NBA. რეგულარული ჩემპიონატი: "საკრამენტო" საკრამენტოში

ანაჰაიმსა და სიეტლს NBA-ის კლუბის შექმნის სხვა ვარიანტის ძებნა მოუწევთ - "კინგზი" მათთან გადასვლას არ აპირებს "ყველა ვარსკვლავის უქმეების" შემდეგ სენსაციით განახლდა რეგულარული ჩემპიონატი. დერონ უილიამსის ცუდი თამაშის (თამაშიდან - 3/15) მიუხედავად, "ნიუ ჯერსიმ" სტუმრად მოუგო მოქმედ ჩემპიონ "დალასს". როგორც გუშინდელ ნომერში ვწერდით, "ნეტსმა" 10-დღიანი კონტრაქტი გააფორმა ჯერალდ გრინთან, რომელსაც შესანიშნავი დებიუტი გამოუვიდა - 10 ქულა დააგროვა.მაგრამ მისი მონაგარი არაფერია ბრუკ ლოპესის შედეგთან. ნიუჯერსელი გიგანტი მონატრებულია თამაშს, სეზონში მხოლოდ მესამე მატჩს ატარებდა და 38 ქულა დააგროვა, რაც ერთით ნაკლებია პირად რეკორდზე. გამარჯვებაც სწორედ მან მოუტანა თავის გუნდს. კიდის სამქულიანის შემდეგ ლოპესი საჯარიმოს ხაზზე დადგა და ორივე ცდა გამოიყენა - 93:92 სირენამდე 40 წამით ადრე.დრო საკმარისი იყო ორივე გუნდისთვის, მაგრამ მოვლენები ისე განვითარდა, რომ ანგარიში აღარ შეცვლილა. კიდმა ორი სამქულიანი ააცილა, "ნეტსი" კი მხოლოდ შეცდომებს უშვებდა და ერთხელაც არ უსვრია.* * *დღის მეორე სენსაცია კინაღამ ჩიკაგოში მოხდა. "ნიუ ორლეანი" მთელი მატჩის განმავლობაში შორს არ უშვებდა "ბულზს", ბოლოსკენ კი 241-წამიანი სპურტი ჰქონდა, რომელიც 13:0 დასრულდა. ეს გაქცევა ძირითადად აიონისა და კამანის გმირული თამაშის წყალობით მოხერხდა - მათ ჯამში სამი დაფარება გააკეთეს, გარდა ამისა, მექსიკელმა საშუალოდან ორი ჩააგდო, გერმანელმა კი სამი შედეგიანი გადაცემა შეასრულა.ბელინელის ზუსტი ტყორცნის შემდეგ, საფინალო სირენამდე წუთითა და 15 წამით ადრე "ჰორნეტსი" ოთხ ქულას იგებდა. მაგრამ დარჩენილ დროში სტუმრებმა ბურთი ვეღარ ჩააგდეს, "ბულზმა" კი როუზის ორი ურთულესი ტყორცნისა და ექვსი ქულის წყალობით 8:0 გაქცევა შეძლო და გამარჯვება იზეიმა.* * *მოულოდნელი იყო "მინესოტას" მოგება სტუმრად "კლიპერსის" წინააღმდეგ, მით უმეტეს, რომ "მგლების" ლიდერებმა მთლიანად ჩააგდეს შეხვედრა: ლავმა 13-დან 9 სროლა ააცილა, რუბიომ - რვიდან შვიდი, პეკოვიჩი კი ჩვეულებრივზე პასიური იყო. "მინესოტას" მშველელად ფორვარდები - უილიამსი და ბიზლი მოევლინენ, რომლებმაც ბოლო მეოთხედში ერთად 26 ქულა დააგროვეს და 80:80-ის შემდეგ მორიგეობით მოაწყვეს ორი გაქცევა - 10:2 და 14:4.უილიამსისა და ბიზლის დუეტის საერთო მონაგარი 54 ქულა (თამაშიდან ტყორცნების რეალიზაციის 80 პროცენტი) იყო. მათ შვიდიდან შვიდი სამქულიანიც ჩააგდეს.* * *"კლივლენდი" სეზონში მესამედ შეხვდა "ბოსტონს" და მესამე მატჩიც დაძაბული გამოდგა. სირენამდე წუთნახევრით ადრე, შეხვედრის ყველაზე შედეგიანი კალათბურთელის ირვინგის ორი საჯარიმოს შემდეგ "კავალიერზი" წინ გავიდა - 81:80. ალენის არაზუსტმა სამქულიანმა "კლივლენდს" კარგი პერსპექტივები გაუჩინა, მაგრამ დრაფტის პირველმა ნომერმა მაშინვე დაკარგა მატჩის გმირის სტატუსი - მან ბურთი დაკარგა და იმავე ალენს იოლი ორი ქულის აღების საშუალება მისცა.გუნდებმა შეტევები გაცვალეს და ორწამნახევრით ადრე "კავალიერზი" ორ ქულას აგებდა. მასპინძლებმა მოასწრეს ენტონი პარკერის სასროლ პოზიციაზე გაყვანა, მაგრამ მცველმა რვანახევარი მეტრიდან ფარს გაარტყა ბურთი.* * *"საკრამენტო კინგზი" გადარჩა. ქალაქებს - ანაჰაიმსა და სიეტლს NBA-ის კლუბის შექმნის სხვა ვარიანტის ძებნა მოუწევთ. "კინგზი" მათთან გადასვლას არ აპირებს. გუშინ, "იუტასთან" მატჩის წინ, მოედნის ცენტრში გამოვიდნენ "კინგზის" მფლობელები, ძმები მალუფები და ქალაქის მერი კევინ ჯონსონი. როგორც აღმოჩნდა, მიღწეულია შეთანხმება იმაზე, რომ 2015 წლისთვის ქალაქში აშენდება ახალი საკალათბურთო არენა.გულშემატკივრებმა მეორე საჩუქარი კალათბურთელებისგან მიიღეს, რომლებმაც შეძლეს "ჯაზმენების" დამარცხება. თანაც დაანახეს ყველას, რომ გუნდში არიან ახალგაზრდები, რომელთაგანაც კარგი გუნდის აშენება შეიძლება. მაგალითად, ნიჭიერი 21 წლის ცენტრი დემარკუს კაზინსი, რომელმაც "იუტას" "მაღლები" დაიბრიყვა. ან 24 წლის სნაიპერი მცველი მარკუს ტორნტონი, ვინც თამაშიდან 7 ბურთი (14-დან) ჩააგდო და რვიდან შვიდი საჯარიმო გამოიყენა. ან 180 სანტიმეტრი სიმაღლის 23 წლის ახალბედა გამთამაშებელი აიზია ტომასი ("დეტროიტის" ლეგენდის არც შვილია და არც ნათესავი), რომელიც 2011 წლის დრაფტზე ბოლო ნომრად აირჩიეს. რჩება მხოლოდ შარშანწინდელი საუკეთესო დებიუტანტი ტაირიკ ევანსის გამოღვიძება და მომავალი მეტად ნათელი მოჩანს.კლივლენდი-ბოსტონი 83:8615:28, 23:15, 28:21, 17:22კ: ირვინგი (24), სეშენსი (13), ტომპსონი (13+10 მოხსნა).ბ: ალენი (22), გარნეტი (18+8 მოხსნა), პირსი (12+6 პასი), ბასი (12+7 მოხსნა), უილკოქსი (5+11 მოხსნა), რონდო (0+11 პასი).დეტროიტი-ფილადელფია 68:9720:22, 14:28, 19:25, 15:22დ: მონრო (20+8 მოხსნა), სტაკი (17).ფ: იანგი (20+8 მოხსნა), უილიამსი (13+7 პასი), იგუოდალა (12+6 პასი+5 მოხსნა+4 ჩაჭრა), მიქსი (12+5 მოხსნა), ბრენდი (10+3 ჩაჭრა+3 დაფარება), ჰოლიდეი (10+5 პასი +3 ჩაჭრა).ჰიუსტონი-ტორონტო 88:8527:15, 18:21, 24:28, 19:21ჰ: ლოური (26+5 პასი), სკოლა (15+10 მოხსნა), მარტინი (14+5 მოხსნა), დალემბერი (10).ტ: დეროზანი (17), ჯ. ჯონსონი (16+8 მოხსნა+3 ჩაჭრა), ბარბოზა (11), ა. ჯონსონი (10+6 მოხსნა), დევისი (5+15 მოხსნა).დალასი-ნიუ ჯერსი 92:9323:28, 22:28, 31:23, 16:14დ: ნოვიცკი (24+10 მოხსნა+3 ჩაჭრა), ჰეივუდი (18+10 მოხსნა+3 დაფარება), ტერი (12+4 ჩაჭრა), მერიონი (11+8 მოხსნა), ბობუა (11+3 ჩაჭრა).ნ-ჯ: ლოპესი (38+6 მოხსნა), მოროუ (15), დ. უილიამსი (12+12 პასი), ჰემფრიზი (10+15 მოხსნა+3 დაფარება), გრინი (10).კლიპერსი-მინესოტა 97:10931:22, 23:29, 22:22, 21:36კ: გრიფინი (30+7 მოხსნა), პოლი (27+6 პასი), ჯორდანი (14+14 მოხსნა+4 დაფარება), ფოიე (13).მ: უილიამსი (27+5 მოხსნა), ბიზლი (27+5 მოხსნა), პეკოვიჩი (12), უებსტერი (11), ლავი (10+7 მოხსნა), რუბიო (2+9 პასი+7 მოხსნა).ინდიანა-გ. სტეიტი 102:7824:21, 28:17, 33:16, 17:24ი: გრეინჯერი (25), ჰენსბრო (15+9 მოხსნა), ჰიბერტი (12+9 მოხსნა+3 დაფარება), ჯორჯი (11+9 მოხსნა+5 პასი+4 ჩაჭრა), კოლისონი (11+5 პასი), უესტი (10+7 მოხსნა).გ-ს: ელისი (14+5 მოხსნა), რაში (14+7 მოხსნა), ლი (12+6 მოხსნა).ჩიკაგო-ნიუ ორლეანი 99:9530:26, 17:24, 29:20, 23:25ჩ: როუზი (32+9 პასი+3 ჩაჭრა), ნოა (15+16 მოხსნა+5 პასი), დენგი (14+11 მოხსნა), ბუზერი (14+7 მოხსნა).ნ-ო: კამანი (17+11 მოხსნა+5 პასი), არიზა (16+8 მოხსნა+3 ჩაჭრა), ვასკესი (12), ჰენრი (12+6 მოხსნა), ჯონსი (10), ჯეკი (10).მილუოკი-ვაშინგტონი 119:11833:24, 34:29, 25:36, 27:29მ: დანლივი (28+3 ჩაჭრა), გუდენი (15+10 მოხსნა+3 ჩაჭრა), ჯენინგსი (14+10 პასი), ილიასოვა (13+11 მოხსნა), მბა ა მუტე (13+6 მოხსნა), დელფინო (11), ჰარისი (11+7 მოხსნა).ვ: ბუკერი (20+11 მოხსნა), უოლი (19+15 პასი+5 მოხსნა), კროუფორდი (19), სინგლტონი (16+9 მოხსნა), ევანსი (15), მეისონი (14).საკრამენტო-იუტა 103:9623:25, 21:22, 30:24, 29:25ს: კაზინსი (22+18 მოხსნა), ტორნტონი (21), ტომასი (18+8 პასი), ევანსი (13), ტომპსონი (10+8 მოხსნა+3 დაფარება).ი: ჰარისი (18+7 პასი), ჰოვარდი (15+7 მოხსნა), მაილზი (13), ჯეფერსონი (12+8 მოხსნა), ჰეივორდი (11), ბერქსი (11), ფეივორსი (7+11 მოხსნა).ყოველდღიური სპორტული გაზეთი "ლელო"

იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა

იოკიჩმა "დენვერს" შეატყობინა, რომ კონტრაქტს არ გაახანგრძლივებს

"NBA-ის ისტორიაში საუკეთესო მექულე ვარ" - პოლ პირსი

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

დავითაშვილი: ასეთები ხდება, მთავარია, ახლა არ გავიმეოროთ

სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ

ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!