მეცნიერული თეორია: ლიონელ მესის მეექვსე გრძნობა

გერმანელი და ჰოლანდიელი მეცნიერები არგენტინელის ზებუნებრივი ნიჭიერების საიდუმლოს ხსნიან როდესაც ხედავ, როგორ ატყუებს ლიონელ მესი მოწინააღმდეგის დაცვის მთელ ხაზს ან ერთი პასით პირში ჩალაგამოვლებულს ტოვებს ერთბაშად ოთხ მცველს, ხვდები, რომ სწორედ ამისთვის გიყვარს ფეხბურთი.თითქოს მესი უფრო მეტს ხედავს, ვიდრე მოედანზე მყოფი სხვა ნებისმიერი მოთამაშე. იმასაც კი იფიქრებ, კეფაზე თვალები ხომ არ აქვსო.ნეტავ, თუ შეიძლება ამ მოვლენის მეცნიერულად ახსნა?იგივე კითხვა ამოძრავებს გერმანელ და ჰოლანდიელ მკვლევარებს, რომლებმაც არგენტინელის ჯადოქრობისთვის მეცნიერული გასაღების მორგება გადაწყვიტეს."ჩვენ სპორტში მაღალი ოსტატობის სიღრმისეულ მექანიზმებში გარკვევა გვსურს, - აცხადებს კასელის უნივერსიტეტის პროფესორი ნორბერტ ჰაგემანი, - ფეხბურთელები დიდი ზომის მოედანზე თამაშობენ და მატჩის დროს მათ სხვა სპორტსმენებზე მეტის დანახვა მართებთ.თავდაპირველად დავუშვით, რომ შესაძლოა რჩეულ ფეხბურთელებს, დროის გარკვეულ მონაკვეთში, უფრო მეტი ადამიანის გადაადგილების კონტროლირება შეუძლიათ".უფრო მარტივად რომ ვთქვათ, საუკეთესო მოთამაშე ის უნდა იყოს, ვისაც ხედვის უფრო ფართო არეალი აქვს და ამის წყალობით, უფრო მეტი თავისიანისა და მეტოქე მოთამაშის პოზიციას ხედავს.ამ თეორიის გადასამოწმებლად მეცნიერებმა მოყვარულ-ფეხბურთელებზე ექსპერიმენტი ჩაატარეს, რომლებსაც სხვადასხვა სათამაშო სიტუაციებში დააკვირდნენ.შედეგებმა გერმანელი მეცნიერების მოლოდინი არ დაადასტურა."ჯამში, ჩვენ მაინც ვერ დავამტკიცეთ საუკეთესო ფეხბურთელებში ფართო მოედნის პერიფერიული ხედვის უნარი, - აცხადებს ჰაგემანი. - ისინი სხვებზე მეტ ინფორმაციას ხედვის წყალობით სულაც არ ფლობენ. თუმცა, ჩვენ მათში კონკრეტულ წერტილებზე დროში გახანგრძლივებული ფიქსაციის შესაძლობლობა გამოვავლინეთ. აღმოჩნდა, რომ ოსტატობის დონის ზრდასთან ერთად, მატულობს მოთამაშის "ხედვის სტრატეგია" და ინფორმაციის გადამუშავების კუთხით, ის უფრო ეფექტური ხდება".ამრიგად, დიადი ფეხბურთელები სხვებზე კარგად და მეტს კი არ ხედავენ, არამედ დანახულით უფრო მეტ ინფორმაციას იღებენ.ამ ფენომენზე საკუთარ თეორიას ფსიქოლოგიის სფეროში ნობელის პრემიის ლაურეატი დანიელ კანემანი აყალიბებს. ის ეყრდნობა მეხანძრეებზე დაკვირვებით მიღებულ გამოცდილებას, რომლებიც არცთუ იშვიათად გრძნობენ, როდის ჩაიქცევა ცეცხლმოდებული სახლი და ამკვიდრებს ცნებას "გამოცდილებითი ინტუიცია". ეს ადამიანში კონკრეტული პრობლემის გადაჭრის ინსტინქტური მეთოდის გამომუშავებას გულისხმობს.და რამდენად შეესაბამება ეს მესის უნარს, კონკრეტულ მომენტში მოსწყდეს ადგილს ან საჭირო წერტილში პასი გააკეთოს?იმ მოთამაშეებს, რომლებიც მესის ნიჭიერებით ჩამოუვარდებიან, ხედვის ფიქსაციის გახანგრძლივება კი შეუძლიათ, მაგრამ ჰაგემანი არაა დარწმუნებული, რომ ეს მათი თამაშის ხარისხს გააუმჯობესებს:"ვთქვათ, ნაკლებად ნიჭიერმა მოთამაშეებმა თამაშის სტრუქტურა, მოძრაობის მატრიცები და სხვა დაიზეპირონ. მათ ცოდნის უზარმაზი ბაზა უნდა ჰქონდეთ, რათა ამა თუ იმ სიტუაციაში იქიდან საჭირო ინფორმაცია მიიღონ. ხედვის ფიქსაცია - ეს კი ისაა, როცა მოთამაშემ თავისთავად იცის, საით გაიხედოს".ამ თვისებას მეცნიერებმა გნებავთ "გამოცდილებითი ინტუიცია", გნებავთ "ცოდნის ბაზა" უწოდონ, ფაქტია, სწორედ ეს მეექვსე გრძნობა კარნახობს ფეხბურთელებს მოედანზე მოვლენათა შემდგომ განვითარებას. ამასთან, რაც უფრო დიდია "ცოდნის ბაზა", მით უფრო მაღალი კლასისაა მოთამაშე."თუკი რჩეულმა მოთამაშემ უკვე იცის, რა მოხდება მომდევნო ეპიზოდში, იმასაც ხვდება, რას მიაქციოს ყურადღება, - ამბობს ჰაგემანი. - მესის მსგავსი ფეხბურთელები, უპირველესად, გადაწყვეტილების მიღებაში არიან გამორჩეულები. წინასწარჭვრეტის უნარი კი მათ ურთულესი პრობლემების ყველაზე ეფექტური ხერხით გადაწყვეტის საშუალებას აძლევს".მეცნიერებს სამუშაო წინ აქვთ - ახლა მათ ამომწურავად უნდა შეისწავლონ ის სიღრმისეული მექანიზმი, რაც მესის ასე უიოლებს საფეხბურთო მოედანზე რთული მდგომარეობიდან თავის დაღწევას.ერთი კი ნაღდია, მთელი მსოფლიოს მცველები მეცნიერთა დასკვნებს სულმოუთმენლად დაელოდებიან.მომზადებულია uefa.com-ის მიხედვით

zura

ძალიან მომეწონა სტატია მიუხეავად ჩემი პრო გერმანული და პრო მიუხენული განწყობისა :))))))
guja_kakhadze

მეექვსე გრძნობა ყველა ვარსკვლავს აქვს.ამით განსხვავდება ვარსკვლავი კარგი ფეხბურთელისგან.მესის ეს სხვებთან შედარებით მოჭარბებულად აქვს.

"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი

"თუ ასე თამაშს გავაგრძელებთ, კონფერენს ლიგაზე გასვლითაც ბედნიერები უნდა ვიყოთ" - სობოსლაი საკუთარი გუნდის თამაშით აღშფოთებულია

[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება

შეთანხმება მიღწეულია - ფლიკი "ბარსელონას" მთავარი მწვრთნელის პოსტზე დარჩება

პერესის რჩეული - "რეალი" ოლისეს სუპერ ტრანსფერისთვის ემზადება?

სპალეტის იმედი აღარ აქვს - კლუბი დევიდის წასვლას ხელს არ შეუშლის

ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ

"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ

მე-17 ტურის ბოლო მატჩში "რუსთავმა" გურჯაანში "დელტა" დაამარცხა

VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...

დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე

საქართველოს ნაკრები რუმინეთთან ამხანაგურ მატჩს გამართავს

"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი

ბათუმმა ზედიზედ მეოთხე გამარჯვება ორბთან იზეიმა

[VIDEO] სანდროს 15 წუთი - "ტორონტო რაპტორსმა" კონფერენციის ლიდერი დაამარცხა

[VIDEO] პსჟ-მდე "ჩელსი" სახლში "ნიუკასლთან" დამარცხდა

[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა

[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა

VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...

[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა

[VIDEO] კიტეიშვილის დუბლი, უმაღლესი შეფასებები, ორი გაძევება - "შტურმმა" ვენაში გაიმარჯვა და ლიდერია

[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა