- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
U18: ფინალში "ქუთაისი" და "რუსთავი" იასპარეზებენ
<p>18-წლამდელთა ნახევარფინალური სერიის მორიგ მატჩში "ქუთაისმა" "შსს აკადემია" 86:78 დაამარცხა <br> 18-წლამდელთა ნახევარფინალური სერიის მორიგ მატჩში "შსს აკადემიისა" და "ქუთაისის" დაპირისპირება გაიმართა, რომელსაც ვაკეში მდებარე საკალათბურთო აკადემიის დარბაზმა უმასპინძლა.</p><p>შეხვედრა ქუთაისელთა გამარჯვებით დასრულდა, რომელმაც მეტოქე დამაჯერებლად, 86:78 დაამარცხა. მასპინძლებმა სერიაში 2:0 იმარჯვეს და ფინალური საგზური მოიპოვეს.</p><p>მატჩის საწყისი წუთები აკადემიელთა სასარგებლოდ წარიმართა და მათივე უპირატესობით, 28:25 დასრულდა. "შსს აკადემიამ" მოპოვებული უპირატესობის შენარჩუნება მეორე პერიოდშიც მოახერხა და ტაიმში 52:47 დაწინაურდა.</p><p>ძალიან დაძაბული გამოდგა მესამე მეოთხედი, რომელიც გუნდების გარდამავალი უპირატესობით წარიმართა. აღნიშნული პერიოდის ბოლოს მინიმალური სხვაობით წინ ქუთაისელები გავიდნენ და ანგარიში თავიანთ სასარგებლოდ, 67:66 დააფიქსირეს.</p><p>გადამწყვეტ, დასკვნით პერიოდში ქუთაისის გუნდმა შეძლო თამაშზე მობილიზება და პერიოდის შუაწელში 81:74 გავიდა წინ. ამის შემდეგ შეხვედრა "იმერელთა" სასარგებლოდ წარიმართა. "შსს კადემია" მდევრის როლში აღმოჩნდა, თუმცა მეტოქესთან დაწევა ვერ შეძლო და შეხვედრა მარცხით დაასრულა.</p><p>ქუთაისელთა შემადგენლობაში 27-27 ქულა ლევან გრძელიძემ და ნოდარ გოგოძემ მიითვალეს, ხოლო "ძალოვანთა" რიგებში 25 ქულით თავი ლევან ლოლიშვილმა გამოიჩინა. ორმაგი დუბლი მიითვალა ლოლიშვილის თანაგუნდელმა შოთა გელაზონიამ, რომელმაც საკუთარ გუნდს 15 ქულა და 12 მოხსნა შესძინა.</p><p>მატჩის დასრულებისას ორივე გუნდის მწვრთნელებს, ზურაბ სამხარაძესა და ირინა მელქაძეს გავესაუბრეთ.</p><p><strong>ზურაბ სამხარაძე (შსს აკადემია</strong><strong>):</strong></p><p>- "შსს აკადემია" ახალბედა გუნდია, "ქუთაისი" კი უკვე საკმაოდ გამოცდილი და ბევრად უფრო შეთამაშებულია. ეს გუნდი ყოველთვის გამოირჩეოდა შორეული ტყორცნებით, რომლებიც დღესაც ჩინებულად გამოუვიდა და ღირსეულად გავიდა ფინალში.</p><p>რაც შეეხება ფინალურ შეხვედრას, სადაც ქუთაისისა და რუსთავის გუნდები ხვდებიან ერთმანეთს, ვთვლი, რომ ორივე გუნდს თანაბარი შანსები აქვს. კალათბურთის თამაში შემოქმედებითი პროცესია და შესაძლოა, აქ უბრალო განწყობამაც კი გადაწყვიტოს მატჩის ბედი.</p><p><strong>- როგორ შეაფასებდით მიმ</strong><strong>დინარე ასაკობრივ ჩემპიონატებს და რას ურჩევდით ახალგაზრდა მწვრთნელებს?</strong></p><p>- კალათბურთში წინსვლა აშკარად იგრძნობა, როგორც უმაღლეს ლიგაში, ასევე დუბლშემადგენლობასა და ასაკობრივ ლიგებში, მაგრამ, ვფიქრობ, უფრო მეტია საჭირო, რომ მოწინავე ქვეყნებს დავეწიოთ.</p><p>როგორც გამოცდილი მწვრთნელი, ახალგაზრდა კოლეგებს ვურჩევდი, რომ ნაკლებად იყვნენ გატაცებულნი კომბინაციებით და მეტი იმუშაონ შეტევასა და ტექნიკურ მომზადებაზე, რაც უფრო მიესადაგება ქართულ ხასიათს. თამაშის ნელი ტემპით მოწინააღმდეგეს ვერც სიურპრიზს შესთავაზებ და ვერც მწყობრიდან გამოიყვან. ამიტომ ქართველებმა სწრაფი და შემტევი კალათბურთი უნდა ითამაშონ.</p><p>სასიამოვნოა რეგიონების ჩართულობა ჩემპიონატებში. აღსანიშნავია მარნეულის გუნდი, სადაც შესანიშნავი მწვრთნელი ზაზა გაბისონია მუშაობს. მიმაჩნია, რომ პერიფერიის გუნდებმა აუცილებლად უნდა მიიღონ მონაწილეობა ასაკობრივ ჩემპიონატებში და მას უნდა განვიხილავდეთ, როგორც კალათბურთის განვითარებას სხვადასხვა რეგიონში.</p><p>უახლოეს ხანში რეგიონები აუცილებლად უნდა იყოს ათვისებული, რასაც საკალათბურთო სამყაროს მაქსიმალური ხელშეწყობა ესაჭიროება.</p><p><strong>- როგორ შეაფასებდით ახალგაზრდა თაობას, რომე</strong><strong>ლიც 18-წლამდელთა ჩემპიონატში ასპა</strong><strong>რეზობს</strong><strong>?</strong></p><p>- ახალგაზრდებმა, რაც შეიძლება, მეტი უნდა იშრომონ. კონკურენცია დიდია არა მხოლოდ ჩვენთან, არამედ ევროპაში, სადაც კალათბურთი ძალიან წინ წავიდა. მოთამაშემ მაქსიმუმი უნდა გაიღოს, რათა გარკვეულ შედეგს მიაღწიოს.</p><p>ბავშვებთან საჭიროა კვალიფიციური მიდგომა უფროსებისგან, რომლებიც მათ მისცემენ სწორ მიმართულებას და მიუთითებენ საკუთარ შეცდომებზე.</p><p>დიდი სპორტისთვის ბევრი რამ უნდა გაიღო - დრო, ხარჯები და ა.შ. დღეს დილეტანტების კალათბურთი აღარ არსებობს და დიდი შრომისა და მონდომების გარეშე ვერაფერს მიაღწევ.</p><p><strong>ირინა მელქაძე (ქუთაისი)</strong>:</p><p>- ჩვენი ბიჭები ძალიან იყვნენ მონდომებულნი. მათ თავი არ დაუზოგავთ და ბოლომდე იბრძოლეს. რა თქმა უნდა, იყო ხარვეზები და შეცდომები, მაგრამ ჩვენი გუნდი არ დაიბნა, მაქსიმალური კონცენტრაცია მოახდინა და გაიმარჯვა.</p><p>ფინალში "რუსთავს" ვეთამაშებით, რომელსაც შესანიშნავი "სნაიპერები" ჰყავს და მთლიანობაში, ძალიან შეკრული და ორგანიზებული გუნდია. ამიტომ მაქსიმალურ აქცენტს დაცვაზე გავაკეთებთ, რაზეც არაერთხელ გვაქვს ნამუშევარი. თუმცა ბოლომდე კმაყოფილები მაინც არა ვართ და, ამ მხრივ, ბევრად მეტი ორგანიზებულობა და დახვეწილობა გვმართებს.</p><p>აუცილებლად გავამახვილებთ ყურადღებას აგრეთვე ცენტრალურ თავდამსხმელებზე.</p><p>რაც შეეხება წლევანდელ სეზონს, მას ძალიან დადებითად შევაფასებდი. კალათბურთში დონე ყოველ წელს მატულობს, მაგრამ წელს განსაკუთრებით ორგანიზებული ჩემპიონატია და ხარვეზებიც მინიმუმამდე იყო დაყვანილი. კმაყოფილი ვარ წლევანდელი მსაჯობითაც.</p><p><strong>- კალათბურთზე მოთხოვნა გაიზარდა... რა სიტუაცია</strong><strong>ა ქუთაისში ამ მხრივ?</strong></p><p>- ქუთაისში აქტიურად ვმუშაობთ. მოთხოვნა მართლაც ძალიან დიდია, რაზეც დარბაზის გადატვირთული გრაფიკიც მოწმობს. დილიდან საღამომდე ვარჯიშებია და ამის გამო ორჯერადი ვარჯიშის ჩატარებას ფიზიკურად ვერ ვახერხებთ.</p><p>ქუთაისში პატარა ასაკის ბავშვებთან მაქსიმალურად ვმუშაობთ. ძირითადი აქცენტიც სწორედ მათზე გვაქვს გაკეთებული და ამის ხარჯზე ვაღწევთ შედეგს.</p><p>აღსანიშნავია ის ფაქტიც, რომ "ქუთაისი" წარმატებულად ასპარეზობს სუპერლიგაში, რაც ბავშვებისთვის დიდი სტიმული, ხოლო მშობლებისთვის დიდი ინტერესია.</p><p><strong>www.u-18.ge</strong></p>
ზურაბ საკანდილიძისა და მიხეილ ქორქიას მემორიალზე ნახევარფინალისტები დაწყვილდნენ
სუპერლიგის პირველი წრე დრამატული მატჩით დასრულდა – ორბმა რუსთავი ოვერტაიმში დაამარცხა
ვსა-მ "ქუთაისი" დაამარცხა და თსუ ერთპიროვნულად გალიდერდა | "მარგვეთმა" რუსთავში იმარჯვა
ლუის ენრიკემ "ლილთან" მატჩში შემადგენლობა დაასახელა
ზურაბ საკანდელიძის და მიხეილ ქორქიას 21-ე მემორიალური ტურნირი "ქუთაისმა" მოიგო
იჯარა გამოსყიდვის უფლებით - "რომა" შეტევის ხაზში გაძლიერდა
"როდესაც "ბარსელონას" ხვდები, ეს ძალიან რთულია" - გულიაშვილის პირველი კომენტარი "რასინგში" დებიუტის შემდეგ
მოემზადეთ საგულშემატკივროდ - გულიაშვილი "ბარსელონას" პირველივე წუთებიდან შეუტევს
ბათუმის "დინამომ" 2026 წლის სეზონისთვის მზადება დაიწყო
[VIDEO] ევროპის ჩემპიონატი. საქართველოს ნაკრებმა სლოვენია გაანადგურა და მეორე ეტაპზე გავიდა
[VIDEO] ნიკა ეგაძე ევროპის ჩემპიონატზე მოკლე პროგრამის შემდეგ პირველ ადგილზეა
"აიაქსმა" იბრაჰიმოვიჩის შვილი ინათხოვრა
20 წ. | ა ჯგუფში სამხრეთ აფრიკასთან, უელსთან და ურუგვაისთან
"ნოტინგემს ფორესტს" ზინჩენკოს იჯარის ვადაზე შეწყვეტა სურს
"უკვე ჩემპიონთა ლიგისა და ლა ლიგის მოგებაზე ვფიქრობთ" - არბელოა "ალბასეტესთან" მატჩის შემდეგ
"ჩემპიონთა ლიგას ვერ მოიგებენ" - ტონი კროოსმა "ბარსელონაზე" ისაუბრა
პსჟ სოლიდური მეტოქით - მარცხის შემდეგ და ლიგის წინ
პარატიჩი კვლავ სამშობლოში - საფეხბურთო ფუნქციონერი იტალიაში დაბრუნდა
ოფიციალურად: კონორ გალაჰერი ინგლისის პრემიერ ლიგას დაუბრუნდა
[VIDEO] სენსაციათა სენსაცია - "რეალი" თასიდან სეგუნდას მეჩვიდმეტეადგილოსანმა გამოაგდო
"ინტერმა" მოიგო და ლიდერობა განიმტკიცა
ფუტსალის ნაკრები ევროპის ჩემპიონატისთვის 18 ფეხბურთელით ემზადება
დასჯილი კონტე და "ნაპოლის" ზედიზედ მესამე ფრე