- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მედლები მედლებად, მთავარია ხარისხი
<p>მედლები მედლებად და ბერძენ-რომაელთა ნაკრების მთავარი მწვრთნელი ბეგი დაჩია ჭიდაობის ხარისხითაც კმაყოფილია <br> სოფიიდან დაბრუნებისთანავე, საქართველოს ჭიდაობის ფედერაციაში პრესკონფერენცია გამართა ბერძნულ-რომაული სტილით მოჭიდავეთა ნაკრებმა, რომელმაც დან კოლოვისა და ნიკოლა პეტროვის 50-ე ტრადიციულ მემორიალში 6 მედალი - სამივე სინჯის 2-2 ჯილდო მოიპოვა.</p><p>ჩემპიონები <strong>ვლადიმერ გეგეშიძე</strong> (84) და <strong>სოსო ჯაბიძე</strong> (96) გახდნენ, <strong>ქემალ ხარაბაძე</strong> (55) და <strong>მანუჩარ ცხადაია</strong> (74) მეორეზე გავიდნენ, <strong>ზურაბ დათუნაშვილი</strong> (74) და <strong>სანდრო დიხამინჯია</strong> (96) - მესამეზე. ბრინჯაოს მედლისთვის <strong>პაატა ბაკურიძემაც</strong> (66) იჭიდავა, მაგრამ დამარცხდა და მეხუთეზე დარჩა.</p><p>მედლები მედლებად და ნაკრების მთავარი მწვრთნელი <strong>ბეგი დარჩია</strong> ჭიდაობის ხარისხითაც კმაყოფილია. შარშანდელზე ბევრად მაღალი დონეაო, აღნიშნა მან, გუნდის გამოსვლა კი ასე შეაფასა: "ეს ტურნირი სეზონის კარგი დასაწყისი იყო. სოფიაში პირველი-მეორე ნომრები წავიყვანეთ, მესამე ნომრებმა კი ცოტა ხნის წინათ თურქეთში იასპარეზეს და ორი ვერცხლიც დაიმსახურეს. ამდენად, ყოველ წონაში უკვე გამოიკვეთა ძირითადი ბირთვი. შარშანდელთან შედარებით უკეთესი მდგომარეობაა - პოტენციალიც დიდია და, რაც მთავარია, ბიჭებში მონდომებაც გაიზარდა. მადლობა მინდა გადავუხადო მათ ამისთვის, აგრეთვე სოფიაში ნაჩვენები შედეგისთვის. თავდადებისა და შრომის გარეშე წარმატების მიღწევა გამორიცხულია.</p><p>კონკრეტულად ამ ტურნირს რაც შეეხება, ჩემპიონებმა ბრწყინვალედ იჭიდავეს, იბრძოლეს და შედეგიც სასურველი მიიღეს. საგანგებოდ მინდა გამოვყო ქემალ ხარაბაძე, რომელიც ექსპერიმენტისთვის გამოვიყენეთ და ქვედა წონაში ვაჭიდავეთ. ამან გაამართლა და მართლაც დაჩაგრა მეტოქეები. მართალია, ამჯერად წონის ყველა ლიდერი არ გამოდიოდა, მაგრამ მაინც ძლიერი მოჭიდავეები იყვნენ, მათ შორის - ევროპის ჩემპიონიც. სამწუხაროდ, ფინალი მსაჯთა არაობიექტურობის გამო წააგო. ამ წონაში უკვე ორი ლიდერი გვყავს - ხარაბაძე და გოგიტაძე, თუმცა სალიცენზიო ტურნირებში არც გოდერძი დავითაძეს გამოვრიცხავთ.</p><p>სოფიაში ახალგაზრდებმაც კარგად იასპარეზეს - <strong>დათუნაშვილმა</strong>, <strong>დიხამინჯიამ</strong>. ახალგაზრდებში მსოფლიოს ჩემპიონი <strong>რევაზ ნადარეიშვილი</strong> 84-ში ამჯერად კი დამარცხდა, მაგრამ ყველაფერს თავისი დრო აქვს, გამოცდილებას შეიძენს და, ვიმედოვნებთ, სამომავლოდ ისიც მოიპოვებს გამარჯვებებს.</p><p>ჩვენ თაობათა ცვლის პროცესი განვიცადეთ და მისასალმებელია, რომ ჭიდაობის ხარისხი გაუმჯობესებულია. სალიცენზიო ტურნირებზე ყველაფერს გავაკეთებთ მაქსიმალური რაოდენობის საგზურების მოსაპოვებლად, თუმცა მთავარი არა ლიცენზია, არამედ ოლიმპიური მედალია. აქედან გამომდინარე, უმთავრესი სამიზნეც ოლიმპიური ოქროა".</p><p>მოჭიდავეებს წარმატება საქართველოს ჭიდაობის ფედერაციის პრეზიდენტმა <strong>კახა გეწაძემ</strong> და ვიცე-პრეზიდენტმა <strong>თემურ ყაზარაშვილმაც</strong> მიულოცეს. საჭიდაო პროგრესი გეწაძემაც აღნიშნა და ფალავნებს დაჰპირდა, ოღონდ კი მოინდომეთ და ყველანაირ პირობას შეგიქმნით მოსამზადებლად, ევროპის პირველობასა თუ ოლიმპიადაზე წარმატებით გამოსასვლელადო. საერთაშორისო კატეგორიის მსაჯი ყაზარაშვილი არბიტრადაც იყო მიწვეული სოფიაში და ხარაბაძის წინააღმდეგ მსაჯთა არაობიექტურობას მანაც გაუსვა ხაზი. თურმე შეჯიბრების დასრულების შემდეგ ბულგარელებმა კიდეც მოიბოდიშეს ამის გამო, მაგრამ ეს უკვე შედეგს ვერ ცვლიდა.</p><p>პრესკონფერენციაზე მსოფლიოს ორგზის ვიცე-ჩემპიონ მანუჩარ ცხადაიას გამოსვლასაც შეეხნენ. დარჩიამ ის ზედა წონაში აჭიდავა და წინასწარ შეხვედრებში კარგი ასპარეზობის მიუხედავად მწვრთნელმა მაინც არ შეაქო. მიზეზად ის დაასახელა, რომ ფინალში, როცა პირველი პერიოდი 5:0 მოიგო, პუბლიკაზე დაიწყო ჭიდაობა და საბოლოოდ წააგოო.</p><p>მას მიუთითეს, რომ ეს ჩვევა თავიდან უნდა ამოიგდოს და უპირველესად, შედეგზე იზრუნოს. ცხადაიას უთხრეს, რომ მაყურებელზე და შოუზე ჭიდაობიდან წასვლის შემდეგ უნდა იფიქროს და თან დაჰპირდნენ, იქ მოხვედრაში ჩვენც დაგეხმარებითო. მართალია, ეს ხუმრობით უთხრეს, მაგრამ... ისეთ ხუმრობას რა ვუთხარიო, ხომ იცით.</p><p>დარჩიამ კიდევ ერთხელ დაადასტურა, რომ ევროპის მოქმედი ჩემპიონი <strong>რევაზ ლაშხი</strong> კონტინენტის წლევანდელ პირველობაზე 66-ში, ცხადაია კი 74-ში იჭიდავებენ, თუმცა საოლიმპიადოდ ორივე თავის წონას დაუბრუნდება. მისი თქმით, ხარაბაძის 55-ში დატოვება საბოლოოდ გადაწყდა და ამაზე სპორტსმენიც თანახმაა, თუმცა ამ შემთხვევაში ღიად რჩება 60 კილოგრამი, რადგან საქართველოს ჩემპიონი <strong>ირაკლი ჭოჭუა</strong> სოფიაში ცუდად გამოვიდა. ვის დააყენებს ამ წონაში ევროპაზე, დარჩიამ ჯერ გადაჭრით ვერ გვიპასუხა, არ ვართ ჩამოყალიბებულნიო, ჭოჭუასთან მიმართებაში კი დაამატა, მას ძალიან უნდა ევროპის ჩემპიონატის მოგება და ვცდილობთ, ყველანაირად გავუგოთო. ოღონდ ისიც დასძინა, მისი გამოსვლით არ ვართ კმაყოფილნიო.</p><p>გეწაძემ უკმაყოფილება ყველა იმ ფალავანზე გამოთქვა, რომლებიც ბულგარეთში უმედლოდ დარჩნენ, უპირველესად კი ევროპის, მსოფლიოსა და ოლიმპიურ ჩემპიონ <strong>მანუჩარ კვირკველიას</strong> შეეხო, რომელმაც ამჯერად წონითი პრობლემის გამო 84-ში იჭიდავა.</p><p>პრეზიდენტმა აღნიშნა, რომ მას ოლიმპიადის შემდეგ სერიოზული შედეგი არ ჰქონია, ხოლო ახლა მისგან სამეულს ელოდნენ. გეწაძემ დაამატა, რომ ისინი კვირკველიაში ხედავენ იმ პოტენციალს, რაც ოლიმპიადაზე წარმატებას მოგვიტანს.</p><p>ევროპის ჩემპიონატი 6-11 მარტს ბელგრადში ტარდება. იქამდე ჩვენები ტურნირებში აღარ გამოვლენ და მთლიანად საშეკრებო ეტაპზე გადავლენ, ორ სასწავლო-საწვრთნელ შეკრებას გაივლიან.</p><p>პირველს - მინსკში, "სტაიკების" ოლიმპიურ ბაზაზე, სადაც მათთან ერთად კიდევ რამდენიმე გუნდი ივარჯიშებს. ჩვენები იქ დღეს მიფრინავენ ყოველ წონაში ორ-ორი ანუ 14 კაცით და ზუსტად ორ კვირაში უკან დაბრუნდებიან, დასკვნით შეკრებას კი დუშეთში გაივლიან.</p><p><strong>ყოველდღიური სპორტული გაზეთი "ლელო"</strong></p>
ლაშა გობაძე რეპეშაჟში დამარცხდა და ოლიმპიური თამაშები მედლის გარეშე დაასრულა
ლაშა გობაძე ოლიმპიური თამაშების მეოთხედფინალში ბულგარელ მეტოქესთან დამარცხდა
რობერტ კობლიაშვილი ოლიმპიადის პირველივე შეხვედრაში დამარცხდა
"ტოტენჰემის" მეკარემ შესაძლოა, კარიერა "ინტერში" გააგრძელოს
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა