<p>ექვსი ერის გათამშების მესამე ტურში უელსის ნაკრებმა ინგლისის ეროვნული გუნდი სტუმრად 19:12 დაამარცხა <br> ექვსი ერის გათამშების მესამე ტურის შემდეგ გათამაშების ლიდერი გამოიკვეთა. უელსის ნაკრები წლეულს ყველაზე უკეთ გამოიყურება და ამ გუნდის მიერ წინა მატჩებში ნაჩვენებმა თამშის ხარსიხმაც ცხადჰყო, რომ ის ფავორიტია.</p><p>ამის დასტურად ინგლისში, "თვიქნემზე" მასპინძლებთან მოპოვებული გამარჯვებაც გამოდგება. "წითელმა ურჩხულებმა" მატჩის დასრულებამდე ხუთი წუთით ადრე შეცვლაზე შესული შუამარბის, სკოტ ვილიამსის ლელოს წყალობით ინგლისის ეროვნული გუნდი 19:12 დაამარცხეს.</p><p>უელსელებმა, როგორც სჩვევიათ, აკადემიურ სტილში, მკაცრი დაცვითა და სწრაფი, ეფექტური შეტევის მეშვეობით საწყის 20 წუთში მასპინძლებს ამოსუნთქვის საშუალება არ მისცეს. "პომებმა" მხოლოდ ამის შემდეგ შეძლეს თამაშის დალაგება და 23-ე წუთზე ოუენ ფარელის საჯარიმოთი ანგარიშიც გახსნეს. პირველი ნახევარი მასპინძლებმა 9:6 მოიგეს.</p><p>შესვენების შემდეგ ინგლისლები ფარელის საჯარიმოთი კიდევ უფრო დაწინაურდნენ - 12:6, თუმცა თამაშის დასრულებამდე დარჩენილ 35 წუთში მონაგარს ვეღარფერი შესძინეს. უელსელებმა კი, ჯერ ფულბეკის, ლეიგ ჰალპფენის ორი საჯარიმოთი გაათანაბრეს ანგარიში, მერე კი გამარჯვების მომტანი ლელოც მიითვალეს.</p><p>აღსანიშნავია, რომ მატჩის ბოლო წუთზე ინგლისელეთა გარემარბმა დევიდ სტრიტლმა ლელო გაიტანა, თუმცა მთავარმა არბიტრმა და ვიდეორეფერიმ ის ვერ დააფიქისრეს.</p><p>უაღრესად დაძაბული გამოდგა ედინბურგში შოტლანდიისა და საფრანგეთის ნაკრებების დაპირისპირება. "ლე ბლო", როგორც ჩანს, უელსის ეროვნული გუნდის ერთადერთი კონკურენტია და, სავარაუდოდ, სწორედ მათ დაპირისპირებაში გაირკვევა ექვსი ერის გამარჯვებულის ვინაობა.</p><p>იქამდე კი ფრანგებმა საკმაოდ ძნელი გამარჯვება მოიპოვეს "სკოტებთან" - 23:17. პირველ ნახევარში მასპინძლები აშკარად სჯობდნენ ბევრად უფრო ტიტულოვან მეტოქეს და 25-ე წუთისთვის 10:0 უგებდნენ. ფრანგებმა ტაიმის მიწურულისთვის შეძლეს მდგოამრეობის გამოსწორება და ანგარიში</p><p>გაათანაბრეს - 10:10.</p><p>შესვენების შემდეგ თამაში გარდამავალი უპირატესობით მიმდინარეობდა. ანგარიშში ჯერ ისევ "ნარშავები" დაწინაურდნენ, თუმცა მალევე ფრანგთა გარემარბის ჟულიენ მალზიოს შესანიშნავი ფლანგური გარღვევა ფულბეკის, მაქსიმ მედარის ლელოთი დასრულდა. ამას მორგან პარას საჯარიმო და ლიონელ ბუქსის არეკნი მოჰყვა, რისი წყალობითაც "ლე ბლო" წლეულს ჯერ კიდევ დაუმარცხებელი დარჩა.</p><p>მესამე შეხვედრაში, როგორც მოსალოდნელი იყო, ირლანდიის ნაკრებმა შინ იტალიის ეროვნულ გუნდს დიდი ანგარიშით სძლია - 42:10. "სკუადრა აძურამ" მასპინძლებს წინააღმდეგობა მხოლოდ პირველი 30 წუთის განმავლობაში გაუწია. "სამყურებმა" საბოლოოდ მეტოქეს ხუთი ლელო გაიტანეს და მატჩის გადარჩენის შანსიც არ დაუტოვეს.</p><p><em><strong>ირლანდია-იტალია 42:10</p><p></strong></em>ირლანდია: 5ლ - ბოუი (2), ირლსი, კარტი, ტრიმბლი. 4გ,3ს - სექსტონი.</p><p>იტალია: ლ - პარისე. გ,ს - ბოთი.</p><p><em><strong>ინგლისი-უელსი 12:19</p><p></strong></em>ინგლისი: 4ს - ფარელი.</p><p>უელსი: ლ - სკ. ვილიამსი. 4ს,გ - ჰალპფენი.</p><p><em><strong>შოტლანდია-საფრანგეთი 17:23.</p><p></strong></em>შოტლანდია: 2ლ - ჰოგი, ლ.ჯოუნზი. 2გ - ლაიდლოუ, ვეირი. ს - ლაიდლოუ.</p><p>საფრანგეთი: 2ლ - ფოფანა, მედარი. 2ს,2გ - პარა. ა - ბუქსი.</p><p><span style="color: #ff0000;"><strong>ექვსი ერი</p><p></strong></span><strong>სატურნირო მდგომარეობა</p><p></strong>1. უელსი - 6 ქულა, 2. საფრანგეთი - 4, 3. ინგლისი - 4, 4. ირლანდია - 2, 5. შოტლანდია - 0, 6. იტალია - 0.</p><p>4 მარტი</p><p>საფრანგეთი-ირლანდია.</p><p>10 მარტი</p><p>უელსი-იტალია, ირლანდია-შოტლანდია.</p><p>11 მარტი</p><p>საფრანგეთი-ინგლისი.</p><p><strong>ყოველდღიური სპორტული გაზეთი "ლელო"</strong></p>
დრამატული ფინალი მსოფლიოს თასზე - სამხრეთ აფრიკამ ახალი ზელანდია მძიმე ბრძოლაში დაამარცხა და ტიტული შეინარჩუნა [VIDEO]
ნიკა ამაშუკელი მესამე ადგილისთვის შეხვედრაში კიდის მსაჯი იქნება
ახალმა ზელანდიამ არგენტინა დაამარცხა და მსოფლიო თასის ფინალში გავიდა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ