- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საბჭოთა პერიოდში საუკეთესი მოედანი გვქონდა, ახლა რა დაგვემართა?!
<p><p>თბილისის "დინამოს" კალათბურთელთა გუნდში ჩემპიონთა თასის მფლობელი, ცნობილი სპორტსმენი ვაჟა ჟღენტი ეროვნული სტადიონს 1986-1992 წლებში ხელმძღვანელობდა. გამოცდილი კაცი სტადიონის საფარის დღევანდელი მდგომარეობით აღშოთებულია და იხსენებს, თუ როგორ უვლიდნენ საქართველოს მთავარი არენის მოედანს, რომელსაც საბჭოეთში ერთ-ერთ საუკეთესოდ მიიჩნევდნენ. ამ მხრივ, მისი მოგონებები უდავოდ საინტერესოა...</p> <br> <p>თბილისის "დინამოს" კალათბურთელთა გუნდში ჩემპიონთა თასის მფლობელი, ცნობილი სპორტსმენი ვაჟა ჟღენტი ეროვნული სტადიონს 1986-1992 წლებში ხელმძღვანელობდა. გამოცდილი კაცი სტადიონის საფარის დღევანდელი მდგომარეობით აღშოთებულია და იხსენებს, თუ როგორ უვლიდნენ საქართველოს მთავარი არენის მოედანს, რომელსაც საბჭოეთში ერთ-ერთ საუკეთესოდ მიიჩნევდნენ. ამ მხრივ, მისი მოგონებები უდავოდ საინტერესოა...</p> <p>- ჩვენ დროს სტადიონის ბალახის საფარი საბჭოთა კავშირში მართლაც ერთ-ერთი საუკეთესო გახლდათ. პრეტენზიები კი არ ჰქონდათ, არამედ, აქ თამაში ყველას უხაროდა. ასეთი მხოლოდ რამდენიმე სტადიონი იყო - მოსკოვში, მაშინდელ ლენინგრადში, კიევში, მინსკსა და თბილისში. საბჭოთა კავშირში პირველად ჩვენ დავხაზეთ სტადიონი წრიულად და ზოლებად... შვილივით ვუვლიდი, დილით სამსახურში რომ მივდიოდი, ბალახის მდგომარეობას ვამოწმებდი, რა სჭირდებოდა, რა პრობლემა ჰქონდა, ვარკვევდი და მერე ვიწყებდით მის დამუშავებას. საფარს მარტო მონდომებით ვერ მოვუვლიდით: სასოფლო-სამეურნეო და სამეცნიერო კვლევითი ცენტრიდან საფარის მოვლის სპეციალისტი წამოვიყვანე, მუშებიც პროფესიონალები იყვნენ და იცოდნენ, რა იყო საჭირო და რა არ შეიძლებოდა. დილით ადრე გავდიოდით მოედანზე და აუცილებელ სამუშაოებს ვატარებდით. ამ ყველაფრის შემდეგ აღშფოთებული დავრჩი იმით, რაც საქართველო-ისრაელის მატჩის დროს ვნახე - დარტყმის დროს, მოედანს ბუღი ასდიოდა! დიდი ხანია, ფეხბურთს თვალს ვადევნებ, ბევრი სტადიონი მინახავს, სადაც საფარი არ ვარგოდა, მაგრამ მსგავსი სირცხვილი არ მახსენდება! მოედანს დარტყმისას ბუღი ასდიოდეს, ასეთი რამ აფრიკაშიც არ მომხდარა, სადაც საფარის მოვლა ბევრად ძნელია. ამბობენ, მოედანი გვალვებმა გააფუჭაო. თუ მორწყავ მოედანს, არ გაფუჭდება, ზოგჯერ მთელი ღამე წყალი ჩართული გვქონდა. ეს რა პრობლემაა?! ნიკოლოზის დროინდელი ტექნიკით უკეთ ვუვლიდით, წყალი არ დგებოდა და მოედანი არ ატალახდებოდა. ახლა ბევრად უკეთესი საშუალებებია და სირცხვილია, ეროვნულ სტადიონზე უხარისხო მოედანი იყოს.</p><p><strong>- ბატონო ვაჟა, თქვენი დირექტორობის პერიოდისგან განსხვავებით, დღეს მორწყვა უზარმაზარი ხარჯია. მაშინ წყლის გადასახადიც დაბალი იყო და სტადიონის მოსავლელადაც ბევრად მეტი ფულიც გქონდათ...</strong></p><p>- ...მერე გამოდი და თქვი, მოედანი ვერ გავაკეთეთ ამა და ამ მიზეზის გამო, დიდი გადასახადი ხელს მიშლის-თქო. ქვეყანას ერთი ეროვნული სტადიონი აქვს და იმის მორწყვა და მოვლა-პატრონობა რა პრობლემა გახდა?! აბა, ფედერაცია რას აკეთებს?!</p><p><strong>- სტადიონი ფედერაციას არ ეკუთვნის და შესაბამისად, მოედნის მოვლა მას არ ევალება...</p><p></strong>- სტადიონი მეც არ მეკუთვნის, მაგრამ გული მტკივა. ფედერაცია თუ ქირაობს სტადიონს, მაშინ ერთი კვირის მოსარწყავი თანხაც გაიღოს. მოედნისა და საერთოდ არენის კარგი მდგომარეობით დაინტერესებული უნდა იყოს მისი მეპატრონე თბილისის მერიაცა და ზოგადად სახელმწიფოც, რადგან ეროვნულ ნაკრებთა მატჩის ასეთ უხარისხო საფარზე ჩატარება ქვეყნის სირცხვილია. როგორ დავიჯერო, რომ ბალახის მოსავლელი ფული არ აქვთ?! გაივლი და მთელ თბილისში მშვენიერი მინიმოედნები და საჭიდაო, საცურაო თუ ათასი სხვა პროფილის დარბაზი ააშენეს. გამოდის, რომ ფული არის. ამ ყველაფრის შემდეგ ერთი ხეირიანი საფარი რა პრობლემა გაგვიხდა? თუ სპეციალისტები არ გვყავს, გავგზავნოთ ინგლისში, გერმანიაში, უნგრეთში, ჰოლანდიაში... სადაც ამის სპეციალისტები არიან, ისწავლიან და საქართველოში კვლავ გვექნება ისეთი მოედნები, როგორიც თავის დროზე ქუთაისის სტადიონის საფარი იყო, ან თუნდაც ბათუმში, სოხუმში, ლანჩხუთში, ფოთში, გორში და ასე შემდეგ.</p><p><strong>- სტადიონის ხელმძღვანელობა ამბობს, საფარი თავიდანვე არ ვარგოდაო...</strong></p><p>- "ლუჟნიკის" სტადიონს ქართველი კაცი, აბრამიშვილი უვლიდა და თბილისში ჩამოვიყვანე. ყოველდღე მიწის ანალიზს ვაკეთებდით და შემიძლია გითხრათ, რომ მოედნის დაგება და მოვლა ნამდვილი მეცნიერებაა. ტყემალზე რომ ზის, ისეთი ადამიანი მას ვერაფერს გაუგებს. უცხოეთში სტადიონების მეპატრონეები სამეცნიერო ინსტიტუტებთან თანამშრომლობდნენ და ჩვენც ასე ვიყავით. მაინტერესებს - ფედერაციას, ამდენ ბაზას რომ პატრონობს და ახლა "ლოკომოტივის" აღებაც სურს, მოედნის მეურნეობა თუ აქვს, სადმე მოედნის დაზიანების შემთხვევაში საფარი რომ მოჭრას და დააგოს? დღეს საქართველოში 1 კვადრატული მეტრი ზედმეტი, სპეციალური ბალახი არ არის, გაჭირვებაში მოედანს რომ შევაშველოთ. სპეციალური მეურნეობის გარეშე ამ პრობლემას ვერაფრით მოვუვლით და სხვათა შორის, ეს მეურნეობა წამგებიანი არ იქნება - კარგი ხარისხის ბალახი ყველა სტადიონს სჭირდება. თუ არა და, მაშინ ყველა სტადიონზე ხალიჩა დავაგოთ, რომელსაც მიწის დამუშავება და ამხელა ხარჯი არ სჭირდება... საბჭოთა კავშირის პირველობის დროს მატჩის კომისარი ჩამოდიოდა და სტადიონს ამოწმებდა, საფარს კი განსაკუთრებულ ყურადღებას აქცევდა. კარგი დედის შვილი იყავი და, მოედანი არ მოგემზადებინა, მეორე დღესვე თანამდებობიდან გაგათავისუფლებდნენ... შეფასებას და გათავისუფლებას თავი დავანებოთ, ჩვენ ხომ ყველა ფეხბურთის გულშემატკივრები ვიყავით? შესაძლოა, ბევრს არ ესმის, ფეხბურთისთვის უხარისხო ბალახს რა ზიანი მოაქვს - პირდაპირ ვიტყვი, რომ ეს სხვა სახეობაა, ორმელსაც კლასიკურთან ფეხბურთისგან განსხვავდება, ტემპი დაბალია, ვერ გააკეთებ ფინტს, "შიპები" მოედანზე კარგად არ ჯდება, სისწრაფე, დროული და კარგი გადაცემა გამორიცხულია, ფეხბურთელი შემოქმედებით ნიჭს კარგავს და ტექნიკას ვერ აუმჯობესებს და ასე შემდეგ. ეს იგივეა, ფორმაშეცვლილი ბურთით ითამაშო. ეს თუ სერიოზული პრობლემა არ არის, მაშინ მითხარით, რაღაა პრობლემა? ქართველ ხალხს ფეხბურთი ძალიან უყვარს და არაფერი ისე არ ახარებს, როგორც ჩვენი ნაკრებისა თუ კლუბების წარმატება. ამიტომ სჭირდება სტადიონებს გულიანი მოვლა, ჩვენთვის საყვარელი სახეობა რომ განვავითაროთ. საქართველოს კლიმატურ პირობებში საფარის მოვლა ადვილია, მაგრამ ხელშეწყობა აუცილებლად სჭირდება.</p><p><em>ლელო</em></p></p>
"ასე არ შეიძლება" - "კაირათის" მწვრთნელი მეკარისთვის გადაცემული საჩუქრით უკმაყოფილოა
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
39 დღე გაძლო - "ნოტინგემმა" პოსტეკოღლუ გაათავისუფლა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?
ხვიჩა შეცვლაზე და პსჟ-ს საბრძოლო ფრე "სტრასბურგთან"
"შავი ლომი" | არის რევანში - "ჩიტასი" დამარცხებულია
მიქაუტაძემ შეიძლება "ბეტისთან" ვერ ითამაშოს - ცნობილი გახდა მიზეზი
"სტრასბურგთან" მატჩში პსჟ-ს შემადგენლობა ცნობილია
კანტე ევროპაში ბრუნდება? - ფრანგს სერიოზული მსურველი ჰყავს