- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
იოახიმ ლიოვის დასკვნა: დაცვაში გვიჭირს!
<p>ლორან ბლანის გუნდი სწორ გზას ადგას, გერმანიის ნაკრებმა კი ბოლო 12 მატჩში კარი მშრალად მხოლოდ ერთხელ შეინახა <br> ამხანაგური მატჩი</p><p><strong><em>გერმანია-საფრანგეთი 1:2</em> (<a href="/mtavari/video.html?view=video&video=1145" target="_blank"><span style="color: #ff0000;">იხილეთ ვიდეო</span></a></strong><strong>)</p><p></strong>გერმანია (4-2-3-1): ვიზე - ბოატენგი, ჰუმელსი, ბადშტუბერი (46. ჰიოვედესი), აოგო - ხედირა (70. ლ. ბენდერი), კროოსი - როისი (70. კაკაუ), იოზილი, შიურლე (45. თ. მიულერი) - კლოზე (46. გომესი).</p><p>საფრანგეთი (4-2-2-1-1): ლორისი - დებუში, რამი, მექსე, აბიდალი - კაბაი (62. მალუდა), მ’ვილა (62. ა. დიარა) - ვალბუენა (68. ამალფიტანო), რიბერი (46. მენეზი) - ნასრი - ჟირუ (76. საა).</p><p>გოლები: 0:1 ჟირუ (21), 0:2 მალუდა (69), 1:2 კაკაუ (91)</p><p>გაფრთხილება:Lბოატენგი, ლ. ბენდერი - მექსე</p><p>კუთხური: 5-9; ჯარიმა: 11-12; თამაშგარე: 2-5; კარში დარტყმა: 14-15 (5-6); ბურთის ფლობა: 49%-51%.</p><p>მაყურებელი: 37 800</p><p>ევროპის ჩემპიონატის ერთ-ერთ უმთავრეს ფავორიტად აღიარებულმა გერმანიის ნაკრებმა 2012 წელი წარუმატებლად დაიწყო. საფრანგეთთან მატჩში, რომელიც გერმანელებმა ბრემენში 1:2 დათმეს, ბუნდესგუნდმა ისეთ ასპექტებში მიჰქარა, რაშიც ყველაზე მეტად გამოირჩეოდა.</p><p>სათამაშო კლასი, სირბილის სურვილი, ორთაბრძოლებში მონდომებით შესვლა - იოახიმ ლიოვის გუნდს ოთხშაბათს ეს ყველაფერი აკლდა. განსაკუთრებით პრობლემატურად კი გერმანიის ნაკრების დაცვის ხაზი წარმოჩინდა.</p><p>იოგიმ საფრანგეთთან ძირითად შემადგენლობაში ოთხი მცველი გაამწესა: მარჯვნივ ჟერომ ბოატენგი, ცენტრში მატს ჰუმელსი და ჰოლგერ ბადშტუბერი, ხოლო მარცხნივ დენის აოგო. განსაკუთრებით ცუდად ბოატენგი და აოგო გამოიყურებოდნენ - თამამად ვიტყვით, რომ ლიოვი ორივეს თამაშით უკმაყოფილო დარჩებოდა. ბოატენგს შეუძლია, თავი იმით იმართლოს, რომ მისთვის საძულველ პოზიციაზე ათამაშეს (ჟერომს დაცვის ცენტრში დგომა უყვარს); აი, აოგოს კი არანაირი ალიბი არ აქვს.</p><p>თუმცა აქვე ისიც უნდა ვთქვათ, რომ იოგიმ ბოატენგი მეორე ტაიმში დაცვის ცენტრში გადასწია და ბაიერნელმა ვერც თავის საყვარელ პოზიციაზე ითამაშა ისე, როგორც გერმანიის ნაკრების ცენტრალურ უკანახაზელს ეკადრება. ფრანგების პირველი გოლი აოგოს ბრალი იყო - დებუშის თავი იოლად გააცურებინა - რის შემდეგაც "ჰამბურგის" მარცხენა მცველი საერთოდ აიჭრა. სხვათა შორის, დებუშიმ აოგო მეორე გოლის დროსაც კარგად შეარცხვინა.</p><p>საფრანგეთთან ვერც ჰუმელსმა და ბადშტუბერმა იფრინეს, თუმცა აქ ისიც უნდა ვთქვათ, რომ მათ საყრდენი ნახევარმცველებისგანაც აკლდათ მხარდაჭერა. ცხადია, დაცვის ხაზის სუსტი თამაში არც ლიოვს გამოეპარა და მატჩის შემდეგ იოგიმ სწორედ ამ პრობლემაზე ისაუბრა.</p><p>"დღეს გერმანიის ნაკრები თავს ცუდად იცავდა. მეტოქეს სივრცეებს ვერ ვუკეტავდით. არ იფიქროთ, თითქოს ეს პრობლემა მხოლოდ დღეს დავინახე. დიდი ხანია, ვხვდები, რომ დაცვაში გვიჭირს. უბრალოდ, ისეთ მატჩებში, სადაც წინა ხაზი ბრწყინვალედ თამაშობს ხოლმე, დაცვაში დაშვებული შეცდომები ნაკლებად ჩანს. დღეს კი არც შეტევაში ვბრწყინავდით და შესაბამისად, უკანა ხაზის სისუსტეც მეტად გამოჩნდა. მოკლედ, ბევრი საქმე მაქვს, დაცვა მისახედია", - განაცხადა ბუნდესმწვრთნელმა.</p><p>ერთი სიტყვით, დაცვა გერმანიის ნაკრების "აქილევსის ქუსლი" ხდება. ამის დასამტკიცებლად ბევრი ლაპარაკი არცაა საჭირო და მხოლოდ ერთი სტატისტიკური მონაცემის მოყვანაც საკმარისია: ბოლო 12 მატჩში ბუნდესგუნდმა კარი მშრალად მხოლოდ ერთხელ შეინახა. ასე რომ, საფრანგეთთან დაცვაში ცუდ თამაშს და ზოგადად წაგებას ვერც იმას დავაბრალებთ, რომ გერმანიის ნაკრებს პერ მერტეზაკერი და ფილიპ ლამი აკლდნენ - ვითარება არც მათი თამაშის დროსაა ხოლმე დიდად უკეთესი.</p><p>ცხადია, გერმანიის ნაკრების ქომაგებს შეშფოთების საფუძველი არ აქვთ, რადგან ეს ამხანაგური თამაში იყო და თანაც, გერმანელებმა ოდნავ გადახალისებული შემადგენლობით იასპარეზეს. სამაგიეროდ, შვეიცარიასთან (26 მაისს) და ისრაელთან (1 ივნისს) დაგეგმილ ტესტ-მატჩებში გაცილებით მეტი გამოჩნდება და იმ შეხვედრების ანალიზი უფრო მიახლოებული იქნება რეალურ სურათთან, რადგან ხსენებულ მატჩებში ბუნდესგუნდი იმ შემადგენლობით იასპარეზებს, რომლითაც მერე ევროპის ჩემპიონობისთვის იბრძოლებს.</p><p><strong><span style="color: #ff0000;">ბლანი სწორ გზას ადგას</span></p><p></strong>საფრანგეთის ნაკრებმა კი დაამტკიცა, რომ მართლაც აღარაა ხელწამოსაკრავი გუნდი და რომ მართლაც უნდა განვიხილოთ ევროპის ჩემპიონატის ერთ-ერთ ფავორიტად. ეს ყველაფერი ფრანკ რიბერიმ ჯერ კიდევ თამაშამდე თქვა და ისიც დასძინა, ბრემენში მხოლოდ მოსაგებად ჩავდივართო, რაც ბევრს ხმამაღალ განცხადებად მოეჩვენებოდა; მაგრამ ფაქტია, რომ რიბერი მართალი აღმოჩნდა.</p><p>ოთხშაბათს დავინახეთ, რომ ლორან ბლანი სწორ გზას ადგას - მისი გუნდი ტაქტიკურად დისციპლინირებულ, გამართულ ფეხბურთს თამაშობდა და ჩანდა, რომ ფეხბურთელები მწვრთნელის დავალებებს ზედმიწევნით ზუსტად ასრულებდნენ.</p><p>"გერმანიის ნაკრების თამაში ძალიან კარგად მქონდა გაანალიზებული. ბიჭებს ვეუბნებოდი, იოახიმ ლიოვის გუნდი განსაკუთრებით ძლიერი წინა ხაზზეა და თუ სივრცეები არ შეუზღუდეთ და სწრაფ ტემპში კომბინირების საშუალება მიეცით, გერმანელები უბრალოდ გადაგივლიან-მეთქი. მოკლედ, ყველაფერი ისე გავაკეთეთ, როგორც საჭირო იყო," - აღნიშნა მატჩის შემდეგ ბლანმა, რომელსაც ბოლო დროს საფრანგეთის ფეხბურთის ფედერაციის ხელმძღვანელობასთან ურთიერთობა გაუფუჭდა.</p><p>საქმე ეხება მის ახალ კონტრაქტს, ხელფასს და სარეკლამო შემოსავლებს, რითაც ბლანის სიტუაცია ძალიან ჰგავს 2010 წლის მუნდიალამდე გერმანიის ნაკრებში, ლიოვის გარშემო შექმნილ სიტუაციას. თუ გახსოვთ, მაშინ იოგი გერმანიის საფეხბურთო კავშირის პრეზიდენტ თეო ცვანციგერს დაუპირისპირდა და მერე ახალი კონტრაქტი მხოლოდ მსოფლიოს ჩემპიონატის დასრულების შემდეგღა გააფორმა.</p><p><strong>ყოველდღიური სპორტული გაზეთი "ლელო"</strong></p>
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
პსჟ-ში ტრავმირებულები ბრუნდებიან - დემბელესა და მარკინიოსს "ლევერკუზენთან" თამაში შეეძლებათ
აბუაშვილის და წიტაიშვილის "მეცმა" მორიგი მარცხი განიცადა
როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
გვარდიოლამ გაამხილა, როდის იფიქრებს მწვრთნელის კარიერის დასრულებაზე