- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
იტალია. სერია A. XXIII ტურის წინ: რომის "ლაციოს" საოცარი შემობრუნება
<p>"ბოლონიასა" და "იუვენტუსის" მატჩი შესაძლოა თოვლის გამო გადაიდოს <br> XXIII ტური ხუთშაბათს, "ლაციო"-"ჩეზენას" პაექრობით დაიწყო და თავდაპრველად, ორიოდე სიტყვა სწორედ ამ შეხვედრაზე უნდა ვთქვათ.</p><p>თუ რატომ შედგა ეს თამაში ხუთშაბათს, რთული მისახვედრი არ უნდა იყოს - უამინდობის გამო გადადებული მატჩები დროის მჭიდრო მონაკვეთში უნდა გაიმართოს და რომაული პაექრობის გადმოტანაც აქედან გამომდინარეობდა. შეხვედრა კი ისეთი გამოდგა, თქვენი მოწონებული...</p><p>შეხვედრა სტუმართა მოულოდნელი იერიშებით დაიწყო, რასაც ადრიან მუტუს გოლი მოჰყვა. "ჩეზენა" დაწინაურდა და თითქმის ყველა კომპონენტში ჯობდა მეტოქეს, რასაც რომაელთა მცველის კონკოს გაძევება მოჰყვა. დიახ, "ლაციო" 10 ფეხბურთელით დარჩა და როდესაც მეორე გოლიც გაუშვა, თითქოს მატჩის ბედი საბოლოოდ გადაწყდა. მეორე გოლი კი "ჩეზენას" რიგებიდან ვინჩენცო იაკვინტამ გაიტანა, რომელმაც ზუსტად შეასრულა თერთმეტმეტრიანი.</p><p>პირველ ტაიმში თითქოს ყველაფერი გაირკვა - სტუმრები ორი ბურთის სხვაობით იგებდნენ და მეტოქე კაცნაკლული ჰყავდათ, თუმცა ასე მარტივად არ ყოფილა საქმე - ვერ გეტყვით, რა უთხრა ედუარდო რეიამ გასახდელში შეგირდებს, მაგრამ ფაქტია, რომ რომაელები გარდაისახენ და მეორე 45 წუთში მეტოქე მიწასთან გაასწორეს.</p><p>53-ე წუთზე, ერნანესმა ერთი ბურთი გაქვითა, 61-ეზე ლულიჩმა გაათანაბრა ანგარიში, 63-ეზე კი კოზაკმა შეხვედრის საბოლოო შედეგი დააფიქსირა, 3:2.</p><p>აღსანიშნავია, რომ ლიბორ კოზაკი მეორე ტაიმში შევიდა მოედანზე და დიდწილად განაპირობა კიდეც "ლაციოოს" საოცარი შემობრუნება.</p><p>ნამატჩევს, ედი რეია ემოციებს ვერ მალავდა: "ვფიქრობ, ამ მატჩისთვის ჩემს შეგირდებს პატარა ქანდაკება ეკუთვნით. ეს იყო საოცარი შეხვედრა, რომელიც არასოდეს დამავიწყდება. რა ვუთხარი შეგირდებს შესვენებაზე? - პირველ ტაიმში ძალიან ცუდად ვითამაშეთ და ტაქტიკა-სტრატეგიაში გარკვეული კორექტივები შევიტანე, რამაც 100%-ით გაამართლა.</p><p>შესანიშნავად ჩაერთო თამაშში ლიბორ კოზაკი და დაგვანახა, რომ თავდასხმაში ისე ძალიან არ გვიჭირს, როგორც ეს ბევრს ჰგონია. აქვე აუცილებლად უნდა აღვნიშნო, რომ მიროსლავ კლოზემ საუკეთესო შეხვედრა ჩაატარა იტალიურ კარიერაში და ეს მიუხედავად იმისა, რომ გოლი არ გაუტანია.</p><p>მთლიანობაში, ძალიან კმაყოფილი ვარ და იმედია, ასე გავაგრძელებთ".</p><p><strong>* * *</strong></p><p>ტურის დარჩენილი თამაშები სამ დღეზეა გადანაწილებული, ყველაზე საინტერესო მატჩი კი უდავოდ დღეს, "სტადიო ფრიულიზე" გაიმართება. "უდინეზე" "მილანს" უმასპინძლებს, ეს კი იმას ნიშნავს, რომ ცხრილის ზედა ნაწილში, ლიდერთა შორის სტატუს-ქვო დაირღვევა.</p><p>"მილანის" ლაზარეთი რომ სავსეა, ძველი ამბავია - ამ ყველაფერს კი ზლატან იბრაჰიმოვიჩის სამმატჩიანი დისკვალიფიკაცია დაემატა. მასიმილიანო ალეგრის მწირი არჩევანი აქვს და თუ რაიმე გაუთვალისწინებელი არ მოხდა, შეტევის წინა ხაზზე სტეფან ელ შაარავისა და რობინიოს ტანდემს გაამწესებს. ფორვარდთა უკან კლარენს ზეედორფი გაირჯება, რომელსაც ურბი ემანუელსონი, მასიმო ამბროზინი და ანტონიო ნოჩერინო გაუმაგრებენ ზურგს.</p><p>რაც შეეხება "უდინეზეს", ანტონიო დი ნატალეა სრულ მზადყოფნაში, რაც იმას ნიშნავს, რომ მილანელელ მცველებს დიდი ჯაფა დაადგებათ. უდინელებს ანტონიო ფლორო ფლორესი აკლიათ, რაზეც ფრანჩესკო გვიდოლინმა წინასამატჩო ბრიფინგზე დაიწუწუნა. თუმცა, "როსონერის" ლაზარეთის შემხედვარე, ფრიულელთა თავკაცს ნამდვილად არ უნდა ჰქონდეს საწუწუნოდ საქმე.</p><p><strong>* * *</strong></p><p>ჩემპიონატის ერთპიროვნული ლიდერი, ტურინის "იუვენტუსი" "ბოლონიას" სტუმრობს და ბუნებრივია, ეს მატჩიც განსაკუთრებნულ ინტერესს იწვევს. ერთი ეგაა, რომ ბოლონიაში თივლი არ წყდება და არაა გამორიცხული, თამაში გადაიდოს. თუმცა, რადგან ჯერ არ გადადებულა, გუნდების სავარაუდო შემადგენლობაზე აუცილებლად უნდა ვთქვათ ორიოდე სიტყვა.</p><p>ანტონიო კონტეს ერთადერთი ფეხბურთელი ჰყავს ტრავმირებული და ისიც მსუბუქად - თუმცა, ეს მსუბუქი ტრავმაა სიმონე პეპეს "ბოლონიასთან" თამაშის საშუალებას რომ არ აძლევს. "გაძეტა დელო სპორტის" მტკიცებით, "იუვეს" შეტევაში ალესანდრო მატრისთან ერთად მირკო ვუჩინიჩი და ემანუელე ჯაკერინი გაირჯებიან. ანუ, ალესანდრო დელ პოერო, ფაბიო კვალიარელა და მარკო ბორიელო თადარიგში დარჩებიან.</p><p>რაც შეეხება "ბოლონიას", გუნდი ფრთხილი ტაქტიკით, 4-3-2-1-ით დაუპირისპირდება მრისხანე მეტოქეს და ის ერთადერთი გამოკვეთილი ფორვარდი მარკო დი ვაიო იქნება. დანარჩენი მოედანზე გამოჩნდება, თუ რა თქმა უნდა თოვლმა მოგვცა ამის საშუალება.</p><p><strong>* * *</strong></p><p>"ინტერი" "ნოვარას" უმასპინძლებს და წესით, სამი ქულა განსაკუთრებული პრობლემების გარეშე უნდა აიღოს. მართალია, სერია A-ში თამაშის პროგნოზირება უმადური საქმეა, მაგრამ ეს ის შემთხვევაა, როდესაც ფავორიტი გამოკვეთილია.</p><p>"გაძეტას" მტკიცებით, დიეგო მილიტოსთან ერთად, ძირითად შემადგენლობაში მის სეხნიას, ფორლანს ვიხილავთ, რაც შეხვედრას დამატებით ინტრიგას აძლევს - საინტერესოა, როგორ წარმოაჩენენ თავს სამხრეთამერიკელები ტანდემში.</p><p>რაც შეეხება ჯამპაოლო პაცინის, ჯანმრთელადაა, მაგრამ სათადარიგოთა შორის მოიაზრება. ვნახოთ, როგორ შეუტევს "ინტერი" პაცოს გარეშე.</p><p><strong>* * *</strong></p><p>საინტერესოა ორშაბათის შეხვედრებიც - "ნაპოლი" "კიევოს" მიიღებს და თუ ნეაპოლელები ჯერ კიდევ ფიქრობენ ჩემპიონთა ლიგის საგზურის მოპოვებას, აუცილებლად სამი ქულა უნდა აიღონ.</p><p>"რომა" "სიენას" ესტუმრება, გუნდს, რომელმაც თასის ნახევარფინალური ეტაპის პირველ პაექრობაში "ნაპოლი" დაამარცხა. ტოსკანელები ამაღლებულ განწყობაზე არიან, დედაქალაქელებს დამარცხებით ემუქრებიან და ვნახოთ, რამდენად გამოუვათ ეს საქმე.</p><p><span style="color: #ff0000;"><strong>იტალია. სერია A. XXIII ტური</strong></span></p><p><em><strong>ლაციო-ჩეზენა 3:2</strong></em></p><p>გოლები: 0:1 მუტუ (13), 0:2 იაკვინტა (32-პენ.), 1:2 ერნანესი (52), 2:2 ლულიჩი (60), 3:2 კოზაკი (62).</p><p>გაძევება: კონკო (34. ლაციო).</p><p><em>დღეს:</em></p><p><em><strong>უდინეზე-მილანი 21.00</strong></em></p><p>დისკვალიფიკაცია: იბრაჰიმოვიჩი, ვან ბომელი (მილანი).</p><p>ტრავმა: კოდა, ბარეტო, პინცი, ფლორო ფლორესი - ბოატენგი, ფლამინი, კასანო, იეპესი, აკვილანი, გატუზო, პატო, მერკელი, შტრასერი, ნესტა.</p><p><em><strong>კალიარი-პალერმო 23.45</strong></em></p><p>ტრავმა: სამპაიო, ნენე, ერიკსონი - დელა როკა, ბაჩინოვიჩი, მიკოლი.</p><p><em>ხვალ:</em></p><p><em><strong>ატალანტა-ლეჩე 18.00</strong></em></p><p>დისკვალიფიკაცია: კინსილი - კაროციერი.</p><p>ტრავმა: ბელინი, კაპელი - ბენასი.</p><p><em><strong>კატანია-ჯენოა 18.00</strong></em></p><p>დისკვალიფიკაცია: ბელუში - კონსტანტი, კუჩკა.</p><p>ტრავმა: კამპანიოლო, პოტენცა, კაპუანო - ანტონელი, ბოვო, მორეტი, ჯილარდინო.</p><p><em><strong>ინტერი-ნოვარა 18.00</strong></em></p><p>დისკვალიფიკაცია: მაიკონი (ინტერი).</p><p>ტრავმა: გუარინი, სამუელი - მარიანინი, მორიმოტო, ლუდი.</p><p><em><strong>პარმა-ფიორენტინა 18.00</strong></em></p><p>დისკვალიფიკაცია: ლაძარი (ფიორენტინა).</p><p>ტრავმა: სანტაკროჩე, გალოპა - კროლდრუპი, ხარჯა.</p><p><em><strong>ბოლონია-იუვენტუსი 23.45</strong></em></p><p>ტრავმა: ლორია - პეპე.</p><p><em>ზეგ:</em></p><p><em><strong>ნაპოლი-კიევო 23.45</strong></em></p><p>დისკვალიფიკაცია: კანავარო (ნაპოლი).</p><p><em><strong>სიენა-რომა 23.45</strong></em></p><p>დისკვალიფიკაცია: დე როსი (რომა).</p><p>ტრავმა: ბრკიჩი, ბოლცონი - გაგო, ოსვალდო, ბურდისო, პეროტა.</p><p><span style="color: #ff0000;"><strong>სატურნირო ცხრილი</strong></span></p><p><em>თ მ ფ წ ბ ქ</em></p><p>1. იუვენტუსი 21 12 9 0 33-13 45</p><p>2. მილანი 22 13 5 4 43-19 44</p><p>3. ლაციო 23 12 6 5 37-24 42</p><p>4. უდინეზე 22 12 5 5 33-20 41</p><p>5. ინტერი 22 11 3 8 34-29 36</p><p>6. რომა 22 10 5 7 36-26 35</p><p>7. ნაპოლი 22 7 10 5 36-24 31</p><p>8. პალერმო 22 9 4 9 32-32 31</p><p>9. ჯენოა 21 9 3 9 31-40 30</p><p>10. ფიორენტინა 21 7 7 7 23-19 28</p><p>11. კალიარი 22 6 9 7 20-22 27</p><p>12. პარმა 21 7 6 8 27-34 27</p><p>13. კიევო 21 6 6 9 17-27 27</p><p>14. კატანია 20 5 9 6 23-29 24</p><p>15. ატალანტა 21 7 8 6 25-27 23</p><p>16. ბოლონია 21 5 7 9 18-26 22</p><p>17. სიენა 21 4 8 9 21-22 20</p><p>18. ლეჩე 22 4 5 13 22-38 17</p><p>19. ჩეზენა 22 4 4 14 15-34 16</p><p>20. ნოვარა 21 2 7 12 18-40 13</p><p><em>შენიშვნა: ატალანტა -6 ქულა</em></p><p><strong>ბომბარდირები</strong></p><p>16 - დი ნატალე (უდინეზე); 15 - იბრაჰიმოვიჩი (მილანი); 12 - დენისი (ატალანტა), კავანი (ნაპოლი), კლოზე (ლაციო), მილიტო (ინტერი), პალასიო (ჯენოა), იოვეტიჩი (ფიორენტინა).</p><p><strong>ყოველდღიური სპორტული გაზეთი "ლელო"</strong></p>
"ნაპოლიმ" "რეალის" ყოფილი ფეხბურთელი დაიმატა
უარი კლუბისგან და ფეხბურთელისგან - ლოკატელი "იუვენტუსში" რჩება
"მილანის" ორი ვარიანტი - "როსონერის" შეტევა ვლაჰოვიჩით ან ჰოილუნით გაძლიერდება
მიქაუტაძის "ლიონს" ახალი მეკარე ჰყავს
ქართველი მსაჯები ევროპა ლიგის მატჩს მოემსახურებიან
რაშფორდს მიმდინარე სეზონში ტრებლის მოგების სჯერა
ისევ პრემიერ ლიგა თუ ბუნდესლიგა - ჯეკსონს ორი ვარიანტი გამოუჩნდა
"მილანის" ორი ვარიანტი - "როსონერის" შეტევა ვლაჰოვიჩით ან ჰოილუნით გაძლიერდება
[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო
ფრე წყალტუბოში: "გარეჯის" თავურები
"უდინეზეში" გოგლიჩიძის დებიუტი შედგა - მისი გუნდი 1/16-ფინალში გავიდა
Geo Team: არის პირადი კონტრაქტი - ჩაკვეტაძის "ვალენსიაში" ტრანსფერი ბოლომდეა მისაყვანი
სიგუას ახალ გუნდში დებიუტი ევროტურნირზე შედგება
17-წლამდე ვაჟთა ნაკრები საწვრთნელ შეკრებას იწყებს
"ნაპოლი" მთავარი თავდამსხმელის გარეშე დარჩა
სიგუა შვეიცარიაში გუნდს გამოიცვლის
"გვარდიოლა ამ ფეხბურთელის დამატებაზე ოცნებობს" - ფაბრიციო რომანო
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
როგორ ფორმაში ხვდება ხვიჩა სანაკრებო მატჩებს - ბარკოლას მარცხნივ ურჩევნია...
"სიტიმ" იმაზე დიდი ხელფასი შესთავაზა, ვიდრე პსჟ-სგან მოითხოვდა - დონარუმა პრემიერლიგას უახლოვდება
სპერციანს მყიდველების რიგი დაუდგა - სად გააგრძელებს კარიერას სომეხი ფეხბურთელი?
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ