- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ახალი სეზონის წინ
<p>წინასასეზონო ტესტების შემდეგ მსოფლიოს ჩემპიონატის პრაქტიკულად ყველა გუნდი ერთსულოვან ოპტიმიზმს გამოხატავდა <br> წინასასეზონო ტესტების შემდეგ მსოფლიოს ჩემპიონატის პრაქტიკულად ყველა გუნდი ერთსულოვან ოპტიმიზმს გამოხატავდა, მაგრამ ოფიციალური პრესრელიზების მიღმა ყველა არ იზიარებს კარგ განწყობას.</p><p><strong>ლოტუსი</p><p></strong>ხერესის ტესტებზე ყველაზე სწრაფი წრე ნიკო როსბერგმა დააფიქსირა, მაგრამ მის განკარგულებაში იყო შარშანდელი მანქანა - "მერსედეს W02". ახალი მანქანებიდან კი უსწრაფესი გახლდათ "ლოტუს" E20, რომელსაც რომენ გროსჟანი მართავდა. თუ "მერსედესს", არ ჩავთვლით, სწორედ ფრანგი გამოვიდა პირველი წუთი და 19 წამიდან.</p><p>პირველი სინჯების შედეგების მიხედვით, რაიკონენი და გროსჟანი აქებდნენ E20-ის მართვის სიმარტივეს. ბოლიდის სიჩქარე "ლოტუსის" მეტოქეებმაც დააფასეს. გროსჟანმა აგრეთვე აღნიშნა მანქანის ხარვეზები: "ჩვენ გვაწუხებს მანქანის ტემპი გრძელ მონაკვეთებზე. ბოლო დღეს ყურადღება გავამახვილეთ გრძელ სერიებზე და საბოლოოდ შევძელით გარკვეული პროგრესის მიღწევა".</p><p><strong>ფერარი</p><p></strong>ყველაზე სწრაფების სიაში მეორე ადგილი დაიკავა "ფერარიმ" თავისი F2012-ით. ალონსომ ტესტების ფინალური დღე საუკეთესო დროით დაასრულა, მაგრამ მაინც ვერ დამალა თავისი უკმაყოფილება. ჟურნალისტების კითხვაზე მანქანის პილოტირებისას წარმოქმნილ შთაბეჭდილებების შესახებ ფერნანდომ დაახლოებით შემდეგი უპასუხა: "ავსტრალიამდე დრო საკმარისია".</p><p>ტესტების მსვლელობისას სპეციალისტები პერიოდულად აღნიშნავდნენ ტრასაზე წითელი მანქანის ერთგვარად ნერვულ "ქცევას". "ჩვენ აქ რამდენიმე იდეით ჩამოვედით, მაგრამ სინამდვილეში ყველაფერი ისე არ იყო, როგორც თავიდან ვივარაუდეთ. თუმცა მუშაობის პროცესში პროგრესს მივაღწიეთ და ბარსელონაში ტესტების პირველ დღეს გაცილებით იოლი იქნება ყველაფერი.</p><p>მაქსიმალურად უნდა გავერკვეთ ახალ მანქანაში, ახლა კი მის შესახებ დაახლოებით 20 პროცენტი ვიცით", - განაცხადა ტეტსების შემდეგ ესპანელმა. უნდა აღინიშნოს, რომ ახალი "ფერარი" არაერთხელ დარჩა ბოქსებში ტექნიკური პრობლემების გამო.</p><p><strong>მაკლარენი</p><p></strong>მსგავსი სიტუაცია იყო "მაკლარენში". ჰემილტონსა და ბატონს სერიოზული პრობლემები არ ჰქონიათ, მაგრამ პრეტენზიები გამოითქვა ბოლიდის მართვასთან დაკავშირებით.</p><p>"ეს ახალი მანქანაა და შესაბამისად, მეტად არაპროგნოზირებადი გახლავთ. ჯერ კიდევ არ გვესმის როგორ მოვმართოთ ის ჩვენს სტილზე.</p><p>უკანა ნაწილში მოჭიდების ძალა დაბალია - სწრაფი მოსახვევების გავლა უფრო რთული გახდა, ვიდრე ეს შარშანდელი მოდელით იყო შესაძლებელი", - დაიჩივლა ჰემილტონმა. თუმცა თავად ლუისმა აღნიშნა MP4-27-ის ძლიერი მხარეები, რომელიც, მისი სიტყვებით, უკეთესია დამუხრუჭების დროს.</p><p><strong>რედ ბული</p><p></strong>ამასობაში, ჩემპიონ "რედ ბულს" სხვა სახის სირთულეები შეექმნა. პილოტების სიტყვებით, RB8 ტრასაზე სწორედ ისე იქცევა, როგორც ისინი ვარაუდობდნენ. მაგრამ ეს მხოლოდ მაშინ ხდებოდა, როცა ბოლიდი ახერხებდა ბოქსების დატოვებას: პირველ დღეს უებერმა სამი საათი დაკარგა იმის გამო, რომ ხერესში დროულად არ ჩაიტანეს დეტალები, მეორე დღეს ფეტელი ნახევარი დღე იჯდა ნახევრადაუწყობელ ძრავასთან. ოთხი დღის განმავლობაში გავლილი წრეების რაოდენობით "რედ ბული" მხოლოდ მერვე ადგილზე გავიდა.</p><p>საინტერესოა ედრიან ნიუის კომენტარი, რომელიც მან ტესტების პირველ დღეს გააკეთა. გუნდის მთავარმა ინჟინერმა განაცხადა, რომ მექანიკოსებმა ვერ შეძლეს მოჭიდების ძალის დაკარგვის კომპენსირება, რაც დიფუზორის გაუქმებით იყო გამოწვეული.</p><p><strong>ტორო როსო</p><p></strong>"ტორო როსომ" თავიდან აიცილა სერიოზული ტექნიკური პრობლემები. ოპტიმიზმით აღსავსე დანიელ რიკარდო და ჟან-ერიკ ვერნი ძალიან დადებითად აფასებენ STR7-ის საერთო ბალანსს და აღნიშნავენ, რომ ავტომობილის საბაზო მახასიათებლების შეკრება რთული არ ყოფილა.</p><p><strong>ზაუბერი</p><p></strong>მანქანით კმაყოფილნი არიან "ზაუბერში". იქ ყურადღებას აქცევენ იმას, რომ C31 თავიდანვე უფრო სწრაფი იყო, ვიდრე მისი წინამორბედი, მაგრამ სხვადასხვა დაზიანებებმა დროის დაკარგვა გამოიწვია. მაგალითად, სერხიო პერესმა ბოქსებში დიდი დრო გაატარა საწვავის სისტემის პრობლემების გამო, კობაიასიმ კი ორი საათი დაკარგა ჰიდრავლიკის სისტემის გაჟონვის გამო.</p><p>გუნდის პრეს-რელიზი ოპტიმიზმით იყო სავსე, მაგრამ მოგვიანებით კობაიასის "ტვიტერზე" ასეთი ხასიათის შეტყობინება გაჩნდა: "ტექნიკური მახასიათებლების მხრივ, სამუშაო სრულად არ ჩაგვიტარებია. ბარსელონას ტესტები უკეთ ჩაივლის".</p><p><strong>ფორს ინდია</p><p></strong>კიდევ უფრო მეტი დრო დაკარგეს "ფორს ინდიაში". მეორე დღეს ჟიულ ბიანკი, რომელიც GP2-ის რბოლებში ხანდახან პირველ მოსახვევამდე ვერ აღწევდა, მესამე წრეზე გადავარდა ტრასიდან. მანქანა გაარემონტეს, მაგრამ მთელი დღე დაიკარგა. ჰიულკენბერგს კი მოუწია ერთდროულად მანქანასთან შეგუება და სხვადასხვა კონფიგურაციის გამოცდა.</p><p>და მაინც, ინდური საჯინიბო ბაზაზე კარგი განწყობით დაბრუნდა - პირველ დღეს პოლ დი რესტამ მოასწრო საბაზო მახასიათებლების პოვნა და VJM05-ის რბოლებისთვის მომზადების მიახლოებითი მიმართულების განსაზღვრა. გარდა ამისა, პირველადი ანალიზის თანახმად, გუნდი კმაყოფილია გრძელ სწორ მონაკვეთებზე განვითარებული სიჩქარით - მანქანის მოქმედება შედარებით სტაბილურად და პროგნოზისამებრ იცვლება.</p><p><strong>უილიამსი</p><p></strong>"უილიამსში" დროის დანახარჯი არ შეიმჩნეოდა, მაგრამ პირველივე დღეებიდან FW34-ში ბავშვური შეცდომები დაფიქსირდა. თუმცა საერთო კილომეტრაჟზე ამას არ უმოქმედია - ბრიტანულმა საჯინიბომ ხერესში 370 წრე გაიარა და ამ მხრივ მეორე ადგილი დაიკავა. ორივე პილოტი კმაყოფილის FW34 -ის მოქმედებით ტრასაზე, ბრუნო სენამ კი ისიც განაცხადა, რომ მანქანა საკმაოდ "თვინიერია".</p><p><strong>კატერჰემი</p><p></strong>არაოფიციალური ოქმების თანახმად, ყველაზე ნელი მანქანა იყო "კატერჰემის" CT01. გუნდის ინჟინრებს უნდა შეესწავლათ KERS-სა და DRS-ის სისტემები, ამიტომაც პილოტებს წრეების მოკლე სერიებზე უშვებდნენ, რომელთა შორის მუდმივად ცვლიდნენ მახასიათებლებს.</p><p>პილოტები კმაყოფილები დარჩნენ საკუთარი შედეგებით. ზოგიერთ მონაკვეთზე CT01-ის საშუალო დრო არ ჩამოუვარდებოდა "ტორო როსოსა" და "ფორს ინდიას" ანალოგიურ მაჩვენებლებს.</p><p>ზამთრის ტესტების მეორე სერია 21 თებერვალს ბარსელონაში დაიწყება.</p><p><strong>ყოველდღიური სპორტული გაზეთი "ლელო"</strong></p>
ამბები, რომლებიც შესაძლოა შაბათ-კვირას გამოგრჩა
ისრაელს საერთაშორისო სპორტიდან მოკვეთენ? ოლიმპიური კომიტეტის პასუხი
უარი ბელარუსთან თამაშზე - უკრაინის მამაკაცთა პლაჟის ფეხბურთის ნაკრები მატჩზე არ გამოცხადდება
[VIDEO] აშორტიას გოლი, გაფრინდაშვილის საგოლე პასი...
"ბორჯღალოსნები" | ნამატით კანადასთან
პსჟ-ს აკრიტიკებენ - ლუის ენრიკე დაცვის თამაშით უკმაყოფილოა
[VIDEO] ქვილითაია ნაკრებში გოლით ბრუნდება, ინჯგიამ ქულა გადაარჩინა
[VIDEO] ...ასე გამოუვიდა კიტეიშვილს საგოლე პასი
"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება
მეორე ვადით - "ბენფიკას" პრეზიდენტად კვლავ რუი კოშტა აირჩიეს
იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა
"სევილია" შესაძლოა, მალე გაიყიდოს - ახალ მფლობელებს კლუბში დიდი ვალი დახვდებათ
ტენ ჰაგი პრემიერ ლიგაში არ დაბრუნდება - ვულვზმა მწვრთნელად სხვა დამრიგებელი აირჩია
საქართველო 5:0 ესტონეთი
[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა
"ლიონთან" მატჩში პსჟ-ს შემადგენლობა ცნობილია
[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია
[VIDEO] "ნაპოლის" მესამე უგოლო მატჩი და მარცხი "ბოლონიასთან"
"რათა შეცდომები არ განმეორდეს" - რა ითქვა აშშ-სთან მატჩის შემდეგ
14 ქულა და გამარჯვება "ბურგოსთან" | შერმადინი ახალ რეკორდს მიუახლოვდა
[VIDEO. ეროვნული ლიგა 2] "რუსთავი" ცალი ფეხით უმაღლესშია!
ერთი მწვრთნელის ხელმძღვანელობით ყველაზე მეტი გოლი - გრიზმანმა მესის გადაასწრო
დოვბიკმა შესაძლოა, იტალია დატოვოს - უკრაინელის დამატება თურქულ გუნდს სურს