<p>პენზაში, მსოფლიოს თასის ეტაპზე, ჩვენმა გოგონებმა გუნდურში 102,350 ქულით ბელარუსებს გაუსწრეს და მეორე ადგილზე გავიდნენ <br> ამას წინათ იტალიურ პეზაროში მხატვრულ ტანმოვარჯიშეთა მსოფლიოს თასის ეტაპზე იუნიორთა შორის ქართველმა სპორტსმენებმა - <strong>გაბრიელა ხვედელიძემ</strong>, <strong>სოფიო ფარულავამ</strong> და <strong>სალომე ფაჟავამ</strong> გუნდურში რუსებისა და ბელარუსების შემდეგ მესამე ადგილი დაიკავეს, ინდივიდუალურ შეჯიბრებაში კი ორი ბრინჯაოს მედალი მოიპოვეს.</p><p>პენზაში (რუსეთი), მსგავს შეჯიბრებაზე, სადაც 23 ქვეყნის წარმომადგენლები ეცილებოდნენ ერთმანეთს, ჩვენმა გოგონებმა ბევრად უკეთესი შედეგები აჩვენეს. გუნდურში მათ 102,350 ქულით ბელარუსებს (101,450) გაუსწრეს და მეორე ადგილზე გავიდნენ.</p><p>პირველობა 107,125 ქულით რუსებს ხვდათ. ცალკეული საგნებით თბილისის მერიის გიორგი ეგნატაშვილის სახელობის ოლიმპიური მზადების ცენტრის წარმომადგენელმა გაბრიელა ხვედელიძემ (მწვრთნელი ბელა კობალაძე) რგოლით და გურზებით ვერცხლის მედლები დაიმსახურა.</p><p>მის თანაგუნდელ სოფიო ფარულავას (მწვრთნელი ლუბა სერგოვანცევა) და ნელი სალაძის სახელობის მხატვრული ტანვარჯიშის აკადემიის სასპორტო კლუბ "გრაციის" წევრ სალომე ფაჟავას (მწვრთნელები - ელისო ბედოშვილი, ლალი დოლიძე, ინგა სააკაშვილი), შესაბამისად, ბურთითა და ბაფთით ვარჯიშებში ბრინჯაოები ერგოთ.</p><p><strong>კვარცხლბეკი</strong></p><p>რგოლი. 1 იულია ბრავიკოვა (რუსეთი, 26.400), 2. გაბრიელა ხვედელიძე (25.400), 3. ელენა ბოლოტინა (ბელარუსი, 24.950).</p><p>ბურთი. 1. იანა კუდრიავცევა (რუსეთი, 27.450), 2. ალია ასიმოვა (ყაზახეთი, 25.500), 3. სოფიო ფარულავა (25.450).</p><p>გურზები. 1. იულია სინიცინა (რუსეთი, 26.625), 2. გაბრიელა ხვედელიძე (25.950), 3. ეკატერინა ვოლკოვა (ფინეთი, 25.200).</p><p>ბაფთა. 1. ალექსანდრა სოლდატოვა (რუსეთი, 26.875), 2. კატსიარინა ჰალკინა (ბელარუსი, 26.500), 3. სალომე ფაჟავა (25.550).</p><p>იუნიორთა მრავალჭიდში ძალებს სცდიდა ელვირა ზუკაკიშვილი, რომელმაც ამ ცოტა ხნის წინათ მიიღო საქართველოს მოქალაქეობა. 100.325 ქულით მან მე-4 ადგილი დაიკავა. საპრიზო ადგილები კი ასე განაწილდა: 1. არინა ჩაროპა (ბელარუსი, 110.700), 2. დარია სვატკოვსკაია (რუსეთი, 110.625), 3. მაფტუნა შამსოევა (უზბეკეთი, 102.000).</p><p>პენზაში უფროსებიც იბრძოდნენ მედლებისთვის (საქართველოს აქ წარმომადგენელი არ ჰყავდა). მასპინძლებმა რუსეთის ნაკრების მთავარი მწვრთნელის - ირინა ვინერის ხელმძღვანელობით, უძლიერესი ტანმოვარჯიშეები გამოიყვანეს ხალიჩაზე. შეუდარებელი იყო ოთხგზის მსოფლიო და სამგზის ევროპის ჩემპიონი რუსი დარია კონდაკოვა (115.875).</p><p>მეორე ადგილზე მისი თანაგუნდელი დარია დმიტრიევა გავიდა (113.525), ბრინჯაოს მედალი კი აზერბაიჯანელ ალია გარაიევას (112.750) ერგო.</p><p>ქართველი მხატვრული ტანმოვარჯიშეების წარმატება და წინსვლა ორმაგად მნიშვნელოვანი და სასიამოვნოა, რადგან წინ მნიშვნელოვანი შეჯიბრებები გველის. 11-12 მაისს ისინი თბილისის თასზე უცხოელებს გაუწევენ კონკურენციას, ხოლო ივნისის დასაწყისში ევროპის ჩემპიონატის მედლებისთვის იბრძოლებენ.</p><p><strong>ყოველდღიური სპორტული გაზეთი "ლელო"</strong></p>
ტანმოვარჯიშე დაჩი დოლიძე ევროპის ახალგაზრდული ოლიმპიური ფესტივალის ფინალშია
დაჩი დოლიძემ ლუქსემბურგში გამართულ ტურნირზე ვერცხლის მედალი მოიპოვა
რუსეთში ყველაფერი მოსულა, პრეზიდენტმა ოლიმპიური ჩემპიონი ისევ დააორსულა
ზამთრის სერიებისა და წლის ბოლო 3×3 საკალათბურთო ტურნირის გამარჯვებული არგო გახდა
იმედები ვერ გაამართლა - "ატლეტიკო" სორლოტის გაყიდვას ეცდება
დეკემბერში პსჟ-ს საუკეთესო ფეხბურთელად საფონოვი დაასახელეს
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
ფუტსალი | საქართველოს ნაკრები სომხეთთან დამარცხდა
დამძიმებული ფეხებით - ჩაკვეტაძემ "ლესტერთან" მატჩამდე ისაუბრა
"ფრთებგაშლილი ნერესი ფენომენალური "კვარას" დამამძიმებელი აჩრდილისგან გათავისუფლებას ლამობს" - იტალიური მედია
"ბარსელონა" ბოლო წამებზე დამარცხდა - თორნიკეს ისევ არ უთამაშია
"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
ხელფასის შემცირებაზე თანახმაა - ლევანდოვსკის მომდევნო სეზონშიც "ბარსელონაში" თამაში სურს
კარგი ამბავი - ბათუმის "დინამოს" ახალი მფლობელი ჰყავს
უარი "ჩელსის, "ლივერპულსა" და "მანჩესტერ იუნაიტედს" - სემენიომ არჩევანი სხვა ინგლისურ გრანდზე შეაჩერა
[VIDEO] ახალწვეული კუპერ ფლეგისა და ენტონი დევისის ბრწყინვალე მატჩი - "დალასმა" ნიკოლა იოკიჩის "დენვერი" დაამარცხა
[VIDEO] მამუკელაშვილის 4 სამქულიანი და კარგი მატჩი - სანდრომ "ტორონტოს" ძირითად შემადგენლობაში ითამაშა
საზონოვს მალე, ალბათ, "ტორინოს" დატოვება მოუწევს
დასაევი: საფონოვი რა, ასეთი დიადია?
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
სპორტის სამინისტრომ 2025 წლის საუკეთესო სპორტსმენები დაასახელა