<p>ოთარ კორღალიძის 19-წლამდელთა ნაკრებმა კახა კაჭარავას გაწვრთნილ გუნდთან 5:1 გაიმარჯვა <br> ოთარ კორღალიძის 19-წლამდელთა ნაკრები (1993 წელს დაბადებულები) კახა კაჭარავას 1994 წელს დაბადებულ 19-წლამდელებს შეხვდა.</p><p>წინასწარ ვიტყვით, რომ კორღალიძემ უმცროსი ასაკის ნაკრებიდან რამდენიმე მოთამაშე გამოიძახა, რომლებმაც პირველი ტაიმი კაჭარავას ხელმძღვანელობით ითამაშეს, მეორე ნახევარში კი მის გუნდში, მაგალითად, ლევან გეგეჭკორი და გიორგი ფანცულაია.</p><p>სამწუხაროდ, მენისკის პრობლემის გამო, "ზესტაფონის" მცველს თორნიკე გრიგალაშვილს შეკრების დატოვება მოუხდა. ეს გუნდისთვის დიდი დანაკლისი იქნება, რადგან თორნიკემ თურქეთში ჩატარებულ პირველ შესარჩევ ეტაპზე ჩინებულად ითამაშა.</p><p>უფროსები უკეთ შეთამაშებულები არიან, რადგან გიორგი დევდარიანის ხელმძღვანელობით, ერთად წლებია თამაშობენ. მათ კლასსა და გამოცდილებაში უპირატესობა კარგად გამოიყენეს. მოედნის ცენტრში თბილისის დინამოელებმა, ლაშა პარუნაშვილმა, სანდრო რეხვიაშვილმა და გიორგი პაპავამ თამაში დაალაგეს და შეტევებს კარგად წარმართავდნენ.</p><p>ანგარიში პირველ ტაიმში რეხვიაშვილმა გახსნა. მერე კაჭარავას გაწვრთნილებმა რამდენიმე მწვავე კონტრშეტევა განახორციელეს, მაგრამ მეკარე დავით ლეგაშვილი საიმედო იდგა.</p><p>აქვე მასზე ორიოდე სიტყვა ვთქვათ: დათოს ხელი ჰქონდა მოტეხილი და სულ ოთხი დღეა, რაც ვარჯიში განაახლა. მთავარი კი ისაა, რომ ელიტრაუნდში გასული ნაკრების პირველ მეკარე უგუნდოდაა და ფორმის აღდგენის საშუალება თბილისის "დინამოში" მისცეს.</p><p>ვიცით, რომ ლეგაშვილს "დინამოში" სთავაზობდნენ გადასვლას, მაგრამ ეს ვერ მოხერხდა. მიზეზი კი ჩვენთვის უცნობია. ნებისმიერ შემთხვევაში, გაუგებარია 19 წლის პერსპექტიული მეკარის უგუნდოდ ყოფნა, რომლის იმედადაც არის ელიტრაუნდში ნაკრები.</p><p>მეორე ნახევარში კორღალიძის გუნდის უპირატესობა გამოიკვეთა. მშვენიერი გოლი გაიტანა ვაკო ყაზაიშვილმა, რომელიც სწრაფად შეიჭრა საჯარიმოში, სამ მცველს გასცდა და შორეულ კუთხეში ზუსტი დარტყმით ანგარიში გაზარდა.</p><p>უმცროსებმა ეფექტური გოლით შეამცირეს ანგარიში: გაგა მურცხვალაძემ (რომელმაც საკმაოდ კარგი შთაბეჭდილება დატოვა) შენიშნა, მეკარე კარიდან ოდნავ წინ რომ იყო გამოსული და ბურთი თავზე გადაუგდო.</p><p>ამ დროისთვის კაჭარავას გაწვრთნილები გააქტიურდნენ, სახიფათო მომენტებიც შექმნეს, მაგრამ ვერ ისარგებლეს. უფროსებმა კი კვლავ შეუტიეს და სხვაობა კვლავ გაზარდეს: "გაგრას" ნახევარმცველმა ნოდარ კიკნაველიძემ საჯარიმო ეფექტურად შეასრულა.</p><p>მეტოქის კარი მეოთხედ აიღო და დუბლი შეასრულა რეხვიაშვილმა. მატჩის ბოლოს კი დუბლი ჩაიწერა კიკნაველიძემაც, კორღალიძის გაწვრთნილებმა - 5:1 გაიმარჯვეს.</p><p>10 აპრილს 19-წლამდელები პორტუგალიაში გაემგზავრებიან, სადაც საერთაშორისო ოთხთა ტურნირზე ითამაშებენ.</p><p><strong>U19 (1993):</strong> ლეგაშვილი - ზარნაძე, თედო გრიგალაშვილი, სანდოხაძე, გაგოშიძე - პარუნაშვილი, რეხვიაშვილი, პაპავა - ყაზაიშვილი, გელაშვილი, კიკნაველიძე.</p><p>შეცვლაზე: ტყეშელაშვილი, სილაქაძე, ფანცულაია, რუხაძე, გაგნიძე, კოხია, ჯგერენაია, გეგეჭკორი.</p><p><strong>U19 (1994):</strong> თებიძე - გეგეჭკორი, გადრანი, თევზაძე, მანაგაძე - მათიაშვილი, ექვთიმიშვილი, ხერველაშვილი, ენდელაძე - ბულია, ფანცულაია.</p><p>შეცვლაზე: სეიდიდი, ცნობილაძე, პაპუაშვილი, მურცხვალაძე, თოლორაია, გარსელაშვილი.</p><p><strong>ყოველდღიური სპორტული გაზეთი "ლელო"</strong></p>
U17 | საქართველო 3:0 ლიეტუვა
U17 | საქართველო 3:0 ლიეტუვა
16-წლამდელებმა აზერბაიჯანის ტურნე გამარჯვებით დაასრულეს
"შავი ლომი" - სამხრეთ აფრიკაში "ჩიტასთან" ორი ტესტისთვის
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება
კორსანტიას 15-ქულიანი დებიუტი ესპანეთში
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო