<p>შუხუთში ტრადიციული სააღდგომო ლელო გაიმართა, რომელსაც საქართველოს პრეზიდენტი დაესწრო <br> 15 აპრილს შუხუთში ტრადიციული სააღდგომო ლელო გაიმართა. ზუსტად 17 საათზე შუხუთის ცენტრში ბურთი ავარდა და "ზემოურები" და "ქვემოურები" 16-კილოგრამიან მრგვალ საგანს საკინჭიესა თუ საკირიეს ღელეების გადასალახად ეკვეთნენ.</p><p>კომუნისტები ლელოს 1 მაისს ატარებდნენ, ადრე კი შერკინების დღეები, უმეტესად, აღდგომის, მარიამობის, გიორგობის საეკლესიო დღესასწაულებს ემთხვეოდა.</p><p>თვით შეხვედრების გამართვას არ სჭირდება სპეციალურად აგებული მოედანი. მოთამაშენი ორ ჯგუფად იყოფიან: ზემოურებად და ქვემოურებად. როგორც ლელობურთელებმა გაგვანდეს, წლეულს გიორგობის დღესასწაულზე თუ ვერა, უახლოეს მომავალში რომელიმე საეკლესიო დღესასწაულზე ადრინდელი ტრადიციით ერთმანეთს ცოლიანები და უცოლოები შეერკინებიან.</p><p>არც მოასპარეზეთა რაოდენობა და არც ბურთის წონა განსაზღვრული არასდროს ყოფილა. ბურთის ამგდების ფუნქციას საბჭოთა პერიოდში სოფლის თავკაცები ასრულებდნენ, ახლა კი, როგორც ეს ოდითგან იყო - კვლავ სასულიერო პირი.</p><p>ვეტერანი ლელობურთელები გაკვირვებულნი იყვნენ მონაწილეთა რაოდენობით, რაც ბოლო ორი წელიწადია, თვალშისაცემია.</p><p>ამის მიზეზი ისაა, რომ შუხუთში შემორჩენილი თამაშის მიმართ ხელისუფლება იჩენს დაინტერესებას. თუ შარშან რეგიონული განვითარებისა და ინფრასტრუქტურის მინისტრ <strong>რამაზ ნიკოლაიშვილსა</strong> და გარემოს დაცვისა და ბუნებრივი რესურსების მინისტრ <strong>გოგა ხაჩიძის</strong> გარდა, ლელოთი შსს და იუსტიციის პირველი პირები - <strong>ვანო მერაბიშვილი</strong> და <strong>ზურაბ ადეიშვილი</strong> დაინტერესდნენ, ამჯერად უკვე თვით ქვეყნის პირველმა პირმა დააფასა ტრადიციული თამაშობა.</p><p><a href="http://www.palitratv.ge/akhali-ambebi/politika/16520-mikheil-saakashvili-sofel-shukhuthshi-leloburthis-shejibrs-daestsro.html" target="_blank"><span style="color: #000080;"><strong>მიხეილ სააკაშვილმა</strong> მისასალმებელი სიტყვაც წარმოთქვა</span></a>. იგი ასევე იმყოფებოდა სტუმრად ვეტერან ლელობურთელ ქალბატონთან, <strong>თინა იმნაიშვილთან</strong>, რომელიც 40 წლის მანძილზე თამაშობდა თურმე ლელობურთს. პრეზიდენტმა უმცროს ვაჟთან, ნიკოლოზთან ერთად, ახლოდანაც ადევნა თვალყური სანახაობას.</p><p>მას შემდეგ, რაც ბურთმა პირობითი საზღვარი დატოვა და სიღრმეში შეიჭრა, ბევრმა ჩათვალა, რომ ლელო დილამდე გასტანდა. ბოლო საუკუნენახევრიან ისტორიაში ასეთი შემთხვევა სულ ორჯერ ყოფილა, ისიც ათწლეულების წინ. თუმცა ამჯერად წინასწარმეტყველება არ გამართლდა და "მოედნის მიღმა გასვლა" "ზემოურთა" ხრიკი გამოდგა - მათ საკირიეს ღელე გადალახეს. ეს კი გამარჯვების ტოლფასი იყო. ასეთ სიტუაციაში მხოლოდ ერთხელ შემობრუნებულა პაექრობის ბედი, ისიც სამი ათეული წლის წინათ, როცა სპორტის დიდმა მოყვარულმა <strong>ევგრაფ შევარდნაძემ</strong> თავისი ავტოსაწარმოს მძღოლებს 20-20 კაცის მოყვანა დაავალა და წაგებული ლელო მისი მხარის სასარგებლოდ შემოაბრუნა.</p><p>შუხუთის ლელოს ბოლომდე ადევნებდა თვალს რამაზ ნიკოლაიშვილი. სწორედ ის ხელმძღვანელობს გურიის განვითარების ფონდს, რომლითაც "გურიის" სტადიონის რეკონსტრუქცია უნდა დაფინანსდეს. "ეს არის მნიშვნელოვანი პროექტი და ლანჩხუთის სტადიონს აუცილებლად გავაკეთებთ" - განუცხადა "ლელოს" ბატონმა რამაზმა.</p><p>"ჩვენ ასევე ვაშენებთ ბევრ კულტურულ და სპორტულ დაწესებულებას. გამოვყავით რამდენიმე ხნის წინ ფული და იწყება ჩვენი სიამაყის, ლანჩხუთის სტადიონის აღდგენა. გვინდა მას დავუბრუნოთ ძველი ბრწყინვალება" - ეს განცხადება კი ქვეყნის პრეზიდენტს, მიხეილ სააკაშვილს ეკუთვნის, რომელიც გურიაში გასული კვირის დასაწყისში გააკეთა.</p><p><a href="http://www.palitratv.ge/akhali-ambebi/politika/16520-mikheil-saakashvili-sofel-shukhuthshi-leloburthis-shejibrs-daestsro.html" target="_blank"><span style="color: #ff0000;">იხილეთ ვიდეო: მიხეილ სააკაშვილი სოფელ შუხუთში ლელობურთის შეჯიბრს დაესწრო</span></a></p><p><strong>ყოველდღიური სპორტული გაზეთი "ლელო"</strong></p>
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს
უარი ხავისგან - "ლევერკუზენი" ახალი მწვრთნელის ძიებაშია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!