<p>”მილანი” კვლავაც პირველია და თუ "იუვენტუსმა" ასე გააგრძელა ქულების ფლანგვა, ვითარება არც შეიცვლება <br> <span style="color: #ff0000;"><strong>სერია A. გადადებული მატჩები</strong></span></p><p><em><strong>ატალანტა-ჯენოა 1:0</strong></em></p><p>გოლი: 1:0 მარილუნგო (79).</p><p><em><strong>პარმა-იუვენტუსი 0:0</strong></em></p><p>ოთხშაბათი „მილანისთვის“ ყოველმხრივ წარმატებული დღე იყო - ლომბარდიულმა გრანდმა ჩემპიონთა ლიგის მერვედფინალური ეტაპის პირველ მატჩში ”არსენალი” გამანადგურებელი ანგარიშით დაამარცხა, ტურინის ”იუვენტუსმა” კი სერია A-ს გადადებულ შეხვედრაში ”პარმას” ბევრი ვერაფერი დააკლო და 0:0-ს დასჯერდა.</p><p>მოკლედ, ”მილანი” კვლავაც პირველ ადგილზეა სატურნირო ცხრილში და თუ ტურინელებმა ასე გააგრძელეს ქულების ფლანგვა, ვითარება არც შეიცვლება.</p><p>ანტონიო კონტემ ”პარმას” ტრადიციული 4-3-3 დაუპირისპირა და შეტევის წინა ხაზზე მატრი-ვუჩინიჩი-ესტიგარიბიას ტრიო გაამწესა. ზემოთ კი ვთქვით ”იუვემ“ ”პარმას” ვერაფერი დააკლოო და ცოტა გადაჭარბებულად კი მოგვივიდა - ტურინელები მთელი შეხვედრის განმავლობაში კოლოსალურ უპირატესობას ფლობდნენ და სულ ცოტა მეტი სიზუსტე რომ გამოეჩინათ დამაგვირგვინებელ ფაზაში, ერთ გოლს მაინც აუილებლად გაიტანდნენ.</p><p>თუმცა, ის, რომ ”იუვე” საგოლე მომენტებს უმოწყალოდ ანიავებს, არახალია და შესაბამისად, უიღბლობაზე ლაპარაკი გაგვიჭირდება. ფაქტია, რომ რეალიზაციის მხრივ, ტურინელებს სერიოზული პრობლემები აქვთ და ამ კომპონენტზე კონტეს აშკარად სამუშაო აქვს.</p><p>მომენტი ბევრი შეიქმნა და მათი აღწერით აღარ შეგაწყენთ თავს, მხოლოდ ის აღვნიშნოთ, რომ ტურინელები სამჯერ ითხოვდნენ თერთმეტმეტრიანს და აქედან მინიმუმ ორჯერ არცთუ უსაფუძვლოდ. არბიტრმა მასპინძლები არ გაწირა და საბოლოოდ ფრე, 0:0.</p><p>მატჩის შემდეგ, კონტე იმედგაცრუებული გახლდათ:</p><p>”უკვე მერამდენედ მიწევს იმის თქმა, რომ უამრავი საგოლე მომენტი გავატანეთ ქარს. ფაქტია, რომ მარტო ფორტუნა არ არის ამ ყველაფერში დამნაშავე და დამაგვირგვინებელ ფაზაში მეტი სიფრთხილე და სიზუსტე გვმართებს.</p><p>არ მიყვარს მსაჯებზე ლაპარაკი, მაგრამ ვფიქრობ, რომ რიგ ეპიზოდებში აშკარად დავიჩაგრეთ. საერთოდ, მგონია, რომ მიმდინარე სეზონში არბიტრები ერიდებიან ჩვენ სასარგებლოდ სადავო ეპიზოდების გადაწყვეტას - მიმდინარე ჩემპიონატში მხოლოდ ერთი თერთმეტმეტრიანი გვაქვს დარტყმული, რაც ჩემი სიტყვების სისწორეზე ნათლად მეტყველებს”.</p><p>საინტერესო შეხვედრა გაიმართა ბერგამოში, სადაც ”ატალანტამ” ”ჯენოას” უმასპინძლა და მინიმალური სხვაობით დაამარცხა, 1:0. ერთადერთი გოლი მარილუნგოს ანგარიშზეა, რომელიც მეორე ნახევარში ჩაერთო თამაშში. ამ შეხვედრამ კიდევ ერთხელ დაადასტურა, რომ ”ჯენოა” მიმდინარე სეზონში სახლის გუნდია.</p><p>ასე სანახევროდ ქულების გროვება კი საკმარისი ნამდვილად არ არის ევროპის ლიგის საგზურის მოსაპოვებლად. დიახ, გენუელებს სწორედ აღნიშნული საგზური სურთ, მაგრამ ძნელად სავარაუდოა, რომ მიზანს მიაღწიონ.</p><p><span style="color: #ff0000;"><strong>18 თებერვალს</strong></span></p><p><em><strong>ინტერი-ბოლონია 23:45</p><p>ფიორენტინა-ნაპოლი 23:45</p><p></strong></em></p><p>თ მ ფ წ ბ ქ</p><p>1. მილანი 23 14 5 4 45-20 47</p><p>2. იუვენტუსი 22 12 10 0 33-13 46</p><p>3. ლაციო 23 12 6 5 37-24 42</p><p>4. უდინეზე 23 12 5 6 34-22 41</p><p>5. ინტერი 23 11 3 9 34-30 36</p><p>6. რომა 23 10 5 8 36-27 35</p><p>7. ნაპოლი 23 8 10 5 38-24 34</p><p>8. პალერმო 23 9 4 10 33-34 31</p><p>9. კალიარი 23 7 9 7 22-23 30</p><p>10. ჯენოა 23 9 3 11 31-45 30</p><p>11. ფიორენტინა 21 7 7 7 23-19 28</p><p>12. პარმა 22 7 7 8 27-34 28</p><p>13. კატანია 21 6 9 6 27-29 27</p><p>14. ატალანტა 23 8 9 6 26-27 27</p><p>15. კიევო 22 6 6 10 17-29 27</p><p>16. სიენა 22 5 8 9 22-22 23</p><p>17. ბოლონია 21 5 7 9 18-26 22</p><p>18. ლეჩე 23 4 6 13 22-38 18</p><p>19. ჩეზენა 22 4 4 14 15-34 16</p><p>20. ნოვარა 22 3 7 12 19-40 16</p><p><em>შენიშვნა: ატალანტა -6 ქულა</em></p><p><strong>ბომბარდირები</strong></p><p>17 - დი ნატალე (უდინეზე); 15 - იბრაჰიმოვიჩი (მილანი); 13 - კავანი (ნაპოლი); 12 - დენისი (ატალანტა), კლოზე (ლაციო), მილიტო (ინტერი), პალასიო (ჯენოა), იოვეტიჩი (ფიორენტინა).</p><p><strong>ყოველდღიური სპორტული გაზეთი "ლელო"</strong></p>
პოლიტანომ "ნაპოლისთან" კონტრაქტი გაახანგრძლივა
"ნაპოლიმ" ისევ მოიგო და ერთპიროვნული ლიდერია
64 წლის შემდეგ გადაწერილი ისტორია - მოდრიჩი 40 წლის ასაკშიც შესანიშნავ ფორმაშია
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე