- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ბუნდესლიგა. XXXIV ტურის წინ: ლევან კობიაშვილი ზე რობერტოს დაეწევა!
<p>...და თუ ბერლინის "ჰერტა" გადარჩა, მომავალ სეზონში ქართველი რეკორდს გააუმჯობესებს <br> ყველაფერს აქვს დასაწყისი და დასასრული - გერმანიის 2011/2012 წლების ჩემპიონატი 5 მაისს, 34 ტურით მთავრდება.</p><p>ამ სეზონის სატურნირო ცხრილმა უკანასკნელი დღისთვის მხოლოდ ორი ინტრიგა დაგვიტოვა: მეშვიდე, ევროპალიგაში გამსვლელი ადგილის დაკავების თეორიული შანსი ოთხ გუნდს აქვს, პრაქტიკული კი მხოლოდ ორს - "ჰანოვერს", რომელიც ახლა სწორედ მეშვიდე ადგილზეა და "კაიზერსლაუტერნს" მასპინძლობს და "ვოლფსბურგს", რომელიც შტუტგარტში ჩადის.</p><p>ტურის უმთავრესი მოვლენა კი გადარჩენისთვის ბრძოლაა - მე-16 ადგილისთვის ორი გუნდი იბრძვის: "კიოლნი" ("ბაიერნს" მასპინძლობს) და ლევან კობიაშვილის "ჰერტა" ("ჰოფენჰაიმს" მიიღებს).</p><p>აღსანიშნავია ისიც, რომ დაძაბულია ბომბარდირობისთვის ბრძოლაც - შალკელ კლაას-იან ჰუნტელაარს 27 გოლი აქვს გატანილი, ბაიერნელ მარიო გომესს კი - 26.</p><p>და კიდევ: დორტმუნდის "ბორუსიას" "ფრაიბურგთან" ამ კონკრეტული მატჩის მოგებით ისტორიაში შესვლის შანსი აქვს.</p><p><span style="color: #ff0000;"><strong>ჰერტას მხოლოდ სამი ქულა უნდა</strong></span></p><p>ტურის მთავარი კითხვა კი, როგორც უკვე ვთქვით, ასე ჟღერს: ვინ გავარდება "კაიზერსლაუტერნთან" ერთად და ვის მოუწევს მეორე ბუნდესლიგის მესამეადგილოსანთან ორრაუნდიანი დუელი.</p><p>ამ კითხვას პირველ რიგში "კიოლნისა" და "ბაიერნის" დაპირისპირება უპასუხებს - თუ "თხებმა" რეკორდმაისტერი დაამარცხეს, მე-16 ადგილს გაინაღდებენ, მაგრამ თუ ლუკას პოდოლსკი და კომპანია "ბაიერნთან" სამ ქულას ვერ აიღებენ, "ჰერტას" მიეცემა გადარჩენის შანსი.</p><p>ასეთ შემთხვევაში, ბერლინელებს სასურველი ადგილის დასაკავებლად "ჰოფენჰაიმის" დამარცხება დასჭირდებათ.</p><p>თამამად ვიტყვით: კობიაშვილის გუნდი ძალიან მძიმე მდგომარეობაშია. ბერლინელებმა ბოლო ორი მატჩი სამარცხვინოდ ჩაატარეს (1:2 ბოლოადგილოსან "კაიზერსლაუტერნთან" და 0:4 გელზენკირხენში) და საკუთარ მოედანზე გამართულ შეხვედრებში საშინელი ბალანსი (3/3/10) აქვთ.</p><p>ამ ყველაფერს ისიც დაემატა, რომ კვირის დასაწყისში მთავარმა მწვრთნელმა ოტო რეჰაგელმა თუნაი თორუნი გუნდიდან ყოველგვარი ახსნა-განმარტების გარეშე მოკვეთა, "ჰოფენჰაიმის" დამრიგებელი მარკუს ბაბელი კი "ჰერტას" ემუქრება - ბერლინიდან ისეთი შეურაცხყოფილი წამოვედი, რომ ყველაფერს გავაკეთებ, "ჰერტა" ისევ მეორე ბუნდესლიგაში რომ დაქვეითდესო.</p><p>რაც შეეხება საკადრო საკითხებს: რეჰაგელს დისკვალიფიკაციამოხდილი ფეხბურთელები, ნიმაიერი და კობიაშვილი უბრუნდებიან, კრისიან ლელის თამაში კი უდიდესი კითხვის ნიშნის ქვეშაა. რომ არა ეს დისკვალიფიკაცია, კობი უკვე ბუნდესლიგის ლეგიონერთა რეკორდსმენი იქნებოდა, მაგრამ 31-ე ტურში მიღებულმა წითელმა ბარათმა ამის შანსი არ დაუტოვა.</p><p>5 მაისს ლევანი აუცილებლად ითამაშებს და ეს მისი 336-ე მატჩი იქნება პირველ ბუნდესლიგაში, რითაც ბრაზილიელი ზე რობერტოს რეკორდს გაიმეორებს. თუ "ჰერტა" გადარჩება, ლევანს მომავალ სეზონში ამ რეკორდის მნიშვნელოვნად გაუმჯობესების შანსი მიეცემა...</p><p>კობიაშვილმა მატჩის წინ გულშემატკივრებს ღია წერილით მიმართა <span style="color: #0000ff;"><strong>(<a href="/fexburti/uckhouri-fekhburthi/germania/31884-levan-kobiashvilis-ghia-tserili-berlinis-qhertasq-fanebs.html" target="_blank">იხილეთ ვრცლად</a>)</strong></span>.</p><p><span style="color: #ff0000;"><strong>შეუძლია კიოლნს უმოტივაციო ბაიერნის დამარცხება?</strong></span></p><p>მიუხედავად იმისა, რომ "ბაიერნის" მთავარი მწვრთნელი იუპ ჰაინკესი ძირითადი შემადგენლობის არაერთ ფეხბურთელს დაასვენებს (რეკორდმაისტერს ხომ გერმანიის თასისა და ჩემპიონთა ლიგის ფინალები ელის), "კიოლნი" მაინც ურთულესი ამოცანის წინაშე დგას.</p><p>ვითარებას ამძიმებს ის ფაქტიც, რომ "თხების" ლიდერ ლუკას პოდოლსკის თამაში კითხვის ნიშნის ქვეშაა. არადა, პოლდი (თუ ითამაშა) "კიოლნის" ფორმას უკანასკნელად მოირგებს - როგორც იცით, ლუკასი ლონდონის "არსენალში" გადადის.</p><p>აქვე კიდევ ერთხელ გავუსვათ ხაზი იმასაც, რომ "ჰერტას" გამარჯვების შემთხვევაში "კიოლნს" "ბაიერნთან" ფრე არ ჰყოფნის, რადგან "თხებს" ბერლინელებზე უარესი ბურთების სხვაობა აქვთ.</p><p><span style="color: #ff0000;"><strong>დაამყარებს დორტმუნდი მორიგ რეკორდს?</strong></span></p><p>ქვესკნელიდან ცხრილის მწვერვალზე გადავინაცვლოთ: დორტმუნდის "ბორუსია" ჩემპიონია, მაგრამ "ფრაიბურგის" დამარცხების შემთხვევაში დორტმუნდელებს კიდევ ერთი ბწრყინვალე მიღწევით შეუძლიათ ისტორიის შექმნა.</p><p>მოგება "ბორუსიას" სეზონს 81 ქულით დაამთავრებინებს, რითაც იურგენ კლოპის გუნდი ყველა დროის ყველაზე უხვქულიანი ჩემპიონი გახდება.</p><p>ამასთან, დორტმუნდელები უკვე არიან ყველა დროის ყველაზე უხვქულიანი ჩემპიონები გასვლით მატჩებში აღებული ქულების მიხედვით.</p><p>გარდა ამისა, 5 მაისს დორტმუნდის პუბლიკა ლუკას ბარიოსს (ჩინეთში მიდის) დაემშვიდობება და დიდი შანსია, რომ ეს მატჩი "ბორუსიას" რიგებში უკანასკნელი იყოს შინჯი კაგავასთვისაც, რომელიც კარიერას სავარაუდოდ ინგლისში, კერძოდ "მანჩესტერ იუნაიტედში" გააგრძელებს.</p><p>თუმცა "ბორუსიას" "ფრაიბურგთან" იოლი გასეირნება ნამდვილად არ ელის, რადგან ბრაისგაუელები ძალიან კარგ ფორმაში არიან (მეორე წრეში 27 ქულა აიღეს) და წინა ტურში "კიოლნი" 4:1 გაანადგურეს.</p><p><span style="color: #ff0000;"><strong>ბრძოლა ევროპალიგის საგზურისთვის</strong></span></p><p>"ლევერკუზენს" და "შტუტგარტს" ევროპალიგაში თამაში გარანტირებული აქვთ, თუმცა შვაბებს ჯერ კიდევ შეუძლიათ "ფარმაცევტებისთვის" მეხუთე ადგილის ჩამორთმევა, რაც ამ დუელში გამარჯვებულს პირდაპირ ევროპალიგის ჯგფურ ეტაპზე მოახვედრებს.</p><p>"ბაიერი" "ნიურნბერგს" სტუმრობს, "შტუტგარტი" კი "ვოლფსბურგს" მასპინძლობს. ევროპალიგაში მოხვედრა ამ გუნდებსაც შეუძლიათ, თუმცა "ნიურნბერგის" შანსი ძალიან მცირეა, "ვოლფსბურგისა" კი - გაცილებით რეალური. თუ "მგლები" შტუტგარტში მოიგებენ, მეშვიდეადგილოსან "ჰანოვერს" ამ პოზიციის შესანარჩუნებლად, "კაიზერსლაუტერნთან" მხოლოდ სამი ქულა დასჭირდება.</p><p>ერთი სიტყვით, "ჰანოვერის" ბედი "ჰანოვერის" ხელშია - თუ მირკო სლომკას გუნდი აუტსაიდერს მოუგებს, მეშვიდე ადგილს დაიკავებს და ევროპალიგის ბოლო საგზურსაც (ზედიზედ მეორედ) მოიპოვებს.</p><p><span style="color: #ff0000;"><strong>ჰუნტელაარი თუ გომესი?</strong></span></p><p>თუ "ჰანოვერიც" დამარცხდა და "ვოლფსბურგიც" (რაც ძალიან არარეალურია), მეშვიდე ადგილზე გასვლის შანსი "ვერდერსაც" ექნება - ბრემენელები "ჰანოვერს" სამი ქულით ჩამორჩებიან. მაგრამ "ვერდერი" საშინელ ფორმაშია და საკითხავია, შეუძლია კი ამ გუნდს ევროპაში გერმანული საკლუბო ფეხბურთის იმიჯის ტვირთის ღირსეულად ზიდვა?</p><p>ვიზეს (ჰოფენჰაიმში), როზენბერგის (მიზანი უცნობია) და მარინის (ჩელსიში) წასვლა გადაწყვეტილია, ბრემენულ კლუბს სავარაუდოდ სილვესტრი, ბოროვსკი, ბიონიში და პისაროც დატოვებენ - როგორც ხედავთ, "ვერდერში" დიდი წმენდაა.</p><p>"შალკეს" კი ასეთი პრობლემები არ აწუხებს - გელზენკირხენელებმა მესამე ადგილი და ჩემპიონთა ლიგაში თამაში უკვე გაინაღდეს. შესაბამისად, გელზენკირხენული კლუბის ერთდაერთი მოტივაცია ჰუნტელაარის ბომბარდირობაა - ჰოლანდიელი პირველ ადგილზეა (27 გოლი) და ბაიერნელ გომესს (26) ერთი გოლით უსწრებს.</p><p>"აუგსბურგი"-"ჰამბურგი" და "მაინცი"-"გლადბახი" აბსოლუტურად უმოტივაციო შეხვედრებია.</p><p><span style="color: #ff0000;"><strong>გერმანია. ბუნდესლიგა. XXXIV ტური</strong></span></p><p><em>5 მაისი</em></p><p><em><strong>ნიურნბერგი-ლევერკუზენი 17:30</strong></em></p><p>პირველ წრეში: 3:0</p><p>დისკვალიფიკაცია: ჩენდლერი (ნიურნბერგი)</p><p>ტრავმა: ჰლუშეკი, მენდლერი - კადლეცი, შვააბი, რენატო, სემი</p><p><em><strong>კიოლნი-ბაიერნი 17:30</strong></em></p><p>პირველ წრეში: 0:3</p><p>დისკვალიფიკაცია: არავინ</p><p>ტრავმა: ანდრეზინიო, სერენო, ჩიჰი, უთი - ბრენო, ვან ბუიტენი</p><p><em><strong>ვერდერი-შალკე 17:30</strong></em></p><p>პირველ წრეში: 0:5</p><p>დისკვალიფიკაცია: არავინ</p><p>ტრავმა: ბარგფრედე, ექიჩი, იგნიოვსკი, კროოსი, მარინი, არნაუტოვიჩი - ფერმანი, ჰილდებრანდი, მეტცელდერი, პაპადოპულოსი, სარპეი, ობასი</p><p><em><strong>აუგსბურგი-ჰამბურგი 17:30</strong></em></p><p>პირველ წრეში: 1:1</p><p>დისკვალიფიკაცია: არავინ</p><p>ტრავმა: დე იონგი, ბა, გოგია - დრობნი, რაიკოვიჩი, ილიჩევიჩი, კაჩარი</p><p><em><strong>ბორუსია (დ)-ფრაიბურგი 17:30</strong></em></p><p>პირველ წრეში: 4:1</p><p>დისკვალიფიკაცია: არავინ</p><p>ტრავმა: კოხი, ოვომოიელა - შუსტერი</p><p><em><strong>ჰანოვერი-კაიზერსლაუტერნი 17:30</strong></em></p><p>პირველ წრეში: 1:1</p><p>დისკვალიფიკაცია: არავინ</p><p>ტრავმა: პანდერი, მ. დიუფი - როდნი, შიმუნეკი, იორგენსენი, კუემაა</p><p><em><strong>ჰერტა-ჰოფენჰაიმი 17:30</strong></em></p><p>პირველ წრეში: 1:1</p><p>დისკვალიფიკაცია: არავინ</p><p>ტრავმა: ფრანცი, მიატოვიჩი, ნოიმანი, ლუსტენბერგერი, დიურიჩინი - იაისლე, რობერტო ფირმინიო, ვაისი, ვილიამსი</p><p><em><strong>შტუტგარტი-ვოლფსბურგი 17:30</strong></em></p><p>პირველ წრეში: 0:1</p><p>დისკვალიფიკაცია: ნიდერმაიერი (შტუტგარტი)</p><p>ტრავმა: ტასკი, აუდელი - ფელიპე ლოპესი, დეჟაგა, ჰიტცლშპერგერი, ოროსკო</p><p><em><strong>მაინცი-ბორუსია (მ) 17:30</strong></em></p><p>პირველ წრეში: 0:1</p><p>დისკვალიფიკაცია: არავინ</p><p>ტრავმა: სვენსონი, ზაბავნიკი, რისსე, ზიდანი - მარქსი, ნორდტვეიტი</p><p><span style="color: #ff0000;"><strong>სატურნირო ცხრილი</strong></span></p><p><em>ა გ თ მ ფ წ ბ ქ</em></p><p>1. ბორუსია (დ) 33 24 6 3 76-25 78</p><p>2. ბაიერნი 33 22 4 7 73-21 70</p><p>3. შალკე 33 19 4 10 71-42 61</p><p>4. ბორუსია (მ) 33 16 9 8 46-24 57</p><p>5. ლევერკუზენი 33 14 9 10 48-43 51</p><p>6. შტუტგარტი 33 14 8 11 60-44 50</p><p>7. ჰანოვერი 33 11 12 10 39-44 45</p><p>8. ვოლფსბურგი 33 13 5 15 45-57 44</p><p>9. ვერდერი 33 11 9 13 47-55 42</p><p>10. ნიურნბერგი 33 12 6 15 37-45 42</p><p>11. ჰოფენჰაიმი 33 10 11 12 40-44 41</p><p>12. ფრაიბურგი 33 10 10 13 45-57 40</p><p>13. მაინცი 33 9 12 12 47-48 39</p><p>14. ჰამბურგი 33 8 12 13 35-56 36</p><p>15. აუგსბურგი 33 7 14 12 35-49 35</p><p>16. კიოლნი 33 8 6 19 38-71 30</p><p>17. ჰერტა 33 6 10 17 35-63 28</p><p>18. კაიზერსლაუტერნი 33 4 11 18 23-52 23</p><p><strong>ბომბარდირები</strong></p><p>27 - ჰუნტელაარი (შალკე); 26 - გომესი (ბაიერნი); 20 - ლევანდოვსკი (ბორუსია /დ/); 18 - პოდოლსკი (კიოლნი); 17 - ჰარნიკი (შტუტგარტი).</p><p><strong>ყოველდღიური სპორტული გაზეთი "ლელო"</strong></p>
ზივზივაძის "ჰაიდენჰაიმს" ახალი მეკარე ჰყავს
ლუის დიასი მიუნხენში ჩაფრინდა და დღეს "ბაიერნის" ფეხბურთელი ოფიციალურად გახდება
ჰამანმა "ბაიერნს" დონარუმას უფასოდ ხელში ჩაგდება ურჩია
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია