<p>18 თებერვალს დიუსელდორფის "დიდ პრიზზე" ჩვენი ნაკრები სრული გუნდით გამოვა <br> 18 თებერვალს დიუსელდორფში "დიდი პრიზის" მორიგი სალიცენზიო ტურნირი იწყება, რომელშიც საქართველოს ვაჟთა ნაკრები სრული, 14-კაციანი გუნდით იასპარეზებს.</p><p>60 კილოგრამში <strong>ამირან პაპინაშვილი</strong> და <strong>ბეთქილ შუკვანი</strong> ბადის ერთ მხარეს მოხვდნენ ანუ საუკეთესო შემთხვევაში, ნახევარფინალში ერთმანეთთან იჭიდავებენ.</p><p>პირველ წრეში ორივე ისვენებს, უფრო რთული არჩევანი კი, ვფიქრობთ, მაინც პაპინაშვილს ერგო - მისი მეტოქე იაპონელი <strong>ნაშისა ტაკატოსა</strong> და ჰონგკონგელ <strong>იუკ ტინგ ლეეს</strong> შერკინებაში გაირკვევა, თუმცა ლამის დაბეჯითებით შეიძლება თქმა, რომ ამ შეხვედრას ტაკატო მოიგებს. პაპინაშვილის სიახლოვეს ანგარიშგასაწევი ბრიტანელი <strong>ეშლი მაკენზიცაა</strong>.</p><p>შესაძლოა, შუკვანს პირველ მეტოქედ ისევ ებრაელი <strong>არტიომ არშანსკი</strong> ერგოს, ვისაც თბილისის ტურნირის ფინალში დამაჯერებლად მოუგო. ყოველ შემთხვევაში, არშანსკი მანამდე იემენელ <strong>ალი ხოსროფის</strong> ეჭიდავება, რომლის დამარცხებაც არ უნდა გაუჭირდეს. თუ ამ სამეულს გასცდა, შუკვანს კანადელი <strong>ვილ ფრეზერის</strong>, ყაზახი <strong>იელდოშ სმეტოვისა</strong> და აზერბაიჯანელი <strong>ილგარ მუშკიევის</strong> ტრიოში გამარჯვებული შეხვდება. ამათგან ყველაზე ძლიერი მსოფლიოს პრიზიორი მუშკიევი გვგონია, თუმცა ჩვენებურმა მას კარიერაში სამივე ორთაბრძოლა მოუგო, ბოლოს კი წინა შაბათს დაამარცხა ობერვარტში.</p><p>წილისყრამ <strong>შალვა ქარდავას</strong> (66) თითქოს გაუმართლა, რადგან პირველ წრეში ანდორელი <strong>დანიელ გარსია გონსალესი</strong> არგუნა. ამასთანაც თუ წააგო და აღარ ყოფილა საშველი, მაგრამ მერე იმ იტალიელ <strong>ფრანჩესკო ფარალდოს</strong> ხვდება, ვისთანაც პარიზის "დიდ მუზარადზე" დამარცხდა. ამ წონაში <strong>ლაშა შავდათუაშვილი</strong> თავიდან ისვენებს, მის მეტოქეს კი ეკვადორელ <strong>ისრაელ ვერდუგოსა</strong> და მოლდოველ <strong>იგორ სოროკას</strong> შეხვედრა გაარკვევს.</p><p>გაუმართლა <strong>ნუგზარ ტატალაშვილს</strong> (73) - მეორე წრეშია გასული და დომინიკელ <strong>ფაუსტო ბივიეკას</strong> ხვდება, მასთან წარმატების შემთხვევაში კი ბელგიელი <strong>დიკ ვან ტიხელტი </strong>ელოდება. მთლად ძლიერები არც ახლო-მახლოსაა ვინმე - ახალზელანდიელ, მალელ და სუსტ გერმანელთა ფონზე ყველაზე ძლიერი კიდევ ქვეყნიდან ქვეყანაში ნათრევი ვეტერანი ტაჯიკი, მსოფლიოსა და ოლიმპიური პრიზიორი <strong>რასულ ბოკიევი</strong> ჩანს, რომელსაც ნამდვილად არ უდგას კარგი დრო. აი, <strong>ზებედა რეხვიაშვილს</strong> (73) კი ნამდვილად არ გაუმართლა - პირველივე წრეში იაპონელი <strong>იუკი ნიშიამა</strong> ერგო.</p><p>81-ში ასეთი წილი გვერგო - <strong>ლევან წიკლაური ავთანდილ ჭრიკიშვილის</strong> მიერ წლეულს უკვე ორჯერ დამარცხებულ ბელარუს <strong>ალექსანდრ სტიაშენკას</strong> ხვდება, თავად ჭრიკიშვილი კი ზედიზედ ორი წრე ისვენებს, ხოლო თუ ვის შეხვდება მესამეში, ეს გერმანელი <strong>ჰანეს კონრადისა</strong> და ბერძენი <strong>ალექსის ნანაციდისის</strong> ბრძოლაში გამოვლინდება.</p><p>90-ში <strong>ვალერი ლიპარტელიანიც</strong> მესამე წრეშია, მისთვის ყველაზე საინტერესო კი ჰოლანდიელი <strong>რობი ვან ლაარჰოვენისა </strong>და ჩვენთვის თბილისის ტურნირიდან ნაცნობი მოლდოველ <strong>ივან რემარენკოს</strong> შეხვედრა იქნება - იქ მისი მეტოქე გაირკვევა.</p><p>ოლიმპიური ჩემპიონი <strong>ზურაბ ზვიადაური</strong> არგენტინელ <strong>ჰექტორ კამპოსს</strong> ეჭიდავება.</p><p><strong>ლევან ჟორჟოლიანი</strong> (100) პირველ წრეში ისვენებს, მასთან შეხვედრის უფლების მოსაპოვებლად კი ერთმანეთს მაროკოელი <strong>ადილ ფიკრი</strong> და ტაჯიკი <strong>მაკამადმუროდ აბდურახმონოვი</strong> ეჭიდავებიან. რეაბილიტირებული ნოდარ მეტრეველი ყირგიზ <strong>ალექსეი ტასკინს</strong> ხვდება.</p><p>მძიმე წონაში თავიდან ორივე ჩვენებური ისვენებს. <strong>ზვიად ხანჯალიაშვილთან</strong> შესახვედრად ებრაელი <strong>ორ სასონი</strong> და ჰოლანდიელი <strong>გრიმ ვუიჯსტერსი</strong> იჭიდავებენ, <strong>ადამ ოქრუაშვილი</strong> კი გერმანელ <strong>მატიას შმუნკსა</strong> და ყაზახ <strong>ულან რისკულს</strong> შორის მოგებულს შეხვდება. ცხადია, ხანჯალიაშვილს ბევრად ძნელი წილისყრა შეხვდა.</p>
nini
მიდით ბიჭებო მაგრები ხართ აბა თქვენ იცით ანახეთ შედეგი... წარმატებები ყველას
drinjo
XANJALEICHVILMA CHIDAOBA UNDA ISTAVLOS DA MIAGCEVS RAMES AUCILEBLAD
[VIDEO] ქართული ფინალი ავსტრიის გრან-პრიზე - ტატო გრიგალაშვილმა ოქროს მედალი მოიპოვა
[VIDEO] ავსტრიის გრან-პრიზე ქართული ფინალი შედგება
[VIDEO] პირველი დღე უმედლოდ - მარგველაშვილი ავსტრიის გრან-პრიზე ბრინჯაოს მედლისთვის ბრძოლაში დამარცხდა
შეთანხმება მიღწეულია - ფლიკი "ბარსელონას" მთავარი მწვრთნელის პოსტზე დარჩება
პერესის რჩეული - "რეალი" ოლისეს სუპერ ტრანსფერისთვის ემზადება?
სპალეტის იმედი აღარ აქვს - კლუბი დევიდის წასვლას ხელს არ შეუშლის
ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ
"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
საქართველოს ნაკრები რუმინეთთან ამხანაგურ მატჩს გამართავს
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს