- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ესპანეთი. ლა ლიგა. XXI ტურის წინ: გრანდების პრობლემები
<p>ერთი წუთით წარმოიდგინეთ: ჟოზე მოურინიო "ბარსელონას" მწვრთნელია, პეპ გვარდიოლა კი - მადრიდის "რეალის"... <br> "რეალი" და "ბარსელონა", ჟოზე მოურინიო და ხოსეპ გვარდიოლა... არასოდეს გიფიქრიათ, მოუს და პეპს ადგილები რომ გაეცვალათ, რა მოხდებოდა?</p><p>წარმოიდგინეთ, "განსაკუთრებული" "ბლაუგრანა" კაშნეთი, გვარდიოლა კი "სანტიაგო ბერნაბეუს" საპრესკონფერენციო დარბაზში. რომელი გუნდი მოიგებდა და რომელი წააგებდა?</p><p>მაგალითად, "ბარსას" ექს-გოლკიპერი ვიტორ ბაია მიიჩნევს, რომ მისი თანამემამულე კატალონიური გრანდისთვის შესანიშნავი თავკაცი იქნებოდა. ბაიას აზრით, მოუს მთავარი ღირსება, სამწვრთნელო ნიჭთან ერთად, ისიცაა, რომ იოლად იღებს მისთვის უცხო კულტურას და საფეხბურთო ფილოსოფიას, რომ მას საოცარი ადაპტაციის უნარი აქვს.</p><p>ახლა გაისკა მენდიეტას მოვუსმინოთ: "მისი თავგადასავალი "ბარსელონაში" ერთ მშვენიერ დღესაც დასრულდება და გვარდიოლა იგრძნობს ახალი გამოწვევის აუცილებლობას".</p><p>მოდით, ეს საფეხბურთო ლირიკა გვერდზე გადავდოთ და მომავალ ტურს მივუბრუნდეთ - ჟოზე მოურინიო ჯერ კიდევ "რეალის" მწვრთნელია და დღეს ის მადრიდულ დერბიზე გაიყვანს "სამეფო კლუბს". ხოსეპ გვარდიოლა კი ბასკურ "რეალ სოსიედადს" უმასპინძლებს, ჩემპიონმა ქულები აღარ უნდა დაკარგოს, ისედაც 7 ქულით ჩამორჩება "რეალს".</p><p><strong>* * *</strong></p><p>ბასკებთან მატჩის წინ საფიქრალი არ ელევა გვარდიოლას, რომლის გუნდმაც ახლახან თასზე დიდი ბრძოლა გადაიტანა და სასურველ ფრეს მიაღწია "მესტალიაზე" (თუმცა მსაჯმა ვერ შეამჩნია, რომ ხოსე პინტომ საჯარიმოს გარეთ ხელით ითამაშა და პირისპირ გასვლა ასე ჩაშალა), მაგრამ მეტოქისგან განსხვავებით გუნდს არ დაუსვენია და ვერც დაშავებულები გამოუჯანმრთელდნენ.</p><p>პედრო და ანდრეს ინიესტა ისევ ვერ ითამაშებენ, ისევე როგორც ადრე დაშავებულები: დავიდ ვილია, ანდრეუ ფონტასი და იბრაჰიმ აფელაი, სეიდუ კეიტა ისევ აფრიკის თასზეა. ერთადერთი, ჩილელმა ალექსის სანჩესმა საბოლოოდ მოირჩინა ტრავმა და "რეალ სოსიედადთან" ითამაშებს. კოპაზე დანი ალვეში შეცვლაზე შევიდა, ახლა ბრაზილიელი სასტარტო შემადგენლობას დაუბრუნდება.</p><p>ფილიპ მონტანიესაც ჰყავს დაშავებულები. ასიერ ილარამენდი უკვე ბურთთან ერთად ვარჯიშობს, თითქმის ბოლომდე მორჩა ალბერტო დე ლა ბელა, მაგრამ "კამპ ნოუზე" ეს დუეტი ვერ ითამაშებს. სამაგიეროდ, კიდევ ერთი მცველი, ვადიმ დემიდოვი გამოჯანმრთელდა.</p><p>სხვათა შორის, ამ გუნდების ბოლო შერკინება 2:2 დასრულდა, "ანოეტაზე" ბასკები 0:2-ს აგებდნენ, მაგრამ მებრძოლი სული გამოავლინეს. "ჩური ურდინმა" ("რეალ სოსიედადის" მეტსახელია) ამ სეზონში "ბარსაზე" 37 გოლით ნაკლები გაიტანა!</p><p><em>ბარსელონა (სავარაუდო): ვალდესი - დანი ალვეში, პიკე, პუიოლი, აბიდალი - ჩავი, ბუსკეტსი, ტ. ალკანტარა - მესი, ფაბრეგასი, სანჩესი.</em></p><p><strong>* * *</strong></p><p>"რეალი" "ხეტაფეს" ესტუმრება და, არა გვგონია, მასპინძლებმა იოლად რამე დათმონ. ლუის გარსიას გუნდი ყველასთვის ანგარიშგასაწევი ძალაა, "ხეტაფე" ცხრილის ზედა ნაწილშია. ლუის გარსიას გუნდს დისკვალიფიკაციის გამო დანი გუისა და ანტონიო ლოპო დააკლდებიან.</p><p>ტრავმა აქვს რაფას. "ხეტაფეს" ბოლო 6 ტურია, არ წაუგია, აქედან 4 სულაც მოიგა. სხვათა შორის, "ხეტაფე" ერთადერთია, რომელმაც ამ სეზონში "ბარსა" დაამარცხა და, რატომაც არა, მადრიდული კლუბი "რეალის" დამარცხებასაც შეეცდება.</p><p>მოურინიოს გასაჭირიც, გვარდიოლასი არ იყოს, ტრავმებია - სამი ხედირა და ანხელ დი მარია ჯერ ვერ მომჯობინდნენ (თუმცა ბოლო ინფორმაციით, არგენტინელს თამაშის შანსი აქვს), ახლახან დამტვრეულებიდან კი ჩაბი ალონსომ შეძლო გამოჯანმრთელება, მარსელომ კი - ვერა. დისკვალიფიკაციის ვადა მოიხადა სერხიო რამოსმა.</p><p><em>რეალი (სავარაუდო): კასილიასი - სერხიო რამოსი, პეპე, რიკარდო კარვალიო, კოენტრაო - გრანერო, ჩაბი ალონსო - იოზილი, კაკა, რონალდო - ბენზემა.</em></p><p><strong>* * *</strong></p><p>ტური, ჩვენი აზრით, ძალიან საინტერესო მატჩით იხსნება - "სან მამესზე" ჩემპიონთა ლიგის საგზურის ნამდვილი მოცილეები ხვდებიან ერთმანეთს, "ბილბაო" მე-5 ადგილზე მყოფ "ესპანიოლს" მასპინძლობს.</p><p>სიტყვა ნამდვილი იმიტომ ვახსენეთ, რომ მეოთხეადგილოსანი "ლევანტეს" ამბიციების არ გვჯერა. მით უფრო, რომ ვალენსიური კლუბი ბოლო დროს ძალიან ცუდად თამაშობს და მისი ჩამოქვეითება დროის საკითხად მიგვაჩნია.</p><p>ბილბაოელებს ყველა ძირითადი ფეხბურთელი ჯანზე ჰყავთ, დისკვალიფიკაციის მოხდის შემდეგ უბრუნდებათ უნივერსალი ოსკარ დე მარკოსი.</p><p>"ესპანიოლს" სამი მოწინავე ფორვარდი ჰყავს ტრავმირებული: ალვარო ვასკესი, სერხიო გარსია და ვალტერ პანდიანი. ასე რომ, ახალწვეული კალუ უჩე ეგრევე სასტარტოში მოხვდება. სხვათა შორის, პორტუგალიელი ფორვარდი რუი ფონტეც დაშავებულია, მაგრამ მას თამაშის შანსი მაინც აქვს. სტუმართა ნახევარდაცვის ლიდერი ჟოან ვერდიუს თამაში გრიპის გამო საეჭვოა.</p><p>"სან მამესზე" ბასკთა ბოლო რეკორდი ასეთია - 5 მატჩი ზედიზედ მოგება, 12:1 ბურთების სხვაობა.</p><p><strong>* * *</strong></p><p>ტურში კიდევ სამ მატჩს გამოვყოფთ: "სევილია" "ვილიარეალს" მასპინძლობს, კვირის ბოლო შეხვედრა "ვისენტე კალდერონზე" გაიმართება - "ატლეტიკო" "ვალენსიას" წინააღმდეგ. ორშაბათს კი ტური ანდალუსიური დერბით სრულდება: "გრანადა" "მალაგას" მასპინძლობს.</p><p><span style="color: #ff0000;"><strong>ესპანეთი. ლა ლიგა. XXI ტური</strong></span><strong></p><p></strong><em>დღეს</em></p><p><em><strong>ბილბაო-ესპანიოლი 21:00</strong></em></p><p>ტრავმა: კასტილიო, ოსიო, გაბილონდო, გურპეგი - ა. ვასკესი, ს. გარსია, მარკესი, პანდიანი, მატიონ, ალვარესი</p><p><em><strong>ლევანტე-რასინგი 21:00</strong></em></p><p>დისკვალიფიკაცია: ტონიო, გონსალესი (რას)</p><p>ტრავმა: ბარკერო, ნავასი, ხუანლუ - აკოსტა (?), ფრანსისი (?)</p><p><em><strong>მალიორკა-ბეტისი 21:00</strong></em></p><p>დისკვალიფიკაცია: ავატე - ნაჩო</p><p>ტრავმა: ლაკრუსი - ამაია, ვადილიო</p><p><em><strong>ხეტაფე-რეალი 23:00</strong></em></p><p>დისკვალიფიკაცია: გუისა, ლოპო (ხეტ)</p><p>ტრავმა: პედრო ლეონი, ლოპესი, მიჩელი (?), უსტარი (?) - დი მარია (?), ჩაბი ალონსო (?), მარსელო, ხედირა</p><p><em><strong>ბარსელონა-სოსიედადი 01:00</strong></em></p><p>ტრავმა: ვილია, კეიტა, პედრო, ინიესტა, აფელაი, ფონტასი - აგირეჩე, ილარამენდი, დე ლა ბელა (?), ზურუტუზა (?)</p><p><em>ხვალ</em></p><p><em><strong>სპორტინგი-ოსასუნა 15:00</strong></em></p><p>ტრავმა: არავინ - იბრაჰიმა, როვერსიო, რუბენი, მასუდი, ეჩაიდე, სოლა</p><p><em><strong>სევილია-ვილიარეალი 21:00</strong></em></p><p>ტრავმა: ალექსისი (?), ლუნა (?), რეიესი (?), სპაჰიჩი (?), ნეგრედო (?) - კატალა, როსი, რუბენი, ვაკასო</p><p><em><strong>სარაგოსა-ვალეკანო 22:45</strong></em></p><p>ტრავმა: მატეოსი, ტომასი (?) - ხიმენესი, ტამუდო, ლ. ბანგურა (?), პაჩეკო, არმენტეროსი</p><p><em><strong>ატლეტიკო-ვალენსია 00:30</strong></em></p><p>დისკვალიფიკაცია: ფეგული, ტ. კოსტა (ვალ)</p><p>ტრავმა: ა. ლოპესი - კანალესი, გუაიტა (?), პ. ერნანდესი (?), მადურო</p><p><em>ზეგ</em></p><p><em><strong>გრანადა-მალაგა 00:00</strong></em></p><p>დისკვალიფიკაცია: ისკო, ს. სანჩესი (მალ)</p><p>ტრავმა: რობერტო (?) - ხოაკინი, რუბენი (?), ბაპტიშტა, ნისტელროი (?)</p><p><span style="color: #ff0000;"><strong>სატურნირო ცხრილი</strong></span></p><p>თ მ ფ წ ბ ქ</p><p>1. რეალი 20 17 1 2 70-19 52</p><p>2. ბარსელონა 20 13 6 1 59-12 45</p><p>3. ვალენსია 20 10 6 4 31-22 36</p><p>4. ლევანტე 20 9 4 7 26-24 31</p><p>5. ესპანიოლი 20 9 4 7 22-21 31</p><p>6. ბილბაო 20 7 8 5 30-25 29</p><p>7. ატლეტიკო 20 8 5 7 31-27 29</p><p>8. მალაგა 20 8 4 8 24-29 28</p><p>9. ხეტაფე 20 7 6 7 22-26 27</p><p>10. ოსასუნა 20 6 9 5 22-32 27</p><p>11. სევილია 20 6 8 6 21-22 26</p><p>12. სოსიედადი 20 6 6 8 22-28 24</p><p>13. ბეტისი 20 7 2 11 23-29 23</p><p>14. ვალეკანო 20 6 4 10 23-31 22</p><p>15. მალიორკა 20 5 7 8 17-25 22</p><p>16. გრანადა 20 6 4 10 14-27 22</p><p>17. რასინგი 20 4 9 7 17-25 21</p><p>18. ვილიარეალი 20 4 8 8 18-28 20</p><p>19. სპორტინგი 20 5 3 12 19-38 18</p><p>20. სარაგოსა 20 2 6 12 15-36 12</p><p><strong>ბომბარდირები</strong></p><p>24 - კრიშტიანო რონალდო (რეალი); 22 - ლიონელ მესი (ბარსელონა); 14 - რადამელ ფალკაო (ატლეტიკო), გონსალო იგუაინი (რეალი); 12 - რობერტო სოლდადო (ვალენსია); 10 - ქარიმ ბენზემა (რეალი), ფერნანდო ლორენტე (ბილბაო); 9 - სესკ ფაბრეგასი (ბარსელონა), მიჩუ (რაიო ვალეკანო).</p><p><strong>ყოველდღიური სპორტული გაზეთი "ლელო"</strong></p>
-
Nikoloz
საინტერესოა. აქამდე 52-45=7 იყო და ეხლა 5 გახდა :D :D ალბათ ბარსელონას ფანების გულის გასაკეთებლად დაწერა ავტორმა..
[PHOTO] სიყვარულს რას გაუგებ - ნიკოლმა იამალს "რეალის" ახალწვეულთან უღალატა
ალექსის სანჩესი კარიერას ლა ლიგაში გააგრძელებს
მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!