<p>22 წლის ქართველ მოციგურავეს ნიცაში საპრიზო ადგილებისთვის ბრძოლა რეალურად შეუძლია <br> 22 წლის ელენე გედევანიშვილის საუკეთესო მიღწევა მსოფლიოს ჩემპიონატებზე მე-10 ადგილია. ახლა კი ქართველ მოციგურავეს ბრწყინვალე შანსი აქვს, მნიშვნელოვნად გააუმჯობესოს ეს შედეგი.</p><p>ნიცაში მოკლე პროგრამის ჩამთავრების შემდეგ ელენე მე-7 ადგილზეა და თან მეოთხეადგილოსან მაო ასადას მხოლოდ 1 ქულით ჩამორჩება.</p><p>ეს მსოფლიოს პირველობა მეშვიდეა ელენეს კარიერაში. 2009 და 2011 წლებში მან საუკეთესო შედეგი აჩვენა - მე-10 ადგილზე გავიდა. სავარაუდოდ, ქართველს ამ შედეგის გამეორება (უარეს შემთხვევაში) არ გაუჭირდება, რადგან მე-11 ადგილზე მყოფ იტალიელ ვალენტინა მარკეის 6 ქულაზე მეტით უსწრებს.</p><p>მსოფლიოს ჩემპიონატებზე მოკლე პროგრამის შემდეგ ჩვენებური ორჯერ იყო მე-8 ადგილზე (ვერცერთხელ შეინარჩუნა). ასე რომ, მეშვიდე ადგილი მისი კარიერის საუკეთესო მიღწევაა მოკლე პროგრამაში მსოფლიოს ჩემპიონატებზე.</p><p>ქართველმა მოციგურავემ ჯეიკობ გარდის "ტანგო" შეასრულა. ტექნიკური ელემენტების სეგმენტში ჩვენებურმა 30,86 ქულა დააგროვა, ხოლო პროგრამულში - 27,63 ქულა.</p><p>სასიხარულოა ისიც, რომ გედევანიშვილს ვინც უსწრებს, მათი დიდი ნაწილი ოდნავ დაწინაურდა, რომლის აღმოფხვრაც შესაძლებელია თავისუფალ პროგრამაში.</p><p>მოკლე პროგრამის წინ რუსი ალიონა ლეონოვა დაწინაურდა. მოულოდნელ ლიდერს 64,61 ქულა აქვს (6 ქულით მეტი, ვიდრე ელენეს). შემდეგ მოდის იაპონელი კანაკო მურაკამი 62,67 ქულით (4-ქულიანი უპირატესობა გედევანიშვილთან). საპრიზო სამეულში ევროპის 4-გზის ჩემპიონი კაროლინა კოსტნერია (იტალია) - 61 ქულა (ელენეს 2,5 ქულით უსწრებს). როგორც ხედავთ, საპრიზო ადგილებისთვის ბრძოლაც სავსებით რეალურია.</p><p>ქალთა თავისუფალი პროგრამა 31 მარტს გაიმართება. შეჯიბრება საქართველოს დროით 20:30 წთ-ზე დაიწყება.</p><p><strong><span style="color: #ff0000;">მსოფლიოს ჩემპიონატი ფიგურულ </span><span style="color: #ff0000;">სრიალ</span></strong><strong><span style="color: #ff0000;">ში. მოკლე პროგრამა</span></p><p></strong>1. ალიონა ლეონოვა (რუსეთი) 64.61 (34.64.+29.97)</p><p>2. კანაკო მურაკამი (იაპონია) 62.67 (34.61+28.06)</p><p>3. კაროლინა კოსტნერი (იტალია) 61.00 (30.26+30.74)</p><p>4. მაო ასადა (იაპონია) 59.49 (30.89+29.60)</p><p>5. აკიკო სუძუკი (იაპონია) 59.38 (30.67+28.71)</p><p>6. კსენია მაკაროვა (რუსეთი) 58.51 (31.30+27.21)</p><p><span style="color: #000000;"><strong>7. ელენე გედევანიშვილი (საქართველო) 58.49 (30.86+27.63)</strong></span></p><p>8. ეშლი ვაგნერი (აშშ) 56.42 (28.80+27.62)</p><p>9. კექსინ ჟანგი (ჩინეთი) 55.00 (32.76+22.24)</p><p>10. ვიკტორია ჰელგესონი (შვედეთი) 54.19 (28.35+25.84)</p><p>11. ვალენტინა მარკეი (იტალია) 52.14 (27.28+24.86)</p><p>12. ჯენა მაკკორკელი (დიდი ბრიტანეთი) 50.42 (27.56+22.86)</p><p>13. ამელი ლაკოსტე (კანადა) 49.37 (25.80+23.57)</p><p>14. ელენა გლებოვა (ესტონეთი) 49.04 (28.47+21.57)</p><p>15. ირეტა სილეტე (საფრანგეთი) 48.42 (27.60+20.82)</p><p>16. ალისა ჩისნი (აშშ) 48.31 (23.26+27.05)</p><p>17. იულია ტურკილა (ფინეთი) 47.75 (28.18+19.57)</p><p>18. სონია ლაფუენტე (ესპანეთი) 47.36 (26.98+20.38)</p><p>19. პოლინა კორობეინიკოვა (რუსეთი) 46.71 (25.36+21.35)</p><p>20. ნატალია პოპოვა (უკრაინა) 46.60 (26.57+20.03)</p><p>21. სარა ჰეკენი (გერმანია) 46.39 (24.99+22.40)</p><p>22. კერსტინ ფრანკი (ავსტრია) 45.80 (26.86+18.94)</p><p>23. ალისა მიკონსაარი (ფინეთი) 44.16 (24.90+19.26)</p><p>24. რომი ბიულერი (შვეიცარია) 44.02 (23.78+20.24)</p><p><strong>ყოველდღიური სპორტული გაზეთი "ლელო"</strong></p>
გუბანოვამ ოლიმპიადის ლიცენზია მოიპოვა
საქართველო პირველად უმასპინძლებს ჩელენჯერის სერიის საერთაშორისო ტურნირს
ისტორიაში პირველად საქართველოს ფიგურული ციგურაობის ნაკრები მსოფლიოს ჩემპიონატზე იასპარეზებს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ