<p>კევინ გამეიროს გოლის წყალობთ "პარი სენ-ჟერმენი" ისევ ლიდერია <br> "პარი სენ-ჟერმენის" სამწვრთნელო შტაბს იმედი აქვს, რომ გუნდი დაცვაში წინა ტურში "დიჟონთან" დაშვებული გულუბრყვილო შეცდომის მსგავსსაც კი აღარასოდეს გაიმეორებს.</p><p>"გასტონ ჟერარზე" სტივენ პოლმა შეხვედრის 76-ე წუთზე გოლი პირდაპირ კუთხურიდან გაიტანა. იყო შანსი, რომ დედაქალაქელებს ქულებთან ერთად ჩემპიონატის ლიდერობაც დაეკარგათ, მაგრამ კევინ გამეირომ ივაჟაკაცა, ზუსტად 5-თამაშიანი მშრალი სერიის შემდეგ გაიტანა და გუნდს 3 ქულა მოუტანა.</p><p>კარლო ანჩელოტიმ დანანებიღ აღნიშნა, რომ გუნდს პრობლემები ექმნება სტანდარტული მდგომარეობებისას (ბოლო 11-დან 8 ბურთი გუნდმა ასე გაუშვა) და მის შეგირდებს ამ მხრივ მუშაობა</p><p>განსაკუთრებულად მართებთ. "ძნელია ამის ახსნა. ერთადერთი რისი გაკეთებაც შეგვიძლია, ეს მუშაობაა, რათა ამის მერე უფრო ეფექტურები ვიყოთ, როცა ჩვენს კართან სტანდარტული მდგომარეობა თამაშდება", - აცხადებს იტალიელი.</p><p>გამეიროს მე-11 გოლმა პსჟ ცხრილის სათავეში დატოვა. მეორეადგილოსან "მონპელიესთან" სხვაობა ძველებურად ერთი ქულაა, რომელმაც, თავის მხრივ, წინა ტურში "კანი" 3:0 გაანადგურა. ორივე ლიდერს 28-ე ტურში გასვლითი მატჩები ელის.</p><p>დედაქალაქელები ზემოთ ნახსენებ "კანთან" ითამაშებენ. უკანასკნელს შინ ნათამაშებ შეხვედრებში "სოშოს" შემდეგ ყველაზე ცუდი შედეგი აქვს. "ლურჯ-წითლები" კი გასვლაზე ყველაზე უკეთ თამაშობენ. ასე რომ, "მიშელ დორანოზე" ფავორიტი აშკარაა. სტუმარს ლიგა 1-ში 12-მატჩიანი წაუგებელი სერია აქვს. ბოლო მარცხი მათ მარსელის "ველოდროზე" 27 ნოემბერს იწვნიეს.</p><p>"პარი სენ-ჟერმენის" მარცხენა მცველმა სიაკა ტიენემ "დიჟონთან" შეხვედრაში სეზონში პირველი გოლი გაიტანა და გამეიროს ნაგვიანები გოლით შთაგონებულმა განაცხადა:</p><p>"დღეიდან მოყოლებული სეზონის ბოლომდე ყოველი თამაშში მაქსიმალურად მოგვიწევს თავდადება, მიუხედავად იმისა, რამდენი წუთი გვრჩება საასპარეზოდ".</p><p>თუმცა ბოლო წამამდე ბრძოლა სწორედ მისი გუნდის დამახასიათებელი ნიშანია. ასე იყო აქამდეც და გუნდი ამას ბოლო 3 თამაშშიც ამტკიცებს.</p><p>შეგახსენებთ, რომ გიიომ ოარომ "ლიონთან" ფრე გუნდს 90+4 წუთზე მოუტანა (4:4), "აიაჩოსთან" მსაჯის მიერ კომპენსირებულ მე-2 წუთზე გამოიჩინა თავი ნენემ (4:1). "დიჟონთან" გმირობაზე კი უკვე მოგითხრეთ.</p><p>ანჩელოტის სერიოზული საკადრო პრობლემები აქვს: ჯანმრთელობის გამო არ იქნებიან ნენე, მატიო მოდმერი და მაქსველი, რაც შეეხებათ ტიაგო მოტასა და მოჰამედ სისოკოს, ისინი დისკვალიფიკაციას იხდიან. საეჭვოა მილან ბიშევაცის თამაშიც. მან ვარჯიში მხოლოდ ოთხშაბათს დაიწყო.</p><p><span style="color: #ff0000;"><strong>საფრანგეთი. ლიგა 1. XXVIII ტური</strong></span></p><p><em>17 მარტი</em></p><p>ოსერი-ევიანი 22:00</p><p>ბორდო-აიაჩო 22:00</p><p>კანი-პსჟ 22:00</p><p>ლორიანი-ბრესტი 22:00</p><p>მარსელი-დიჟონი 22:00</p><p>ნანსი-მონპელიე 22:00</p><p>სტ. ეტიენი-ლიონი 00:00</p><p><em>18 მარტი</em></p><p>რენი-ტულუზი 20:00</p><p>სოშო-ნიცა 20:00</p><p>ლილი-ვალანსიენი 00:00</p><p><span style="color: #ff0000;"><strong>სატურნირო ცხრილი</strong></span></p><p><em>ა თ მ ფ წ ბ ქ</em></p><p>1. პსჟ 27 17 7 3 50-27 58</p><p>2. მონპელიე 27 17 6 4 52-26 57</p><p>3. ლილი 27 12 11 4 46-31 47</p><p>4. სტ. ეტიენი 27 13 7 7 35-29 46</p><p>5. რენი 27 12 8 7 37-31 44</p><p>6. ტულუზი 27 12 8 7 29-24 44</p><p>7. ლიონი 27 13 4 10 43-35 43</p><p>8. მარსელი 27 10 9 8 34-27 39</p><p>9. ბორდო 27 10 9 8 33-30 39</p><p>10. ევიანი 27 8 9 10 39-40 33</p><p>11. ვალანსიენი 27 8 7 12 28-30 31</p><p>12. ბრესტი 27 5 15 7 22-24 30</p><p>13. აიაჩო 27 7 8 12 29-47 29</p><p>14. კანი 27 7 7 13 30-40 28</p><p>15. ლორიანი 27 6 10 11 25-35 28</p><p>16. ნიცა 27 6 9 12 26-31 27</p><p>17. ნანსი 27 6 9 12 25-36 27</p><p>18. დიჟონი 27 7 6 14 32-47 27</p><p>19. ოსერი 27 4 12 11 33-41 24</p><p>20. სოშო 27 5 9 13 26-43 24</p><p><strong>ყოველდღიური სპორტული გაზეთი "ლელო"</strong></p>
პსჟ-ს მეკარე: ძნელია მოტივაციის შენარჩუნება
პსჟ-ს ტრავმის გამო კიდევ ერთი ფეხბურთელი გამოაკლდა
"სიტი" პსჟ-ს კიდევ ერთი ვარსკვლავის გადაბირებას ცდილობს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ