<p>გორის "დილადან" კოკშეტაუს "ოკჟეტპესში" წასული თავდამსხმელი ყაზახების პირობებით აღფრთოვანებულია <br> ახლახან გაუწყეთ, რომ გორის "დილას" თავდამსხმელი დავით ჩაგელიშვილი ყაზეხეთში, კოკშეტაუს "ოკჟეტპესში" გადავიდა. დათო ორიოდე დღით საქართველოში დაბრუნდა და ინტერვიუ ჩამოვართვით.</p><p>"რატომ წავედი? თემურ მახარაძემ ადამიანურად და პირდაპირ მითხრა, ვამჩნევ, თამაში არ მოგიწევს და ჯობია გითხრა, ვიდრე მერე გული დაგწყვიტო, მაგრამ დარჩენა თუ გადაწყვიტე, ხელფასი გექნებაო.</p><p>ჩემთვის მართლა კარგი უნდოდა, მაგრამ მხოლოდ ხელფასი არ იყო მთავარი, თამაში მსურდა და "დილას" პრეზენტაციის შემდეგ წასვლა გადავწყვიტე.</p><p>ყაზახეთში რომ არ წავსულიყავი, მაინც სხვა კლუბში გადავიდოდი. "ოკჟეტპესის" ვარიანტი კი შემთხვევით გამოჩნდა. სამენეჯერო სააგენტო "ლაოლასთან" ვთანამშრომლობ და იცოდნენ, კლუბის დატოვება რომ მსურდა.</p><p>ბედი არ გინდა, უმცროსი თენგიზ სულაქველიძე კლუბის პრეზიდენტთან მეგობრობს და მისგან შეიტყვეს, რომ თავდამსხმელს ეძებდნენ. მერე ყველაფერი უცებ მოხდა, სულაქველიძემ ზუსტად ათ წუთში შეათანხმა გასინჯვა, ყაზახებმა თურქეთში გასინჯვაზე ჩასვლა მთხოვეს, ზუსტად ერთ საათში ავიღე ბილეთი და "ოკჟეტპესის" შეკრებაზე ჩავედი.</p><p>ფეხი მტკიოდა და ამიტომ სულ 20 წუთი მათამაშეს, მაგრამ ორი გოლი გავიტანე, ერთი საგოლე გადაცემა გავაკეთე და მწვრთნელს მოვეწონე. ფინანსური დირექტორი პირობებზე დამელაპარაკა და თამაშის შემდეგ ერთწლიანი კონტრაქტი გამიფორმეს", - ამბობს ჩაგელიშვილი.</p><p>"დილას" ყოფილი თავდამსხმელის თქმით, გორულ კლუბს ტრანსფერში ხელი არ შეუშლია:</p><p>"დილაში" იმდენი კარგი ფეხბურთელი მოიყვანეს, ჩემი წასვლა პრობლემას არ შექმნიდა. კლუბის ხელმძღვანელობა კარგად მომექცა, გათავისუფლების ფურცელზე არ მაწვალა და საკითხი დროულად მომიგვარა, რისთვისაც მადლობელი ვარ. ყაზახეთში სეზონი 10 მარტს იწყება და განაცხადში ჩემი შეყვანა რომ მოესწროთ, საქართველოში გათავისუფლების ფურცლის ასაღებად ჩამოვედი".</p><p>ჩაგელიშვილი არ მალავს, რომ ყაზახებმა კარგი პირობები შესთავაზეს:</p><p>"ჩვენი და ყაზახების პირობები იმდენად განსხვავებულია, ნამდვილად ღირდა წასვლა. საწყენია, ამბიციურ "დილაში" თამაში რომ არ მომიწევს, მაგრამ იმასაც ვერ ვიტყვი, რომ გული მწყდება. ნებისმიერი მოთამაშისთვის ჯობია ის კლუბი, სადაც ითამაშებს და უკეთესი პირობები ექნება.</p><p>ერთ წელიწადში რომ იყიდი ბინას, დასაფიქრებელი არაფერია. სამწუხაროდ, ასეთ ხელფასს ბევრი ქართული კლუბი ვერ შემომთავაზებდა და პერსპექტივას ველოდო? კლუბს უკვე ველაპარაკე და შეიძლება, ზაფხულში ჩემი ძმა ლევანიც ჩავიყვანო, რომელიც "დილადან" პირველი წრის შემდეგ გაუშვეს.</p><p>მთავარი მწვრთნელი უკრაინელი ვიქტორ დოგადაილოა. მისი ვარჯიშები და მოთამაშეებთან მიდგომა ძალიან მომეწონა. დაახლოებით ისეთი ვითარება დამხვდა, როგორიც "დილაში" - გუნდი უმაღლეს ლიგაში წლეულს გადავიდა, ფინანსურად არ უჭირთ და ძალიან ბევრი ახალი მოთამაშე აიყვანეს, უმთავრესად, სერბები. საკმაოდ ძლიერი გუნდია და მიმაჩნია, რომ ყაზახეთის ჩემპიონატში არ უნდა გაგვიჭირდეს.</p><p>ჩასვლის დღიდან ვფიქრობ, ასეთი კარგი პირობები, რომ აქვს ყაზახეთის ჩემპიონატის დებიუტანტს, ლიდერები რა მდიდრები იქნებიან. ნეტავ, ამის მეოთხედი ჰქონდეთ ჩვენს ლიდერებს და ბევრად უკეთესი კლუბები და ჩემპიონატი გვექნებოდა.</p><p>საქართველოშიც არიან შედარებით ნორმალურად დაფინანსებული კლუბები, მაგრამ ამას სისტემატური ხასიათი უნდა მიეცეს და მერე მართლა გვეშველება".</p><p>დათო ამბობს, თუ როგორ მოახერხა გუნდში თავის გამოჩენა:</p><p>"ახალ გუნდში დამკვიდრება ძნელია. საბედნიეროდ, კარგად დავიწყე. "დილაში" კარგი შეკრების გავლა და საკონტროლო შეხვედრებში მონაწილეობა ძალიან დამეხმარა. მთელი პირველი წრეც ძირითადში ვთამაშობდი და 18 მატჩში 5 გოლი გავიტანე, ანუ ფორმიდან ამოვარდნილი არ ვიყავი.</p><p>აქვე არ შემიძლია მადლობა არ ვუთხრა გია ცეცაძეს. თბილისის "ლოკომოტივის" შემდეგ ფინეთში ვთამაშობდი. საქართველოში დაბრუნებული არავის ვახსოვდი და ორი თვე პირველი ლიგის საჩხერეს "ჩიხურაში" ვითამაშე. ცეცაძემ იქიდან მიმიწვია "დილაში", მომინახა გასაღები და გულშემატკივარს ჩემი თავი გააახსენა. მასთან ვარჯიში ჩემთვის დიდი სიამოვნება იყო.</p><p>ისე არ გაიგოთ, თითქოს თემურ მახარაძესთან ვარჯიში არ მსიამოვნებდა და მინიშნებებს ვაკეთებ. ბატონი თემური ძალიან კარგი მწვრთნელია, მაგრამ ცეცაძე შემტევ ფეხბურთს გვათამაშებდა, თავდამსხმელი კი ამ დროს უფრო ჩნდება".</p><p><strong>ყოველდღიური სპორტული გაზეთი "ლელო"</strong></p>
მაკა
წარმატებებს გისურვებთ ყველას ვისაც თავის პროფესია უყვარს და ცდილობს ერთ ადგილას არ გაჩერდეს და მეტი მიიღოს ამ ცხოვრებიდან
მაკა
წარმატებებს გისურვებთ ყველას ვისაც თავის პროფესია უყვარს და ცდილობს ერთ ადგილას არ გაჩერდეს და მეტი მიიღოს ამ ცხოვრებიდან :****
Le Parisien-ი კვარაცხელიას ტრავმის შესახებ ინფორმაციას ავრცელებს
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
U17 | საქართველო 3:0 ლიეტუვა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა