<p>ბარსელონაში წინასასეზონო ტესტების მეორე სერიის მეორე დღე გაიმართა <br> 22 თებერვალს, ბარსელონაში წინასასეზონო ტესტების მეორე სერიის მეორე დღე გაიმართა, მაგრამ სანამ გუშინდელი დღის პერიპეტიებზე მოგიყვებოდეთ, გთავაზობთ სხვადასხვა გუნდის წარმომადგენელთა შთაბეჭდილებებს პირველი დღის შესახებ.</p><p>"მერსედესის" ხელმძღვანელი როს ბრაუნი მიიჩნევს, რომ პელოტონში ძალთა გადანაწილების მიუხედავად, "რედ ბული" ახალ სეზონში ფავორიტად დარჩება.</p><p>"ვფიქრობ, ყველანი ხედავთ, რომ "რედ ბული" ის გუნდია, რომელიც ერთ ღამეში არ გაფუჭდება. ასე რომ, მათ ძლიერი ავტომობილი ეყოლებათ, მე ამაში დარწმუნებული ვარ. "მაკლარენიც" ძლიერი იქნება. შესაძლოა, "ფერარის" ამ მომენტისთვის სირთულეები აქვს, მაგრამ ისინი გააუმჯობესებენ საკუთარ ბოლიდს, რადგან ძლიერი და გამოცდილი გუნდია.</p><p>ასე, რომ წინ არის ის ჯგუფი, რომელიც შარშანაც გამოირჩეოდა, მაგრამ ჩვენ უნდა დავარღვიოთ ეს შაბლონი და წინ წავიწიოთ. არ ვიცი რომელ გუნდს გავუსწრებთ, მაგრამ ვფიქრობ, ყველა ვიბრძვით იმისთვის, რომ "რედ ბულის" დონეს გავუთანაბრდეთ", - განაცხადა "მერსედესის" ოფიციალურ ვებგვერდზე ბრაუნმა.</p><p>თავის მხრივ, ბარსელონას ტესტების პირველი დღის ლიდერი სებასტიან ფეტელი მოხიბლული დარჩა "მაკლარენის" ბოლიდის ტემპით.</p><p>"ჩემი აზრით, "მაკლარენი" დღეს ძალიან ძლიერად გამოიყურებოდა. დანარჩენებზე დასკვნის გამოტანა ჯერ ნაადრევია. მხოლოდ ლუის ჰემილტონის გრძელი წრეების სერიისას დაფიქსირებული დრო ვნახე. საინტერესო შედეგი აქვს.</p><p>სიმართლე გითხრათ, არ მინახავს ტრასაზე მანქანების დიდი ნაწილი, ამიტომაც მხოლოდ საკუთარი შედეგების კომენტირება შემიძლია. ახალი ბოლიდისგან შესანიშნავი შთაბეჭდილებები დამრჩა, მაგრამ არ ვიცი საკმარისად სწრაფია თუ არა.</p><p>"მაკლარენი" კონკურენტუნარიანი ჩანს. ვფიქრობ, ისინი დღეს არ ცდილობდნენ საუკეთესო დროის დაფიქსირებას. წრეების გრძელ სერიებს ატარებდნენ და ტემპი მაღალი ჰქონდათ. ასე რომ, ისინი სეზონის სტარტიდანვე ძლიერები იქნებიან.</p><p>"ფერარის" დღევანდელი ტემპი ნამდვილ საიდუმლოს წარმოადგენს. არავინ იცის, მართლა კარგია იტალიელების ბოლიდი თუ პირიქით – ცუდი", - ასეთი კომენტარი მისცა მსოფლიოს ჩემპიონმა ტესტების პირველ დღეს.</p><p>"ფერარის" პილოტმა ფერნანდო ალონსომ პირველ დღეს 75 წრე გაიარა და მეხუთე დრო აჩვენა. "კიდევ დიდი მოცულობის სამუშაოს შესრულება მოგვიწევს. სწორედ ამისთვის ჩამოვედით აქ. არ მგონია, რომ უახლოეს დღეებში რაიმე დიდად შეიცვალოს. საქმე ისაა, რომ სანამ გავიგებთ სინამდვილეში რას წარმოადგენს ავტომობილი, გვჭირდება თავსატეხის ყველა ნაწილს თავისი ადგილი მივუჩინოთ.</p><p>ვიცი, რომ ჩვენი მანქანისგან ბევრს ელიან, მაგრამ ჩვენ მუშაობის საკუთარი გრაფიკი გვაქვს შედგენილი და არ ვაქცევთ ყურადღებას იმას, რა ხდება გარშემო. სიტუაციის სწორად შეფასების საშუალება მხოლოდ მელბურნში გვექნება", - მოყვანილია ალონსოს სიტყვები "ფერარის" ოფიციალურ პრეს-რელიზში.</p><p><strong>* * *</p><p></strong>რაც შეეხება გუშინდელ დღეს, ვარჯიში საკმაოდ ინტენსიური გამოვიდა - გუნდები ახალი მანქანების პირველ პრობლემებს წყვეტდნენ, ბევრმა პილოტმა წრეების გრძელი სერია გაიარა, ზოგიერთმა რბოლის რეჟიმში იმუშავა...</p><p>პირველ დღესთან შედარებით გარკვეული გადაადგილებები მოხდა. "ლოტუსმა" წინა დღეს დატოვა ბარსელონა - მან მანქანის პრობლემების გამო ნაადრევად დაასრულა ტესტები, "მერსედესის" საჭესთან ნიკო როსბერგმა მიხაელ შუმახერი შეცვალა, "უილიამსის" სარეზერვო პილოტს ვალტერი ბოტასს მიეცა მანქანის გაცნობის საშუალება, ვიტალი პეტროვს კი დებიუტი ჰქონდა "კატერჰემის" რიგებში.</p><p>ყველაზე გრძელი დისტანცია ლუის ჰემილტონმა გაიარა, თუმცა სხვებიც გადაცდნენ 100 წრეს. მაგალითად, სებასტიან ფეტელი, რომელიც რბოლის იმიტაციას მიმართავდა ორი პიტსტოპით.</p><p>ოქმს სათავეში ჩაუდგა ნიკო ჰიულკენბერგი ("ფორს ინდია"), რომელმაც ამ კვირის საუკეთესო დრო აჩვენა - 1.22,608.</p><p><strong>II დღე</p><p></strong>1. ნ. ჰიულკენბერგი (Force India) 1.22,608 (112 წრე)</p><p>2. ს. პერესი (Sauber) +0,040 (83)</p><p>3. ს. ფეტელი (Red Bull) +0,283 (104)</p><p>4. ფ. ალონსო (Ferrari) +0,572 (85)</p><p>5. დ. რიკარდო (Toro Rosso) +1,031 (46)</p><p>6. ლ. ჰემილტონი (McLaren) +1,198 (120)</p><p>7. ნ. როსბერგი (Mercedes) - +1,947 (82)</p><p>8. ვ. ბოტასი (Williams) +3,130 (117)</p><p>9. ვ. პეტროვი (Caterham) +3,997 (69)</p><p>10. შ. პიკი (Marussia) +4,735 (108)</p><p><strong>ყოველდღიური სპორტული გაზეთი "ლელო"</strong></p>
ისრაელს საერთაშორისო სპორტიდან მოკვეთენ? ოლიმპიური კომიტეტის პასუხი
უარი ბელარუსთან თამაშზე - უკრაინის მამაკაცთა პლაჟის ფეხბურთის ნაკრები მატჩზე არ გამოცხადდება
ამწე კრანის ფასი თბილისში – როგორ ავირჩიოთ ხარისხიანი სერვისი
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ