<p>22 წლის ქართველი ნახევარმცველი უკრაინულ გრანდთან ერთად ესპანეთშია და თამაშს მოუთმენლად ელის <br> დონეცკის "შახტარის" ქართველი ფეხბურთელი დავით თარგამაძე გუნდთან ერთად ესპანურ შეკრებაზე გაემგზავრა. "შახტარი" იქ Copa del Sol– 2012-ის გათამაშებაში ჩაერთვება, პირველ მატჩს კი 30 იანვარს ნორვეგიულ "ოლესუნთან" გამართავს.</p><p>ცნობილია, რომ ჯერ მარიუპოლის "ილიჩივეცში" განათხოვრებული, შემდეგ კი მოულოდნელად დონეცკში დაბრუნებული 22 წლის გარემარბის უკრაინულ გრანდში საბოლოო დარჩენა-არდარჩენის საკითხი ესპანურ შეკრებაზე უნდა გაირკვეს. ამას დონეცკელთა მთავარი მწვრთნელი მირჩა ლუჩესკუ ჩვენებურზე დაკვირვების შემდეგ გადაწყვეტს.</p><p>მანამდე კი თარგამაძემ დონეცკის "შახტარის" ოფიციალურ ვებ-გვერდს ინტერვიუ მისცა, სადაც ახალ გუნდში გატარებულ პირველ დღეებზე ისაუბრა.</p><p><strong>- დავით,</strong><strong> როგორ ჩაიარა "შახტარში" შენი ყოფნის პირველმა დღეებმა, როგორ მიგიღო კოლექტივმა?</strong></p><p>- გმადლობთ, კარგად. უკვე მეოთხე დღეა ამ გუნდში ვარ და ყველაფერი რიგზეა.</p><p><strong>- ძალიან კარგი. თანაგუნდელებიდან ყველაზე მეტად ვის დაუახლოვდით? </strong></p><p>- ჰენრიხ მხითარიანს.</p><p><strong>- დაბინავებული ვისთან ერთად ხართ? </strong></p><p>- ჯულიუს აგაჰოვასთან.</p><p><strong>- უცხოურ ენებს ფლობთ? </strong></p><p>- დიახ და ჯულიუსს ინგლისურად ვესაუბრები.</p><p><strong>- სამწვრთნელო შტაბთან შენი ურთიერთობა როგორ წარიმართა?</strong></p><p>- მწვრთნელები მეხმარებიან, ტაქტიკურ მითითებებს მაძლევენ.</p><p><strong>- "ილიჩივეციდან" "შახტარში" დაბრუნება შენთვის მოულოდნელი იყო? </strong></p><p>- რა თქმა უნდა, მე ხომ გუნდთან ერთად უკვე იალტაში შეკრებაზე ვიმყოფებოდი, როდესაც "ილიჩივეცის" სპორტულმა დირექტორმა მაცნობა, რომ მე სხვა შეკრებაზე მომიწევდა გამგზავრება - "შახტართან" ერთად.</p><p><strong>- რა გრძნობა დაგეუფლა, როდესაც ეს ამბავი შეგატყობინეს? </strong></p><p>- ყველაფერი შეკრების დასრულების შემდეგ გაირკვევა, როდესაც სამწვრთნელო შტაბი გადაწყვეტს დავრჩები თუ არა გუნდში მომავალშიც. ჩემი მხრიდან იმას თქმა შემიძლია, რომ სულმოუთმენლად ველი დღევანდელ მატჩს, მოედანზე გასვლისა და თავის წარმოჩენის შესაძლებლობას.</p><p><strong>- დავით, როგორ მოხდა, რომ გერმანიიდან უკრაინაში გადაბარგდი? </strong></p><p>- თავდაპირველად "ფრაიბურგთან" ორწლიანი კონტრაქტი მაკავშირებდა, რომელიც კიდევ ორი წლით გავახანგრძლივეთ. თუმცა, შემდეგ პრობლემები შეიქმნა, გუნდი დავტოვე და საქართველოში დავბრუნდი. სწორედ მაშინ მივიღე წინადადება "ოლექსანდრიადან", რასაც დავთანხმდი, რადგან არ მინდა საქართველოს ჩემპიონატში თამაში.</p><p><strong>- უკრაინაში ყურადღება სწრაფად მიიპყარი. როგორ გაიგე, რომ შენით "შახტარი" ინტერესდებოდა? </strong></p><p>- სეზონის პირველი ნახევრის ბოლოს ამის შესახებ "ოლექსანდრიას" პრეზიდენტმა ნიკოლაი ლავერნკომ მაცნობა. ძალიან გამიხარდა. შემდეგ შევხვდი "შახტარის" წარმომადგენელს და უკვე ერთ კვირაში კლუბთან კონტრაქტიც გავაფორმე.</p><p><strong>- თავიდანცე იცოდი, რომ "ილიჩივეცში" იჯარით გაგიშვებდნენ? </strong></p><p>- დიახ. ამის შესახებ მოვილაპარაკეთ და შევთანხმდით, რომ სამ თვეს იჯარით მარიუპოლის გუნდში გავატარებდი, შემდეგ კი "შახტარში" დავბრუნდებოდი.</p><p><strong>- 99-ნომრიანი მაისურა თავად შეარჩიე? </strong></p><p>- დიახ. საერთოდ, 9-იანი მომწონს, მაგრამ ის უკვე დაკავებულია და ამიტომ არჩევანი 99-ზე შევაჩერე.</p><p><strong>- დავით, გუნდის ძირითადში მოსახვედრად, თანაგუნდელთაგან რომელს განიხილავ კონკურენტად? </strong></p><p>- ჯერჯერობით არცკი ვიცი, მწვრთნელი მოედანზე რომელ პოზიციაზე დამაყენებს და რა ფუნქციების შესრულებას დამაკისრებს. ისე, ყველაზე მეტად ნახევარდაცვის მარცხენა ან მარჯვენა ფლანგზე თამაში მიყვარს, თუმცა ადრე თავდამსხმელების უკან, ცენტრშიც მითამაშია.</p>
აბურჯანია კარიერას საუდის არაბეთში გააგრძელებს
ხარატიშვილი ჩეხურ კლუბში გადავიდა
გადრანი "კაირატიდან" "ბეითარში" გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია