ენდი მიურეის კომპლექსი

ინგლისელი ჩოგბურთელი ინდიან უელსის ტურნირზე გარსია ლოპესთან დამარცხდა მამაკაცების ტურნირი ერთი დღით ჩამორჩება ქალთა შეჯიბრის განრიგს. იქ 11 მარტს დაიწყო მეორე წრე და მაშინვე მაყურებელმა უდიდესი სენსაცია იხილა. ენდი მიურეი წელს კარგ სეზონს ატარებს - ინდიან უელსამდე მას 14 მოგება და მხოლოდ 2 წაგება დაუგროვდა. თანაც, ის ერთადერთია, ვინც ნოვაკ ჯოკოვიჩს მოუგო.ამიტომაც ენდისგან ATP-ის რეიტინგის 92-ე ნომერთან, ესპანელ გილერმო გარსია ლოპესთან იოლ გასეირნებას უწინასწარმეტყველებდნენ.მაგრამ მიურეიმ ჩოგბურთის მოყვარულებს შარშანდელი ტურნირი გაახსენა, როცა მან საწყისი მატჩი წააგო ამერიკელ დონალდ იანგთან - 6:7, 3:6. ისტორია განმეორდა.გარსია ლოპესმა, რომელსაც ბრიტანელთან ორიდან ორი წაგება ჰქონდა, შვიდი ბრეიკ-პოინტიდან არც ერთის რეალიზების საშუალება არ მისცა მეტოქეს, თავად კი პირველ სეტში ერთხელ და მეორეში ორჯერ აიღო ენდის მოწოდება და საათსა და 40 წუთში გაიმარჯვა - 6:3, 6:2. მიურეიმ კატასტროფულად ითამაშა პირველ მოწოდებაზე, რომელზეც ქულების მხოლოდ 48 პროცენტი აიღო.წარმატებით დაიწყო ტიტულის დაცვა სერბმა ნოვაკ ჯოკოვიჩმა. მსოფლიოს პირველმა ჩოგანმა ყაზახი ანდრეი გოლუბევი დაამარცხა და ერთგვარი რევანში აიღო. საქმე ისაა, რომ გასულ კვირას დუბაიში გოლუბევმა ნოვაკის ძმა - მარკო გაანადგურა. ჯოკოვიჩმა დაცვიდან ითამაშა - ყაზახი ბევრს უტევდა, მაგრამ მისი შეტევების უმრავლესობა უნებლიე შეცდომით მთავრდებოდა.ნოვაკს წინ აქვს მატჩი კევინ ანდერსონთან, რომელიც მესამე წრეში უბრძოლველად გავიდა, რადგან მისი მეტოქე - ფილიპ კოლშრაიბერი ტრავმის გამო მოიხსნა ტურნირიდან.სხვა მატჩებში განსაკუთრებულ მოულოდნელობებს ადგილი არ ჰქონია. განთესილთა უმრავლესობამ მესამე წრის საგზური მოიპოვა, თუმცა ზოგიერთს სერიოზული ბრძოლა მოუწია. მაგალითად, ტომაშ ბერდიხმა დიდი გაჭირვებით მოუგო სერგეი სტახოვსკის. ჩეხმა პირველი სეტი ტაი-ბრეიკზე წააგო, მაგრამ მომდევნო ორ სეტში მოუნახა გასაღები მეტოქის თამაშს. სტახოვსკიმ კი ბრეიკის გარეშე დაასრულა მატჩი - 7:6(2), 3:6, 4:6.დატოვეს ტურნირი ფლორიან მაიერმა და რიშარ გასკემ. ეს უკანასკნელი მატჩზე აწვდიდა ალბერტო რამოსთან, მაგრამ თავისი შანსი ხელიდან გაუშვა და შემდეგ ზედიზედ რვა გეიმი წააგო.BNP Paribas Openინდიან უელსი (აშშ). ჰარდისაპრიზო ფონდი: 4 694 969 დოლარიII წრეჯონ ისნერი (აშშ, 11)-ფედერიკო ჟილი (პორ) 7:5, 6:3; მეტიუ ებდენი (ზელ)-ჟულიან ბენეტო (საფ, 32) 2:6, 6:3, 6:2; ალბერტ რამოსი (ესპ)-რიშარ გასკე (საფ, 16) 3:6, 7:5, 6:1; ჟილ სიმონი (საფ, 13)-დუდი სელა 7:5, 6:7, 6:4; ენდი როდიკი (აშშ, 30)-ლუკაშ კუბოტი (პოლ) 4:6, 7:6, 6:3; ტომაშ ბერდიხი (ჩეხ, 7)-სერგეი სტახოვსკი (უკრ) 6:7, 6:3, 6:4; ხუან მონაკო (არგ, 22)-ნიკოლა მაუ (საფ) 6:4, 5:7, 6:3; სტანისლას ვავრინკა (შვეიც, 23)-რობი ჯინეპრი (აშშ) 4:6, 6:4, 6:4; პაბლო ანდუხარი (ესპ)-ფლორიან მაიერი (გერ, 18) 6:2, 6:4; კევინ ანდერსონი (ს. აფრ, 29)-ფილიპ კოლშრაიბერი (გერ) უარი; ნიკოლას ალმაგრო (ესპ, 12)-სემ კუერი (აშშ) 5:7, 6:4, 6:4; ნოვაკ ჯოკოვიჩი (სერ, 1)-ანდრეი გოლუბევი (ყაზ) 6:3, 6:2; მერდი ფიში (აშშ, 8)-ანდრეას სეპი (იტა) 6:3, 3:2 უარი; სანტიაგო ხირალდო (კოლ)-კეი ნიშიკორი (იაპ, 17) 7:5, 6:2; გილერმო გარსია-ლოპესი (ესპ)-ენდი მიურეი (ბრიტ, 4) 6:3, 6:2; რაიან ჰარისონი (აშშ)-ვიქტორ ტროიცკი (სერ, 25) 7:6, 6:3.ყოველდღიური სპორტული გაზეთი "ლელო"

ბასილაშვილი მონაკოშია და ძალიან პრესტიჟული მასტერსის ძირითად ბადეში გადასვლელად იბრძოლებს

ბასილაშვილის მორიგი შესანიშნავი მატჩი - ნიკა მაიამის მასტერსის ძირითად ბადეშია

მეტოქეს მხოლოდ 4 გეიმი დაუთმო - ბასილაშვილი ნელ-ნელა ფორმას უბრუნდება და მაიამის მასტერსის ძირითადი ბადისთვის იბრძვის

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა