საქართველოს ნაკრებმა პორტუგალია გადათელა - 32:7

"ავჭალის სტადიონზე" გამართულ მატჩში მილტონ ჰეიგმა საქართველოს ნაკრებთან ერთად პირველი გამარჯვება იზეიმა საქართველოს მორაგბეთა ნაკრებმა ევროპის 2012 წლის გათამაშების მესამე ტურში პორტუგალიის ეროვნულ გუნდს "ავჭალის სარაგბო სტადიონზე" უმასპინძლა და 32:7 დაამარცხა.აღსანიშნავია, რომ ეს ახალზელანდიელი სპეციალისტის, მილტონ ჰეიგის პირველი გამარჯვება იყო "ბორჯღალოსნების" თავკაცის რანგში. შეგახსენებთ, რომ მისი ხელმძღვანელობით პირველი თამაში საქართველოს ნაკრებმა ესპანეთში მასპინძლებთან 18:25 დათმო.ავჭალაში გამართულ მატჩის საწყის წუთებში თამაში ქაოტურად მიმდინარობდა, ანგარიშის გახსნის პირველი შესაძლებლობა კი სტუმრებს მე-6 წუთზე მიეცათ. საჯარიმო ჯოზეფ გარდ<img src="/media/images/new_photo/QARTULI/RUGBY/Nakrebi/mtavarinakrebi/matches/georgia-portugalia-2012-3.jpg" border="0" alt="Sportall.Ge" title="საქართველოს ნაკრებმა პორტუგალია გადათელა - 32:7 " width="197" height="287" style="margin: 10px; float: left;" />ნერმა დაარტყა, მაგრამ არაზუსტად.ამის შემდეგ "ბორჯღალოსნებმა" იძალეს და რამდენჯერმე სახიფათოდაც შეუტიეს, თუმცა ბურთით წინ თამაშის გამო ჯარიმდებოდნენ.პირველი ტაიმის შუაში ლელოს დადების შანსი პორტუგალიელებს მიეცათ, როდესაც გიორგი შკინინმა საკუთარი ჩათვლის მოედნის სიახლოვეს აბრეგანი ვერ აიღო, თუმცა საბოლოოდ მაინც ვერ იხეირეს.ამ ეპიზოდიდან ოთხ წუთში ეროვნულ გუნდში თავისი პირველი ლელო ლევან შარიქაძემ მიითვალა, რომელმაც მეტოქის ჩათვლის მოედანში ჩვენების გათამაშებული ჯარიმის შემდეგ შეაღწია. რეალიზაცია ზუსტად შეასრულა მერაბ კვირიკაშვილმა და ანგარიში 7:0 გახადა.სხვათა შორის, მანამდე კვირიკაშვილმა შეძლო ქართველთა ხანგრძლივი შეტევის შემდეგ პორტუგალიელთა ჩათვლის მოედანში ბურთით შეჭრა, თუმცა მატჩის არბიტრმა ლელო რატომღაც არ დააფიქსირა.ტაიმის დასრულებამდე არეული თამაში წარიმართა, თუმცა შესვენებამდე ანგარიში აღარ შეცვლილა (7:0).აი, მეორე ნახევრიდან კი მილტონ ჰეიგის შეგირდების უპირატესობა ნელ-ნელა თვალსაჩინო გახდა, რაც ანგარიშში მალევე აისახა. ტაიმის დასაწყისში "ბორჯღალოსნებმა" ჯერ კვირიკაშვილის ზუსტი საჯარიმოთი ანგარიშში სხვაობა ათ ქულამდე გაზარდეს, შემდეგ კი მარცხენა ფლანგიდან კარგი შეტევა გიორგი შკინინმა ლელოთი დააგვირგვინა. რეალიზაცია "მეკომაც" ზუსტად დაარტყა და ანგარიში 17:0 გახდა.<img src="/media/images/new_photo/QARTULI/RUGBY/Nakrebi/mtavarinakrebi/matches/georgia-portugalia-32-7-25022012.jpg" border="0" alt="Sportall.Ge" title="საქართველოს ნაკრებმა პორტუგალია გადათელა - 32:7 " width="305" height="219" style="margin: 10px; float: left;" />შეხვედრის 52-ე წუთისთვის ქართველთა მრავალფაზიანი შეტევა კვირიკაშვილის ზუსტი საჯარიმო დარტყმით დაგვირგვინდა (20:0).მადაზე მოსულ საქართველოს ნაკრებს, რომელსაც ამ მატჩის მოგება პრემიალური ქულით ეწადა, მეტოქე ვეღარ აკავებდა - ჯერ იყო და, მე-60 წუთზე ჩვენი გუნდის კაპიტნის დავით კაჭარავას გარღვევის შეკავება სტუმრებს ჯარიმად და ეშტევეშის გასინბინებად დაუჯდათ, შემდეგ კი მამუკა გორგოძეს ვერაფერი მოუხერხეს და ამ უკანასკნელის პასით რეზო ბელქანიას ლელოს დადება არ გასჭირვებია - 25:0!გარდასახვის შესრულებისას კვირიკაშვილმა ბურთი ძელს გაარტყა.75-ე წუთზე სტუმრებმა ფხა გამოაჩინეს - მარჯვენა კიდეზე იძალეს და ლელო დაგვიდეს. თავი ჟულიენ ბარდიმ გამოიჩინა, იანიკ რაკარდუმ კი ზუსტად დაარტყა რეალიზაცია და ანგარიშში სხვაობა შემცირდა.დარჩენილ დროში მეოთხე, პრემიალური ქულის მომტანი ლელოს დადება ქართველმა მორაგბეებმა მაინც შეძლეს. მეტოქის აუტის მოგების შემდეგ, "ბორჯღალოსნებმა" შეუტიეს, გამოსარჩევი გიორგი ჩხაიძის გარჯა იყო, საბოლოოდ კი პორტუგალიელთა ჩათვლის მოედანში ბურთის დამიწება დავით ქუბრიაშვილმა შეძლო. მერაბ კვირიკაშვილს მიზნისთვის ამჯერად არ აუცილებია და მატჩის საბოლოო შედეგი - 32:7 დაფიქსირდა.<img src="/media/images/new_photo/QARTULI/RUGBY/Nakrebi/mtavarinakrebi/matches/georgia-portugalia-2012-2.jpg" border="0" width="304" height="201" style="margin: 10px; float: left;" alt="Sportall.Ge" title="საქართველოს ნაკრებმა პორტუგალია გადათელა - 32:7 " />ამრიგად, საქართველოს ნაკრებმა წლის პირველი გამარჯვება მოიპოვა. ერთა თასის გათამაშებაში მომდევნო მატჩს მილტო ჰეიგის შეგირდები უკვე 10 მარტს, ბუქარესტში, რუმინეთის ნაკრების წინააღმდეგ გამართავენ.ევროპის ერთა თასზე პარალელურად კიდევ ორი მატჩები გაიმართა - სოჭში რუსეთის ეროვნული გუნდი რუმინეთის ნაკრებთან 0:25 განადგურდა, ესპანელებმა კი უკრაინაში 41:6 გაიმარჯვეს.

sandro samkharadze

მაგრად ითამაშეს,ჯიგრები ხართ !!!!შარიქაძე,კოლელიშვილი და კაჭარავა-იყვნენ საუკეთესოები.ესე კარგად ხელით თამაში არ მახსოვს ,ცოტას თუ დახვეწავენ კიდევ ძაან მაგარი გუნდი გვეყოლება!
ლუკა

შარიქაძეს მერაბია ჰქვია და არა ლევანი

რაგბი ევროპა | ნახევარფინალი რუმინეთთან - "ავჭალაზე"

[VIDEO] საქართველოს ნაკრებმა ესპანეთს მძიმე მატჩი მოუგო

რაგბი ევროპა | ხუთი ცვლილებით ჯგუფში პირველობისთვის

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა