- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქართველი "თავისუფლები" დასკვნით შეკრებაზე
<p>ვლადიმერ ხინჩეგაშვილი, ოთარ თუშიშვილი და გიორგი გოგშელიძე ბელგრადში გასამართ ევროპის ჩემპიონატს გამოტოვებენ <br> გუშინ საქართველოს ბერძნულ-რომაული სტილით მოჭიდავეთა ეროვნული ნაკრები მინსკიდან დაბრუნდა, სადაც ერთობლივი სასწავლო-საწვრთნელი შეკრება გაიარა, ხოლო თავისუფალი სტილით მოჭიდავეებმა დუშეთში დაიწყეს ევროპის ჩემპიონატისთვის მოსამზადებელი დასკვნითი შეკრება.</p><p>ორ დღეში მზადების ანალოგიურ ციკლზე ბერძენ-რომაელებიც გადავლენ, ოღონდ ჯერ არაა გადაწყვეტილი, თბილისში ივარჯიშებენ თუ დუშეთში.</p><p>კონტინენტის პირველობა 6-11 მარტს ბელგრადში გაიმართება. "თავისუფლები" იქ დუშეთიდანვე გაემგზავრებიან 4 მარტს, რადგან ჯერ მათი შეჯიბრება იმართება.</p><p>ნაკრების თავკაცმა ზაზა თურმანიძემ შეკრებაზე გუნდის ყველა ლიდერი წაიყვანა. მათ შორის - ტრავმირებული ოთარ თუშიშვილიც (66), რომელმაც ხელახლა გააახლებული ნეკნის ძველი ტრავმის გამო კიევის საერთაშორისო ტურნირში ვერ იჭიდავა.</p><p>მისი უიღბლობა საყოველთაოდ ცნობილია და რამდენიმეწლიანი მკურნალობის შემდეგ სპორტში დაბრუნებული პირველივე სტარტზე დაშავდა - საქართველოს ჩემპიონატში, სადაც ლამის ნახევარი შეჯიბრება ნატკენი ნეკნით ჩაატარა, ხოლო ფინალის შემდეგ მოძრაობა უჭირდა. ტრავმა უკვე იმდენად მოშუშდა, ვარჯიში კი განაახლა, მაგრამ სატურნიროდ ჯერ მზად არაა. თუმცა საჩქაროც არაფერია, რადგან, სავარაუდოდ, არც ევროპირველობაზე გამოვა.</p><p>როგორც საქართველოს ჭიდაობის ფედერაციაში გვითხრეს, თურმანიძის გადაწყვეტილებით, ევროპის ჩემპიონატზე ოთხივე ლიცენზირებული ფალავანი იჭიდავებს, უსაგზუროდ დარჩენილ წონებში კი ლიდერები ამჯერად დაისვენებენ და სალიცენზიო ტურნირებისთვის მოემზადებიან.</p><p>აქედან გამომდინარე, ბელგრადში წამყვან ფალავანთაგან ევროპის ვიცე-ჩემპიონი მალხაზ ზარქუა (60), ევროპისა და მსოფლიოს მესამე პრიზიორი დავით ხუციშვილი (74), ევროპის ვიცე-ჩემპიონი, მსოფლიოს ბრინჯაოს მედალოსანი დავით მარსაგიშვილი (84) და მსოფლიოს მესამე პრიზიორი დავით მოძმანაშვილი (120) გამოვლენ, ევროპის ვიცე-ჩემპიონი ვლადიმერ ხინჩეგაშვილი (55), მსოფლიოს, ევროპისა და ოლიმპიური პრიზიორი თუშიშვილი და მსოფლიოსა და ევროპის ჩემპიონი, ოლიმპიური მედალოსანი გიორგი გოგშელიძე (96) კი სალიცენზიო შეჯიბრებისთვის მოემზადებიან.</p><p>მწვრთნელთა ეს გადაწყვეტილება იქნებ ბევრისთვის საკამათო იყოს, მაგრამ ოლიმპიადის ფაქტორითაა გამოწვეული - ნაწილი თუ ამ უმთავრესი შეჯიბრებისთვის უნდა მოემზადოს, ნაწილმა ჯერ იქ გამოსვლის უფლების მოსაპოვებლად უნდა იბრძოლოს და მიზანმიმართულ მზადებაზე მერე გადავიდეს. უკვე ლიცენზირებული მოჭიდავეები სატურნირო პრაქტიკას ევროპაზე მიიღებენ, დანარჩენები - სალიცენზიოებში.</p><p>ამ რანგის შეჯიბრებები სტარტს მარტშივე აიღებენ, მაგრამ ევროპელებისთვის განკუთვნილი სამი ტურნირი აპრილიდან იწყება და მეტად შემჭიდროებულ ვადებში, სამ კვირაში მთავრდება ანუ ერთმანეთის მიყოლებით ტარდება. ცხადია, ასეთ დატვირთვას ყველა ვერ გაუძლებს და მწვრთნელები მინიმუმ, ორ ფალავანს მაინც ამზადებენ საჭიდაოდ.</p><p>პირველი ასეთი შეჯიბრება ევროპის სალიცენზიო ტურნირია - 20-22 აპრილს სოფიაში, და იქ ყოველ წონაში 2-2 საგზური გაიცემა ანუ ფინალისტები მიიღებენ. მომდევნო ორი უკვე მსოფლიოს სალიცენზიო სტატუსისაა და ჯერ ჩინურ ტაიუანში იმართება, სადაც 3 საგზური გაიცემა (ორი ბრინჯაოს მედალოსანი დამატებით ერთმანეთში იჭიდავებს საგზურისთვის), მესამეს კი 4-6 მაისს ჰელსინკი უმასპინძლებს. იქაც ორი ლიცენზია გათამაშდება ანუ მხოლოდ ფინალისტები წავლენ ლონდონის ოლიმპიადაზე.</p><p>აქვე იმასაც დავაზუსტებთ, რომ ეს ვადები საერთოა "თავისუფალი", ბერძნულ-რომაული და ქალთა ჭიდაობისთვის. თან შეგახსენებთ, რომ ბერძენ-რომაელთა ნაკრებს მხოლოდ ერთი ლიცენზია აქვს, რომელიც მანუჩარ ცხადაიამ (66) მსოფლიოს პირველობის ვერცხლის მედალთან ერთად მოიპოვა.</p><p>ბუნებრივია, ორივე ნაკრების მწვრთნელს ძირითადი ბირთვი უკვე გამოკვეთილი ჰყავს, მაგრამ დასახელებას არ ჩქარობენ. ბერძენ-რომაელთა შემადგენლობაზე ლაპარაკი ჯერ ნაადრევია, "თავისუფლებზე" კი კიევსა და მანამდე ანკარაში ნაჭიდავები ფალავნებიდან გამომდინარე გარკვეული ვარაუდების გამოთქმა შეიძლება, ვინ შეიძლება ჩაანაცვლოს ლიდერთა სამეული ბელგრადში.</p><p>ალბათ, თურმანიძე 55-ში უფრო საქართველოს პრიზიორ ტრისტან ჩირგაძეს ენდობა, რადგან ანკარაში, იაშარ დოგუს მემორიალზე წასული 11 ქართველიდან მედლისთვის მხოლოდ მან იჭიდავა (თუმცა დამარცხდა და მეხუთეზე დარჩა). ყოველ შემთხვევაში, ბესარიონ გუჩაშვილმა კიევში პირველივე წრეში წააგო, თუმცა - ხინჩეგაშვილთან.</p><p>არაა გამორიცხული, მწვრთნელებმა გარკვეული შეღავათი მაინც მისცენ. ისინი ყოველდღიურ საწვრთნელ პროცესში ხედავენ ორივეს, იციან მათი ძლიერი თუ სუსტი მხარეები, რასაც გუნდის დაკომპლექტებისას ითვალისწინებენ ხოლმე. ამჯერად არ გამოუცდიათ საქართველოს ვიცე-ჩემპიონი გიორგი ედიშერაშვილი, რომელიც ქვეყნის პირველობაზე გუჩაშვილთან დამარცხდა. 66-ში ანკარაში საქართველოს ჩემპიონატის გამომტოვებელი შალვა მუზიაშვილი მეშვიდეზე გავიდა, ქვეყნის პრიზიორი გიორგი ცუცქირიძე ადრევე გავარდა, ხოლო მეორე ბრინჯაოს მედალოსანმა - ზურაბ იაკობაშვილმა კიევში წააგო.</p><p>ამდენად, უპირატესობა თითქოს მუზიაშვილის მხარესაა, მაგრამ ნურც საქართველოს ვიცე-ჩემპიონი კობა კაკალაძე დაგვავიწყდება. ოღონდ ის მწვრთნელებს არსად გამოუცდიათ. საინტერესოა - საევროპოდ არ ენდობიან თუ მისი გამოცდა საჭიროდ არ მიიჩნიეს? გოგშელიძეს ევროპაზე, სავარაუდოდ, კიევის ტურნირის მესამე პრიზიორი ელიზბარ ოდიკაძე შეცვლის.</p><p>დასასრულს ევროპის ჩემპიონატზეც ვთქვათ, რომელშიც თავდაპირველად "თავისუფლები" და ქალები ჩაებმებიან. ვაჟთაგან 6-ში 66-96 კილოგრამების ფალავნები იჭიდავებენ, 7-ში 55-60-ის, 8-ში -74-120-ის, ხოლო ამ სტილის მოჭიდავეთა შეჯიბრებას 9 მარტს 84 კილოგრამის ფალავნები დაასრულებენ.</p><p>10 მარტიდან ასპარეზობაში უკვე ბერძენ-რომაელებიც ჩაებმებიან - 55, 60, 96 და 120-ის წარმომადგენლები იასპარეზებენ, დანარჩენები კი მეორე დღეს გავლენ საჭიდაოდ და ამით ჩემპიონატიც დამთავრდება. როგორც ვხედავთ, ჭიდაობის საერთაშორისო ფედერაცია აგრძელებს უცნაურად მუშაობას - ქალებისა და "თავისუფლების" შეჯიბრება თუ ოთხ დღეს გრძელდება, ბერძენ-რომაელებისა ორ დღეშია ჩატეული.</p><p><strong>ყოველდღიური სპორტული გაზეთი "ლელო"</strong></p>
U23. მსოფლიოს ჩემპიონატზე სულეიმანიშვილმა ვერცხლის მედალი მოიპოვა
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
დოვბიკმა შესაძლოა, იტალია დატოვოს - უკრაინელის დამატება თურქულ გუნდს სურს
“მილანს” ლევანდოვსკი სურს - აგენტმა საუდის არაბეთის ვარიანტი გამორიცხა
ვიქტორ სანიკიძე საქართველოს კალათბურთის ფედერაციის პრეზიდენტად მეორე ვადით აირჩიეს
[VIDEO] ზივზივაძის 33 წუთი და "ჰაიდენჰაიმის" 0:6 "ბაიერთან"
[VIDEO] "ბაიერნის" 16-მატჩიანი მოგებათა სერია შეწყდა - "რეკორდმაისტერმა" "უნიონ ბერლინი" ვერ დაამარცხა
[VIDEO. ეროვნული ლიგა] უცვლელი ამოცანები! "თელავს" ძალა და კლასი არ ეყო...
4-გოლიანი თრილერი - 10-კაციანმა "მანჩესტერ იუნაიტედმა" "ტოტენჰემს" დაუქამბექა
საქართველოს ნაკრებს ძირითადი შემადგენლობის ორი ფეხბურთელი გამოაკლდა
ზესტაფონის მარგვეთმა ბათუმში იმარჯვა და სუპერლიგაში გალიდერდა
კალათბურთის განვითარების პროგრამის ახალი სეზონი ქართლ-კახეთიდან დაიწყო
მოლაპარაკებები ჩიხში შევიდა - "რეალი" ვინისიუსის გასაყიდად მზადაა
ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა
"უკან პასის გაკეთება რომ ავკრძალოთ, რას იტყვით?" - პელეგრინიმ ორიგინალური იდეა გააჟღერა
[VIDEO] მამუკელაშვილის კარგი მატჩი - "ტორონტომ" ზედიზედ მეოთხე შეხვედრა მოიგო
19-წლამდელების შემადგენლობა საკვალიფიკაციო რაუნდის მატჩებისთვის
[VIDEO] შენგელიას 13 ქულა "რეალთან" - "ბარსელონა" კლასიკოში დამარცხდა
მიქაუტაძემ შიძლება "ესპანიოლთან" ვერ ითამაშოს
[VIDEO] ანდრია ბართიშვილის ჯადოსნური მომენტი! ამ ბიჭს მართლა კოჭებში ეტყობა...
[VIDEO. ეროვნული ლიგა] დაგვიანებული ხომ არ არის? "კოლხეთმა" თბილისში "გაგრა" დაამარცხა....
18 წ. | მზადების დასკვნითი ფაზა