<p>საქართველოს ძიუდოისტ ვაჟთა ნაკრები ლონდონის ოლიმპიადაზე სრული გუნდით გამოვა <br> საქართველოს ძიუდოისტ ვაჟთა ნაკრებმა მეშვიდე ლიცენზიაც გაინაღდა, ანუ ლონდონის ოლიმპიადაზე სრული გუნდით გამოვა. ჩვენს ნაკრებს მეშვიდე საგზური ჩელიაბინსკში მიმდინარე ევროპის ჩემპიონატზე <strong>ლაშა შავდათუაშვილმა</strong> (66) მოუპოვა.</p><p>ჩვენებური მეოთხედფინალშია გასული და ჯერ არც ტურნირი დამთავრებულა, თუმცა ლიცენზიის საკითხი უკვე გაირკვა, რადგან საგზურისთვის ბრძოლაში მისი მთავარი კონკურენტები უკვე გავარდნენ - შავდათუაშვილი ევროპული კვოტით იღებს საგზურს.</p><p>მეტოქეთაგან ჯერ ებრაელი <strong>გოლან პოლაცკი</strong> დამარცხდა სლოვენიელ ევროპის პრიზიორ <strong>როკ დრაკშიჩთან</strong> და <strong>შავდათუაშვილის</strong> ამბავიც იქ გაირკვა - ამით ებრაელი ვერც სანუგეშოში გადავიდა, ანუ მესამე ადგილზე გასვლის შანსიც დაკარგა. ეს კი იმას ნიშნავდა, რომ ვერც ქულათა მარაგს გაიზრდიდა და ვერც თანაგუნდელ <strong>იოსებ ფალელაშვილს</strong> (73) გადაუსწრებდა ქულებით.</p><p>საქმე ისაა, რომ ებრაელთაგან ევროპული კვოტით ლიცენზიას ფალელაშვილი იღებს, პოლაცკის კი მხოლოდ მასზე მეტი ქულის დაგროვება თუ უშველიდა.</p><p>მოგვიანებით დამარცხდა შავდათუაშვილის კიდევ ერთი კონკურენტი - ლატვიელი <strong>დენის კოზლოვსი </strong>და სანუგეშოში ვერც ის გადავიდა.</p><p>როგორც უნდა დაამთავროს შავდათუაშვილმა გამოსვლა ჩელიაბინსკში, ის საგზურს ევროპული კვოტით ყველა ვარიანტში მიიღებს - ახლა კოზლოვსსაც გადაუსწრებს ქულებით და რეგიონულ კვოტაში სულაც პირველი ნომერი გახდება.</p><p>მას საფრთხეს ვერც პარალელურად მიმდინარე სხვა კონტინენტების პირველობები შეუქმნის. სხვა კონტინენტებიდან 22-ში შესვლის შანსებს ამერიკელი <strong>ბრედფორდ ბოლენი</strong> და ავსტრალიელი <strong>სტივენ ბრაუნიც</strong> ინარჩუნებენ, მაგრამ 22-ში ბოლო სამ ადგილზე არაევროპელები არიან, ანუ ისინი იქიდან ევროპელებს ვერ გამოაგდებენ. აზიელთაგან 22-ის ახლოს ისეთი ქვეყნების წარმომადგენლები არიან, რომლებსაც უკვე ჰყავთ წარმომადგენლები სალიცენზიო ზონაში. ამდენად, შავდათუაშვილს საგზურს ვერავინ წაართმევს.</p><p>შავდათუაშვილმა პირველ წრეში გაფრთხილებებით სერიოზულ მეტოქეს მოუგო - სომეხ ევროპის ჩემპიონს, აგრეთვე, ვერცხლ-ბრინჯაოს მფლობელ <strong>არმენ ნაზარიანს</strong>, ვისაც მერე ჩინებული იპონით უკრაინელი <strong>სიარჰეი დრებოტიც</strong> მიაყოლა.</p><p>მეოთხედფინალში ჩვენებურს ძლიერი მეტოქე ელოდება - რეიტინგსიის მეორე ნომერი, რუსთა ევროპის სამგზის მედალოსანი <strong>ალიმ გადანოვი</strong>.</p><p>მეოთხედფინალშია ამ წონაში ჩვენი მეორე წარმომადგენელი <strong>შალვა ქარდავაც</strong>. ცხადია, ისიც ინარჩუნებს საგზურის მოპოვების შანსს ასევე ევროპული კვოტით, მაგრამ ის ქულებით ჩამორჩება შავდათუაშვილს, ანუ მისი შანსი ცოტათი ნაკლებია. ქარდავამ რუსი <strong>კამილ ხან-მაგომნედოვი </strong>და აზერბაიჯანელი <strong>ტარლან კარიმოვი</strong> დაამარცხა, ახლა კი ფრანგ <strong>დავიდ ლაროსეს</strong> შეხვდება.</p><p>ნახევარფინალშია <strong>ამირან პაპინაშვილი </strong>(60) - სლოვენიელ <strong>მატიას ტრბოვიჩს</strong>, ებრაელ <strong>არტიომ არშანსკის</strong> და ჰოლანდიელ <strong>ჟეროომ მოორენს </strong>იპონებით მოუგო. მისი მომავალი მეტოქე რუსი <strong>ბესლან მუდრანოვია</strong>.</p><p>ნახევარფინალში გასასვლელად იბრძვის <strong>ბეთქილ შუკვანიც </strong>(60) - საამისოდ ძლიერ სომეხ <strong>ჰოვანეს დავთიანს</strong> უნდა მოუგოს. მანამდე კი რუსთა <strong>რობერტ მშვიდობაძეს</strong> ვაზარით, ხოლო ესტონელ <strong>ელნურ ალიევს</strong> იპონით მოუგო.</p>
vaja
მაგარია
judo
shukvanma caago papina ibrdzvis mesamestvis qardavamac caago ;(
kkkkk
ჯიგარ! წარმატებები ბიჭებს.
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ