- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ინგლისი. პრემიერლიგა. XXVIII ტურის წინ: დი მატეოს პრემიერლიგური პრემიერა
<p>აღმოფხვრის იტალიელი შეცდომათა იმ "ბუკეტს", რასაც ანდრე ვილაშ-ბოაში შეეწირა? <br> ამ უქმეებზე ინგლისის პრემიერლიგაში ცოტა უცნაური ტური ტარდება. კი დავფიქრდით, მაგრამ ვერც ერთ შეხვედრას ცენტრალურის სტატუსი ვერ მივანიჭეთ. ყველაზე საინტერესოდ "სანდერლენდი"-"ლივერპულის" დაპირისპირება მოგვეჩვენა.</p><p>ორშაბათს "არსენალი"-"ნიუკასლიც" ტარდება, მაგრამ როცა ეს მასალა იწერება, იქამდე ჯერ კიდევ 72 საათზე მეტია დარჩენილი და "ემირიტსის" შეხვედრაზე წერა ცოტა გვიჭირს.</p><p>პირველზე რატომ შეჩერდა არჩევანი, ახლავე გეტყვით. "სტედიუმ ოფ ლაითზე" მარტინ ონილის მისვლის შემდეგ "შავმა კატებმა" თამაში გამოასწორეს. მეტიც, იანვარში ისინი ფანტასტიკურად გამოიყურებოდნენ. 6 მატჩიდან 4 მოიგეს, 1 ფრედ ითამაშეს და მხოლოდ "სტემფორდ ბრიჯზე" დამარცხდნენ "ჩელსისთან".</p><p>კარგი იყო თებერვლის დასაწყისიც, მაგრამ მერე ამას უეცრად "ვესტ ბრომვიჩთან" 0:4 და "სენტ ჯეიმს პარკზე" "ნიუკასლთან" უსახური 1:1 მოჰყვა. ამ თამაშის შემდეგ დამრიგებელმა შეგირდებს უსაყვედურა, პირველ ტაიმში კარგად გამოიყურებოდნენ, მეორეში კი საქმე მოთავებულად ჩათვალეს და ჩაეძინათო.</p><p>გარდა უაზროდ დაკარგული ქულებისა, ონილი იმანაც გააბრაზა, რომ ის ორმა წამყვანმა ნახევარმცველმა დააღალატა. მაიკ დინმა ჯერ სტეფან სესინიონი გააგდო, საფინალო სასტვენის შემდეგ კამათისთვის მის გზას ლი კატერმოულიც გაუყენა. პირველს 3 მატჩით აუკრძალეს მინდორზე გასვლა, მეორეს - 4-ით.</p><p><strong>* * *</strong></p><p>"ლივერპულზე" კი რისი თქმა შეიძლება? გუნდს "არსენალთან" არაერთი და ორი გოლის გატანა შეეძლო, მაგრამ მეკარის დიდებული თამაშის გამო კოშელნის ავტოგოლს დაყაბულდა. მერსისაიდელებს ვერც ლიგის თასის მოგებამ უშველა. კენი დალგლიშის გუნდი ისევ კოჭლობს.</p><p>ბოლო 5 შეხვედრაში "წითლებს" ერთადერთი მოგება აქვთ ქვედალიგელ "ლეიტონ ორიენტთან" (6:1) და ისიც 3 ავტოგოლის დახმარებით. პრემიერლიგაში კი "წითლებმა" ბოლოს "ვულვზს" 39 დღის წინ მოუგეს.</p><p>მართალია, დალგლიშს დიდი იმედი ჰქონდა, მაგრამ როგორც ირკვევა, შანსი იმისა, რომ სტივ ჯერარდი და გლენ ჯონსონი სასტარტოში თამაშს შეძლებენ, საკმაოდ მცირეა. საუკეთესო შემთხვევაში კაპიტანს 30 წუთით თუ შეეძლება მოედანზე გამოსვლა.</p><p>"მომავალ თამაშებზე ისეთივე განწყობით უნდა გავიდეთ, როგორც ეს "არსენალთან" გავაკეთეთ. ბიჭებმა ლონდონელებთან მართლა კარგად ითამაშეს. თუკი ამას მოვახერხებთ, ასე ხშირად აღარ წავაგებთ. ბოლო თამაშის დასრულების შემდეგ განწყობა ძალიან ცუდი იყო. ის ვერ მივიღეთ, რასაც ვიმსახურებდით. თუმცა თამაშის ხარისხი მაინც იმედის მომცემი იყო", - აცხადებს დალგლიში.</p><p><strong>* * *</strong></p><p>"ჩელსი"-"სტოკ სიტის" დაპირისპირება ყურადღებას ყველაზე მეტად იმით იპყრობს, რომ "ლურჯებს" პრემიერლიგის შეხვედრაში პირველად გაუძღვება რობერტო დი მატეო. მან ლონდონელებს შუა კვირაში უკვე უთავკაცა - "ბირმინგემთან" ინგლისის თასზე.</p><p>ჟურნალისტებმა დანანებით აღნიშნეს, რომ იტალიელს არაფერი ახალი უჩვენებია. პრინციპში შეიძლება მან ეს ვერც მოასწრო. შანსი, იმის დასამტკიცებლად, რომ ანდრე ვილაშ ბოაშისგან რამეთი განსხვავდება, მას 10 მარტს მიეცემა. სიმბოლურია, რომ "სტოკ სიტისთან" ჰქონდა დებიუტი მის წინამორბედსაც.</p><p>იმედია, დი მატეო აღმოფხვრის შეცდომათა იმ "ბუკეტს", რასაც პორტუგალიელი სპეციალისტი შეეწირა - პირველ რიგში დაპირისპირებას წამყვან ფეხბურთელებთან.</p><p><strong>* * *</strong></p><p>10 მარტს საინტერესო თამაში შედგება ლივერპულის "გუდისონ პარკზე" - "ევერტონი"-"ტოტენჰემს" დაუპირისპირდება. მასპინძლებმა წინა ტურში თავი მაინცდამაინც ვერ გამოიჩინეს, როცა "ქუინზ პარკთან" ქულას ძლივს გამორჩნენ. "ტოტენჰემმა" კი ბოლო ორ ტურში საქმე ისე გაიხადა, რომ ჩემპიონობისთვის ბრძოლა კი არა მესამე ადგილიც საეჭვო გაუხდა.</p><p>ჰარი რედნაპის გუნდმა შუა კვირაში "სტივენეიჯთან" ინგლისის თასის 1/8-ფინალში ითამაშა. მოგებით მოიგო, მაგრამ ორი წამყვანი ფეხბურთელის ტრავმად კი დაუჯდა - ვიცე-კაპიტანი მაიკლ დოუსონი სეზონის დარჩენილ ნაწილსაც გამოტოვებს და ვერც ევროპის ჩემპიონატზე წავა. აარონ ლენონის მდგომარეობა შედარებით მსუბუქია. თუმცა დღეს ის მოედანზე ვერ იქნება.</p><p><strong>* * *</strong></p><p>დაბოლოს, 11 მარტის დაპირისპირებებზეც ვთქვათ. შუა კვირაში ევროპის ლიგაზე წყვილად წაგებული თამაშების შემდეგ კვირას ერთდროულად იწყებენ თავიანთ თამაშებს მანჩესტერული გრანდები. "სიტი" "სუონსის" სტუმრობს.</p><p>შეუძლებელია, რომ "სპორტინგთან" წაგება არ აისახოს რობერტო მანჩინის გუნდის განწყობაზე. მით უფრო, რომ "ეტიჰადის" მკვიდრთ ვერ დავაბრალებთ, რომ შესუსტებული შემადგენლობით ასპარეზობდნენ. პირიქით, ისინი ძალიანაც მონდომებულები იყვნენ, მაგრამ ვერას გახდნენ.</p><p>"სიტის" არც წინა ტურში უთამაშია კარგად. მართალია, "ბოლტონთან" 2:0-ისთვის რა ენერგიაც დახარჯეს ისიც ეყოთ, მაგრამ "სუონსი" სხვა საქმეა. უელსელებს ერთი სერიოზული პრობლემა აქვთ - მათ წინა ტურში გაძევებული ნათან დაიერი არ ეყოლებათ.</p><p><strong>* * *</strong></p><p>თანაქალაქელთა ფეხის დაცდენას ელოდება "მანჩესტერ იუნაიტედი", რომელიც მზადაა, "სიტი" ცხრილის სათავეში ჩაანაცვლოს. "ეშმაკებმა" ხუთშაბათს "ბილბაოსთან" ევროპის ლიგის საშინაო შეხვედრა დათმეს. დიდი ფიცი-მტკიცის მიუხედავად, იოლი შესამჩნევია, რომ ალექს ფერგიუსონის გუნდი სრულად კონცენტრირებული მხოლოდ პრემიერლიგაში თამაშობს.</p><p>რას ნიშნავს ბოლომდე მობილიზებული "იუნაიტედი", ამას საკუთარ ტყავზე 11 მარტს როი ჰოჯსონი გამოცდის. თუმცა ნამდვილად არ გვინდა იმის თქმა, რომ მის გუნდს შანსი არ აქვს.</p><p><span style="color: #ff0000;"><strong>ინგლისი. პრემიერლიგა. XXVIII ტური</strong></span></p><p><em>10 მარტი</em></p><p><em><strong>ბოლტონი-ქუინზ პარკი 16:45</strong></em></p><p>ტრავმა: გარდნერი, ლი, ჰოლდენი, მირსი, რაილი, დევისი, ალონსო - კემპბელი, ჰელგუსონი, ფორლინი, ჰოლი, დაიერი</p><p><em><strong>ასტონ ვილა-ფულჰემი 19:00</strong></em></p><p>ტრავმა: კლარკი, დენი, ბენტი, დელფი - კელი, ჰიუზი, გრიგერა, სიდუელი</p><p><em><strong>ჩელსი-სტოკ სიტი 19:00</strong></em></p><p>ტრავმა: კოული, ბოსინგვა - სიდიბე, უილკინსონი</p><p><em><strong>სანდერლენდი-ლივერპული 19:00</strong></em></p><p>ტრავმა: ბრამბლი, ანხელერი, ვესტვუდი, კირიაკოსი, რიჩარდსონი, ბრაუნი - ლეივა, ჯერარდი, ჯონსონი, აგერი</p><p>დისკვალიფიკაცია: კატერმოული, სესინიონი</p><p><em><strong>ვულვერჰემპტონი-ბლექბერნი 19:00</strong></em></p><p>ტრავმა: ჰენრი, ედვარდსი - სალგადო, გრელა</p><p><em><strong>ევერტონი-ტოტენჰემი 21:30</strong></em></p><p>ტრავმა: გიბსონი, როდუელი, ანიჩებე - დოუსონი, ჰადლსტოუნი, ლენონი, საა</p><p><em>11 მარტი</em></p><p><em><strong>მანჩესტერ იუნაიტედი-ვესტ ბრომვიჩი 18:00</strong></em></p><p>ტრავმა: ვალენსია, ლინდეგორი, ფლეტჩერი, ოუენი, კლევერლი, ვიდიჩი - შარნერი, ტომასი, რიდი, ჯონსი, გერა</p><p><em><strong>სუონსი-მანჩესტერ სიტი 18:00</strong></em></p><p>ტრავმა: აგუსტინი, ბოდე, ლიტა - რიჩარდსი, საბალეტა, კომპანი</p><p>დისკვალიფიკაცია: დაიერი</p><p><em><strong>ნორვიჩი-უიგანი 20:00</strong></em></p><p>ტრავმა: აიალა, ვონი, რუდი, ტირნი</p><p><em>12 მარტი</em></p><p><em><strong>არსენალი-ნიუკასლი 00:00</strong></em></p><p>ტრავმა: დიაბი, ფრიმპონგი, სანტოსი, უილშირი, კოკელენი, ბენაიუნი, არტეტა, რემსი, სკილაჩი, მერტეზაკერი - მარვო, რეინჯერი, ტეილორი, ბესტი, ლოვენკრანდსი, ამეობი</p><p><span style="color: #ff0000;"><strong>სატურნირო ცხრილი</strong></span></p><p><em> თ მ ფ წ ბ ქ</em></p><p>1. სიტი 27 21 3 3 69-19 66</p><p>2. იუნაიტედი 27 20 4 3 66-27 64</p><p>3. ტოტენჰემი 27 16 5 6 52-33 53</p><p>4. არსენალი 27 15 4 8 55-38 49</p><p>5. ჩელსი 27 13 7 7 47-32 46</p><p>6. ნიუკასლი 27 12 8 7 39-39 44</p><p>7. ლივერპული 26 10 9 7 30-25 39</p><p>8. ფულჰემი 27 9 9 9 37-36 36</p><p>9. სტოკ სიტი 27 10 6 11 27-38 36</p><p>10. ვესტ ჰემი 27 10 5 12 34-35 35</p><p>11. ნორვიჩი 27 9 8 10 38-44 35</p><p>12. სანდერლენდი 27 9 7 11 35-31 34</p><p>13. ევერტონი 26 9 7 10 27-28 34</p><p>14. სუონსი 27 8 9 10 30-34 33</p><p>15. ასტონ ვილა 27 6 12 9 30-35 30</p><p>16. ქუინზ პარკი 27 5 7 15 28-46 22</p><p>17. ბლექბერნი 27 5 7 15 38-60 22</p><p>18. ვულვზი 27 5 7 15 30-56 22</p><p>19. ბოლტონი 27 6 2 19 29-56 20</p><p>20. უიგანი 27 4 8 15 23-52 20</p><p><strong>ბომბარდირები</strong></p><p>25 - რობინ ვან პერსი (არსენალი); 18 - უეინ რუნი (მანჩესტერ იუნაიტედი); 16-16 - სერხიო აგუერო (მანჩესტერ სიტი), დემბა ბა (ნიუკასლი); 13-13 - იაკუბუ აიგბენი (ბლექბერნი), ედინ ჯეკო (მანჩესტერ სიტი); 12 -კლინტ დემპსი (ფულჰემი); 11-11 - ემანუელ ადებაიორი (ტოტენჰემი), მარიო ბალოტელი (მანჩესტერ სიტი)</p><p><strong>ყოველდღიური სპორტული გაზეთი "ლელო"</strong></p>
ონანა კარიერას სავარაუდოდ, თურქეთში განაგრძობს
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია