- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
U17. საქართველო VS უკრაინა - ჩვენი ბედი ჩვენს ხელთაა!
<p>31 მარტს, 14:00 საათზე, "მიხეილ მესხზე", შეიძლება ითქვას, რომ ისტორიული მატჩის მოწმენი გავხდებით <br> "ესპანეთი-ინგლისის სანახავად აუცილებლად წავალ", - ასეთ იყო ბევრი ქართველი ქომაგის რეაქცია მას შემდეგ, რაც გაირკვა, რომ ევროპის ჩემპიონატის შესარჩევი ტურნირის ელიტრაუნდში საქართველოს 17-წლამდელთა ნაკრებს "სიკვდილის ჯგუფი" ერგო და იმის მიუხედავად, რომ ელიტრაუნდის მასპინძლობა მოგვანდეს, ჩვენი გუნდის შანსებს თითქმის ყველა ძალიან სკეპტიკურად აფასებდა.</p><p>დღეისთვის კი ისეთი ვითარება შეიქმნა, რომ ეროვნულ სტადიონზე ესპანელებისა და ინგლისელების დაპირისპირება ფაქტობრივად, ცარიელი ტრიბუნების თანხლებით ჩაივლის, სამაგიეროდ, "მიხეილ მესხზე", გადაჭარბების გარეშე შეგვიძლია ვთქვათ, რომ ისტორიული მატჩის მოწმენი გავხდებით - თუ ვასილ მაისურაძის გუნდი უკრაინელებს დაამარცხებს, საქართველოს ნაკრები ევროპის ჩემპიონატის ფინალური ეტაპის საგზურს მოიპოვებს!</p><p>ვფიქრობთ, ამ შეხვედრის მნიშვნელობაზე საუბარი ზედმეტიც კი არის. მხოლოდ იმას უნდა გავუსვათ ხაზი, რომ ახლა ჩვენს ბიჭებს ქომაგთა გამხნევება ყველაზე მეტად სჭირდებათ და დიდი იმედი გვაქვს, რომ სტადიონის ტრიბუნები პირთამდე თუ არა, ორი მესამედით მაინც შეივსება.</p><p>თუკი ელიტრაუნდის პირველი ორი ტურის მატჩები სამუშაო დღეებში გაიმართა, ეს დღე უქმეა, თანაც, სტადიონზე შესვლა თავისუფალია და ყოველივე ეს, შესაძლოა, ანშლაგის წინაპირობადაც კი იქცეს.</p><p>დარწმუნებულები ვართ, სამწვრთნელო შტაბი გუნდს საბრძოლო განწყობით ახლაც იდეალურად დამუხტავს და ბიჭებს დაარწმუნებს, რომ ხელშესახები წარმატებისთვის ჯერ არ მიიღწევიათ და უკრაინასთანაც არანაკლებ მძიმე ბრძოლა ელით - თუნდაც იმიტომ, რომ მართალია მცირე, მაგრამ ფინალურ ეტაპზე გასვლის შანსი ჩვენს დღევანდელ მეტოქესაც დარჩა.</p><p>შანსებზე ქვემოთ, ახლა კი მოკლედ შევეხოთ საქართველოსა და უკრაინის ნაკრებების ბანაკში შექმნილ ვითარებას. <strong>ალექსანდრ პეტრაკოვის</strong> გუნდს წითელ-ყვითელი ბარათების გამო არავინ აკლია. უკრაინელებს უბრუნდებათ პირველ ტურში გაძევებული ძირითადი მცველი ტარას კაჩარაბა.</p><p>სამაგიეროდ, ელიტრაუნდის ბოლო ტურს დიდი დანაკლისით ხვდება საქართველოს ნაკრები. ჩვენს გუნდს, სავარაუდოდ, დააკლდება კაპიტანი <strong>გიორგი აბურჯანია</strong>, რომელიც პირველ ტურში, ესპანეთთან მატჩისას დაშავდა და მას შემდეგ აღარ უთამაშია. აბურჯანიასთან დაკავშირებით სხვა საინტერესო დეტალებიც იკვეთება, მაგრამ გადამწყვეტი შეხვედრის წინ ამაზე საუბარი მიზანშეწონილად არ მიგვაჩნია და ამ თემას ელიტრაუნდის დასრულების შემდეგ მივუბრუნდებით.</p><p>გაფრთხილებათა ჭარბი რაოდენობის გამო კი საქართველოს ნაკრებს მცველი <strong>ლაშა დვალი</strong> და ნახევარმცველები, <strong>ჭიაბერ ჭეჭელაშვილი</strong> და <strong>გიორგი გოროზია </strong>დააკლდებიან. სამივე ეს ფეხბურთელი ჩვენი გუნდისთვის მნიშვნელოვანი ფიგურაა და სამწვრთნელო შტაბისთვის მათი სრულფასოვნად შესვლა იოლი ნამდვილად არ იქნება.</p><p>ელიტრაუნდის მსვლელობისას 18-კაციან განაცხადში ცვლილებების განხორციელება არ შეიძლება და ისე გამოდის, რომ უკრაინასთან დაპირისპირების წინ <strong>ვასილ მაისურაძის</strong> განკარგულებაში მხოლოდ 14 ფეხბურთელი რჩება, აქედან 2 - მეკარე. ეს კი იმას ნიშნავს, რომ ზოგ მოთამაშეს პოზიციის შეცვლა მოუწევს, სამწვრთნელო შტაბი კი მატჩისას სამ სრულფასოვან შეცვლასაც ვერ განახორციელებს.</p><p>მოკლედ, საქართველოს ნაკრების ამოცანას საკადრო პრობლემები კიდევ უფრო ართულებს, მაგრამ ჩვენმა 17-წლამდელებმა უკვე იმდენი სირთულე გადალახეს, რომ დიდი იმედი გვაქვს, ამ რთული მდგომარეობიდანაც ღირსეულად გამოვლენ.</p><p>საქართველოსა და უკრაინის 17-წლამდელთა ნაკრებებისთვის ეს პირველი მატჩი არ იქნება. იანვარში ეს გუნდები ერთმანეთს მინსკის საერთაშორისო ტურნირის ფინალში შეხვდნენ და გამარჯვება უკრაინელებს დარჩათ - 2:0.</p><p>31 მარტს გასამართ შეხვედრას ავსტრიელი <strong>მარკუს ჰამეტერი</strong> განსჯის.</p><p>ბოლოს კი გეტყვით, ჩვენი ჯგუფის რომელ ბინადარს ჯგუფში გამარჯვებისა და ევროპის ჩემპიონატის ფინალურ ეტაპზე გასვლის რა შანსი აქვს.</p><p>საქართველო: დღეისთვის ჯგუფს ერთპიროვნულად ვლიდერობთ, რაც ყველაზე კომფორტულ მდგომარეობაში გვაყენებს - თუ უკრაინელები დავამარცხეთ, პარალელურად მიმდინარე მატჩის შედეგის მიუხედავად, ევროპის ჩემპიონატზე ვითამაშებთ. ფრე ხელს გვაძლევს მხოლოდ იმ შემთხვევაში, თუ ინგლისელები და ესპანელებიც ფრედ ითამაშებენ, ამის იმედად ყოფნა კი, დაგვეთანხმებით, არ ღირს.</p><p>უკრაინა: უკრაინელებს მინიმუმ ორი ბურთის სხვაობით ან შედეგიანი გამარჯვება (2:1, 3:2...) სჭირდებათ და ამავდროულად, იმის იმედზე უნდა იყვნენ, რომ "დინამო არენაზე" მიმდინარე შეხვედრა ფრედ დასრულდება. ამ შემთხვევაში, საქართველოც, უკრაინაც და ინგლისიც 4-4 ქულას დააგროვებენ და რაკი ერთმანეთთან მოპოვებული ქულები თანაბრად ექნებათ, მერე უკვე მათი ურთიერთშეხვედრების ბურთები დაითვლება. უკრაინას ჩვენთან სოლიდური გამარჯვება სწორედ ამ კომპონენტში დასაწინაურებლად სჭირდება.</p><p><strong>ინგლისი:</strong> ინგლისელთა ამოცანა მკაფიოა - მათ ფინალურ ეტაპზე ესპანელთა დამარცხება და საქართველოს ნაკრების ვერმოგება გაიყვანს.</p><p><strong>ესპანეთი:</strong> ესპანელებს მხოლოდ გამარჯვება და ამავდროულად, ჩვენი ვერმოგება სჭირდებათ. თუ ესპანელებმა ორბურთიანი სხვაობით გაიმარჯვეს, ბურთების უკეთესი სხვაობით ხუთქულიან საქართველოს ნაკრებს ნებისმიერ შემთხვევაში ჩამოიტოვებენ. საქართველო-უკრაინის ფრის შემთხვევაში, პირენეელებს დიდი ალბათობით, მინიმალური გამარჯვებაც ეყოფათ.</p><p>ერთი სიტყვით, სხვის იმედზე ყოფნა არაფერს გვარგებს, ჩვენმა მწვრთნელებმა და ბიჭებმა თავისი თავდადებით ორი ტურის შემდეგ ყველა მეტოქე ჩამოიტოვეს და შთამბეჭდავად დაწყებული საქმე სხვის დაუხმარებლად უნდა დააგვირგვინონ!</p><p><span style="color: #ff0000;"><strong>U17. ელიტრაუნდი. III ჯგუფი</strong></span></p><p><span style="color: #000000;"><strong>31 მარტი</strong></span></p><p>14:00 მ. მესხი</p><p><em><strong>საქართველო-უკრაინა</strong></em></p><p>14:00 ეროვნული</p><p><em><strong>ინგლისი-ესპანეთი</strong></em></p><p>1. საქართველო 2 1 1 0 2-1 4</p><p>2. ინგლისი 2 1 0 1 1-1 3</p><p>3. ესპანეთი 2 0 2 0 3-3 2</p><p>4. უკრაინა 2 0 1 1 2-3 1</p><p><strong>ყოველდღიური სპორტული გაზეთი "ლელო"</strong></p>
-
ramo
დაცვას მიხედეთ, დაცვას. სხვანაირად უკრაინას ვერ მოუგებ.
17-წლამდე ვაჟთა ნაკრები საწვრთნელ შეკრებას იწყებს
U19 | მონტენეგრო 2:1 საქართველო
19-წლამდელები მონტენეგროში ამხანაგურ მატჩებს გამართავენ
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია