- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჭაბუკები - წარმატების მყარი საფუძველი
<p>ძიუდოს ფედერაციაში ჭაბუკთა ნაკრების ხელმძღვანელობამ ევროპის თასებზე ჩვენების წარმატებული გამოსვლა შეაფასა <br> 3 აპრილს საქართველოს ძიუდოს ფედერაციაში ჭაბუკთა ნაკრების ხელმძღვანელობამ პრესკონფერენცია გამართა, რომელიც ანთალიასა და კიევში გამართულ ევროპის თასებზე ჩვენების წარმატებულ გამოსვლას მიეძღვნა.</p><p>შეგახსენებთ, რომ ამ შეჯიბრებებში ქართველმა ჭაბუკებმა 14-14 მედალი მოიპოვეს, რაც ყველაზე სასიამოვნო და ცოტა მოულოდნელიცაა. ამ 28 მედლიდან 3 გოგოების მონაგარია - 1 ოქრო და 2 ბრინჯაო. თურქეთში მესამე პრიზიორები მარიამ ჯანაშვილი და გურანდა შოთაძე (ორივე - 57) გახდნენ, კიევში კი ჯანაშვილმა გაიმარჯვა.</p><p>ბიჭებისგან მსგავს შედეგს მიჩვეულები ვართ, გოგოები კი ახლა დგამენ პირველ ნაბიჯებს და მათი მედლები ამიტომ გვესენსაციურება. ჭაბუკთა ნაკრების თავკაცმა გია თენაძემაც აღნიშნა, რომ გოგოების გამოსვლა მისთვისაც განსაკუთრებით სასიხარულოა. თუმცა ამ თემას სხვებმაც გაუსვეს ხაზი.</p><p>პრესკონფერენციას თენაძესთან ერთად ძიუდოს ფედერაციის პრეზიდენტი გიორგი ალექსიძე, გენერალური მდივანი ვლადიმერ ნუცუბიძე და სპორტისა და ახალგაზრდობის სამინისტროს სპორტის დეპარტამენტის უფროსის მოადგილე ვანო ჯანუყაშვილიც ესწრებოდნენ.</p><p>ახალ თაობას თავისთვის პირველი სერიოზული მიღწევა თავდაპირველად ალექსიძემ მიულოცა: "სეზონი სულ სამი თვის დაწყებულია და ასეთი შედეგი კარგი მონაგარია. ეს განსაკუთრებით სასიხარულო ამ ასაკშია, ანუ ქართულ ძიუდოს კარგი საფუძველი აქვს. განსაკუთრებით აღსანიშნავია გოგოების წარმატება, რადგან ქალთა ძიუდო საქართველოში ჯერ ვერაა ძლიერი. სამწუხაროდ, მათ მაქსიმალურ პირობებს ჯერ ვერ ვუქმნით, მაგრამ შესაძლებლობების ფარგლებში ვეხმარებით. მწვრთნელთა ენთუზიაზმმაც არ დააყოვნა და პირველი შედეგიც არის".</p><p>ალექსიძის შემდეგ სიტყვა თენაძეს დაეთმო: "წარმატება გუნდური მუშაობის შედეგია. ეს სპეციფიკური ასაკია და პერსპექტივაზე ლაპარაკი ძნელია, მაგრამ ამ ბიჭებს გარჯა არ უნდა დავუკარგოთ. ჯერჯერობით ადრეა იმაზე ლაპარაკი, რას ვიზამთ ევროპაზე, რადგან ამ ასაკში წინასწარ ვერაფერს დაგეგმავ. შარშან ვანო მამისაშვილი და გურამ თუშიშვილი შესარჩევ შეჯიბრებებში არც ისე დამაჯერებლად გამოდიოდნენ, მაგრამ მერე პირველი ევროპის ჩემპიონი გახდა, მეორე - მსოფლიოსი. ამდენად, ევროპის წლევანდელ ჩემპიონატზე მოხვედრის შანსი ყველას აქვს. წინ კიდევაა დარჩენილი შესარჩევი ეტაპები და კანდიდატებს იქაც დავაკვირდებით".</p><p>გუნდს წარმატებები ჯანუყაშვილმა და ნუცუბიძემაც მიულოცეს. ჯანუყაშვილმა გუნდს სამინისტროს სახელით მაქსიმალური მატერიალური მხარდაჭერა აღუთქვა. "სამინისტრო მატერიალურად ყოველთვის მხარს დაგიჭერთ. უკვე აღარაა ის დრო, როცა ეროვნულ ნაკრებსაც კი დაფინანსების პრობლემა ექმნებოდა. სახელმწიფო თქვენგან მხოლოდ იმას ითხოვს, რომ იშრომოთ, იწვალოთ, წარმატებებს მიაღწიოთ და სამშობლო ასახელოთ.</p><p>ამაში ქვეყანა ყოველთვის მხარს დაგიჭერთ, რადგან ეს მხოლოდ თქვენი კი არა, მთლიანად სახელმწიფოს წარმატებაა. თან ეს ცხოვრების ჯანსაღი წესის პროპაგანდაც იქნება - თქვენს მაგალითზე ხომ ბევრი მოზარდი ჩაებმება სპორტში" - თქვა მან. ჯანუყაშვილმაც საგანგებოდ შეაჩერა ყურადღება ჯანაშვილის წარმატებაზე, როგორც - ნუცუბიძემ. მილოცვის შემდეგ გენერალურმა მდივანმა გუნდს სპორტული ფორმის სრული კომპლექტი აღუთქვა და დაჰპირდა, რომ ამ კუთხით შარშანდელი პრობლემები არ განმეორდება.</p><p>ნუცუბიძისავე თხოვნით, ჯანაშვილმა და კიევის ტურნირის კიდევ ერთმა გამარჯვებულმა ვანო ჩურჩხელაშვილმა (73) სპორტსმენის ანკეტები შეავსეს, სადაც განსაკუთრებული ყურადღება მიექცა პუნქტს პირადი მწვრთნელის შესახებ - ეს საკითხი დღესაც კი საკმაოდ მტკივნეულია, რადგან პერსპექტიული მოზარდების გადასაბირებლად ათასგვარი მაქინაცია არსებობს და დატაცება-გადაბირება მაინც ხდება. უახლოეს დღეებში ანალოგიურ დეკლარაციას სხვებიც შეავსებენ, რაც მათი სამომავლო წარმატების შემთხვევაში პირველი მწვრთნელის როლს უზრუნველყოფს.</p><p>ნუცუბიძემ სხვა სიახლეებიც გაგვაცნო - 12 აპრილიდან სპორტის სამინისტროს დაფინანსებით ძიუდოს აკადემიაში ბავშვთა მწვრთნელების გადასამზადებელი 10-დღიანი სემინარი იწყება, რომელშიც რეგიონების მიერ შერჩეული 2-2 აღმზრდელი მიიღებს მონაწილეობას. ნუცუბიძემ აღნიშნა, რომ ეს იქნება სემინარი თეორიულ-პრაქტიკული სწავლისთვის და არა იმის აფიშირებისთვის, რა მაგრად ვმუშაობთ ადგილებზეო.</p><p>სემინარის ფარგლებში მსმენელები 38 დისციპლინას შეისწავლიან. პირველი 8 დღე თეორიულ მეცადინეობას დაეთმობა, მე-9 - პრაქტიკას, ბოლო დღე კი - ტესტირებას. ვინც მას გაივლის, ფედერაცია სერთიფიკატსაც გადასცემს. ეს პირველი ნაბიჯი იქნება, რომელიც მომავალშიც გაგრძელდება.</p><p>სამომავლოდ მეცადინეობების ჩასატარებლად უცხოელი მწვრთნელების მოწვევაც იგეგმება, რომლებიც უფრო მაღალ დონეზე დასაქმებულ მწვრთნელებთან გამართავენ მეცადინეობებს.</p><p>ფედერაციის კიდევ ერთი სამომავლო სიახლე ისევ ბავშვთა ძიუდოში მომუშავე მწვრთნელებს უკავშირდება - სულ მალე ჭაბუკთა უმცროსი ასაკის, ანუ 14-წლამდელთა ნაკრების ხუთკაციან მწვრთნელთა ჯგუფი რეგიონებში დაიწყებს გასვლას პრაქტიკული ვარჯიშების ჩასატარებლად. ისინი ყოველ რეგიონში 3 დღით დარჩებიან. კახეთით იწყებენ - თავიდან საგარეჯოში შეჩერდებიან, მერე თელავში გადაინაცვლებენ და გასვლას ახმეტაში დაასრულებენ.</p><p>ფედერაციაში გასამართი სემინარისგან განსხვავებით, ამგვარ მეცადინეობებში მონაწილეობა ყველა მსურველს შეუძლია და მასში ახლო-მახლო სოფელ-ქალაქებში მომუშავე მწვრთნელებიც ჩაებმებიან.</p><p>შეგახსენებთ, რომ ეს ის ასაკია, რომელმაც 2015 წელს თბილისში გასამართ ევროპის ახალგაზრდულ ოლიმპიურ ფესტივალში უნდა იჭიდავოს და მას საგანგებო ყურადღებას აქცევენ. ვარჯიშებზე ძირითადი ყურადღება დაეთმობა იმ ახლებურ სტილზე გადართვას, რასაც ახალი წესები ითხოვს.</p><p>აგრეთვე - ბავშვთა სპორტისთვის ისეთ მნიშვნელოვან საკითხებს, როგორებიცაა, მაგალითად, სავარჯიშო პროცესის სწორად დაგეგმვა, დასვენება, ძალების აღდგენა და ასე შემდეგ...</p><p>პრესკონფერენციაზე თენაძეს ივნისში ევროპის ჩემპიონატზე წასაყვან შემადგენლობაზეც დავეკითხეთ, თუმცა დაკონკრეტებისგან თავი შეიკავა.</p><p>მისი თქმით, ძირითადი ბირთვი უკვე ცნობილია, მაგრამ კონკურენცია რომ არ მოდუნდეს, კონკრეტულ გვარ-სახელებს და წონებს ჯერ არ ასახელებს. მას 55 კილოგრამზე საგანგებოდ დავეკითხეთ, სადაც ყველაზე დიდი კონკურენციაა - იქ სამი კანდიდატი იბრძვის სანაკრებო ადგილისთვის და თან, შინ თუ გარეთ, ყველა შეჯიბრებაზე მედლის ზონაში შედიან. მხოლოდ ბოლო - კიევის ტურნირზე ჩამორჩა ერეკლე არხოზაშვილი მესამე პრიზიორებს - ბექა ნათათრალიშვილსა და გიორგი კაციაშვილს, როცა ბრინჯაოსთვის შეხვედრა ნათათრალიშვილთან დათმო.</p><p>თენაძის თქმით, შანსს სამივე ინარჩუნებს და ამ წონაში ჯერ არაფერია გადაწყვეტილი. მწვრთნელმა გამოთქვა იმედი, რომ მისი შეგირდები ევროპაზეც წარმატებით გამოვლენ.</p><p><strong>ყოველდღიური სპორტული გაზეთი "ლელო"</strong></p>
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე