<p>NBA-ს ჩემპიონ "დალას მავერიქსს" ერთი კალათბურთელი გამოაკლდა <br> NBA-ს ჩემპიონ "დალას მავერიქსს" ერთი კალათბურთელი გამოაკლდა. შეგახსენებთ, რომ ცოტა ხნის წინ ლამარ ოდომი D-ლიგაში გაგზავნეს, მაგრამ სწრაფად დააბრუნეს გუნდში. მაგრამ გუშინ გახდა ცნობილი, რომ მიმდინარე სეზონში "ლეიკერსის" ყოფილი ფორვარდი აღარ ითამაშებს "მავერიქსის" რიგებში.</p><p>"მე და "დალასის" ხელმძღვანელობამ ერთობლივად გადავწყვიტეთ, რომ უკეთესი იქნება, თუ დავტოვებ გუნდს. ეს საუკეთესო გამოსავალია ორივე მხარისთვის. ჩემთვის სამწუხაროა, რომ ჩვენი ურთიერთობა ისე არ აეწყო, როგორც ორივეს გვსურდა.</p><p>"დალასსა" და ჩემს პარტნიორეის შარშანდელი ტიტულის წარმატებით დაცვას ვუსურვებ", - განაცხადა ოდომმა.</p><p>ასევე იტყობინებიან, რომ ოდომს არ გაუშვებენ შემადგენლობიდან. უბრალოდ, "დალასი" მას არ გამოიყენებს, სეზონის დასრულების შემდეგ კი მის გაცვლას შეეცდება.</p><p><strong>ტრავმები გახშირდა</p><p></strong>"ნიუ იორკ ნიქსის" ერთ-ერთმა ლიდერმა ამარე სტაუდმაიერმა ზურგის ტრავმის გამო რამდენიმე შეხვედრა გამოტოვა და გუნდის მთავარი მწვრთნელის, მაიკ ვუდსონის თქმით, მისი დაბრუნების ზუსტი თარიღი ჯერ ცნობილი არ არის.</p><p>"ამ მომენტში ამარეს დაბრუნების იმედი არ მაქვს. ექიმები სიტუაციას უკეთ აფასებენ. ამიტომაც გარკვეული ხანი მის გარეშე მოგვიწევს ფონს გასვლა", - განაცხადა "ნიქსის" დამრიგებელმა.</p><p>რეგულარული ჩემპიონატის 43 მატჩში 29 წლის მძიმე ფორვარდმა საშუალოდ 17.6 ქულა და 8.0 მოხსნა დააგროვა.</p><p>ასევე გაირკვა, რომ მუხლის ოპერაციის შემდეგ აღდგენითი კურსის სწრაფი ტემპების მიუხედავად, "ნიუ იორკის" გამთამაშებელი ჯერემი ლინი ვერ მოასწრებს პლეი ოფის პირველი რაუნდისთვის მოედანზე დაბრუნებას.</p><p><strong>* * *</p><p></strong>ასევე პლეი ოფის მატჩებისთვის არის დაგეგმილი "ორლანდოს" თურქი ლეგიონერის, ჰედო თურქოგლუს დაბრუნება.</p><p>"მეჯიქის" ფორვარდმა ორი დღის წინ სახის ძვალზე ოპერაცია გაიკეთა და რეგულარულ ჩემპიონატში მინიმუმ სამი კვირის გამოტოვება მოუწევს.</p><p>ჰედომ სახის ძვალი "ნიუ იორკთან" მატჩის მეორე მეოთხედში გაიტეხა და მოედანზე აღარ დაბრუნებულა.</p><p>მიმდინარე სეზონში თურქმა "ორლანდოს" რიგებში 52 მატჩი ჩაატარა და 10.7 ქულით, 3.8 მოხსნითა და 4.5 შედეგიანი პასით დაეხმარა თავის გუნდს.</p><p><strong>ვან განდი სეზონის ბოლომდე</p><p></strong>როგორც ჩანს, დასრულდა აჟიოტაჟი "ორლანდოს" მთავარი მწვრთნელის - სტენ ვან განდის გარშემო. კლუბის გენერალურმა მენეჯერმა ოტის სმიტმა უარყო ყველანაირი ჭორი "მეჯიქის" დამრიგებლის უახლოეს პერიოდში განთავისუფლების შესახებ.</p><p>შეგახსენებთ, რომ უფრო ადრე გავრცელდა ჭორი, თითქოს "ორლანდოს" ლიდერი დუაიტ ჰოვარდი ითხოვდა სტენ ვან განდის გადაყენებას. სხვათა შორის, ეს ინფორმაცია თავად მწვრთნელმა დაადასტურა.</p><p>მაგრამ სიტუაციას ნათელი მოჰფინა კლუბის ერთ-ერთმა ხელმძღვანელმა.</p><p>"ჰოვარდს ჩემთვის ასეთი თხოვნით არასოდეს მოუმართავს. ამის შესახებ არაფერი ვიცი", - განაცხადა ოტის სმიტმა. ამ უკანასკნელის თქმით, სტენ ვან განდი, მინიმუმ, ამ სეზონის ბოლომდე უხელმძღვანელებს ჯადოქრებს.</p><p><strong></p><p>* * *</strong></p><p>გაირკვა, რომ კიდევ ერთი მწვრთნელი ინარჩუნებს თანამდებობას - "გოლდენ სტეიტ უორიორზის" ხელმძღვანელობა არ აპირებს მარკ ჯექსონის შეცვლას და მომავალი სეზონისთვის "მეომრებს" სწორედ ეს სპეციალისტი მოამზადებს. ეს მიუხედავად იმისა, რომ წელს "გოლდენ სტეიტი" ვერ აჩვენებს მაღალ შედეგებს.</p><p>ჯექსონმა, რომელმაც "უორიორზთან" სამწლიანი ხელშეკრულება გააფორმა, გუნდს 55 მატჩში 22-ჯერ მოაგებინა.</p><p><strong>ყოველდღიური სპორტული გაზეთი "ლელო"</strong></p>
"ლოს ანჯელეს ლეიკერსმა" ლებრონ ჯეიმსს ახალი კონტრაქტი არ შესთავაზა
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ