- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
Georgia-Azerbaijan EURO 2020 - რა მოთხოვნებს გვიყენებს უეფა
<p>ევროპის ჩემპიონატის მასპინძელმა 3-იდან 5 მილიონამდე ტურისტი და სტუმარი უნდა მიიღოს <br> <strong>მიხეილ სააკაშვილის</strong> განცხადებამ, რომ საქართველო და აზერბაიჯანი ევრო 2020-ის მასპინძლობისთვის ერთობლივ განაცხადს შეიტანენ, დიდი აჟიოტაჟი გამოიწვია ორივე მეზობელ ქვეყანაში.</p><p>რა მოთხოვნების დაკმაყოფილებაა აუცილებელი?</p><p>შარშან საქართველოს ფეხბურთის ფედერაციამ თბილისში 2012 ან 2013 წელს ევროპის ლიგის ფინალის ჩატარების სურვილი რომ გამოთქვა, უეფას პრეზიდენტმა <strong>მიშელ პლატინიმ</strong> განაცხადა: "თქვენი მონდომება ძალიან დიდია და მე მას ვაფასებ, მაგრამ აუცილებლად უნდა შეიქმნას საჭირო პირობები".</p><p>ცხადია, ბევრად მაღალ მოთხოვნებს უყენებენ ევროპის ჩემპიონატის მსურველ კანდიდატებს.</p><p><span style="color: #ff0000;"><strong>სტადიონები</strong></span></p><p>უეფა კანდიდატებისგან მინიმუმ 8 ელიტ-კატეგორიის სტადიონის წარდგენას ითხოვს: გახსნისა და ფინალური მატჩები უნდა გაიმართოს მინიმუმ 50-ათასიან სტადიონზე, სამი უნდა იყოს 40-ათასიანი, ოთხიც - 30-ათასიანი. ამ რაოდენობაში არ იგულისხმება ადგილები ვიპ, სტუმართა და ჟურნალისტთა ლოჟებში.</p><p>სტადიონზე უნდა იყოს მინიმუმ 24 სატელევიზიო კამერის განსათავსებელი ადგილი, რომლითაც ტურნირის მაღალ დონეზე ჩვენება იქნება გარანტირებული. უცილებელია ელექტრონული ბილეთების სისტემის დანერგვა. თითოეულმა ქვეყანამ მინიმუმ 4 სტადიონი უნდა წარადგინოს, ერთიც - სარეზერვო.</p><p><span style="color: #ff0000;"><strong>ბაზები</strong></span></p><p>ჯერ უცნობია, ევროპის 2020 წლის ჩემპიონატზე რამდენი გუნდი ითამაშებს. დღევანდელი რაოდენობაც (24) რომ არ გაიზარდოს, საქართველოსა და აზერბაიჯანს 12-12 გუნდის მასპინძლობა მოუწევთ. თითოეულ გუნდს უნდა ჰქონდეს სავარჯიშო სტადიონისა და მოედნის არჩევის საშუალება. თანაც ყველა ელიტ-კატეგორიის უნდა იყოს.</p><p>თბილისის "დინამოს," ეროვნული ნაკრების, "ზესტაფონისა" და "ტორპედოს" ბაზები, - ძალიან მალე ეს ბაზები ელიტ-კატეგორიის მოთხოვნას დააკმაყოფილებს.</p><p><span style="color: #ff0000;"><strong>სასტუმროები</strong></span></p><p>ევროპის ჩემპიონატის მასპინძელი ქვეყნები დაახლოებით 3-იდან 5 მილიონამდე ტურისტსა და სტუმარს მასპინძლობს. უეფას მოთხოვნები კი ძალიან მკაცრია.</p><p>სადღეისოდ, თბილისში მაღალი კატეგორიის სასტუმროებია "შერატონ მეტეხი პალასი", "რედისონი", "ქორთიარდ მერიოტი", "თბილისი მერიოტი", "ჰოლიდეი ინი"; მშენებარე და პროექტშია კიდევ რამდენიმე - "კემპინსკი", "ინტერკონტინენტალი", "ჰილტონი". მაგრამ ბათუმში და განსაკუთრებით, ქუთაისში 5-ვარსკვლავიანი სასტუმროები ჯერჯერობით ცოტაა. ამას გარდა, საჭიროა ბევრი მცირე სასტუმრო, ჰოტელი და B&B-ს ტიპის "სადგომი".</p><p><span style="color: #ff0000;"><strong>აეროპორტები და ქვეყნის ინფრ</strong></span><strong><span style="color: #ff0000;">ა</span></strong><span style="color: #ff0000;"><strong>სტრუქტურა</strong></span></p><p>"მარტო კარგი სტადიონი არ კმარა. ასეთი დონის ფინალის მასპინძლობა აეროპორტიდან იწყება", - მიანიშნა პლატინიმ თბილისში გამართულ პრესკონფერენციაზე.</p><p>მართლაც, საქართველოში განსაკუთრებულად მწვავე პრობლემაა აეროპორტის გამტარუნარიანობა და მომსახურების ხარისხი. მარტო ევროპის ლიგის ფინალის დღეს მინიმუმ 100 ჩარტერული რეისი უნდა შესრულდეს, ევროპის ჩემპიონატის დროს კი გაცილებით მეტი მოგვეთხოვება.</p><p>აუცილებელია აეროპორტების, მაგისტრალებისა და ტრასპორტის (საზღვაო პორტებისა და სარკინიგზო სადგურების) მუშაობის გაუმჯობესება. მაგრამ მთავარი კრიტერიუმი მათი ხარისხი იქნება.</p><p>"ვიცით, რომ ინფრასტრუქტურა მოსაწესრიგებელია. ამიტომ ამ მიმართულებით მუშაობას დავიწყებთ", - განაცხადა საქართველოს რეგიონული განვითარებისა და ინფრასტრუქტურის მინისტრმა <strong>რამაზ ნიკოლაიშვილმა</strong>.</p><p><span style="color: #ff0000;"><strong>საკანონმდებლო ბაზა</strong></span></p><p>უეფა მასპინძელი ქვეყნისგან საკანონმდებლო ბაზის შესაბამისობაში მოყვანასაც ითხოვს: ტურნირის დროს არ უნდა დაიბეგროს უეფას ეგიდით გაყიდული პროდუქცია (სპორტული ატრიბუტიკა, გამაგრილებელი სასმელები), სარეკლამო ბანერები, შემოსავლები ბილეთებიდან...</p><p>სტადიონზე დარღვევისთვის სასჯელიც ევროპული ფეხბურთის მმართველი ორგანოსთვის მისაღები და ლიბერალური უნდა იყოს. მაგალითად, ბოთლის სტადიონზე სროლისთვის არ უნდა მიესაჯოს თუნდაც ხანმოკლე პატიმრობა.</p><p>ერთიც: უეფა მკაცრად ითხოვს სტადიონზე შესვლის დროს გულშემატკივრის გაჩხრეკას. ეს კი, თურმე, ქართული კანონმდებლობით აკრძალულია. ამ ხარვეზის მოგვარება შედარებით ადვილია.</p><p><span style="color: #ff0000;"><strong>სპორტული მიღწევები </strong></span></p><p>ცხადია, უეფა ყურადღებას აქცევს მასპინძლობის მოსურნე ქვეყნების სპორტულ შედეგებსაც. ამ კუთხით აზერბაიჯანი და საქართველო კონკურენტებს აშკარად ჩამოუვარდება.</p><p>ცხადია, თემას აზერბაიჯანშიც აქტიურად განიხილავენ: ევრო 2020-ის მასპინძელს უეფა 2014 წელს გამოავლენს. მანამდე კი მეზობელ კავკასიურ სახელმწიფოებს საშუალება ექნებათ, "ბებერი კონტინენტი" თავიანთი განაცხადის მიზანშეწონილობაში დაარწმუნონ.</p><p><span style="color: #ff0000;"><strong>ისევ დაწყევლილი პოლიტიკა</strong></span></p><p>უეფა მასპინძლის შერჩევისას ყურადღებას პოლიტიკურ ფაქტორსაც აქცევს: მასპინძელი საომარ მდგომარეობაში არ უნდა იმყოფებოდეს. სამწუხაროდ, ჩვენთვის აფხაზეთ-სამაჩაბლო, აზერბაიჯანისთვის კი ყარაბახი ჯერაც მოურჩენელი ტკივილებია. რუსეთი ამ შემთხვევაშიც ჩვენი განაცხადის მინუსია... სამწუხაროდ, "გაზპრომი" ყველგან ანათებს.</p><p><span style="color: #ff0000;"><strong>გარანტიები</strong></span></p><p>უეფაში მხოლოდ კანდიდატურის წარდგენა არ არის საკმარისი. საამისოდ სავალდებულოა, აზერბაიჯანმა და საქართველომ უეფაში წარადგინონ მყარი სამთავრობო ფინანსური და ყველა ზემოხსენებული მოთხოვნების შესრულების გარანტიები. ყველაფერი კი უნდა მოესწროს 2014 წლამდე, როდესაც მასპინძელი ქვეყანა გაირკვევა.</p><p>გაჯიბრება კი თურქეთთან, ჰოლანდიასთან, ბელგიასთან, რუმინეთ-ბულგარეთთან, ჩეხეთ-სლოვაკეთთან, ბოსნია-ხორვატია-სერბეთთან და ირლანდია-შოტლანდია-უელსთან მოგვიწევს.</p><p>ერთხელ უოლტ დისნეიმ თქვა, მთავარია, მთვარეზე მოხვედრას ეცადო და თუ ამას ვერ შეძლებ, ვარსკვლავებს შორის მაინც იტრიალებო. დრო გვაჩვენებს, ვარსკვლავებს შორის მოვხვდებით თუ მთვარეზე. მთავარია, თავად ეს სურვილი ქართულ ფეხბურთს წაადგება.</p><p>იმედია, 2014 წლისთვის დღევანდელზე მეტი და უკეთესი სტადიონები, ბაზები, სასტუმროები და ინფრასტრუქტურა გვექნება.</p><p><strong>ყოველდღიური სპორტული გაზეთი "ლელო"</strong></p>
-
levani
აზერბააიჯანს შეტანილი აქვს განაცხადი 2020 წლის ზაფხულის ოლიმპიურ თამაშების ჩატარებაზე. იმავდროულად რომ მოინდომოს ევრო2020-ის ჩატარება,რბილად რომ ვთქვათ ვერ გაუგებენ და ის ხალხი(აზერბაიჯანი) ჩვენგან განსხვავებით ადექვატურები არიან სურვილებში.
OPTA-ს სუპერკომპიუტერმა 2026 წლის მსოფლიო ჩემპიონატის ფავორიტები დაასახელა
რას ვნახავთ დეკემბერში - პსჟ-ს მატჩები და თბილისის "დინამო" ახალგაზრდულ ლიგაზე
"ვინისიუსის მსგავსი ფეხბურთელი არ უნდა გააბრაზო" - პერესმა ალონსო გააფრთხილა
"ტოტენჰემის" მეკარემ შესაძლოა, კარიერა "ინტერში" გააგრძელოს
"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა
კიტეიშვილის "შტურმი" სახლში დამარცხდა და ვერ გალიდერდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა