- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მილტონ ჰეიგი: საქართველოს ნაკრების დამარცხება ყველას გაუჭირდება
<p>საქართველოს მორაგებთა ნაკრებმა ერთა თასის გათამაშებაში ესპანეთთან მატჩისთვის მზადება დაიწყო <br> საქართველოს მორაგებთა ნაკრებმა, რომელიც ერთა თასის წლევანდელი გათამაშებისთვის ემზადება, "შევარდენის სანაკრებო ბაზაზე" ღია ვარჯიში გამართა. გაუსაძლისი სიცივის მიუხედავად წვრთნას საკმაოდ ბევრი ქომაგი დაესწრო.</p><p>როგორც უკვე ვწერდით, ამჟამად ნაკრები გაფართოებული შემადგენლობით ვარჯიშობს. მწვრთნელებმა გუნდი ორად გაჰყვეს. პირობითად "ლურჯების" მწვრთნელები <strong>კრის გიბსი</strong> და <strong>ილია ზედგინიძე</strong> იყვნენ, "წითლებს" კი <strong>მილტონ ჰეიგი</strong> და <strong>ილია მაისურაძე</strong> მოძღვრავდა. გუნდები ასეთი შემადგენლობებით დღეს ორმხრივ თამაშს გამართავენ.</p><p>ორივე გუნდმა თითქმის 45 წუთი დაცვაში თამაშის დახვეწას დაუთმო. "წითლების" წვრთნაში ჰეიგი თავადაც აქტიურად მონაწილეობდა. ის მორაგბეობისას ამპლუის ცხრა ნომერი იყო და ამ პოზიციაზე თამაშის უნარჩვევები შესანიშნავად აქვს შემორჩენილი.</p><p>ამის შემდეგ გუნდებმა, დარჩენილ 45 წუთში ერთად ივარჯიშეს. ჯერ "ლურჯები" უტევდნენ სხვადასხვა სტატიკური მდგომაროებიდან (შერკინება, დერდფანი) და "წითლები" თავს იცავდნენ, მერე კი როლები გაცვალეს.</p><p>ნაკრებში გამოძახებულთაგან არ უვარჯიშია <strong>მამუკა გორგოძეს</strong>, რომელიც საფრანგეთში, "მონპელიეში" დაბრუნდა. ის ესპანეთთან დაპირისპირებაში არ ითამაშებს.</p><p>ვარჯიშის დასრულებისთანავე საქართველოს ნაკრების მთავარმა მწვრთნელმა <strong>მილტონ ჰეიგმა</strong> პრეკონფერენცია გამართა:</p><p>"ცხადია, ყოველთვის სასურველია, რომ მოთამშეები რაც შეიძლება კარგად იყვნენ ფიზიკურად მომზადებულნი. ნაკრების წევრების აბსოლუტური უმრავლესობა საფრანგეთში თამაშობს, შესაბამისად მათი ფზიკური კონდიციები, შეიძლება ითქვას, რომ დამაკმაყოფილებელია.</p><p>ამინდმა ძალიან შეგვიშალა ხელი. სავარჯიშიდ ისედაც ცოტა დრო გვქონდა. ორი დღე სპორტულ დარბაზში დავყავით, სადაც მორაგბეები მცირე სტარტეგიული მიზნების მიღწევაში ვავარჯიშეთ. მათ დრო დასჭირდებათ საიმისოდ, რომ დავალება ბოლომდე გააცნობიერონ. დაახლოებით მომავალი კვირის ბოლოს ძირითადი საფუძვლები უკვე ნასწავლი ექნებათ.</p><p>საქართველოს ნაკრების კოზირი ღონიერი შერკინების თამაშია. თუმცა თუ გვინდა მაღალი დონის გუნდების დამარცხება, გაშლილი თამაში უნდა ვისწავლოთ. ხელდახელ ბურთაობა, ხაზზე ბურთის ბოლომდე ჩატანა ეს ის თამაშია, რომელსაც წარმატების მოტანა შეუძლია და მაყურებელსაც მოსწონს. ვფიქრობ, რომ ჩვენს ნაკრებს ასე თამაში შეუძლია. <img src="/media/images/new_photo/QARTULI/RUGBY/Nakrebi/mtavarinakrebi/team/giorgi-begadze-231213.jpg" border="0" alt="Sportall.Ge" title="მილტონ ჰეიგი: საქართველოს ნაკრების დამარცხება ყველას გაუჭირდება" width="312" height="220" style="margin: 10px; float: left;" /></p><p>ახლა ახალი ოთხწლიანი ციკლი იწყება და საჭიროა, რაც შეიძლება ბევრი ახალგაზრდა მოთამაშე გავიცნო. მათთვის ნაკრებთან ერთად ვარჯიში, ეროვნულ გუნდში ინტეგრირების კარგი შანსია.</p><p>ესპანეთთან შარშანდელი თამაშის ვიდეოფირი ნანახი მაქვს, თუმცა უახლოეს დღეებში მას დაწვრილებით გავაანალიზებთ და დავსახავთ კონკრეტულ გეგმას, როგორ უნდა ვითამაშოთ ამ გუნდის წინააღმდეგ.</p><p>კარგი იქნებოდა უკრაინის ნაკრებთან მატჩი არ გადადებულიყო. თუმცა ისიც კარგია, რომ ვარჯიშისთვის მეტი დრო გვაქვს, ფაქტობრივად, ორკვირიანი შეკრება გამოგვივიდა.</p><p>ჩვენი მთავარი მიზანია, რომ შეცდომა არ დავუშვათ და ესპანეთს მოვუგოთ.</p><p>თუ შევძელით ჩვენი პოტენციალის გამოყენება, საქართველოს ნაკრების დამარცხება ყველას გაუჭირდება", - თქვა მილტონ ჰეიგმა.</p><p>უკვე გადაწყდა, რომ "ბორჯღალოსნები" უკრაინის ნაკრებთან გადატანილ შეხვედრას 9 ივნისს გამართავენ.</p><p><strong>* * *</strong></p><p>ამასობაში საქართველოს ნაკრების დასახვედრად მონდომებით ემზადებიან ესპანელებიც. "ლომების" თავკაცმა <strong>რეჯის სონემ</strong> პრესკონფერენცია მოაწყო, რომელზეც სამხედრო კოლეჯის ხელმძღვანელი ვინმე <strong>კამილიო ველასკესი</strong> ესწრებოდა.</p><p>როგორც გაირკვა, სამხედრო კოლეჯსა და ესპანეთის მორაგბეთა ნაკრებს შორის თანამშრომლობა დაწყებულა. სამხედროები ოვალური ბურთით თამაშის ესპანელ ოსტტებს ფსიქოლოგიურ მომზადებაში დაეხმარებიან. მომზადების კურსი ნაკრების მწვრთნელებს უკვე გაუვლიათ და ახლა ჯერი მორაგბეებზე მიდგა.</p><p>"საქართველოს ნაკრებს მოვუგებთ თუ არა, არ ვიცი, მაგრამ იმის გარანტიას კი გაძლევთ, რომ ქართველებს ეს თამაში არასდროს დაავიწყდებათ", - უთქვამს კამილიო ველასკესს.</p><p>თავად ესპანელთა დამრიგებელი <strong>რეჯის სონე</strong> მომავალ მატჩზე საუბრისას სიფრთხილეს იჩენს:</p><p>"საქართველოს ნაკრები ძალიან ძლიერი გუნდია. თუმცა ვეცდებით, თუ შანსი მოგვეცა, მაქსიმალურად გამოვიყენოთ. ახლა მთავარია, ეს სეზონი ნაყოფიერად გამოვიყენოთ საიმისოდ, რომ 2015 წლის მსოფლიოს თასის შესარჩევ ტურნირს, რომელიც მომავალი წლიდან დაიწყება, გუნდი სრულ მზადყოფნაში შეხვდეს", - თქვა მან.</p><p><span style="color: #000000;"><strong>საქართველოს ნაკრები</strong></span></p><p><em>პირველი ხაზი:</em> მიხეილ ნარიაშვილი (მონპელიე), კარლენ ასეიშვილი (ორიაკი), ლევან ჩილაჩავა (ტულონი), ბექა შეყლაშვილი (აჟენი), შალვა მამუკაშვილი (ყოჩები), ბექა მეკოკიშვილი (არმია)</p><p><em>მეორე ხაზი:</em> ლევან დათუნაშვილი (ორიაკი), გიორგი ნემსაძე (ბალან დაჟენი), კონსტანტინე მიქაუტაძე (ტულონი), ვახტანგ მაისურაძე (ლა სეინი).</p><p><em>მესამე ხაზი:</em> გიორგი ჩხაიძე (სენ ჟუნიენი), გიორგი კალმახელიძე (არმია), გივი ბერიშვილი (ლოკომოტივი), ვიქტორ კოლელიშვილი (კლერმონი), დიმიტრი ბასილაია (ვალანს დაჟენი), მამუკა გორგოძე (მონპელიე), ბექა ბიწაძე (ბრივი).</p><p>#9: ბიძინა სამხარაძე (არმია), გიორგი ბეგაძე (ყოჩები), ირაკლი აბუსერიძე (ოსერი).</p><p>#10: მერაბ კვირიკაშვილი (სენ ჟუნიენი), ლაშა მალაღურაძე (ვალანსი).</p><p>#12-13: დავით კაჭარავა (ნიცა), გიორგი ჯიმშელაძე (არმია), მერაბ შარიქაძე (აკადემია).</p><p>#11-14: ირაკლი მაჩხანელი (სენტ ეტიენი), გიორგი შკინინი, ალექსანდრე ტუჩაშვილი, ირაკლი ჩხიკვაძე (სამივე-არმია), ალექსანდრე თოდუა (ლელო).</p><p>#15: რეზო გიგაური (ბულონი), ბექა წიკლაური (გდინია).</p><p><span style="color: #000000;"><strong>ესპანეთის ნაკრები</strong></span></p><p>ტომ პარკერი (ორდიზია), გლენ როლსი (ვალიადოლიდი), რაიან ლერუ, კრეიგ ლიონსი (ორივე-სანტაბოიანა), ხოსე ბლაკო (ვიგო), ჯონათან ფილიპსი (ლა ვილა), ხესუს მორენო (ლიმოჟი), ადრიან აისტერანი, გაუტიერ გუბუნი, ენტონი პრადალი (სამივე-პერიგო), ხესუს რეკუერდა (ლილი), ფრენკ ლაბე (ბორდო), ჩარლი მელი (ბეზიე), სებასტიან ასკარატი, მატიო პელუშონი (ორივე-ოში), ბენატ ეჩეპარე, მატიო ვისენსანი (ორივე-ტიროსი), მატიო როჩა (ორიაკი), დავით გურგენიძე (კარკასონი), პიერ ბელუნსე (კოლომიე), სებასტიან პიფარდი (სენტ ეტიენი), პიერ გარსია (კასტრი), სერხიო სევილია (კლერმონი), სეზარ სემპერე (ნორსჰემპთონი).</p><p><span style="color: #ff0000;"><strong>ერთა თასი</strong></span></p><p>4 თებერვალი</p><p><em><strong>უკრაინა-საქართველო</strong></em> <em><strong>(გადაიდო)</strong></em></p><p>11 თებერვალი</p><p><em><strong>ესპანეთი-საქართველო</strong></em></p><p>25 თებერვალი</p><p><em><strong>საქართველო-პორტუგალია</strong></em></p><p>10 მარტი</p><p><em><strong>რუმინეთი-საქართველო</strong></em></p><p>17 მარტი</p><p><em><strong>საქართველო-რუსეთი</strong></em></p><p><strong>სატურნირო მდგომარეობა </strong></p><p>1. საქართველო - 22 ქულა, 2. რუმინეთი - 16, 3. პორტუგალია - 14, 4. რუსეთი - 11, 5. ესპანეთი - 10, 6. უკრაინა - 0.</p><p><strong>ყოველდღიური სპორტული გაზეთი "ლელო"</strong></p>
რაგბი ევროპა | ნახევარფინალი რუმინეთთან - "ავჭალაზე"
[VIDEO] საქართველოს ნაკრებმა ესპანეთს მძიმე მატჩი მოუგო
რაგბი ევროპა | ხუთი ცვლილებით ჯგუფში პირველობისთვის
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა