<p>"თუ რვა საუკეთესო გუნდს შორის ვერ მოვხვდებით, ამოცანა შეუსრულებელი იქნება" <br> თურქეთის სუპერლიგის ბოლო ტურში შოთა არველაძის გაწვრთნილი "ქაისერისფორი" შინ შენოლ გიუნეშის "ტრაბზონსფორს" 3:3 ეთამაშა - შოთა ყოფილი გუნდის და მწვრთნელის წინააღმდეგ.</p><p>"ქაისერი" ორჯერ იგებდა ორბურთიანი სხვაობით (2:0 და 3:1), მაგრამ უპირატესობა ვერ შეინარჩუნა.</p><p>შოთას თურქეთში რომ შევეხმიანეთ, ჯერ ამაზე ჩამოვუგდეთ სიტყვა.</p><p>"მეორე ტამში 3:1-ს რომ ვიგებდით, ჩვენი ფეხბურთელები მოეშვნენ, ბურთის გაგორება დაიწყეს, გულშემატკივარიც ოლე-ოლეს იძახდა და საქმე მომთავრებული ეგონათ.</p><p>"ტრაბზონსფორმა" ამით ისარგებლა, ერთი ბურთი რომ გაქვითა, იშტაზე მოვიდა და ანგარიშიც გაათანაბრა", - გვითხრა არველაძემ, ვისაც ამ შეხვედრის სხვა პერიპეტიებიც გამოვკითხეთ.</p><p>"მეტოქემ ნაცადი სისტემით, 4-3-3-ით ითამაშა, მატჩის ბოლოს კი გიუნეში რისკზე წავიდა და კიდევ ერთი თავდამსხმელი გამოიყვანა. შეიძლება ითქვას, რომ მოწინააღმდეგემ საგოლე მომენტები მაქსიმალურად გამოიყენა, ჩვენ კი ბევრი შანსი გავფლანგეთ.</p><p>ამ სეზონში ძალიან ბევრ გოლს ვუშვებთ, გასატანი კი ძნელად გაგვაქვს. ყველაფერი უფრო ინდივიდუალური შეცდომების ბრალია, ვიდრე მთლიანად გუნდის არაორგანიზებულობის.</p><p>რაც შეეხება გიუნეშს, თამაშის მერე აღარ მინახავს, მატჩის დაწყებამდე კი ერთი წამით შევხვდი და ძალიან მეგობრულად მოვიკითხეთ ერთმანეთი".</p><p>"ქაისერისფორი" თურქეთის თვრამეტგუნდა სუპერლიგაში ახლა მე-11 ადგილზეა და რვა საუკეთესო გუნდში მოსახვედრად იმად იბრძვის, რომ მერე იქნებ ევროსაგზურსაც გამოჰკრას ხელი.</p><p>რა მოხდება, თუ გუნდი ამ მიზანს ვერ მიაღწევს? დარჩება შოთა "ქაისერისფორში?</p><p>"რვა საუკეთესო გუნდში მოხვედრა გაგვიჭირდება. თუ ამას ვერ შევძლებთ, ამოცანა შესრულებული ვერ იქნება და არ ვიცი, რა გადაწყვეტილებას მიიღებს კლუბის ხელმძღვანელობა", - განგვიმარტა შოთამ.</p><p>"ქაისერისფორის" თავკაცმა ისიც გვითხრა, გამორიცხული სულაც არ არის, თურქული კლუბები ევროსარბიელის მიღმა რომ დატოვონო.</p><p>მოგეხსენებათ, თუ რამხელა სკანდალი აგორდა "ფენერბახჩეზე", რომლის დასჯას უეფა ითხოვს, თურქული ფეხბურთის მესვეურები კი "ფენერს" სუპერლიგიდან არ აგდებენ.</p><p>"ამ კლუბის სუპერლიგიდან გაგდება ძნელად მისაღები გადაწყვეტილებაა. "ფენერბახჩეს" უფრო მეტი გულშემატკივარი ჰყავს, ვიდრე "ბაიერნს", "არსენალს" თუ "მანჩესტერს". ამ კლუბის სუპერლიგაში ყოფნა მარკეტინგული თვალსაზრისითაც ძალიან მნიშვნელოვანია".</p><p>როგორ მორიგდებიან უეფა და თურქეთი, ცალკე საკითხია, ჩვენთვის უფრო საინტერესო იქ მოსაქმე ქართველი მწვრთნელის კარიერაა. "ქაისერს" ახლა რთული პერიოდი აქვს და ამოცანის შესასრულებლად ყველაზე უფრო გოლები ჭირდება, მეგოლე თავდამსხმელი კი ამ დროსითვის გუნდში არავინაა.</p><p>შეტევაში მთავარი კაცი ჩვენთან მაროკოელი ნორდინ ამრაბატიაო, გვითხრა შოთამ, რომელიც, როგორც ჩანს, მხოლოდ გოლებით არ აფასებს თავდამსხმელს. ამრაბატს თურქეთის მიმდინარე ჩემპიონატში ოთხი გოლის აქვს გატანილი, მის ავსტრალიელ თანაგუნდელ ჯეიმს ტროისის კი რვა...</p><p><strong>ყოველდღიური სპორტული გაზეთი "ლელო"</strong></p>
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
Le Parisien-ი კვარაცხელიას ტრავმის შესახებ ინფორმაციას ავრცელებს
წიტაიშვილი და აბუაშვილი შეცვლაზე და "მეცის" ფრე "ჰავრთან"
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ