<p>ლეგენდა მესიზე, რომელიც ჯერ რაღაც 24 წლისაა, გრძელდება - "ლევერკუზენის" კარში გატანილმა ხუთმა გოლმა ჩემპიონთა ლიგის ისტორია გადაწერა <br> <em>7:1-ის შემდეგ რუდი ფიოლერმა თქვა: "ახლა უკვე მესი იმ ლიგაში თამაშობს, სადაც მხოლოდ პელე და მარადონაა". მართლაც, პატარა არგენტინელმა ჯადოქარმა ხუთი გოლის გატანით კიდევ ერთხელ აღაფრთოვანა საფეხბურთო ევროპა.</p><p></em></p><p>მოდი, მესის ბრწყინვალე კარიერას, რომელიც ჯერ მხოლოდ იწყება, კიდევ ერთხელ გადავავლოთ თვალი - ციფრები მრავლისმეტყველია.</p><p>ლეგენდა მესიზე, რომელიც ჯერ რაღაც 24 წლისაა, გრძელდება - "ლევერკუზენის" კარში გატანილმა ხუთმა გოლმა ჩემპიონთა ლიგის ისტორია გადაწერა.</p><p><span style="color: #ff0000;"><strong>3</strong></span> - ახლა მესის ანგარიშზე სამი ჰეთ თრიკია ჩემპიონთა ლიგაზე. ის ამ მაჩვენებლით ფილიპო ინძაგის გაუთანაბრდა. ჩემპიონთა ლიგაზე აქამდე მხოლოდ "ბარსას" 3 ფეხბურთელს გაუტანია ჰეთ თრიკი - რივალდოს, რონალდინიოსა და სამუელ ეტოოს. მესი პირველი ფეხბურთელია, რომელმაც ჩემპიონთა ლიგაზე ერთ სეზონში ორი ჰეთ თრიკი გაიტანა.</p><p><span style="color: #ff0000;"><strong>3</strong></span> - წლის დასაწყისში არგენტინელმა ზედიზედ მესამედ მოიგო "ოქროს ბურთის" პრიზი. ამ მაჩვენებლით მესი მიშელ პლატინის, იოჰან კრუიფს და მარკო ვან ბასტენს გაუთანაბრდა.</p><p><span style="color: #ff0000;"><strong>4</strong></span> - მეოთხე სეზონია ლეო მესი ლიდერობს ჩემპიონთა ლიგის ბომბარდირთა დავაში. პირველი სამი არგენტინელმა უკვე მოიგო და ახლაც, 12 გოლით უპირობო ფავორიტია. ერთადერთი, ვინც 4-ჯერ მოახერხა ამ ტურნირის ბომბარდირობა, "ბაიერნის" ლეგენდა გერდ მიულერია. თუმცა გერმანელი ორჯერ თანაბომბარდირი იყო, მესის კი ბომბარდირობა არავისთან გაუზიარებია.</p><p><span style="color: #ff0000;"><strong>5</strong></span> - არგენტინელი ჩემპიონთა ლიგის ისტორიაში პირველი ფეხბურთელია, რომელმაც მატჩში 5 გოლი გაიტანა. ამ ტურნირის წინამორბედში - ევროპის თასზე "აიაქსის" სორენ ლერბიმ (1979 წ.) გაიტანა თამაშში ხუთი გოლი. "ბარსელონას" ბოლო ფეხბურთელი, რომელმაც თამაშში ხუთი გოლი გაიტანა (ნებისმიერ ოფიციალურ მატჩში), იყო ზალდუა (1965 წ).</p><p><span style="color: #ff0000;"><strong>6</strong></span> - როსარიოელმა ამ სეზონში "ბარსას" მაისურით 6 სხვადასხვა ტურნირში მოახერხა გატანა: ლა ლიგაში, კოპაზე, სუპერკოპაზე, ევროპის სუპერთასზე, ჩემპიონთა ლიგაზე და მსოფლიოს საკლუბო ჩემპიონატში. თუმცა ის ერთადერთი არ არის "ბარსელონაში". პედრომაც მოახერხა 6 სხვადასხვა ტურნირში გატანა.</p><p><span style="color: #ff0000;"><strong>10</strong></span> - Goal.com-მა არგენტინელს "ლევერკუზენთან" მატჩში იშვიათი შეფასება - 10-იანი დაუწერა 10-ბალიანი შეფასებით.</p><p><span style="color: #ff0000;"><strong>12</strong></span> - ამ სეზონში მესის ანგარიშზე ჩემპიონთა ლიგაზე 12 გოლია და ის კიდევ აგრძელებს თამაშს ტურნირზე. ამით მესიმ უკვე მიაღწია თავისსავე შარშანდელ შედეგს და გაიმეორა რუუდ ვან ნისტელროის მიღწევა 2002/03 წლების ჩემპიონთა ლიგაზე.</p><p><span style="color: #ff0000;"><strong>18</strong></span> - რაც კატალონიურ გუნდში დაიწყო თამაში, მესიმ 18 საკლუბო ტიტული მოიგო.</p><p><span style="color: #ff0000;"><strong>22</strong></span> - მას შემდეგ, რაც შვეიცარიის ნაკრების კარში მან ჰეთ თრიკი შეასრულა, ეროვნულ გუნდში მესის 22 გოლი დაუგროვდა.</p><p><span style="color: #ff0000;"><strong>24</strong></span> - ჩემპიონთა ლიგის პლეი ოფების სტადიაში მესის ანგარიშზე უკვე 24 გოლია, რაც ყველა დროის რეკორდია.</p><p><span style="color: #ff0000;"><strong>49</strong></span> - სულ არგენტინელმა ჩემპიონთა ლიგაზე 49 გოლი გაიტანა. ის უკვე გასცდა ალექს დელ პიეროს (44), ფილიპო ინძაგის (46), ეუსებიოს (47) და ანდრეი შევჩენკოს (48) და ეს ყველაფერი ერთ მატჩში მოახერხა! ის დაეწია "რეალის" ლეგენდას ალფრედო დი სტეფანოს (49) და ახლა მასთან ერთად მე-4 ადგილს იყოფს. წინ კი რაული (71), ვან ნისტელროი (54) და ტიერი ანრი (51) არიან.</p><p><span style="color: #ff0000;"><strong>53</strong></span> - ახლა მესის ანგარიშზე სეზონში "ბარსელონას" მაისურით და ეროვნულ ნაკრებში ჯამში 53 გოლია.</p><p><span style="color: #ff0000;"><strong></p><p>93</strong></span> - მესის ანგარიშზე 93 საგოლე პასია "ბარსელონაში" თამაშისას. აქედან 20 ამ სეზონში (ყველა ტურნირში).</p><p><span style="color: #ff0000;"><strong>188</strong></span> - მას მერე, რაც "ბარსელონას" მწვრთნელი პეპ გვარდიოლაა, მესიმ 201 ოფიციალურ მატჩში 188 გოლი გაიტანა.</p><p><span style="color: #ff0000;"><strong>228</strong></span> - გოლი "ბარსელონაში", 7-იც და კლუბის რეკორდს მოხსნის, რომელიც სესარ როდრიგესს ეკუთვნის.</p><p><strong>ყოველდღიური სპორტული გაზეთი "ლელო"</strong></p>
iviko
12 არა 13 გოლი აქვს გატანილი 7 თამაში
კვარაცხელია კვლავ გასატანად, მიქაუტაძე დონარუმას წინააღმდეგ - ყველაფერი ლიგაზე
2027/28-წლების სეზონიდან ჩემპიონთა ლიგა განსხვავებულად დაიწყება
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
პსჟ-ში ტრავმირებულები ბრუნდებიან - დემბელესა და მარკინიოსს "ლევერკუზენთან" თამაში შეეძლებათ
აბუაშვილის და წიტაიშვილის "მეცმა" მორიგი მარცხი განიცადა
როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
გვარდიოლამ გაამხილა, როდის იფიქრებს მწვრთნელის კარიერის დასრულებაზე