირველია. თუმცა სასურველია, 22 კაცში შევიდეს, თორემ ევროპა ორ კვოტას მაინც არ მოგვცემს, კანონით ეს აკრძალულია. ტატალაშვილს შედარებით გაუმართლა წილისყრამ. <strong>თენგიზ პაპოშვილს</strong> პირველ მეტოქედ კანადელი <strong>ნიკოლას ტრიტონი</strong> ერგო, <strong>ამბაკო ავალიანს</strong> - ისევ ის ბელარუსი <strong>ალექსეი რამანჩიკი</strong>, ვინც შარშანდელი ტურნირის ფინალში მშვენივრად დააწყვიტა ტატამს.<strong> ზებედა რეხვიაშვილი</strong> ამერიკელ <strong>მიშელ ელდრედს</strong> დაუპირისპირდება.</p><p>შეხვედრები ორივე დღეს 10 საათზე დაიწყება, ფინალები - 17-ზე. წინასწარი შეხვედრების პირდაპირ რეპორტაჟს ტელეკომპანია ”აფხაზეთის ხმა” შემოგთავაზებთ, ფინალურ ბლოკს - საზოგადოებრივი მაუწყებელი. ბილეთის ფასი 2 და 3 ლარია.</p><p><strong>ყოველდღიური სპორტული გაზეთი "ლელო"</strong></p>
U23. ქართველმა ძიუდოისტებმა ევროპის ჩემპიონატი ზედიზე მეორედ მოიგეს
გიორგი ჯაბნიაშვილმა ევროპის ახალგაზრდულ ჩემპიონატზე ოქროს მედალი მოიპოვა!
იაპონიაში 13 ძიუდოისტით - ტოკიოს გრანდ სლემისთვის საქართველოს ნაკრების შემადგენლობა ცნობილია
[VIDEO. ეროვნული ლიგა] "პოკერი", 3 პენალტი, ავტოგოლი... "ტორპედომ" ბათუმის "დინამო" გაანადგურა
ზესტაფონის მარგვეთმა ბათუმში იმარჯვა და სუპერლიგაში გალიდერდა
კალათბურთის განვითარების პროგრამის ახალი სეზონი ქართლ-კახეთიდან დაიწყო
მოლაპარაკებები ჩიხში შევიდა - "რეალი" ვინისიუსის გასაყიდად მზადაა
ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა
ტრავმირებულ პსჟ-ში "კვარა" დაიწყებს - "მამარდა" "სიტის" წინააღმდეგ!
[VIDEO] მამუკელაშვილის კარგი მატჩი - "ტორონტომ" ზედიზედ მეოთხე შეხვედრა მოიგო
19-წლამდელების შემადგენლობა საკვალიფიკაციო რაუნდის მატჩებისთვის
[VIDEO] შენგელიას 13 ქულა "რეალთან" - "ბარსელონა" კლასიკოში დამარცხდა
მიქაუტაძემ შიძლება "ესპანიოლთან" ვერ ითამაშოს
[VIDEO] ანდრია ბართიშვილის ჯადოსნური მომენტი! ამ ბიჭს მართლა კოჭებში ეტყობა...
[VIDEO. ეროვნული ლიგა] დაგვიანებული ხომ არ არის? "კოლხეთმა" თბილისში "გაგრა" დაამარცხა....
18 წ. | მზადების დასკვნითი ფაზა
[VIDEO. ეროვნული ლიგა] თბილისის "დინამომ" ლუკა ლაცაბიძის სადებიუტო გოლით გაიმარჯვა
16-წლამდე ვაჟთა ნაკრები მოლდოვას დაუპირისპირდება
დე ლა ფუენტემ თბილისში წამოსასვლელად ესპანეთის ნაკრები დარაზმა
მამარდაშვილის კიდევ ერთი შანსი. როდის დაბრუნდება ალისონი? - სლოტმა კომენტარი გააკეთა
"ბორჯღალოსნები" | ქოქრილმა "არწივებისთვის" 23 შეარჩია
საბა ლობჟანიძეს "ატლანტა იუნაიტედი" "ბარსელონას" ყოფილმა თავკაცმა მეორედ ჩაიბარა
მბაპეს აღარ შეეცილებიან - "რეალში" პენალტების შემსრულებელი ფრანგი იქნება