- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქართველი ძიუდოისტების ოქრო, ვერცხლი და ბრინჯაო პრაღიდან
<p>პრაღაში მსოფლიოს თასზე ქართველმა ძიუდოისტებმა გამოსვლა გუნდური პირველი ადგილით დაასრულეს</p><p><br> ქართველმა ძიუდოისტებმა პრაღაში მსოფლიოს თასზე გამოსვლა გუნდური პირველი ადგილით დაასრულეს.</p><p>მათ თითო ოქრო, ვერცხლი და ბრინჯაო მოიპოვეს, რასაც სამი მეხუთე და ერთიც მეშვიდე ადგილი დაუმატეს.</p><p>ჩემპიონი <strong>ლაშა შავდათუაშვილი</strong> (66) გახდა, <strong>ბექა ღვინიაშვილი</strong> (81) მეორეზე გავიდა, <strong>ადამ ოქრუაშვილი</strong> (+100) - მესამეზე. ბრინჯაოს მედლისთვის <strong>ლევან წიკლაურმა</strong> (81), <strong>ნოდარ მეტრეველმა</strong> (100) და <strong>ზვიად ხანჯალიაშვილმაც</strong> (+100) იჭიდავეს, მაგრამ დამარცხდნენ, მეშვიდეზე კი <strong>სანდრო იაკობაშვილი</strong> (66) დარჩა.</p><p>ამ შეჯიბრებას ჩვენთვის უდიდესი სალიცენზიო მნიშვნელობა ჰქონდა და კვლავაც დიდი ინტრიგა დაგვიტოვა - 66 კილოგრამში ამ ეტაპზე დავკარგეთ ლიცენზია და ახლა მთელი იმედები ევროპის პირველობას უკავშირდება, თუმცა ოქროც აქ მოვიპოვეთ. ამით გუნდის ლიდერიც შეიცვალა - შავდათუაშვილმა შალვა ქარდავას გადაუსწრო. ვნახოთ, შეძლებს თუ ვერა ის მორიგი გმირობის ჩადენას ევროპაზე. თუმცა ამჯერად შავდათუაშვილს არა ჩემპიონობა, არამედ ბევრად მოკრძალებული ამოცანა აკისრია - ქულებით აჯობოს ლატვიელ დენის კოზლოვს და საგზურსაც გაინაღდებს.</p><p>კარგი ასპარეზობით კვლავაც გაგვაოცა ადამ ოქრუაშვილმა, თუმცა დისკვალიფიკაციამოხდილი და სპორტში დაბრუნებული მეტრეველის ნახევარფინალში გასვლაც არანაკლები სიურპრიზი იყო. ასევე ქების ღირსია წიკლაურის ჭიდაობაც, რომელიც ქართული ჭიდაობისა და სამბოს გავლენით ჩვენი ძიუდოსთვის რამდენადმე უცხო სტილისაა.</p><p>აი, ღვინიაშვილის ჭიდაობა კი ყველა პარამეტრით აღსანიშნავი და სასიამოვნოა ფინალში მარცხის მიუხედავად - ამ ბიჭის სახით არა მარტო ქართულ, მსოფლიო ძიუდოს რომ ვარსკვლავი ეზრდება, ვგონებთ, ამ ტურნირის შემდეგ უცხოეთშიც ყველა აღიარებდა. მოზღვავებული ფიზიკური ძალის, ჩინებული მოქნილობისა და მდიდარი ტექნიკის ხარჯზე მან უბრალოდ კი არ დაამარცხა, დაანგრია მეტოქეები.</p><p>ფინალამდე ჩატარებული 5 შეხვედრიდან 4-ში პირდაპირ იპონით იმარჯვა, ერთში - ვაზარით. თუმცა აქ ერთი ნაკლიც გამოჩნდა, რაც ასაკის ბრალია - ნახევარფინალში გაუჭირდა ფიზიკურად ჯანიან და უხეშად მოჭიდავე მონღოლთან. ჩვენებურმა წმინდად კი მოუგო, მაგრამ ხელიც იტკინა, რაც ფინალში მისი მარცხის ერთ-ერთი მიზეზი გახდა უზბეკ იაკჰიო იმამოვთან, რომელმაც ნახევარფინალში წიკლაურს აჯობა.</p><p>უზბეკებიც კარგი ფიზმომზადებით გამოირჩევიან და იმის მიუხედავად, რომ ეს ღვინიაშვილისთვისაც ერთ-ერთი კოზირია, უფროსებში მისი ჭიდაობა ჯერ მაინც საშიში გვგონია. მართალია, რეალობაა, რომ ეს 16 წლის ბავშვი მასზე ბევრად უფროსებს წაღმა-უკუღმა არახუნებს ტატამზე (ზოგი პირდაპირ თავით დაარჭო ძირს), მაგრამ ყოველთვის არსებობს ასეთი "გალახვის" საშიშროება, რადგან ეს ჯერ მაინც ბავშვია, ისინი - კაცები. ცხადია, შიგადაშიგ კიდეც უნდა აჭიდაონ და შეაჩვიონ უფროსთა ტურნირებს, მაგრამ ჯერ მაინც თავის თანატოლებთან უნდა გამოიწრთოს. ბარემ აქვე ვიტყვით, რომ ხელის ტრავმის გამო გამოვარდა ავთანდილ ჭრიკიშვილი (81).</p><p>მწვრთნელთა შტაბმა დიუსელდორფიდან პრაღაში რამდენიმე ფალავანი სალიცენზიო ქულების ხათრით წაიყვანა, თორემ სხვა შემთხვევაში დაასვენებდნენ და ასეთი გრაფიკისთვის არ გაწირავდნენ - შალვა ქარდავა, ნუგზარ ტატალაშვილი, ვალერი ლიპარტელიანი.</p><p>ამ საკითხზე მთელი კვირის განმავლობაში დიდი ბჭობაც მიდიოდა მწვრთნელთა შტაბში, თუმცა ქარდავას ქულები ჰაერივით სჭირდებოდა, სალიცენზიო 22-დან გავარდნის გარკვეული საფრთხე ტატალაშვილსაც ემუქრებოდა, ლიპარტელიანისთვის კი მნიშვნელოვანი დაწინაურებულ ოქტეტში ადგილის განმტკიცება იყო, რათა ოლიმპიადაზე განთესვის უფლება მიეღო.</p><p>სამწუხაროდ, სამივე ადრევე გავარდა და იმდენად მცირე ქულები მიიღეს, რეიტინგში მაინც არაფერში წაადგათ. თანაც, ამ სამეულიდან მხოლოდ ქარდავა დამარცხდა ცნობილ ფალავანთან - კორეელ მსოფლიოსა და ოლიმპიურ ჩემპიონ მინ ჰო ჩოისთან, თორემ სხვებმა საშუალო დონის ძიოუდოისტებთან წააგეს. ქულების მხრივ მხოლოდ 66-ში დავზარალდით, დანარჩენებში კი ვერც ჩვენებურთა მდევრებმა ივარგეს და იქ პოზიციებს ვინარჩუნებთ.</p><p>შავდათუაშვილმა ამ გამარჯვებით დიდი სამსახური გაუწია საკუთარ თავსაც და ნაკრებსაც - ქარდავასაც გადაუსწრო და 6 ქულამდე შეამცირა ჩამორჩენა კოზლოვსთან. ახლა მის ანგარიშზე 240 ქულაა, ქარდავას კი ისევ 180 დარჩა. ევროპის პირველობის მერე კოზლოვს კიდევ 4 ქულა დააკლდება ანუ სხვაობა მინიმუმამდე დავა.</p><p>აქ ლიცენზიის მოპოვების კიდევ ერთი შანსია - 73-ში თუ ვინმე ებრაელ იოსებ ფალელაშვილს 22-დან გამოაგდებს, მაშინ ევროპული კვოტით ის მიიღებს საგზურს, 66-დან ებრაელი გოლან პოლაცკი ამოვარდება და შავდათუაშვილი ევროპიდან მეორე ნომერი ხდება, ჩვენებურმა პრაღაში პოლაცკისთან მოგებით ერთი კარგი საქმე კი გააკეთა, მაგრამ ახლა ევროპაზეც უნდა იყოჩაღოს, ოლიმპიადაზე მოხვედრა თუ უნდა, თორემ ფალელაშვილის იმ ზონიდან გამოგდება არარეალური ჩანს.</p><p>მძიმე წონაში, პრაქტიკულად, საკონტროლო შეხვედრა გაიმართა - ბრინჯაოსთვის ოქრუაშვილმა და ხანჯალიაშვილმა იჭიდავეს. ოქრუაშვილის კარგ გამოსვლაზე უკვე გითხარით და ხანჯალიაშვილი კარგი დასაწყისის შემდეგ ისევ იმ 20 წლის ტანდაბალ კორეელ გუჰამ ჩოსთან დამარცხდა, ვისთანაც წინა კვირას დიუსელდორფში წააგო. ოღონდ ამჯერად - ვაზარით. თუმცა ამით მწვრთნელთა საქმე გაკეთდა.</p><p>საკმაოდ უღიმღამო შეხვედრაში ოქრუაშვილმა გაფრთხილებებით დამსახურებულად მოიგო და დეკემბრიდან მოყოლებული, კონკურენტი პირად შეხვედრაში უკვე მესამედ დაამარცხა, ქულებით კი ჯერ კიდევ გერმანული შეჯიბრების შემდეგ გადაუსწრო დიდი სხვაობით.</p><p><strong>ყოველდღიური სპორტული გაზეთი "ლელო"</strong></p>
-
nini
რა გჭირთ ბიჭებო მიდით უფრო მონდომებით,,, აჩვენეთ შედეგი
[VIDEO] ქართული ფინალი ავსტრიის გრან-პრიზე - ტატო გრიგალაშვილმა ოქროს მედალი მოიპოვა
[VIDEO] ავსტრიის გრან-პრიზე ქართული ფინალი შედგება
[VIDEO] პირველი დღე უმედლოდ - მარგველაშვილი ავსტრიის გრან-პრიზე ბრინჯაოს მედლისთვის ბრძოლაში დამარცხდა
თბილისის "დინამომ" გამბიელი ფეხბურთელები დაიმატა
შეთანხმება მიღწეულია - ფლიკი "ბარსელონას" მთავარი მწვრთნელის პოსტზე დარჩება
პერესის რჩეული - "რეალი" ოლისეს სუპერ ტრანსფერისთვის ემზადება?
სპალეტის იმედი აღარ აქვს - კლუბი დევიდის წასვლას ხელს არ შეუშლის
ახალი კონტრაქტი "ჯენოასგან" - დე როსის მიწვევა სხვა იტალიურ კლუბებსაც სურთ
"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
საქართველოს ნაკრები რუმინეთთან ამხანაგურ მატჩს გამართავს
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
[VIDEO] კიდევ ეს უნდოდა? - იგორ ტუდორის კურიოზული ვიდეო სოციალურ ქსელში ვირუსულად ვრცელდება
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] აკი პუტინი არ ვარო - ლაპორტა მესამედ გახდა "ბარსელონას" პრეზიდენტი და წაუცეკვა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა