<p>გორის "დილა" ისტორიაში პირველად გავიდა საქართველოს თასის გათამაშების ფინალში, სადაც "ზესტაფონს" დაუპირისპირდება <br> 18. 04. გორი. თენგიზ ბურჯანაძე. 4000 მაყურებელი</p><p><em><strong>დილა-გაგრა 0:1 </strong></em></p><p>0:1 კვანტალიანი (89)</p><p><em>დილა გაგრა</em></p><p>4-4-2 4-5-1</p><p>სკენდერი ბეგაშვილი</p><p>ალადაშვილი ხუციძე</p><p>სალუქვაძე ტყეშელაშვილი</p><p>ინწკირველი ნარმანია</p><p>მეგრელიშვილი ჯგერენაია</p><p>კახელიშვილი სარდალიშვილი</p><p>კაშია ზვიადაძე</p><p>ბეჭვაია ყურულაშვილი</p><p>ს. გურული ჭკუასელი</p><p>ახალკაცი ნ. ჯიშკარიანი</p><p>ვაწაძე ჯერემია</p><p><em>მწვრთნელები:</em></p><p>თ. შალამბერიძე ზ. ჯელაძე</p><p><em></p><p>დილა</em></p><p>63. გურული - ხოჯავა</p><p>75. კაშია - ნ. ნოზაძე</p><p>87. ახალკაცი - გოგინაშვილი</p><p>სათადარიგოები: შეყრილაძე, ბარაბაძე, კანდელაკი, თოთაძე</p><p><em>გაგრა</em></p><p>46. ზვიადაძე - ხოჯაშვილი</p><p>66. ჭკუასელი - ყიფიანი</p><p>74. ყურულაშვილი - კვანტალიანი</p><p>სათადარიგოები: მაღრაძე, კობერიძე, ნადირაძე, კიკნაველიძე</p><p>არბიტრი: დ. ხარიტონაშვილი</p><p>თასის მოქმედ მფლობელ "გაგრასთან" დაპირისპირებაში გორის "დილა" ისტორიაში პირველად გავიდა საქართველოს თასის ფინალში.</p><p>ბუნებრივია, სტუმრად მოგებული პირველი მატჩის შედეგიდან (2:1) გამომდინარე, "დილა" შინ მოწინააღმდეგეს უკანმოუხედავად არ შეუტევდა. შეხვედრის დასაწყისიდანვე აქტიური თამაში ლოგიკურად "გაგრას" ფეხბურთელთა პრეროგატივა უფრო უნდა ყოფილიყო.</p><p>სტუმრებმა დებიუტში მართლაც მოიპოვეს ბურთის ფლობაში უპირატესობა, თუმცა საჭირო შედეგის დასაფიქსირებლად, ცხადია, მხოლოდ ესეც არ კმარა. მასპინძლები, მოწინააღმდეგის მხრიდან შეტევაზე დიდი ძალებით გადმოსვლისას, საპასუხო მწვავე კონტრშეტევებზე აკეთებდნენ აქცენტს.</p><p>აქედანვე აღვნიშნავთ, რომ ორივე ტაიმში ათ-ათწუთიან "აფეთქებებს" თუ არ ჩავთვლით, ფეხბურთელებმა საკმაოდ მოსაწყენი სანახაობა შესთავაზეს სტადიონზე შეკრებილ მაყურებელს. გულშემატკივარი პირველად მე-13 წუთზე სტუმრების მწვავე იერიშმა გამოაფხიზლა, უფრო ზუსტად თუ ვიტყვით, შეაშფოთა, რადგან სკენდერის კართან სახიფათო ფლანგური ჩაწოდებისას სტუმრები ახლოს იყვნენ მიზანთან.</p><p>ორ წუთში მოედნის ცენტრიდან <strong>რომან ახალკაცის</strong> მიერ წამოწყებული კომბინაციის შემდეგ დასარტყმელ პოზიციაზე მასპინძელთა ერთდროულად რამდენიმე ფეხბურთელი აღმოჩნდა, მაგრამ უშედეგოდ. მალე <strong>ჯონ ჯერემიას</strong> ახლო მანძილიდან გაცუდებული მომენტების ჯერი დადგა. სტუმართა ნიგერიელმა ლეგიონერმა მასპინძელთა ხორვატ მეკარეს ვერცერთხელ აჯობა.</p><p>აქედან მოყოლებული, სტადიონი რომ დაგეტოვებინათ და უკან შეხვედრის მიწურულისთვის მობრუნებულიყავით, მნიშვნელოვანი არაფერი გამოგრჩებოდათ. ვერ ვიტყვით, რომ სტუმრები რამე ღირებულის შექმნას არ ცდილობდნენ, მაგრამ სერიოზულ ხიფათამდე საქმე არ მიდიოდა.</p><p>მათგან ყველაზე მოუსვენარი და აქტიური <strong>ჯონ ჯერემიაც </strong>"დილას" კაპიტანს <strong>ლაშა სალუქვაძეს</strong> საიმედოდ ჰყავდა განეიტრალებული და სტუმართა ლეგიონერმაც მხოლოდ დაუღალავი სირბილით დაგვამახსოვრა თავი.</p><p>ვითარება არც შესვენების შემდეგ შეცვლილა. სტუმრების თამაში კიდევ უფრო უსაფრთხო ჩანდა "დილასთვის", თვითონ მასპინძლებმა კი ბურთის "დაჭერას" მიანიჭეს უპირატესობა და მოედნის ცენტრში <strong>გიგა ბეჭვაია, შოთა კაშია</strong> და <strong>რომან ახალკაცი</strong> დროს მოკლე პასებით კლავდნენ.</p><p>63-ე წუთზე მასპინძელთა მთავარმა მწვრთნელმა <strong>თემურ შალამბერიძემ</strong> ინერტული<strong> სანდრო გურულის</strong> ნაცვლად მოედანზე <strong>გოჩა ხოჯავა </strong>შეუშვა, ხოლო მისმა კოლეგამ <strong>ზვიად ჯელაძემ</strong> კიდევ ერთი შემტევი, <strong>შალვა კვანტალიანი</strong> გამოიყვანა. ეს შეცვლები ეფექტური გამოდგა, ვინაიდან <strong>ხოჯავა</strong> და <strong>კვანტალიანი</strong> აქტიურად ჩაერთნენ.</p><p><strong>ხოჯავა </strong>ინდივიდუალური მოქმედებებით ხშირად ამწვავებდა თანაგუნდელთა შეტევებს, თუმცა, ცოტა არ იყოს, ზოგჯერ ბურთთან განშორება უჭირდა.</p><p>81-ე წუთზე კარის სიახლოვეს მყოფმა <strong>მათე ვაწაძემ ხოჯავასგან</strong> კარგი პასი მიიღო, ბურთი მკერდით ჩამოიღო და დარტყმაც მოახერხა, მაგრამ არაზუსტად. საპირისპირო კართან კი <strong>კვანტალიანის</strong> აქტიურობას <strong>მიხეილ სარდალიშვილის</strong> გოლი მოჰყვა, თუმცა არბიტრმა გააუქმა.</p><p>89-ე წუთზე <strong>კვანტალიანმა</strong> მაინც შეძლო თავის გამოჩენა: კუთხურიდან მოწოდებული ბურთი მასპინძელთა კარში ზუსტად გადაგზავნა.</p><p>ერთ წუთში <strong>კვანტალიანმა</strong> საჯარიმოს სიახლოვიდან კიდევ ერთხელ დაარტყა სახიფათოდ, მაგრამ ამჯერად <strong>სკენდერმა</strong> იყოჩაღა და შესაბამისად, სასწაულიც (გნებავთ, ხმაურიანი სენსაცია) არ მოხდა. "დილას" დიდი ხნის ნანატრი ქვეყნის თასი ხელის გაწვდენაზე აქვს.</p><p><strong>ყოველდღიური სპორტული გაზეთი "ლელო"</strong></p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე