- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლადო ხინჩეგაშვილი: ლონდონში მხოლოდ მედლისთვის მივდივარ
<p>ბულგარეთში წარმატებული გამოსვლის შემდეგ ქართველი მოჭიდავე ლონდონის ოლიმპიურ თამაშებზე საუბრობს <br> ამას წინათ სოფიაში გამართულ სალიცენზიო ტურნირზე ლადო ხინჩეგშვილმა (55 კგ) გაიმარჯვა და ლონდონის ოლიმპიადის საგზური მოიპოვა.</p><p>მოჭიდავეებს ლონდონის საგზურები პირველად შარშან შემოდგომით მსოფლიოს ჩემპიონატზე დაურიგდათ სტამბულში.</p><p>ხინჩეგაშვილს სპეციალისტთა მოსაზრებით იქვე შეეძლო მისი მოპოვება, თუმცა არაობიექტური მსაჯობის მსხვერპლი გახდა.</p><p>ბულგარეთში მომდევნო შანსი ლადომ ბრწყინვალედ გამოიყენა და მშვიდად გადაერთო საოლიმპიადე სამზადისზე. გორში მას სწორედ ვარჯიშზე ვესაუბრეთ..</p><p><strong>- ლადო, გჯეროდა, რომ სოფიაში ლიცენზიას მოიპოვებდი?</strong></p><p>- მჯეროდა, რათა მომდევნო სალიცენზიო ტურნირებისთვის თავი აღარ დამეტანჯა წონის კლებით.</p><p><strong>- ბევრს იკლებ შეჯიბრების წინ?</p><p></strong>- 5-6 კილოს მაინც. ვერ ვიტყვი, რომ ძალიან მიჭირს, მაგრამ არც იოლია.</p><p><strong>- სოფიაში სატურნირო ბადით კმაყოფილი დარჩი?</p><p></strong>- შედარებით იოლ ჯგუფში მოვხვდი. კენჭისყრამდე მთავარ კონკურენტებად აზერბაიჯანელი მაჰმუდ მაგომედოვი და ბელორუსი ვლადისლაუ ანდრეიუ მიმაჩნდა, მაგრამ ისინი სატურნირო ბადის მეორე მხარეს მოხვდნენ და პირველივე შეხვედრაში ერთმანეთს გადაეყარნენ. მაგომედოვმა იმარჯვა, თუმცა მომდევნო ეტაპზევე რუმინელ დუკოვთან წააგო და ტურნირს გამოეთიშა.</p><p><strong>- არც შენი უშუალო მოწინააღმდეგეები მიიჩნეოდნენ "საჩუქრად".</strong></p><p>- ეს განსაკუთრებით გერმანელი მარსელ ევალდიზე ითქმის, რომელიც ევროპის ორგზის პრიზიორია. ფინალში გასვლა უკვე ლიცენზიის მოპოვების ტოლფასი იყო და ევალდიც სწორედ ფინალში გადასასვლელში დამიპირისპირდა. ჯამში 10:0 მოვუგე, მეტს არაფერს ვიტყვი.</p><p><strong>- ახალგაზრდებს შორის მსოფლიოს ჩემპიონატის სკანდალური ფინალის შემდეგ ფინალში ახლაც თურქ აჰმედ პეკერს გადაეყარე...</strong></p><p>- ჩვენ უკვე მეხუთედ შევხვდით ერთმანეთს. მე მესამედ ვაჯობე. მაშინდელი ფინალის გულისტკენა კი დიდხანს გამყვა, მაგრამ უფრო მსაჯებისგან, პეკერის ნაკლები ბრალი იყო. მოგება აჩუქეს და შეირგო.</p><p><strong>- რა შეიცვალა თურქის ჭიდაობაში?</strong></p><p>- ადრე უფრო აქტიური იყო. ახლა უფრო ფრთხილობს ხოლმე და ე.წ. პირველ ნომრად მე ვჭიდაობ. ბულგარეთშიც ასე მოხდა. თან ადრინდელთან შედარებით ფიზიკურად თითქოს უფრო მეტად ვჯობნი. საბოლოოდ პეკერს 2:0, 1:0 ვძლიე.</p><p><strong>- არაობიექტურობის შემთხვევაშიც კი მსაჯობაზე ლაპარაკი არ გახასიათებს, მაგრამ ხომ მათი "დამსახურებითაა", რომ ლიცენზია აქამდე არ გქონდა.</strong></p><p>- როცა შეჯიბრება ჩავლილია წუწუნსაც აზრი ეკარგება და ამიტომ აღარ ვამახვილებ ხოლმე ყურადღებას არბიტრების შეცდომებზე. თუნდაც ისეთზეც, რაც შემოდგომით, სტამბოლის მსოფლიოს ჩემპიონატზე მოხდა.</p><p>იქ ყველაზე მეტი გულისტკენა ვიგრძენი, დავკარგე ლიცენზია და მჯერა, რომ მედალიც. მაგრამ ასეთ დონის ჩემპიონატს პირველად ვჭიდაობდი და გამოუცდელობაც იყო მიზეზი. მსაჯის არაობიექტურობამ ზედმეტად გამტეხა. ფსიქოლოგიურად სულ მოვიშალე და მომდევნო შეხვედრაში ჩემს თავს არ ვგავდი.</p><p><strong>- საერთოდ, შემტევ სტილს ანიჭებ უპირატესობას...</p><p></strong>- უმეტესწილად ასეა. ხშირად თავად მეტოქეთა ასპარეზობაც მკარნახობს ამას. მე ვერ დაველოდები მოწინააღმდეგე როდის გააქტიურდება და ვერც იმის იმედად ვიქნები, რომ ყაიმით დასრულებული პერიოდის დროს ბურთულა მაინც და მაინც ჩემს სასარგებლოდ დაჯდება. თუმცა არის შეხვედრები, როდესაც მეტოქის მოქმედებას ელოდები. ასეთებთან შეიძლება ერთმა შეცდომამ გამოუსწორებელი შედეგი მოიტანოს.</p><p><strong>- ამ ეტაპზე ვისი ულიცენზიოდ დარჩენაა შენს წონაში მოულოდნელი?</p><p></strong>- აზერბაიჯანს და ბელარუსს რომ არაა აქვთ ლიცენზია, ესაა გასაკვირი, მაგრამ მოგეხსენებათ ტაიუანსა (ჩინეთი) და ჰელსინკში (ფინეთში) კიდევ ხუთი ლიცენზია უნდა გათამაშდეს და მგონია, რომ ისინი შეძლებენ ამას. ანგარიშგასაწევია აზიის რამდენიმე ქვეყნის წარმომადგენლების ძალაც, ისინი სალიცენზიოზეც ბევრ ფავორიტს მოუშლიან ნერვებს და ოლიმპიადაზეც.</p><p><strong>- წლეულს მხოლოდ კიევის და სოფის ტურნირებზე გამოხვედი და ორივეგან გამარჯვე. ოლიმპიადამდე თუ აპირებ სადმე ჭიდაობას?</p><p></strong>- 10 მაისს მსოფლიო თასია ბაქოში. მწვრთნელებმა მკითხეს ვიჭიდავებდი, თუ არა, მაგრამ ამ ეტაპზე წონის კლების საჭიროების გამო თავი შევიკავე. დროის ასე მოკლე მონაკვეთში მეორედ წონის დაკლება ორგანიზმს ავნებს. უმჯობესია ოლიმპიადისთვის რაიმე გართულებებს მოვერიდო.</p><p><strong>- ლონდონში რას გეგმავ?</p><p></strong>- მხოლოდ მონაწილეობის მისაღებად ნამდვილად არ მივდივარ. არც იმით ვიმშვიდებ თავს, რომ ჯერ 21 წლის ვარ და მომავალში კიდევ მექნება ოლიმპიადაზე გამოსვლის შანსი. იმედი მაქვს შინ ხელცარიელი არ დავბრუნდები. ისე კი, წარმომიდგენია რა ბედნიერი ვიქნებოდი ოლიმპიადაზე რომ მამას ვენახე! ჯერ კიდევ მაშინაც როგორ გავახარებდი ახალგაზრდულ ნაკრებში მისი მიღწევების გამეორება რომ ენახა...</p><p><strong>- ლონდონში მთავარ კონკურენტებად ვის მიიჩნევ?</p><p></strong>- ოლიმპიადაზე სულ გამორჩეული სპორტსმენები მიდიან, შესაბამისად ყველასთან ყურადღებით ასპარეზობაა საჭირო. სავარაუდოდ ყველაზე ძლიერ კონკურენატად კი რუსი ვიქტორ ლებედევი და ბულგარელი რადოსლავ ველიკოვი მიმაჩნია. ანგარიშგასაწევი ძალაა მსოფლიოს მესამე პრიზორი და აზიის მოქმედი ჩემპიონი, ირანელი ჰასან რაჰიმიც.</p><p><strong>- მეტოქეთა ვიდეოჩანაწერების ნახვის საშუალება თუ გეძლევა?</p><p></strong>- ძალიან ხშირად არა, მაგრამ, როცა ამის საშუალებაა, ვარჩევ მოწინააღმდეგის ტაქტიკას და მის შესაძლებლობებს ჩემ მწვრთნელთან ერთად. ჭიდაობასა და ზოგადად სპორტში მიმდინარე მოვლენების გასაცნობად პრესას და სპორტულ ტელეარხებს არცთუ მცირე დროს ვუთმობ. მოკლედ, როგორც იტყვიან, სპორტული ცხოვრებით ვცხოვრობ.</p><p><strong>- თავისუფალ დროს სხვა სპორტის სახეობებით არ ხარ დაკავებული?</p><p></strong>- ძალიან მიყვარს ფეხბურთი, თამაშიც და გულშემატკივრობაც! მიყვარს კრივის, კალათბურთის ყურება. მაიკლ ჯორდანი კი ყველა სპორტსმენისთვის მისაბაძი მაგალითი მგონია. ხოლო ჭიდაობაში ჩემი კერპი ბუვაისა საიტიევია. პირადადაც ვიცნობ მას და საოცრად ძლიერ მოჭიდავედაც მიმაჩნია!</p><p><em>"ლონდონში მხოლოდ მედლისთვის მივდივარ" (იბეჭდება მცირე ცვლილებით)</p><p></em><strong>ყოველდღიური სპორტული გაზეთი "ლელო"</strong></p>
-
Tinatin
ძალიან ჭკვიანი, მიზანდასახული, წარმატებული და მართლაც კარგი პიროვნება.
-
Tamari
ლადო კარგი სპორტსმენიც არის და კარგი პიროვნებაც. წარმატებებს ვუსურვებ
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
საქართველო - მოლდოვა | ქალთა ნაკრებმა მატჩისწინა ვარჯიში გამართა
მესიმ "ინტერ მაიამისთან" კონტრაქტი გაახანგრძლივა
"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა
2 წელზე მეტი გავიდა - პოგბა მოედანზე დაბრუნებასთან ახლოსაა
მძიმე ტრავმის შემდეგ ჯამალ მუსიალამ ვარჯიში დაიწყო
ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა
საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს
ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა
[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"
ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს
[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე
[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა
"ბარსელონამ" შეიძლება ტერ შტეგენი სხვა კლუბში გაუშვას
"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს
ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს
"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა
გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა
ოსიმენის დუბლი - "გალათასარაიმ" და "ატლეტიკმა" გაიმარჯვეს
მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა
თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა