- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
AVB და ლონდონის "ჩელსი" - ხანმოკლე სიყვარულის ისტორია
<p>აბრამოვიჩმა გადაჭრა ვილაშ-ბოაშის პრობლემა, რომელიც მას 50 მლნ გირვანქა დაუჯდა (ტორეს, შენზე არ ვამბობთ) <br> ანდრე ვილაშ ბოაში "ჩელსიში" 2011 წლის ივნისში მივიდა. 33 წლისა ის, ლონდონური კლუბის ისტორიაში მესამე ყველაზე ახალგაზრდა მწვრთნელი გახდა. ჟოზე მოურინიოს ეპოქაში "სტემფორდ ბრიჯზე" მას უკვე ჰქონდა ნამუშევარი სკაუტად და მწვრთნელად, რომელსაც მეტოქეთა თამაშების შესწავლა ევალებოდა.</p><p>პორტუგალიელმა სპეციალისტმა პირველი ოფიციალური მატჩი "ჩელსიში" "სტოკ სიტისთან" ჩაატარა (0:0), რასაც ჩემპიონატში მიჯრით 3 მოგება მოჰყვა. მართალია, ეს თამაშები პრემიერლიგის გრანდებთან არ ყოფილა, მაგრამ ფსიქოლოგიური თვალსაზრისით მაინც ძალიან მნიშვნელოვანი იყო.</p><p>"ჩელსიმ" კარგად დაიწყო ასპარეზობა ჩემპიონთა ლიგაშიც, სადაც "ლევერკუზენს" მოუგო 2:0. ვილაშ ბოაშმა პირველი დიდი გაკვეთილი "ოლდ ტრეფორდზე" მიიღო. მისი გუნდი ღირსეულად დაუდგა მრისხანე მეტოქეს, მაგრამ მსაჯის შეცდომებმა და ფერნანდო ტორესის მიერ დღემდე დაუჯერებელმა განიავებულმა მომენტმა "ჩელსის" გარჯა ქარს გაატანა.</p><p>ამას კიდევ ერთი მოულოდნელი ფრე მოჰყვა "ფულჰემთან", შემდეგ კი "ჩელსი" აფეთქდა და ზედიზედ "მიალაგა" მეტოქეები - "სუონსი" 4:1, "ბოლტონი" 5:1, "ევერტონი" 3:1, "გენკი" 5:0.</p><p>რჩებოდა შთაბეჭდილება, რომ ვილაშ ბოაში და მისი შეგირდები საერთო ენას უკვე ნახულობდნენ, მაგრამ არა... ეს მხოლოდ შთაბეჭდილება აღმოჩნდა.</p><p>"ჩელსიმ" ზედიზედ ორი მატჩი წააგო პრემიერლიგაში "ქუინზ პარკთან" 1:0 და შინ "არსენალთან" 5:3. ნოემბერში "ლურჯებმა" კიდევ 2 თამაში დათმეს, ორჯერვე "ლივერპულთან" ჯერ ჩემპიონატში (1:2), შემდეგ ლიგის თასის 1/4-ფინალში (0:2).</p><p>დეკემბერის დასაწყისში სიტუაცია ცოტა დაწყნარდა. გუნდმა რამდენიმე მნიშვნელოვანი მატჩი მოიგო, ჯერ "ვალენსიასთან" 3:0 (რის შემდეგაც ჩემპიონთა ლიგის პლეი ოფის საგზური გაინაღდა), მერე "მანჩესტერ სიტისთან" 2:1, მაგრამ ამას ისეთი სერია მოჰყვა, რომ ვილაშ ბოაშის გაძევებაზე პირველად მაშინ ალაპარაკდნენ - 3 ფრე და 1 წაგება.</p><p>იანვარში ისევ ყველაფერი დალაგდა, გუნდმა 12-დან 8 ქულა აიღო. თუმცა "ჩელსი" თებერვალში უკვე საბოლოოდ დაეშვა დაღმართზე - 5 თამაში 1 მოგება, 2 ფრე, 2 წაგება. რაც მთავარია, მოხდა პირველი გაუგებრობები მწვრთნელსა და ვარსკვლავებს შორის. ვილაშ ბოაშმა განაცხადა, ფეხბურთელების მხარდაჭერა კი არა მორჩილება მჭირდებაო. ჩვენი აზრით, მსგავსი ტონით ლაპარაკი თუნდაც ფრენკ ლემპარდთან და ჯონ ტერისთან უტაქტობაა და მეტი არაფერი.</p><p>"ვესტ ბრომვიჩთან" წაგება რომან აბრამოვიჩისთვის ბოლო წერტილი იყო მოთმინების ფიალაში. 13 მილიონ ფუნტად გადაბირებული მწვრთნელისთვის ლონდონურ კარიერას წერტილი დაესვა. სეზონის ბოლომდე ვილაშ ბოაშის საქმეს მისი ყოფილი თანაშემწე რობერტო დი მატეო ჩაიბარებს. "ჩელსის" დირექტორატიდან კომენტარს ჯერჯერობით არავინ აკეთებს. ამიტომ, მხოლოდ ავტორიტეტული საფეხბურთო პერსონების შეფასებებს შემოგთავზებთ. ერთადერთი გამონაკლისი ლონდონელთა ბანაკიდან ხუან მატა აღმოჩნდა.</p><p><strong><span style="color: #ff0000;">რეაქციები პოსტ ფაქტუმ</span></p><p>ხუან მატა</strong> (ჩელსის ნახევარმცველი): "ეს იყო საკმაოდ რთული დღე მათთვის, ვინც თავს "ჩელსის" ნაწილად მიიჩნევს. მინდა, დიდი მადლობა ვუთხრა მწვრთნელს და მომავალ კარიერაში წარმატებები ვუსურვო. ჩვენ კი თუკი გვსურს, რომ სიტუაცია გამოსწორდეს, უფრო ბევრი უნდა ვიმუშაოთ".</p><p><strong>რეი უილკინსი</strong> (ჩელსის ყოფილი მწვრთნელი): "შევდივარ ვილაშ ბაოშის მდგომარეობაში. "ჩელსი" მისთვის ძალიან მძიმე განსაცდელი აღმოჩნდა. მეორე მხრივ მისი წასვლა ავტომატურად სულაც არ ნიშნავს, რომ კლუბში სიტუაცია ეგრევე დალაგდება. ჩვენი და პორტუგალიური ფეხბურთი ერთმანეთისგან ძალიან განსხვავდება. არ მინდა, "პორტუს" გამარჯვებებს ჩრდილი მივაყენო, მაგრამ ამ გუნდთან ერთად ტიტულების მოგება უფრო იოლია, ვიდრე "ჩელსისთან".</p><p>პრემიერლიგაში მუშაობა გარკვეული ექსტრიმია. დი მატეოს უკვე უმუშავია ამ გარემოში. მწვრთნელის რანგში მას "ჩელსიშიც" აქვს დრო გატარებული, ასე რომ, ვიტყდოდი, რომ მისი დანიშვნა ნამდვილად უფრო ჭკვიანური გადაწყვეტილებაა, ვიდრე ახლა გარედან ვინმეს მოყვანა იქნებოდა. რობი ამ საქმისთვის შესაფერისი კაცი მგონია. სტივ ჰოლანდთან ერთად დუეტში რას იზამს, ამას სეზონის ბოლოს ვნახავთ".</p><p><strong>ლუიშ ფელიპე სკოლარი</strong> (ჩელსის ყოფილი მთავარი მწვრთნელი): "ინგლისში არის "არსენალი", რომელსაც არსენ ვენგერი უკვე დიდი ხანია უდგას სათავეში. მიუხედავად იმისა, რომ მისი ხელმძღვანელობით სულ 2-3-ჯერ (3-ჯერ. რედ) თუ გახდა ჩემპიონი, ფრანგის გაგდება აზრად არავის მოსდის. "ჩელსიში" კი მწვრთნელებისადმი დამოკიდებულება აბსოლუტურად განსხვავებულია.</p><p>ჩემი აზრით ეს გადაწყვეტილება ცოტა უცნაურია, მაგრამ მას მერე, რაც მე ამ კლუბში გადავიტანე, ისე ძალიანაც აღარ მაკვირვებს. ვილაშ-ბოაში ჩემპიონი მწვრთნელი იყო და ასეთადვე დარჩება. მას უჯობდა 7-8 ფეხბურთელი სეზონის დასაწყისშივე გამოეცვალა. განსაკუთრებით ისინი, ვინც ჯერ კიდევ ჩემს დროს თამაშობდა. მისი მემკვიდრეობა ყველასთვის ჯოჯოხეთი იქნება".</p><p><strong>ავრამ გრანტი</strong> (ჩელსის ყოფილი მთავარი მწვრთნელი): "ამ ამბის გაგება ძალიან სამწუხარო იყო. ჩემი აზრით, ცოტა მეტი მოთმინება იყო საჭირო. თუმცა როდის მოხდებოდა ეს ფაქტი, დიდი ხანია ველოდით. როცა "ჩელსიში" სამუშაოდ მიდიხარ, აუცილებლად უნდა გახსოვდეს ერთი რამ: ან შედეგი უნდა დადო, ან ნათლად დაგვანახო, რომ ზუსტად იცი, საით მიგყავს გუნდი.</p><p>ვერ ვიმსჯელებ იმაზე, თუ რა მოხდა ამჯერად, თუმცა ადრე "ჩელსის" მწვრთნელებს სწორედ შედეგის არქონის გამო უშვებდნენ გუნდიდან. ვილაშ-ბოაში რომ ფეხბურთში ერკვევა, მან ეს "პორტუშიც" დაამტკიცა, მაგრამ "ჩელსი" სულ სხვა ისტორიაა. აქ მხოლოდ საფეხბურთო ტაქტიკის ცოდნა არ კმარა. საჭიროა, რომ გარკვეული პრობლემების მოგვარება ძალიან მარტივად შეგეძლოს".</p><p><strong>ჰარი რედნაპი</strong> (ტოტენჰემის მთავარი მწვრთნელი): "ძალიან სამწუხაროა. ის დიდებულად მუშაობდა შარშან პორტუგალიაში, ინგლისში კი არაფერი გამოუვიდა. ეს ინგლისური ფეხბურთია და აქ არნახული ზეწოლაა. რამდენიმე მატჩს წააგებ და უკვე პრობლემები გექმნება".</p><p><strong><span style="color: #ff0000;">ვინ იქნება შემდეგი მსხვერპლი?</span></p><p></strong>"ფრანს პრესის" ინფორმაციით, "ჩელსის" ბოსი რომან აბრამოვიჩი კლუბში ჟოზე მოურინიოს დაბრუნებას გეგმავს. ის, რომ სეზონის დასრულების შემდეგ "განსაკუთრებული კაცი" მადრიდიდან წასვლას გეგმავს, დიდი ხანია ცნობილია.</p><p>ინგლისურმა ტაბლოიდებმა თებერვლის ბოლო დღეეებში სეუ ჟოზე ლონდონში ნახეს, სადაც მან ახალი სახლი შეიძინა. ESPN ამტკიცებს, "სტემფორდ ბრიჯზე" ხოსეპ გვარდიოლა დაინიშნებაო.</p><p>"არის რამდენიმე ინგლისელი მწვრთნელი, მაგალითად ჰარი რედნაპი და გლენ ჰოდლი, რომელთაც შეუძლიათ გუნდის ჩაბარება, მაგრამ აბრამოვიჩი უპირატესობას არაინგლისელ სპეციალისტებს ანიჭებს," - იუწყება "ჩელსის" მაღალჩინოსანი, რომელმაც ვინაობის გამხელისგან თავი შეიკავა.</p><p><strong>ყოველდღიური სპორტული გაზეთი "ლელო"</strong></p>
არისაბალაგა შეიძლება ფაბრეგასის გუნდში გადაბარგდეს
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ