- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლა ლიგა. XXV ტურის შეჯამება: ჩავი ერნანდესი პასების მეფეა!
<p>"ბარსელონას" ნახევარმცველმა 1 553 ზუსტი პასი გააკეთა სეზონში, ეს კი ხუთ საუკეთესო ლიგაში პირველი შედეგია! <br> არგენტინელმა გონსალო იგუაინმა, რომელიც ესპანურმა მედიამ უკვე "გაცვალა" სერხიო აგუეროში და "მანჩესტერ სიტიში" "გაუშვა", 50-დღიანი "შიმშილობა" დაარღვია და გოლი გაიტანა, თანაც ორი. ამით "რეალსაც" გაუიოლა "ესპანიოლის" დამარცხება და თავადაც "სუფთა" მე-3 ადგილზე გადავიდა ბომბარდირთა დავაში 16 გოლით.</p><p>მეტი კი იგუაინისთვის (ისევე როგორც სხვა ნებისმიერი ფორვარდისთვის ლა ლიგაში დაწინაურებული დუეტის გარდა) ისევე მიუწვდომელია, როგორც, დავუშვათ, "ვალენსიასთვის" "რეალისა" და "ბარსას" ჰეგემონიის დარღვევა.</p><p>ტურმა ლეო მესის გარეშე ჩაიარა და ამით, ბუნებრივია, ბევრიც დაკარგა, თუმცა ბევრი საინტერესო რამ მაინც ვნახეთ - სეიდუ კეიტას გოლი-შედევრი, ბასკური დერბი, სადაც მოედანზე ერთმანეთს ეჩხუბნენ, მაგრამ ტრიბუნებზე მეტოქე გუნდის ფანები ხელიხელჩაკიდებულნი გულშემატკივრობდნენ თავიანთ რჩეულებს. კრიშტიანო რონალდომ სეზონში 30-ე გოლი გაიტანა და ფეხბურთელის შესაძლებლოლების ზედა ზღვარზე წარმოდგენა ბუნდოვანი გახადა.</p><p>სამწუხაროა, რომ ყველაზე საინტრიგო, რაც პრიმერას ამ სეზონს შერჩა, ეს ჩემპიონთა ლიგის ბოლო, მე-4 საგზურისთვის ბრძოლაა. სერიოზული ბატალიებია მოსალოდნელი - ერთდროულად 8 გუნდს სავსებით მიწიერი შანსი აქვს.</p><p><strong><span style="color: #ff0000;">ბარსა-რეალობა</span></p><p></strong>მაშინ, როცა ჟოზე მოურინიოს გუნდს ყველაფერი იოლად გამოსდიოდა ბარსელონურ "ესპანიოლთან" მატჩში, ჩემპიონს დიდი ოფლისღვრა დასჭირდა ლამის გასავარდნად განწირული "სპორტინგის" დასამარცხებლად.</p><p>ორი რამ აუცილებლად მიუთითებდა შაბათის მატჩის დაძაბულობაზე: ერთი რომ მესი არ იყო (დისკვალიფიკაცია) და მეორე - "სპორტინგი" ხავიერ კლემენტემ ჩაიბარა.</p><p>მალელი სეიდუ კეიტა ნოემბრის შემდეგ "ბარსას" სასტარტოში არ ყოფილა, მას ბევრი გაუცდა აფრიკის ერთა თასის გამო, საიდანაც სეიდუ ბრინჯაოს მედლით დაბრუნდა. კეიტა ბუსკეტსს ცვლიდა, აფრიკელმა სეზონში მე-2 გოლი მაშინ გაიტანა, როცა "ბარსას" ეს ყველაზე მეტად სჭირდებოდა და თანაც რა გოლი! თამაშის დასრულებამდე ათი წუთიღა რჩებოდა, ათ-კაციანი "ბარსა" უტევდა 11-კაციან "სპორტინგს", მაგრამ გოლი ვერადავერ გაჰქონდა - ნახევარმცველმაც მოიქნია ცაცია და ხუან პაბლოს კარის შორეულ კუთხეში გაიტანა. ამ გოლს კიდევ ერთი მოჰყვა და "ბარსამ" 3:1 იმარჯვა.</p><p>"მოხარული ვარ, რომ გავიტანე, რადგან იყო საშიშროება ქულები დაგვეკარგა, ეს კი "რეალს" უპირატესობის გაზრდის შანსს მისცემდა", - განაცხადა კეიტამ მატჩის შემდეგ. 32 წლის კეიტამ "ბარსელონას" მაისურით მე-20 გოლი გაიტანა.</p><p>ჩავი ერნანდესმა საკუთარი რეკორდი დაამხო - მისი გოლი "სპორტინგის" კარში მე-8 გახლავთ სეზონში. აქამდე ჩავის მიღწევა კი 7 გოლი იყო (2007/08 წლ). მაგრამ ყველას კარგად მოეხსენება, რომ გოლები ჩავის საუკეთესო იარაღი არაა, ეს მისი მოულოდნელი ატრიბუტია - აი, პასებში კი ჩავი მეფეა - მეტოქის ნახევარზე 32 წლის</p><p>ნახევარმცველმა 1 553 ზუსტი პასი გააკეთა სეზონში, ეს კი ხუთ საუკეთესო ლიგაში პირველი მაჩვენებელია!</p><p>"ბარსელონამ" დაიპყრო მოწინავე ხუთეული: პირველი, მე-2 (მესი) და მე-4 (დანი ალვეში) მისია. ხუთეული მთლიანად ესპანურია: მე-3 - ჩაბი ალონსოა, მე-5 - მიკელ არტეტა.</p><p>"თეთრებმა" "ესპანიოლისგან" ქვა-ქვაზე არ დატოვეს - 5:0. ძალიან მაგრად ითამაშეს კაკამ და გონსალო იგუაინმა. ეს დღე განსაკუთრებული იყო არგენტინელი ფორვარდისთვის, 50-დღიანი უგოლო პაუზაზე უკვე ვთქვით და "ესპანიოლთან" მატჩი გონსალოსთვის 150-ე იყო მის კარიერაში. ახლა იგუაინის ანგარიშზე 85 გოლია "რეალში".</p><p>მატჩს უეფას პრეზიდენტი, ფრანგი მიშელ პლატინი დაესწრო, რომელმაც მატჩის მერე თქვა, რომ ყველაზე საინტერესო ფინალი ჩემპიონთა ლიგაზე "რეალისა" და "ბარსას" დაპირისპირება იქნებოდა.</p><p><strong><span style="color: #ff0000;">მესი VS რონი</span></p><p></strong><em>არ შედგა! მესის დისკვალიფიკაციის გამო.</em></p><p>კრიშტიანო რონალდომ 90 წუთი ითამაშა "ესპანიოლთან" 5:0 დასრულებულ შეხვედრაში: 9-ჯერ დაარტყა კარისკენ, 3-ჯერ ზუსტად, 1 გოლი გაიტანა. ის ორჯერ დაჯარიმდა, ორჯერ მის წინააღმდეგ დაჯარიმდნენ, პორტუგალიელი ერთხელ მოხვდა თამაშგარე მდგომარეობაში. 15:14 - წინ ისევ მესია.</p><p><strong><span style="color: #ff0000;">ტურის სიმბოლური ნაკრები</span></p><p></strong><em>Goal.com. 3-5-2</em></p><p>ანდრეს პალოპი (სევილია, 1) - ჟულიენ ესკუდე (სევილია, 2), ადილ რამი (ვალენსია, 7), სერხიო რამოსი (რეალი, 4) - სეიდუ კეიტა (ბარსელონა, 1), მარკელ სუსაეტა (ბილბაო, 1), კაკა (რეალი, 2), ანდრეს ინიესტა (ბარსელონა, 6), ელიზეუ (მალაგა, 1) - მიჩუ (რაიო ვალეკანო, 2), გონსალო იგუაინი (რეალი, 4).</p><p>სიმბოლურში 4 დებიუტანტია, კაკა უკვე მეორედ მოხვდა რჩეულებში. სასიხარულოა, რომ ბრაზილიელი ოდინდელ ფორმას იბრუნებს. "ვალენსიას" ფრანგი მცველი ადილ რამი სიმბოლურ ნაკრებში მე-7-ედ მოხვდა, ხოლო ბარსელონელი ანდრეს ინიესტა - მე-6-ედ.</p><p><strong><span style="color: #ff0000;">ტურის გმირი</span></p><p></strong><em>ხოსე რამონ სანდოვალი (რაიო ვალეკანო)</em></p><p>25-ე ტურის გმირად ფეხბურთელს კი არა, მწვრთნელს ვასახელებთ - "რაიო ვალეკანოს" 43 წლის თავკაც ხოსე რამონ სანდოვალს. მისი გუნდი "რასინგთან" 0:2-ს აგებდა, როცა პირველივე ტაიმში სანდოვალმა ორი ცვლილება განახორციელა, საბოლოოდ მადრიდელებმა 4:2 მოიგეს, ხოლო 2 გოლი შეცვლაზე შესულთა ანგარიშზეა.</p><p>სამართლიანობისთვის აღვნიშნავთ, რომ კანტაბრიელები 10 კაცით თამაშობდნენ, უკვე მე-3 წუთზე მათ მეკარე ტონიო გაუძევეს.</p><p><strong><span style="color: #ff0000;">ტურის ფრაზები</span></p><p>ჟერარდ პიკე:</strong> "მსაჯს შევატყე, რომ ჩემი გაძევების მიზეზს ეძებდა", - ამ ფრაზისთვის "ბარსას" მცველი შეიძლება დამატებით დასაჯონ.</p><p><strong>ხოსეპ გვარდიოლა:</strong> "ვფიქრობ, ფანებმა ისიამოვნეს, რადგან გუნდმა აჩვენა მებრძოლი სული", - "ბარსელონას" თავკაცი "სპორტინგთან" 3:1 დასრულებულ მატჩზე.</p><p><strong>ხოსეპ გვარდიოლა:</strong> "მან ნამდვილი გოლასო გაიტანა. კეიტა არასოდეს თამაშობს ცუდად, ის ჩემ შრომას აადვილებს", - მწვრთნელმა ცაში აიყვანა ქებით შეგირდი. გოლასო ლამაზ გოლს ნიშნავს.</p><p><strong>აიტორ კარანკა:</strong> "ერთ რამედ ღირს იმ მატჩების ყურება, როცა კაკას მოედანზე ყველაფერი გამოსდის", - ჟოზე მოურინიოს ასისტენტი კაკას ბრწყინვალე თამაშზე.</p><p><strong>ფერნანდო ალონსო:</strong> "მე უფრო "ოვიედოს" ფანი ვარ, ვიდრე "სპორტინგის", "რეალთან" უფრო ახლო გრძნობები მაკავშირებს, ვიდრე "ბარსასთან", მაგრამ მიყვარს ფეხბურთი და დღევანდელი "ბარსას" თამაშის ყურება ერთი სიამოვნებაა", - ფორმულა 1-ის ესპანელი ვარსკვლავი "კამპ ნოუზე" "სპორტინგთან" მატჩს დაესწრო.</p><p><strong>მაურისიო პოჩეტინო:</strong> "რაც შეიძლება სწრაფად მინდა დავივიწყო ეს საღამო", - "ესპანიოლის" არგენტინელი თავკაცი 0:5-ის მერე.</p><p><strong>მიშელ პლატინი:</strong> "რეალი" მსოფლიოს საუკეთესო გუნდია, რომელმაც მსოფლიოს თანამედროვე ფეხბურთი გამოუგონა", - უეფას პრეზიდენტი "ესპანიოლთან" მატჩს დაესწრო.</p><p><strong>მიჩელი:</strong> "გუნდი სწორ გზას ადგას", - "სევილიას" თავკაცი "ატლეტიკოსთან" 1:1-ის შემდეგ.</p><p><strong><span style="color: #ff0000;">ტურის 5 საუკეთესო გოლი</span></p><p></strong>1. სეიდუ კეიტა (ბარსელონა) "სპორტინგის" კარში (საგოლე პასი: ალექსის სანჩესი)</p><p>2. ელიზეუ (მალაგა) "ხეტაფეს" კარში</p><p>3. სანტი კასორლა (მალაგა) "ხეტაფეს" კარში (საგოლე პასი: ხესუს გამესი)</p><p>4. ლუის გარსია (სარაგოსა) "ვილიარეალის" კარში (საგოლე პასი: აბრაამ მინერო)</p><p>5. მარკელ სუსაეტა (ბილბაო) "რეალ სოსიედადის" კარში (საჯარიმო)</p><p><strong><span style="color: #ff0000;">ესპანური ფეხბურთის სისუსტე... მსაჯები</span></p><p></strong><em>მატეუ ლაოსი (ბილბაო-რეალ სოსიედადი). "მარკა" 2 (10-ბალიანი სისტემით)</em></p><p>რა დააშავა: არ ჩათვალა კარლოს ველას გოლი. ბურთმა აშკარად გადაკვეთა "ბილბაოს" კარის ხაზი.</p><p><em>ველასკო კარბალიო (ბარსელონა-სპორტინგი). "მარკას" არ შეუფასებია.</em></p><p>რა დააშავა: ორი პენალტის დანიშვნა შეიძლებოდა სტუმართა კარში, პიკესთვის წითელი ბარათიც გადამეტებული სასჯელი გვეჩვენა.</p><p><strong><span style="color: #ff0000;">ტურის მსხვერპლნი</span></p><p></strong>"ბარსელონას" ჩილელი ფორვარდი ალექსის სანჩესი 10-დან 15 დღემდე დააკლდა. მან "სპორტინგთან" მატჩში საზარდული იტკინა.</p><p><strong><span style="color: #ff0000;">ტურის სტატისტიკა</span></p><p></strong><em>შენიშვნა: წუხანდელი მატჩი გათვალისწინებული არ არის</em></p><p>29 გოლი ტურში (3,2 მატჩში). 5 თამაში მოიგეს მასპინძლებმა, 2 ფრედ დასრულდა და 2 სტუმრებმა მოიგეს. მსაჯებმა 69 ყვითელი და 2 წითელი ბარათი დაარიგეს.</p><p><span style="color: #ff0000;"><strong>ჰეთ თრიკი: არავინ</strong></span></p><p>დუბლი: გონსალო იგუაინი (რეალი); მარკელ სუსაეტა (ბილბაო), მიჩუ (რაიო ვალეკანო).</p><p>ტურის ყველაზე ახალგაზრდა ფეხბურთელი: რაფაელ ვარანი (რეალი, 18 წლის)</p><p>ყველაზე მეტი მაყურებელი: 78 000 - "სანტიაგო ბერნაბეუ"</p><p>ყველაზე ნაკლები მაყურებელი: 11 000 - "ალფონსო პერეს კოლისეუმი"</p><p>ყველაზე მეტი დარტყმა კარისკენ: 22 - რაიო ვალეკანო, რეალი</p><p>ყველაზე მეტი დარტყმა კარში: 13 - რაიო ვალეკანო</p><p>ყველაზე მეტი ჯარიმა: 22 - ვალენსია, სპორტინგი</p><p>ყველაზე მეტი კუთხური: 13 - ბარსელონა</p><p>ყველაზე მეტი თამაშგარე: 6 - რაიო ვალეკანო, გრანადა, რეალი</p><p>ყველაზე მეტი ბურთის ფლობა: 75% - ბარსელონა</p><p><span style="color: #ff0000;"><strong>ესპანეთი. ლა ლიგა. XXV ტური</strong></span></p><p><em><strong>ხეტაფე-მალაგა 1:3</strong></em></p><p>საუკეთესო: სანტი კასორლა (მალაგა)</p><p><em><strong>მალიორკა-ოსასუნა 1:1</strong></em></p><p>საუკეთესო: ემილიო ნსუე (მალიორკა)</p><p><em><strong>ვალეკანო-რასინგი 4:2</strong></em></p><p>საუკეთესო: დიეგო კოშტა (რაიო ვალეკანო)</p><p><em><strong>ბარსელონა-სპორტინგი 3:1</strong></em></p><p>საუკეთესო: სეიდუ კეიტა (ბარსელონა)</p><p><em><strong>სევილია-ატლეტიკო 1:1</strong></em></p><p>საუკეთესო: ხესუს ნავასი (სევილია)</p><p><em><strong>სარაგოსა-ვილიარეალი 2:1</strong></em></p><p>საუკეთესო: აბრაამ მინერო (სარაგოსა)</p><p><em><strong>ბილბაო-სოსიედადი 2:0</strong></em></p><p>საუკეთესო: მარკელ სუსაეტა (ბილბაო)</p><p><em><strong>გრანადა-ვალენსია 0:1</strong></em></p><p>საუკეთესო: სოფიან ფეგული (ვალენსია)</p><p><em><strong>რეალი-ესპანიოლი 5:0</strong></em></p><p>საუკეთესო: გონსალო იგუაინი (რეალი)</p><p><em><strong>ლევანტე-ბეტისი 3:1</strong></em></p><p>ლევანტე (4-2-3-1): მუნუა - პ. ლოპესი, ბალესტეროსი, კაბრალი, ხუანფრანი - ხ. ტორესი, იბორა - ვალდო (86. პალიარდო), ღეზალი (76. რ. სუარესი), ბარკერო - კონე (72. ვენტა).</p><p>ბეტისი (4-4-2): ფაბრისიო - ნელსონი, პაულაუ (53. სანტა კრუსი), დორადო, ნაჩო - სევილია (64. კანიასი), ირინეი, ბენატი, მონტერო (59. ხ. პერეირა) - რ. კასტრო, მოლინა.</p><p>გოლები: 1:0 ბარკერო (34), 2:0 ხ. ტორესი (42), 2:1 მოლინა (44), 3:1 კონე (51)</p><p>გაფრთხილება: ლოპესი, ბალესტეროსი, იბორა, ვალდო, ხუანფრანი - სევილია, ფაბრისიო, პერეირა</p><p>კუთხური: 2-7; ჯარიმა: 20-7; თამაშგარე: 3-0; კარში დარტყმა: 7-16 (4-5); ბურთის ფლობა: 29%-71%.</p><p>მაყურებელი: 15 600</p><p><span style="color: #ff0000;"><strong>სატურნირო ცხრილი</strong></span></p><p><em> თ მ ფ წ ბ ქ</em></p><p>1. რეალი 25 22 1 2 85-21 67</p><p>2. ბარსელონა 25 17 6 2 73-19 57</p><p>3. ვალენსია 25 12 7 6 38-29 43</p><p>4. ლევანტე 25 11 5 9 37-36 38</p><p>5. ბილბაო 25 9 10 6 41-32 37</p><p>6. მალაგა 25 11 4 10 36-37 37</p><p>7. ოსასუნა 25 8 11 6 29-39 35</p><p>8. ვალეკანო 25 10 4 11 36-38 34</p><p>9. ატლეტიკო 25 8 9 8 34-31 33</p><p>10. სევილია 25 8 9 8 27-28 33</p><p>11. ესპანიოლი 25 9 6 10 27-34 33</p><p>12. ბეტისი 25 9 3 13 29-35 30</p><p>13. სოსიედადი 25 8 6 11 27-36 30</p><p>14. მალიორკა 25 7 8 10 24-30 29</p><p>15. ხეტაფე 25 7 8 10 25-34 29</p><p>16. გრანადა 25 8 4 13 22-35 28</p><p>17. ვილიარეალი 25 6 9 10 26-38 27</p><p>18. რასინგი 25 4 12 9 21-35 24</p><p>19. სპორტინგი 25 5 6 14 23-48 21</p><p>20. სარაგოსა 25 4 6 15 21-46 18</p><p><strong>ბომბარდირები</strong></p><p>30 - კრიშტიანო რონალდო (რეალი); 28 - ლიონელ მესი (ბარსელონა); 16 - გონსალო იგუაინი (რეალი);15 - რადამელ ფალკაო (ატლეტიკო); 13 - ქარიმ ბენზემა (რეალი), მიჩუ (რაიო ვალეკანო); 12 - ფერნანდო ლორენტე (ბილბაო), რობერტო სოლდადო (ვალენსია); 9 - დავიდ ბარალი (სპორტინგი), რუბენ კასტრო (ბეტისი), სესკ ფაბრეგასი (ბარსელონა).</p><p><strong>ასისტენტები</strong></p><p>13 - ანხელ დი მარია (რეალი); 12 - მესუთ იოზილი (რეალი); 9 - ლიონელ მესი (ბარსელონა); 8 - დანი ალვეში (ბარსელონა); 7 - კარლოს ველა (რეალ სოსიედადი), სესკ ფაბრეგასი (ბარსელონა), კრიშტიანო რონალდო (რეალი).</p><p><strong>ზამორას ტროფეი</strong></p><p>0,76 (გოლი მატჩში) - ვიქტორ ვალდესი (ბარსელონა); 0,84 - იკერ კასილიასი (რეალი); 1,13 - ტიბო კურტუა (ატლეტიკო); 1,14 - ხავი ვარასი (სევილია); 1,28 - გორკა ირაისოსი (ბილბაო).</p><p><span style="color: #ff0000;"><strong>მომდევნო ტური</strong></span></p><p>10 მარტი: მალაგა-ლევანტე, რეალ სოსიედადი-სარაგოსა, სპორტინგი-სევილია, ბეტისი-რეალი.</p><p>11 მარტი: ატლეტიკო-გრანადა, ესპანიოლი-რაიო ვალეკანო, ვალენსია-მალიორკა, რასინგი-ბარსელონა, ოსასუნა-ბილბაო.</p><p>12 მარტი: ვილიარეალი-ხეტაფე.</p><p><strong>ყოველდღიური სპორტული გაზეთი "ლელო"</strong></p>
ბელინგემმა ვარჯიში დაიწყო - "რეალი" აჩქარებას არ აპირებს
რასპადორი "ატლეტიკოს" ფეხბურთელია
"ბარსელონა" ლა ლიგაში სეზონის დაწყებას საკუთარ სტადიონზე გეგმავს
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა