<p>ვლადიკავკაზურ გუნდში დუბლებიდან რუსეთის მოქალაქე, 23 წლის მცველი გურამ თეთრაშვილი გადაიყვანეს <br> იყო დრო, როდესაც ვლადიკავკაზის "ალანია" ქართველი ფეხბურთელების ტრამპლინად მიიჩნეოდა. ტყუილად არ იწვევდნენ: ბევრმა ჩვენიანმა შეიტანა წვლილი ოდესღაც პროვინციული კლუბის რუსულ ფეხბურთში დაწინაურებაშიც.</p><p>ვლადიკავკაზში თამაშობდნენ <strong>მურთაზ შელია, მიხეილ ყაველაშვილი, ომარ თეთრაძე, კახა ცხადაძე, ლევან კობიაშვილი, გოგა გახოკიძე, გოჩა ჯამარაული, სოსო გრიშიკაშვილი, მამუკა წერეთელი, მიხეილ ფოცხვერია, ლევან სილაგაძე, ზურაბ მენთეშაშვილი</strong>... სულ "ალანიას" ფორმა 22 ქართველს მოურგია.</p><p>მაგრამ 2008 წელს ცხინვალში რუსეთის აგრესიის შემდეგ, ქართულ-ოსური საფეხბურთო პარტნიორობა დასრულდა და ქართველებს იშვიათად იწვევენ. ამის ფონზე შარშან უცნაურად ჩანდა, გასინჯვაზე საქართველოს ახალგაზრდული ნაკრების წევრი <strong>ივანე კანდელაკი</strong> და "ლეგენდარული მოგზაური" <strong>აპოლონ ლემონჯავა</strong> რომ იხმეს.</p><p>ახლა ვლადიკავკაზის კლუბში <strong>გურამ გიორგის ძე თეთრაშვილი</strong> თამაშობს. ჩვენი გულშემატკივრისთვის უცნობი ფეხბურთელი რუსეთის მოქალაქეა, 23 წლისაა და ცენტრალური მცველის პოზიციაზე თამაშობს.</p><p>თეთრაშვილი "ალანიას" დუბლებში გამოდიოდა, მთავარ გუნდში კი შარშან დეკემბერში გადაიყვანეს. "ალანია" პირველი ლიგის ლიდერია და პრემიერლიგაში გადასვლის ჩინებული შანსი გააჩნია.</p><p>გურამი სეზონისთვის კვიპროსში ემზადება, სადაც "ალანიას" დუბლშემადგენლობა საერთაშორისო ტურნირზე გამოდის და, უნდა ითქვას, ძალიან წარუმატებლადაც: ვლადიკავკაზელებმა პირველი შეხვედრა ნოვოსიბირსკის "სიბირთან" 0:6 წააგეს, მეორე კი იაროსლავლის "შინიკთან" - 0:4.</p><p>შესაძლოა, ვლადიკავკაზელებს ზაფხულიდან კიდევ ერთი ქართველი დაემატოს - გორის "დილას" შემტევმა ნახევარმცველმა <strong>გოჩა ხოჯავამ</strong> "ლელოსთან" ინტერვიუში თქვა, რომ საქართველოში სეზონის დასრულების შემდეგ, "ალანიაში" კონტრაქტს სთავაზობენ.</p><p><strong>ყოველდღიური სპორტული გაზეთი "ლელო"</strong></p>
"კვარა" ისევ როტაციაში და ორი მნიშვნელოვანი მატჩი პარალელურად
კონფერენს ლიგა: მექვაბიშვილმა სომხურ "ნოასთან" საგოლე გადაცემა გააკეთა
კიტეიშვილის "შტურმი" ოთხი გამარჯვების შემდეგ "სელტიკთან" დამარცხდა
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა