- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
NBA: "დალასი" უკვე ლიდერია
<p>"დალასმა" ბოლო ექვს მატჩში მეხუთედ მოიგო და სათავეში ჩაუდგა სამხრეთ-დასავლეთ დივიზიონს <br> ბოსტონში გამართული მატჩი დაძაბულობით არ ჩამოუვარდებოდა ფლორიდულ დაპირისპირებას. მასპინძლები ალენის შესანიშნავი თამაშისა (მცველმა 22 ქულა დააგროვა და იმდენი სამქულიანი ჩააგდო, რამდენიც მატჩის დანარჩენმა მონაწილემ) და კარგი დაცვის წყალობით ვალდებულნი იყვნენ მოეგოთ ეს შეხვედრა, მაგრამ ბოლოს ყველაფერი გააფუჭეს.</p><p>საფინალო სირენამდე 4 წუთითა და 24 წამით ადრე "კლივლენდი" 11 ქულას აგებდა, რასაც სტუმრების 12:0 გაქცევა და მოგება მოჰყვა. ამის მიზეზი ის იყო, რომ დოკ რივერსის გუნდმა ზედიზედ რვა შეტევა გააფუჭა.</p><p><strong>* * *</p><p></strong>ცუდი მატჩი ჰქონდა გუშინ "მინესოტას" ესპანელ ახალბედას რიკი რუბიოს. მან ყველაზე მეტი დრო (42 წუთი) გაატარა მოედანზე, მაგრამ მისი სტატისტიკა შორს იყო იდეალურისგან. საქმე მხოლოდ იმაში არ არის, რომ ესპანელმა ამჯერად ვერ დააგროვა 10-ზე მეტი შედეგიანი პასი. ყველაზე ცუდი 11 შეცდომა იყო, რომელთაგანაც ხუთი ბოლო 328 წამზე მოდიოდა. მაგრამ "მინესოტას" მარცხში მხოლოდ რუბიოს დადანაშაულება არ იქნება სწორი. ტყორცნების რეალიზაცია არც სხვა მინესოტელ უკანახაზელებს უვარგოდათ და ამან გამოიწვია ასეთი ციფრი - 21.7 პროცენტი.</p><p>სტუმრების ვარსკვლავურმა ტრიომ - ბრაიანტმა, გასოლმა და ბინუმმა - ჯამში 84 ქულა დააგროვა და 12:2 გაქცევა მოაწყო მას შემდეგ, რაც მასპინძლები საფინალო სირენამდე 3 წუთითა და 23 წამით ადრე წინ გავიდნენ (არადა, მესამე მეოთხედის ბოლოსკენ "მგლები" 18 ქულას აგებდნენ). სხვათა შორის "ლეიკერსმა" 3 იანვრის შემდეგ პირველად შეძლო მატჩში 100-ქულიანი ზღვარის გადალახვა. რაც შეეხება კობი ბრაიანტს, მან 14 ტყორცნა მოათავსა კალათში და მორიგი რეკორდი დაამყარა - "ლეიკერსის" ისტორიაში პირველ ადგილზე გადავიდა გამოყენებული სროლების რაოდენობით (9946). კობიმ ლეგენდარული ქარიმ აბდულ-ჯაბარს გაუსწრო.</p><p><strong>* * *</p><p></strong>ასევე საინტერესო იყო ტექსასური დერბი დალასში. მესამე მეოთხედის შუაში ჯეისონ ტერის აქტიურობით (მცველმა 161 წამში ხუთიდან ოთხი ტყორცნა ჩააგდო), მასპინძლებმა 18 ქულით შეძლეს წინ გასვლა და თითქოს დღის წესრიგიდან მოხსნეს გამარჯვებულის საკითხი. მაგრამ აქ მოხდა სასწაული და მისი ავტორი "სან ანტონიო" გახდა. ზედიზედ ხუთი სამქულიანის წყალობით პოპოვიჩის შეგირდებმა მეოთხე მეოთხედის დასაწყისისთვის დაასრულეს 26:4 გაქცევა, ოთხი წუთის შემდეგ კი ნილმა "სპურსის" უპირატესობა ცხრა ქულამდე აიყვანა.</p><p>მაგრამ 146 "მშრალი" წამის მიუხედავად, "დალასმა" შეძლო გადარჩენა. ამისთვის მას ბობუასა და ტერის აქტიურობა ეყო. ამ უკანასკნელმა სირენამდე წამით ადრე გაათანაბრა ანგარიში - 91:91. სიტუაციის უნიკალურობა იმაში მდგომარეობს, რომ ნოვიცკიმ თავად კი არ ესროლა, არამედ დაახლოებით ორი წამი დაკარგა თავისუფალი პარტნიორის მოსაძებნად.</p><p>გუნდებს ოვერტაიმში მოუწიათ ურთიერთობის გარკვევა, სადაც პირველ როლებზე უკვე თავად დირკი აღმოჩნდა - მისმა ორმა ზუსტმა საშუალო ტყორცნამ და ტერიზე გადაცემამ "დალასს" ორქულიანი უპირატესობა მოუტანა. "სპურსს" ჰქონდა მეორე ოვერტაიმის შანსი, მაგრამ გერი ნილმა გააფუჭა გადამწყვეტი საჯარიმო, შემდეგ იგივეთი უპასუხა იან მაინმიმ, დენი გრინმა კი სირენასთან ერთად ნასროლი სამქულიანით ვერ მოუტანა თავის გუნდს გამარჯვება. "დალასმა" ბოლო ექვს მატჩში მეხუთედ მოიგო და სათავეში ჩაუდგა სამხრეთ-დასავლეთ დივიზიონს.</p><p><strong>* * *</p><p></strong>ზედიზედ მესამე მატჩი წააგო "ორლანდომ", რომელიც ძალიან არადამაჯერებლად გამოიყურება. "მეჯიქის" რიგებში მხოლოდ დუაიტ ჰოვარდია აღნიშვნის ღირსი, რომელმაც მორიგი ორმაგი დუბლი ჩაიწერა აქტივში. თუმცა ეს ჩვეულებრივი ამბავია. ისიც არ გვიკვირს, რომ "სუპერმენმა" "ინდიანას" წინააღმდეგ 15-დან მხოლოდ 4 საჯარიმო გამოიყენა. ისე კი რა გამარჯვებაზეა ლაპარაკი, როცა "ორლანდოს" ტრიომ - ჰიუზმა, დევისმა და კვენტინ რიჩარდსონმა ჯამში ერთი ქულა აიღო.</p><p><strong></p><p>* * *</strong></p><p>ჩონსი ბილაპსმა და კრის პოლმა ჯამში 57 ქულა დააგროვეს (გუნდური მონაგარის ნახევარზე მეტი) და გამარჯვება მოუტანეს "კლიპერსს" მატჩის ბოლოს, რომელშიც საფინალო სირენამდე სამი წუთით ანგარიში თანაბარი იყო - 99:99. ამ სამი წუთის განმავლობაში "დენვერის" კალათში ბურთებს სწორედ პოლი და ბილაპსი აგდებდნენ. მათ მხოლოდ იმას თუ ვუსაყვედურებთ, რომ ვერ დაკეტეს ანდრე მილერი.</p><p>ვეტერანმა დენვერელმა ზედიზედ მეოთხე მატჩში დუბლი შეასრულა - 16 ქულა და 10 პასი. თუმცა მისი გმირობები "ნაგეტსს" ვერ შველის. არადა, სირენამდე 40 წამით ადრე "დენვერი" ერთი ქულით იგებდა, მაგრამ დარჩენილ დროში ქულა ვერ აიღო - ჰარინგტონისა და ფერნანდესის არაზუსტი ტყორცნები, აგრეთვე შეტევაში ნენეს ჯარიმა მასპინძლებისთვის დამღუპველი აღმოჩნდა.</p><p><em><strong>ნიუ ჯერსი-ტორონტო 73:94</p><p></strong></em>24:24, 15:20, 14:26, 20:24</p><p>ნ-ჯ: უილიამსი (24+6 პასი), მოროუ (14).</p><p>ტ: დეროზანი (27), ბეილესი (17+6 მოხსნა), კლეიზა (15), კალდერონი (10+5 მოხსნა+9 პასი).</p><p><em><strong>დალასი-სან ანტონიო 101:100 (ო)</p><p></strong></em>24:18, 27:22, 18:18, 22:33, 10:9</p><p>დ: ტერი (34), კარტერი (21), ბოგუტი (14+7 პასი+3 დაფარება), ნოვიცკი (10+13 მოხსნა), მერიონი (9+9 მოხსნა+3 ჩაჭრა).</p><p>ს-ა: ნილი (19+7 პასი), გრინი (12+5 მოხსნა+3 ჩაჭრა), ჯეფერსონი (12+7 მოხსნა), დანკანი (12+6 მოხსნა).</p><p><em><strong>მინესოტა-ლეიკერსი 101:106</p><p></strong></em>19:22, 26:31, 29:26, 27:27</p><p>მ: ლავი (33+13 მოხსნა), ბიზლი (18+12 მოხსნა), პეკოვიჩი (13+9 მოხსნა), უებსტერი (10+5 მოხსნა).</p><p>ლ: ბრაიანტი (35+14 მოხსნა), გასოლი (28+6 მოხსნა), ბინუმი (21+7 მოხსნა).</p><p><em><strong>ბოსტონი-კლივლენდი 87:88</p><p></strong></em>24:23, 19:21, 27:18, 17:26</p><p>ბ: ალენი (22), პირსი (18+6 მოხსნა+5 პასი), გარნეტი (14+7 მოხსნა), ბასი (13).</p><p>კ: ირვინგი (23+6 პასი), ვარეჟაო (18+9 მოხსნა), გი (14+6 მოხსნა+4 ჩაჭრა), ჯეიმისონი (10).</p><p><em><strong>ორლანდო-ინდიანა 85:106</p><p></strong></em>22:29, 29:19, 17:32, 17:26</p><p>ო: ჰივარდი (24+13 მოხსნა), დუჰონი (14+5 პასი), ჯ. რიჩარდსონი (13+7 მოხსნა), ანდერსონი (11).</p><p>ი: გრეინჯერი (24+3 ჩაჭრა), ჰილი (16+6 მოხსნა), უესტი (16+7 მოხსნა), კოლისონი (11+10 პასი).</p><p><em><strong>ნიუ ორლეანი-ატლანტა 72:94</p><p></strong></em>11:27, 24:19, 17:30, 20:18</p><p>ნ-ო: ოკაფორი (13+8 მოხსნა), ჯეკი (10), ვასკესი (10+8 პასი).</p><p>ა: ტიგი (24), გრინი (16), უილიამსი (14+3 ჩაჭრა), ჯონსონი (9+9 მოხსნა).</p><p><em><strong>დენვერი-კლიპერსი 105:109</p><p></strong></em>26:23, 27:25, 30:29, 22:32</p><p>დ: ნენე (18 +9 მოხსნა), გალინარი (17+9 მოხსნა), მილერი (16+10 პასი), ჰარინგტონი (16), ფერნანდესი (12+6 მოხსნა).</p><p>კ: ბილაპსი (32), პოლი (25+6 მოხსნა+7 პასი), გრიფინი (17+13 მოხსნა+4 დაფარება), უილიამსი (12), ჯორდანი (8+13 მოხსნა+5 დაფარება).</p><p><em></p><p>ფოტო: რიკიმ კობი ვერ გააჩერა</em></p><p><strong>ყოველდღიური სპორტული გაზეთი "ლელო"</strong></p>
[VIDEO] გობერის უხეში ფოლი ვემბანიამაზე — დისკვალიფიკაცია და 200 ათას დოლარზე მეტი ჯარიმა!
[VIDEO] დონჩიჩის სუპერმატჩი საკმარისი არ აღმოჩნდა - "საკრამენტომ" "ლეიკერსი" დაამარცხა
იანისის სუპერმატჩი საკმარისი არ აღმოჩნდა... ლიდერების გარეშე დარჩენილმა "დენვერმა" "ბაქსი" დაამარცხა
ზივზივაზემ ისევ ვერ ითამაშა - გოჩოლეიშვილის "ჰამბურგის" მატჩი გადაიდო
"მანჩესტერ იუნაიტედს" ახალი მწვრთნელი ჰყავს
ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება
"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ
"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა
ლუის ენრიკემ "პარიზთან" მატჩში შემადგენლობა დაასახელა
მამარდაშვილი "ბარნსლისთან" მატჩის სასტარტოშია
"რეალმა" ჩაბი ალონსო გადააყენა და მის ნაცვლად არბელოა დანიშნა
"შავი ლომი" | "მონტობანთან" ისტორიული გამარჯვების შეფასება - ილია მაისურაძე და მიხეილ ბაბუნაშვილი
"დინამო თბილისი" 8 ფეხბურთელს დაემშვიდობა
ბასილაშვილი ავსტრალიის ღია პირველობას საკვალიფიკაციო ეტაპიდანვე დაემშვიდობა
იუნაიტედი FA თასზე მესამე წრიდან გამოვარდა
იანისის სუპერმატჩი საკმარისი არ აღმოჩნდა... ლიდერების გარეშე დარჩენილმა "დენვერმა" "ბაქსი" დაამარცხა
[VIDEO] სანდროს კარგი მატჩი არ გამოუვიდა... "რეპტორსმა" 12 წამით ადრე 4 ქულა ამოიღო და ოვერტაიმში მოიგო
ნინო ბაციაშვილი სწრაფ ჭადრაკში ევროპის ჩემპიონი გახდა!
ზურაბ საკანდილიძისა და მიხეილ ქორქიას მემორიალზე ნახევარფინალისტები დაწყვილდნენ
"რომ არა ის, "ბარსელონას" აუცილებლად დავტოვებდი, მან ჩემი ცხოვრება შეცვალა" - რაფინია
[VIDEO] "ტაშს ნუ უკრავთ!" - მბაპეს ამ ქმედებას დიდი კრიტიკა მოჰყვა
სულშერი ფავორიტი აღარაა - "მანჩესტერ იუნაიტედის" ხელმძღვანელობა მწვრთნელის პოსტზე ორ კანდიდატს განიხილავს
"არსენალს" რეკორდსმენი აუტების მწვრთნელი ეყოლება